ATITI AWM ANGCHEI NAI 25
25
Abraham i takhra kangpreangchi
(1 Neng 1.32–33)
1Abraham ly takhra neampachy leaungrei la bi, amyn ly Keturah ne. 2Huni neampachy ly Zimran, Jokson, Medan, Midian, Isbaka hawi Suahchi ai tapen. 3Jokson ly Seba hawi Dedan nini i ampo ne; Dedan i kangpreangchi ly Assurim, Letusim hawi Leummi chengchi ne. 4Midian i chapochi ly Epha, Epher, Hanoh, Abida hawi Eldachi ne. Hini bawibawi ly Keturah i kangpreangchi ne.
5Abraham i yhmtheaung awm nai bawibawi ly Isaka ai amtym hai bo; 6na i py mymy heng nai thym y aju takhrachi i tapen nai chapochi ai py yhmtheaung paji sei iy mymy i chapo Isaka hawi kamlo parai nai, nisi pri mang y pato pawn nai ne.
Abraham dei nai hawi up nai
7-8Abraham ly saneng 175 rei heng i, khri pa-rei miteaung cheang nai khala y dei nai ne. 9Mymy i chapo Isaka hawi Ismaela nini my Makapela angawm tapiu y up hawi bo. Huni ly Hiti cheng Zohar i chapo Ephron i khaileaung Mamre mary nisi mang y awm nai khaileaung meingtym ne. 10Huni ly Abraham my Hiti chengchi teng i van nai khaileaung ne; Sarah ai up nai tapreaung y Abraham ai py up teang.#AA 23.3–16 11Abraham dei nai bo y, “Kai ai niu nai Tameuh kangheng i tuikan” sahawi y awm nai chapo Isaka ai Tameuh my amtheaung hai bo.
Ismaela i kangpreangchi
(1 Neng 1.28–31)
12Ismaela ly Sarah i miseaung Aikupta neampachy Hakari my Abraham i vui tapen pi nai chapo ne; 13Ismaela i chapochi ai ka-thui ka-thui tajiu ai nabaly Nebaioth, Kedar, Adbeela, Mibsam, 14Misma, Dumah, Maasa, 15Hadad, Tema, Jetura, Naphisa hawi Kedemachi ne. 16Nichi ly cheng holai nyhrei i amsi pajochi ne; mychi i awmra meingtym, avangchi py mychi i amyn pathi bo. 17Ismaela ly saneng chungvai atlo phai palyh saryhrei khala y dei. 18Ismaela i kangpreangchi ly Asuria pri mang y chei nai lam, Aikupta nisi mang i Sura mary hawi, Havila mary sala i meingtym y awm u bo. Nichi ly Abraham i takhra kangpreangchi hawi awm takhra nai ne.
Esaw hawi Jakob ai tapen nai
19Hini ly Abraham i chapo Isaka i satang ne. 20Isaka ly saneng vui palyhrei khala, Misopotamia pri y awm nai Aramean khumi Bethuela i chaniu, Labana i tuicho Rebeka ai pom nai ne. 21Rebeka ly deaungdi so y nai deaungkho y Isaka my Areng teng y chiu sa. Areng my chiu sa nai pathang pi i, Rebeka ly deaungdi aniu bo. 22Ni i kajeu y aneng nai deaungdi ly kangphi ne. Tapen y rai khala kajeu theung y leaung leaungrei kamjau kamteang amkhi hawi. Rebeka my, “Kai teng y hina nai kamta ati mana nai ang tym lawh mo?” napi. Hunai deaungkho y mymy ly Areng teng y deng bo.
23 Areng my neampachy teng y,
“Nang i kajeu theung y khumi cheng nyhrei awm;
nang ly atiu nai khumi cheng nyhrei ai tapen ai.
Leaungrei nai ly leaungrei tleaung y atho awm ai;
kalen nai ly katheang teng y miseaung achei ai,” nanai thui pi #Rom 9.12
24Rebeka ly tapen nai neng tym nai khala, chapo kangphi tapen bo. 25Tapen man nai ly tlang pasen iy kanih mui kamta tlang verei mui sai i, mymy ai ly Esaw, nanai amyn pathi. 26Pa-nyh i chapo ly Esaw i kheu pakhi y syn thleng naimy tapen; mymy ai ly Jakob, nanai amyn pathi bo. Nini ai tapen nai khala y Isaka ly saneng vui tariurei awm nai ne.
