THEU NAI 5
5
Mosi ni Aron Aikupta samrang teng y Chei nai
1Huni bo y Mosi hawi Aron nini ly Aikupta samrang teng y chei hawi i ni teng y, “Israelachi ai Areng Tameuh my, ‘Israela chengchi ly daichi ka-vym y Tameuh teng apathyp nai pawi sa ai nai molam, nichi ai chei ai nai pei,’ ang napi,” napi.
2Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.
3Naibaly Mosi hawi Aron nini my, “Hebrai chengchi i Tameuh ai kaini ly niu nai ne. Kaichi i Areng Tameuh teng y apathyp ai nai kani thomrei ka-teng daichi ka-vym y chei ai nai pei tanga kyh; kaichi ly huna nai so y baly tavai keung y mo, no kanghawi y mo, kaichi ai ang padei ai,” napi.
4Huna nai khala samrang my Mosi nini Aron teng y, “Hini khumichi ai ati mana nai kalop pathlang hai ryry ai mo? Huni miseaungchi ai kalop phai so hai teang! 5Nangchi cheng ly Aikupta chengchi tleaung y nawi keh bo. Vai nangni ly nichi ai kalop anawn hai ai nai tau hawi lawh ly!” napi.
6Huni kani y my Pharao samrang ly Aikupta cheng kalop pacheang nai keungchi hawi Israela cheng kalop lu sa nai keungchi teng y, 7“Vai i dengdairei Israela chengchi ai iukhi paawp ai nai chohphi pei u moh; mychi hau iy tawn u ryp sy. 8Na i py angchei i iukhi sa nai jirei so u jojo sy; ati mo i py iukhi vuikanai jaw moh sy, nichi ly kalop pathlang u nai teu. Hunai deaungkho y nichi ly ‘Kaichi i Tameuh teng y apathyp ai nai pei!,’ nanai hnei u nai ne. 9Nichi ai kalop sa nai tleaung y so hai ra, den py anawn hai u moh. Huna khala naini nichi ly li-tapawp nai leu tangai ai nai rai y ai i, kalop phra ai ny y,” napi.
10Naibaly kalop pacheang nai keungchi hawi Israela cheng kalop lu sa nai keungchi ly Israela chengchi teng y chei u i, “Samrang my, ‘Kai ly nangchi ai chohphi kang pei y leang bo. 11Nangmychi naimy chohphi nga thaira y hau u ryp, na i py iukhi ly angchei i sa nai jirei sa u jojo ai nai tla,’ nanai leu ang pei,” nanai amti pi bo. 12Hunaibaly Israela chengchi ly Aikupta pri verei y chohphi hau u nai ne. 13Naibaly kalop pacheang keungchi my, “Nangchi ly chohphi nga nai khala i kani tleirei iukhi paawp nai jirei, vai py nga ai nai tla,” nanai thui naimy Israela chengchi ai dei kangheng kalop sa hai u bo. 14Aikupta cheng kalop pacheang nai keungchi my Israela cheng kalop lu sa naichi ai khyh pakhau iy, “Vaini nangchi ly ati mana nai y angchei i jirei iukhi paawp u y lawh mo?” napi.
15Naibaly Israela cheng kalop lu sa nai keungchi ly samrang teng y chei u i, “Nang parai nai samrang awi, kaichi ai ati mana nai y hina nai sa lawh mo? 16Nang ly kaichi ai chohphi ka-leu pa-rei pei y naimy iukhi paawp ai nai tla, nanai leu pei bo; nang i saho y vai, kaichi ly khyh pakhau naira avum u lawh bo,” napi.
17Huna nai khala Samrang my, “Nangchi atho kasichi awi, nangchi i Areng teng y apathyp ai nai hnei nai ly nangchi kalop pathlang ai ngai u nai teu. 18Kalop keung y phai amso u teang jau! Nangchi ai chohphi kang pei y leang; na i py angchei khala i jirei paawp u ai nai tla,” napi. 19Angchei khala i jirei iukhi paawp ai nai tla, nanai thai u nai khala, Israela cheng miseaung luchi ly mymychi patang naira avum ai nai apany u nai ne.
20Nichi ly samrang teng i nai theu u nai khala, nichi ai ajeng nai Mosi nini Aron ai avum. 21Nichi my ly “Samrang hawi miteaung kehchi my kaichi ai niu ngai y ai nai, nangni sa hawi nai deaungkho y Areng ly nangni ai pajeng sy; kaichi ai padei ai nai nangni ly nichi kiu y haisau au hawi lawh nai bo,” napi.
Mosi ly Areng teng y chiu sa nai
22Naibaly Mosi ly Areng teng y, “Aw Areng, ati mana nai hini khumichi ai patang hai lawh mo? Kai ai ati mana nai y pato nai mo? 23Kai ly nang i leu pei nai kamta Pharao samrang teng y thui pi nai khala i dengdairei, ni ly nang i khumichi ai ana kalikachi bo. Na i py nang ly nichi ai ati sai py sabawm pi y lawh ly!,” napi.
