THEU NAI 4
4
Tameuh my Mosi teng y sa thai naira rengrangchi pei nai
1Naibaly Mosi my, “Israela chengchi kai ai ym y, kai i leu py tangai y iy, ‘Nang Areng ai niu nanai ly ny y leang,’ nanai thui u lawh baly kai mana sa ai mo?,” napi.
2 Areng my, “Nang i kiu y ati syn mo?” nanai deng.
Mosi my, “Cheaungvawi syn,” nanai pathang.
3 Areng my, “Nang i cheaungvawi ly khaileaung y aphi,” napi. Naibaly Mosi ly cheaungvawi aphi nai khala pavui lawm nai deaungkho y ni ly jei i angpreng vui bo. 4Huna nai khala Areng my Mosi teng y, “Meung iy pavui tamai y patiu,” napi. Mosi ly leu pei nai kamta pavui ai patiu i, cheaungvawi lawm teang nai ne. 5Areng my Israela chengchi i mo y hina nai kamta ka-ym awm ai nai so pi; hunaibaly nang ly nichi i Areng Tameuh, Abraham i Tameuh, Isaka i Tameuh, Jakob i Tameuh ai niu, nanai nichi ym u ai,” napi.
6 Areng my Mosi teng y, “Nang i kiu ly nangmy i baichu theung y tapo,” napi. Mosi ly leu tangai i tapo bo; kiu ajiu teang khala kiu ly keaungsi man i, ji kamta kaleung bo. 7Naibaly Areng my, “Nang i kiu ly nangmy i baichu theung y atapo teang bi,” napi. Mosi ly atapo iy, kiu ajiu teang nai khala hawi teang i ngan kari lawm teang nai ne. 8Areng my Mosi teng y, “Israela chengchi ly nang ai ym y, nangmy angchei i patei pi nai rengrang sa nai ym u y lawh baly, hini pa-nyh i rengrang sa nai ly ym u ai mang. 9Na i py nichi ly hini ka-ma-ra nyhrei niu iy ym y, nang i leu py tangai u y veangveang lawh baly Naing tavo tui deu iy, khaileaung y lei, tui ly thi lawm ai mang,” napi.
10Na i py Mosi ly “Aw Areng, kai ai pato mo kyh; kai ly leu haidau by y, nangmy kai ai leu pei nai thym khala malawn py leu haidau by y, kai ly labeaung palai ham y nai ne,” napi.
11Huna nai khala Areng my, “Khumi ai ami my leu katheu hai mo? Khumi ai ami my kano pang hai mo? Khumi ai mei angvang hai nai, ti y baly mei paju hai nai keung y ami mo? Kai Areng my ny y lawh sai a? 12Nang ly vaimy chei ly kaimy sabawm ai, nang katheu ai nai kai my kang thui pi ai,” napi.
13Na i py Mosi my, “Avo y leang Areng, pahen parai naimy takhra leaungrei ai phai pato ba,” napi.
14Naibaly Areng ly kado theu naimy Mosi teng y, “Nang ly Levi theaung khumi ngamjo Aron awm, nanai pany y nai sai a? Ni ly leu haiho awm, nanai kai kapany. Hini molam y ni ly nang hawi avum ai nai, vaimy nang teng y ang jeu dudu bo. 15Nang i thui hai ai nai leu ly ni teng y thui pi. Kai ly nangni mana thui ai nai tla mo, nanai kang thui pi ai. 16Ni ly Israela chengchi teng y thui pi ai nai awm nai ngierei, nang i jeng y thui pi ai. Ni ly nang i leu thui pi pateang nai keung lawm ai. Ni py nang i thui nai ngiereichi ai Tameuh i leu kamta palawn ai. 17Hini cheaungvawi syn jojo; nang ly cheaungvawi hawi rengrangchi sa ai,” napi.
Mosi ly Aikupta pri y vawi teang nai
18Naibaly Mosi ly ampu Jethro teng y vawi ali i ni teng y, “Kai ly Aikupta pri y kai i amjo amnauchi ai de ai nai kachei ai nai ngai,” napi. Jethro my chei ai nai paleung kahawi my pavum bo.
19Mosi ly Midian pri y awm nai thym khala y Areng my, “Aikupta pri y vawi ali teang jau, nang ai padei ai hau naichi ly dei u be bo,” napi. 20Naibaly Mosi ly aju hawi chapochi ai keaungngo kano kasau tleaung y tang i, Tameuh my syn hai nai cheaungvawi py syn iy, Aikupta pri y vawi teang nai ne.