Esaw ly chapo chalu i yhmtheaung kamtym jo vui nai
27Deaungdi ni ly thawndeang cheang hawi bo; Esaw ly daichi theung y amki nai khumi, mymy ly mawi sara ne. Na i py Jakob ly paleung jypjyp chy iy yhm y awm. 28Isaka ly Esaw ai khrei keh, ati mana nai mo nabaly Esaw i nga nai mawi cha nai ly hawi pany nai ne, na i py Rebeka ly Jakob ai khrei keh.
29Kanirei nai khala Jakob ly prichi an theaung nai thym y, Esaw ly mawi lyn naira i tym. Mymy ly khri pa-rei kajeu alam nai deaungkho y, 30Jakob teng y, “Kai kajeu alam parai, kai ai prichi an kamsen pei mai kyh,” napi. (Hunai deaungkho y mymy ai ly Edom, #25.30 Edom: Hebrai leu y “kamsen” nanai sai ne. nanai palau.)
31Huna nai khala Jakob my, “Nang i chapo chalu yhmtheaung amtym ai nai kai ai pei baly kang pei ai mang,” napi.
32Naibaly Esaw ly kajeu ka-lam dei ahawhi na i, chapo chalu i yhmtheaung amtym nai ly kai i vui ati kamran awm ai mo?, nanai adawn i, “Kang pei mang!” napi.
33Jakob my, “Nang i yhmtheaung amtym ai nai ly kai teng y au nai vaineng so man veng rai,” napi. Esaw ly vaineng sa i, mymy i chapo chalu yhmtheaung amtym ai nai ly Jakob teng y pei vui bo.#Heb 12.16 34Naibaly Jakob my tako hawi prichi anbyh pei pi. Mymy ly cha nei pajau baly ang thau i tako veng bo. Esaw ly mymy i chapo chalu yhmtheaung kamtym, nanai ai ly tahm khai y nai ne.
Currently Selected:
ATITI AWM ANGCHEI NAI 25: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
ATITI AWM ANGCHEI NAI 25
25
Abraham i takhra kangpreangchi
(1 Neng 1.32–33)
1Abraham ly takhra neampachy leaungrei la bi, amyn ly Keturah ne. 2Huni neampachy ly Zimran, Jokson, Medan, Midian, Isbaka hawi Suahchi ai tapen. 3Jokson ly Seba hawi Dedan nini i ampo ne; Dedan i kangpreangchi ly Assurim, Letusim hawi Leummi chengchi ne. 4Midian i chapochi ly Epha, Epher, Hanoh, Abida hawi Eldachi ne. Hini bawibawi ly Keturah i kangpreangchi ne.
5Abraham i yhmtheaung awm nai bawibawi ly Isaka ai amtym hai bo; 6na i py mymy heng nai thym y aju takhrachi i tapen nai chapochi ai py yhmtheaung paji sei iy mymy i chapo Isaka hawi kamlo parai nai, nisi pri mang y pato pawn nai ne.
Abraham dei nai hawi up nai
7-8Abraham ly saneng 175 rei heng i, khri pa-rei miteaung cheang nai khala y dei nai ne. 9Mymy i chapo Isaka hawi Ismaela nini my Makapela angawm tapiu y up hawi bo. Huni ly Hiti cheng Zohar i chapo Ephron i khaileaung Mamre mary nisi mang y awm nai khaileaung meingtym ne. 10Huni ly Abraham my Hiti chengchi teng i van nai khaileaung ne; Sarah ai up nai tapreaung y Abraham ai py up teang.#AA 23.3–16 11Abraham dei nai bo y, “Kai ai niu nai Tameuh kangheng i tuikan” sahawi y awm nai chapo Isaka ai Tameuh my amtheaung hai bo.