Currently Selected:
THEU NAI 5: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
THEU NAI 5
5
Mosi ni Aron Aikupta samrang teng y Chei nai
1Huni bo y Mosi hawi Aron nini ly Aikupta samrang teng y chei hawi i ni teng y, “Israelachi ai Areng Tameuh my, ‘Israela chengchi ly daichi ka-vym y Tameuh teng apathyp nai pawi sa ai nai molam, nichi ai chei ai nai pei,’ ang napi,” napi.
2Samrang my ly “Huni Areng ly ami mo? Kai ly ati mana nai y huni Areng i leu tangai iy, Israelachi ai chei ai nai pei ai mo? Kai ly huni Areng ai pany y nai deaungkho y Israela chengchi ai pato pajau y leang,” napi.
3Naibaly Mosi hawi Aron nini my, “Hebrai chengchi i Tameuh ai kaini ly niu nai ne. Kaichi i Areng Tameuh teng y apathyp ai nai kani thomrei ka-teng daichi ka-vym y chei ai nai pei tanga kyh; kaichi ly huna nai so y baly tavai keung y mo, no kanghawi y mo, kaichi ai ang padei ai,” napi.
4Huna nai khala samrang my Mosi nini Aron teng y, “Hini khumichi ai ati mana nai kalop pathlang hai ryry ai mo? Huni miseaungchi ai kalop phai so hai teang! 5Nangchi cheng ly Aikupta chengchi tleaung y nawi keh bo. Vai nangni ly nichi ai kalop anawn hai ai nai tau hawi lawh ly!” napi.
6Huni kani y my Pharao samrang ly Aikupta cheng kalop pacheang nai keungchi hawi Israela cheng kalop lu sa nai keungchi teng y, 7“Vai i dengdairei Israela chengchi ai iukhi paawp ai nai chohphi pei u moh; mychi hau iy tawn u ryp sy. 8Na i py angchei i iukhi sa nai jirei so u jojo sy; ati mo i py iukhi vuikanai jaw moh sy, nichi ly kalop pathlang u nai teu. Hunai deaungkho y nichi ly ‘Kaichi i Tameuh teng y apathyp ai nai pei!,’ nanai hnei u nai ne. 9Nichi ai kalop sa nai tleaung y so hai ra, den py anawn hai u moh. Huna khala naini nichi ly li-tapawp nai leu tangai ai nai rai y ai i, kalop phra ai ny y,” napi.
10Naibaly kalop pacheang nai keungchi hawi Israela cheng kalop lu sa nai keungchi ly Israela chengchi teng y chei u i, “Samrang my, ‘Kai ly nangchi ai chohphi kang pei y leang bo. 11Nangmychi naimy chohphi nga thaira y hau u ryp, na i py iukhi ly angchei i sa nai jirei sa u jojo ai nai tla,’ nanai leu ang pei,” nanai amti pi bo. 12Hunaibaly Israela chengchi ly Aikupta pri verei y chohphi hau u nai ne. 13Naibaly kalop pacheang keungchi my, “Nangchi ly chohphi nga nai khala i kani tleirei iukhi paawp nai jirei, vai py nga ai nai tla,” nanai thui naimy Israela chengchi ai dei kangheng kalop sa hai u bo. 14Aikupta cheng kalop pacheang nai keungchi my Israela cheng kalop lu sa naichi ai khyh pakhau iy, “Vaini nangchi ly ati mana nai y angchei i jirei iukhi paawp u y lawh mo?” napi.
15Naibaly Israela cheng kalop lu sa nai keungchi ly samrang teng y chei u i, “Nang parai nai samrang awi, kaichi ai ati mana nai y hina nai sa lawh mo? 16Nang ly kaichi ai chohphi ka-leu pa-rei pei y naimy iukhi paawp ai nai tla, nanai leu pei bo; nang i saho y vai, kaichi ly khyh pakhau naira avum u lawh bo,” napi.
17Huna nai khala Samrang my, “Nangchi atho kasichi awi, nangchi i Areng teng y apathyp ai nai hnei nai ly nangchi kalop pathlang ai ngai u nai teu. 18Kalop keung y phai amso u teang jau! Nangchi ai chohphi kang pei y leang; na i py angchei khala i jirei paawp u ai nai tla,” napi. 19Angchei khala i jirei iukhi paawp ai nai tla, nanai thai u nai khala, Israela cheng miseaung luchi ly mymychi patang naira avum ai nai apany u nai ne.
20Nichi ly samrang teng i nai theu u nai khala, nichi ai ajeng nai Mosi nini Aron ai avum. 21Nichi my ly “Samrang hawi miteaung kehchi my kaichi ai niu ngai y ai nai, nangni sa hawi nai deaungkho y Areng ly nangni ai pajeng sy; kaichi ai padei ai nai nangni ly nichi kiu y haisau au hawi lawh nai bo,” napi.
Mosi ly Areng teng y chiu sa nai
22Naibaly Mosi ly Areng teng y, “Aw Areng, ati mana nai hini khumichi ai patang hai lawh mo? Kai ai ati mana nai y pato nai mo? 23Kai ly nang i leu pei nai kamta Pharao samrang teng y thui pi nai khala i dengdairei, ni ly nang i khumichi ai ana kalikachi bo. Na i py nang ly nichi ai ati sai py sabawm pi y lawh ly!,” napi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.