21 Areng my Mosi teng y, “Vai nang ly Aikupta pri y vawi ali teang bo i, kaimy sa thai naira kang pei nai rengrang tlai naichi samrang i mo y so pi takengkei ba; na i py kaimy samrang i paleung tang hai ai; ni ly Israela chengchi ai theu ai nai pei ai ny y,” napi. 22Huna nai khala nang ly samrang teng y, “Israela chengchi ly kai Areng i chapo chalu ne. 23Kai i chapo ly kai ai chiu ai nai molam chei hai ai nai leu kang pei i py, nang ly paka lawh; hunai deaungkho y kai ly nang i chapo chalu kapadei ai,’ nanai thui pi,” napi. #Theu 12.29
24Naibaly Aikupta pri mang y tako nai meingtym hareira y tai i, Areng ly Mosi ai padei ai nai tau bo. 25-26Huna nai khala ni i aju Zipporah ly lengseaung bo awm nai la i, chapo i lengkhym takip pi iy, huni lengkhym hawi Mosi i kheu y tabei bo. Naibaly lengkhym takip nai molam y Zipporah my, “Nang ly kai i juvo tatang ne,” napi. Hunai deaungkho y Areng my Mosi ai padei y nai ne.
27Hunai thym khala Areng my Aron teng y, “Nang ly Mosi hawi avum ai nai daichi ka-vym mang y chei,” nanai leu pei nai kamta ni ly chei bo. Ni ly Mosi ai Areng i mawi kachaira y avum iy apachawm hawi bo. 28Naibaly Mosi ly mymy ai pato nai keung Areng i leu pei naichi hawi sa ai nai rengrang ka-ma-rachi py, Aron teng y amti pi nai ne. 29Naibaly Mosi hawi Aron nini ly Aikupta pri y chei hawi i, Israela cheng lu sa naichi ai akachu hai bo. 30Aron ly Areng my Mosi teng y leu pei nai ngiereichi, Israela cheng lu sa naichi teng y thui pi iy, nichi i mo y rengrang ka-ma-rachi patei pi nai deaungkho y, 31nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.
Currently Selected:
THEU NAI 4: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
THEU NAI 4
4
Tameuh my Mosi teng y sa thai naira rengrangchi pei nai
1Naibaly Mosi my, “Israela chengchi kai ai ym y, kai i leu py tangai y iy, ‘Nang Areng ai niu nanai ly ny y leang,’ nanai thui u lawh baly kai mana sa ai mo?,” napi.
2 Areng my, “Nang i kiu y ati syn mo?” nanai deng.
Mosi my, “Cheaungvawi syn,” nanai pathang.
3 Areng my, “Nang i cheaungvawi ly khaileaung y aphi,” napi. Naibaly Mosi ly cheaungvawi aphi nai khala pavui lawm nai deaungkho y ni ly jei i angpreng vui bo. 4Huna nai khala Areng my Mosi teng y, “Meung iy pavui tamai y patiu,” napi. Mosi ly leu pei nai kamta pavui ai patiu i, cheaungvawi lawm teang nai ne. 5Areng my Israela chengchi i mo y hina nai kamta ka-ym awm ai nai so pi; hunaibaly nang ly nichi i Areng Tameuh, Abraham i Tameuh, Isaka i Tameuh, Jakob i Tameuh ai niu, nanai nichi ym u ai,” napi.
6 Areng my Mosi teng y, “Nang i kiu ly nangmy i baichu theung y tapo,” napi. Mosi ly leu tangai i tapo bo; kiu ajiu teang khala kiu ly keaungsi man i, ji kamta kaleung bo. 7Naibaly Areng my, “Nang i kiu ly nangmy i baichu theung y atapo teang bi,” napi. Mosi ly atapo iy, kiu ajiu teang nai khala hawi teang i ngan kari lawm teang nai ne. 8Areng my Mosi teng y, “Israela chengchi ly nang ai ym y, nangmy angchei i patei pi nai rengrang sa nai ym u y lawh baly, hini pa-nyh i rengrang sa nai ly ym u ai mang. 9Na i py nichi ly hini ka-ma-ra nyhrei niu iy ym y, nang i leu py tangai u y veangveang lawh baly Naing tavo tui deu iy, khaileaung y lei, tui ly thi lawm ai mang,” napi.
