THEU NAI 19
19
Sinai mawi y Israela chengchi tym u nai
1-2Israela chengchi ly Aikupta pri dengdairei theu u nai bo, pa-thom lo, angchei kani y Sinai daichi ka-vym y tym u bo. Nichi ly Rephidim meingtym i nai theu bi i, Sinai daichi ka-vym y tym u nai Sinai mawi kheutang y tai u bo. 3Naibaly Mosi ly Tameuh hawi avum ai nai Sinai Mawi salo y lyn kalau jo.
Areng my Mosi ai mawi salo y palau i, Jakob i kangpreang Israela chengchi teng y thui hai nai ly: 4“Kai ly Aikupta chengchi ai ati mana pajeng mo, nanai py, ahmtlau my chochi ai pakhi hawi akheang hai nai kamta, kaimy nangchi chymme naimy kang pahawi nai sai py nangchi niu bo. 5Vai nangchi ly kai i leu tangai iy kai i Leu Maikawmchi patawm baly nangchi ly kai i khumichi lawm u ai. Khaileaung bomverei ly kai i ne; na i py nangchi ly kaimy vawi takhra nai kai i khumichi lawm ai.#Leu 4.20, 7.6, 14.2, 26.18; Tit 2.14 6Nangchi ly kai i vui khai takhra nai khumi cheng, kai i kalop sa pi ai nai pathyp pi nai keungchi lawm u ai, nanai Israela chengchi teng y thui pi,” napi. #1 Pet 2.9; Amt 1.6, 5.10 7Hunaibaly Mosi ly mawi i nai satla kathiu teang i, lu sa nai miteaung kehchi ai palau achu iy, Areng my leu pei naichi nichi teng y amti pi teang bo. 8Naibaly khumi mipuichi my vanrei pathang krup i, “Kaichi ly Areng i leu pei nai ngiereichi kasa u ai mang,” napi. Mosi my py mipuichi i pathang nai ai Areng teng y amti pi teang nai ne.
9 Areng my Mosi teng y, “Ani i leu arum nai ly khumichi thai u iy, vai i dengdairei nang ai ym u ai nai kaimy tamai angjawi mang nang teng y kang satla kathiu ai,” napi.
Mosi ly Areng teng y mipuichi i pathang nai leu amti pi bo. 10Areng my Mosi teng y, “Khumi mipuichi teng y Areng ai chiu ai nai molam angveirym ai nai vaini hawi khawndam ly amymy ai apalum apachai ai nai thui pi. Nichi ly mymychi i ateaungchi pasiu iy, 11Pa-thom kani y ly chiu sa ai nai angvei u rym ai nai tla. Huni kani khumi bawibawichi i mo y kai Areng ly Sinai mawi y kang satla kathiu ai. 12Nang ly Sinai mawi ka-ki khumichi takan vui y ai nai jyh ka-ma-ra so ly nichi ai mawi salo y lyn y ai nai hawi, mawi sahawi y ahai y ai nai leu pei; amimi py mawi y kheu chiu lawh baly padei vui ai nai tla; #Heb 12.18–20 13huni khumi ai ly ami py kiu abi dei y naimy lengseaung hawi mo, thailiho hawi mo, padei ai nai tla. Hini leu pei nai tangai y lawh baly khumi py ne sy, tawnbawi py ne sy padei ai nai tla. Na i py baw eng nai katyn thai baly khumi mipuichi ly mawi y lyn u kalau ai nai tla,” napi.
14Naibaly Mosi ly mawi i nai satla kathiu iy khumichi teng y Areng ai chiu ai nai angveirym hai bo. Naibaly nichi ly ateaungchi pasiu u nai ne. 15Mosi ly nichi teng y, “Pa-thom kani y ly angvei u rym; huni thym y ly aju teng y i y naimy kaja so u, nanai thui pi bo.
16Kani pa-thom khawn ly kani pajyh iy amlosadi py theu hai i, mawi salo y tamai beu hai cheng bo; naibaly baw eng nai katyn pajeng parai nai thai; huna nai khala tai theung i khumi bawibawichi ly jei nai kaso theu u bo. #Amt 4.5 #Leu 4.11–12 17Mosi ly tai theung y awm nai mipuichi ai Tameuh hawi avum ai nai pahawi i, nichi ly mawi kheutang y angdo u bo. 18Areng ly mawi salo y mai kangveaung kamta satla kathiu nai deaungkho y Sinai mawi verei ly mai khyh my khiu cheng bo. Tamang mai khyh kamta mai khyh ly khyh kalau iy khumichi ly kaso theu u tliu na bo. 19Baw katyn py pajeng ryh pajeng ryh bo. Mosi my thui baly Tameuh my kani pajyh nai kamrawi y pathang pi nai ne. 20Areng ly Sinai Mawi saleung y satla kathiu i, Mosi ai mawi salo y palau baly ni ly mawi y lyn kalau jo bo. 21Naibaly Areng my Mosi teng y, “Nang ly mawi anui y satlo kathiu ly khumichi my kai ai avum ai nai ang jeu nai khala, jyh ka-ma-ra kan y ai nai thui pi; kan u lawh baly khumi neangneang dei ai. 22Kai sahawi y ahai nai pathyp pi nai keungchi malawn py, mymychi ai apalum apachai u ai nai tla, ti y baly kai ly nichi ai pajeng ai,” napi.
23Huna nai khala Mosi my ly Areng teng y, “Khumi mipuichi ly lyn kalau y leang; ati mana nai mo na baly nangmy mawi kachai palawn ai nai leu pei iy, mawi ka-ki jyh ka-ma-ra sa pi khyp nai deaungkho y ne,” napi.
24 Areng my, “Nang ly mawi i nai satlo kathiu ly Aron ai hawi kalau; pathyp pi nai keungchi hawi mipuichi ly kai teng y jeu ai nai, jyh ka-ma-ra khai nai kan hai moh; jyh ka-ma-ra kan lawh baly nichi ai kapajeng ai,” napi. 25Hunaibaly Mosi ly mawi anui y satla kathiu iy, Areng my leu pei nai ly khumichi teng y thui pi bo.
Currently Selected:
THEU NAI 19: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