Ismaela i kangpreangchi
(1 Neng 1.28–31)
12Ismaela ly Sarah i miseaung Aikupta neampachy Hakari my Abraham i vui tapen pi nai chapo ne; 13Ismaela i chapochi ai ka-thui ka-thui tajiu ai nabaly Nebaioth, Kedar, Adbeela, Mibsam, 14Misma, Dumah, Maasa, 15Hadad, Tema, Jetura, Naphisa hawi Kedemachi ne. 16Nichi ly cheng holai nyhrei i amsi pajochi ne; mychi i awmra meingtym, avangchi py mychi i amyn pathi bo. 17Ismaela ly saneng chungvai atlo phai palyh saryhrei khala y dei. 18Ismaela i kangpreangchi ly Asuria pri mang y chei nai lam, Aikupta nisi mang i Sura mary hawi, Havila mary sala i meingtym y awm u bo. Nichi ly Abraham i takhra kangpreangchi hawi awm takhra nai ne.
Esaw hawi Jakob ai tapen nai
19Hini ly Abraham i chapo Isaka i satang ne. 20Isaka ly saneng vui palyhrei khala, Misopotamia pri y awm nai Aramean khumi Bethuela i chaniu, Labana i tuicho Rebeka ai pom nai ne. 21Rebeka ly deaungdi so y nai deaungkho y Isaka my Areng teng y chiu sa. Areng my chiu sa nai pathang pi i, Rebeka ly deaungdi aniu bo. 22Ni i kajeu y aneng nai deaungdi ly kangphi ne. Tapen y rai khala kajeu theung y leaung leaungrei kamjau kamteang amkhi hawi. Rebeka my, “Kai teng y hina nai kamta ati mana nai ang tym lawh mo?” napi. Hunai deaungkho y mymy ly Areng teng y deng bo.
23 Areng my neampachy teng y,
“Nang i kajeu theung y khumi cheng nyhrei awm;
nang ly atiu nai khumi cheng nyhrei ai tapen ai.
Leaungrei nai ly leaungrei tleaung y atho awm ai;
kalen nai ly katheang teng y miseaung achei ai,” nanai thui pi #Rom 9.12
24Rebeka ly tapen nai neng tym nai khala, chapo kangphi tapen bo. 25Tapen man nai ly tlang pasen iy kanih mui kamta tlang verei mui sai i, mymy ai ly Esaw, nanai amyn pathi. 26Pa-nyh i chapo ly Esaw i kheu pakhi y syn thleng naimy tapen; mymy ai ly Jakob, nanai amyn pathi bo. Nini ai tapen nai khala y Isaka ly saneng vui tariurei awm nai ne.
Esaw ly chapo chalu i yhmtheaung kamtym jo vui nai
27Deaungdi ni ly thawndeang cheang hawi bo; Esaw ly daichi theung y amki nai khumi, mymy ly mawi sara ne. Na i py Jakob ly paleung jypjyp chy iy yhm y awm. 28Isaka ly Esaw ai khrei keh, ati mana nai mo nabaly Esaw i nga nai mawi cha nai ly hawi pany nai ne, na i py Rebeka ly Jakob ai khrei keh.
29Kanirei nai khala Jakob ly prichi an theaung nai thym y, Esaw ly mawi lyn naira i tym. Mymy ly khri pa-rei kajeu alam nai deaungkho y, 30Jakob teng y, “Kai kajeu alam parai, kai ai prichi an kamsen pei mai kyh,” napi. (Hunai deaungkho y mymy ai ly Edom, #25.30 Edom: Hebrai leu y “kamsen” nanai sai ne. nanai palau.)
31Huna nai khala Jakob my, “Nang i chapo chalu yhmtheaung amtym ai nai kai ai pei baly kang pei ai mang,” napi.
32Naibaly Esaw ly kajeu ka-lam dei ahawhi na i, chapo chalu i yhmtheaung amtym nai ly kai i vui ati kamran awm ai mo?, nanai adawn i, “Kang pei mang!” napi.
33Jakob my, “Nang i yhmtheaung amtym ai nai ly kai teng y au nai vaineng so man veng rai,” napi. Esaw ly vaineng sa i, mymy i chapo chalu yhmtheaung amtym ai nai ly Jakob teng y pei vui bo.#Heb 12.16 34Naibaly Jakob my tako hawi prichi anbyh pei pi. Mymy ly cha nei pajau baly ang thau i tako veng bo. Esaw ly mymy i chapo chalu yhmtheaung kamtym, nanai ai ly tahm khai y nai ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.