10Na i py Mosi ly “Aw Areng, kai ai pato mo kyh; kai ly leu haidau by y, nangmy kai ai leu pei nai thym khala malawn py leu haidau by y, kai ly labeaung palai ham y nai ne,” napi.
11Huna nai khala Areng my, “Khumi ai ami my leu katheu hai mo? Khumi ai ami my kano pang hai mo? Khumi ai mei angvang hai nai, ti y baly mei paju hai nai keung y ami mo? Kai Areng my ny y lawh sai a? 12Nang ly vaimy chei ly kaimy sabawm ai, nang katheu ai nai kai my kang thui pi ai,” napi.
13Na i py Mosi my, “Avo y leang Areng, pahen parai naimy takhra leaungrei ai phai pato ba,” napi.
14Naibaly Areng ly kado theu naimy Mosi teng y, “Nang ly Levi theaung khumi ngamjo Aron awm, nanai pany y nai sai a? Ni ly leu haiho awm, nanai kai kapany. Hini molam y ni ly nang hawi avum ai nai, vaimy nang teng y ang jeu dudu bo. 15Nang i thui hai ai nai leu ly ni teng y thui pi. Kai ly nangni mana thui ai nai tla mo, nanai kang thui pi ai. 16Ni ly Israela chengchi teng y thui pi ai nai awm nai ngierei, nang i jeng y thui pi ai. Ni ly nang i leu thui pi pateang nai keung lawm ai. Ni py nang i thui nai ngiereichi ai Tameuh i leu kamta palawn ai. 17Hini cheaungvawi syn jojo; nang ly cheaungvawi hawi rengrangchi sa ai,” napi.
Mosi ly Aikupta pri y vawi teang nai
18Naibaly Mosi ly ampu Jethro teng y vawi ali i ni teng y, “Kai ly Aikupta pri y kai i amjo amnauchi ai de ai nai kachei ai nai ngai,” napi. Jethro my chei ai nai paleung kahawi my pavum bo.
19Mosi ly Midian pri y awm nai thym khala y Areng my, “Aikupta pri y vawi ali teang jau, nang ai padei ai hau naichi ly dei u be bo,” napi. 20Naibaly Mosi ly aju hawi chapochi ai keaungngo kano kasau tleaung y tang i, Tameuh my syn hai nai cheaungvawi py syn iy, Aikupta pri y vawi teang nai ne.
21 Areng my Mosi teng y, “Vai nang ly Aikupta pri y vawi ali teang bo i, kaimy sa thai naira kang pei nai rengrang tlai naichi samrang i mo y so pi takengkei ba; na i py kaimy samrang i paleung tang hai ai; ni ly Israela chengchi ai theu ai nai pei ai ny y,” napi. 22Huna nai khala nang ly samrang teng y, “Israela chengchi ly kai Areng i chapo chalu ne. 23Kai i chapo ly kai ai chiu ai nai molam chei hai ai nai leu kang pei i py, nang ly paka lawh; hunai deaungkho y kai ly nang i chapo chalu kapadei ai,’ nanai thui pi,” napi. #Theu 12.29
24Naibaly Aikupta pri mang y tako nai meingtym hareira y tai i, Areng ly Mosi ai padei ai nai tau bo. 25-26Huna nai khala ni i aju Zipporah ly lengseaung bo awm nai la i, chapo i lengkhym takip pi iy, huni lengkhym hawi Mosi i kheu y tabei bo. Naibaly lengkhym takip nai molam y Zipporah my, “Nang ly kai i juvo tatang ne,” napi. Hunai deaungkho y Areng my Mosi ai padei y nai ne.
27Hunai thym khala Areng my Aron teng y, “Nang ly Mosi hawi avum ai nai daichi ka-vym mang y chei,” nanai leu pei nai kamta ni ly chei bo. Ni ly Mosi ai Areng i mawi kachaira y avum iy apachawm hawi bo. 28Naibaly Mosi ly mymy ai pato nai keung Areng i leu pei naichi hawi sa ai nai rengrang ka-ma-rachi py, Aron teng y amti pi nai ne. 29Naibaly Mosi hawi Aron nini ly Aikupta pri y chei hawi i, Israela cheng lu sa naichi ai akachu hai bo. 30Aron ly Areng my Mosi teng y leu pei nai ngiereichi, Israela cheng lu sa naichi teng y thui pi iy, nichi i mo y rengrang ka-ma-rachi patei pi nai deaungkho y, 31nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.