ATITI AWM ANGCHEI NAI 26
26
Isaka ly Kerar mary y awm nai
1Huni pri y jy Abraham deung y takang theu nai kamta vai py takang theu bi i, Isaka ly Philistin samrang Abimelek awm nai Kerar mary mang y chei bo. 2Areng my Isaka teng y amteng i, “Nang ly Aikupta pri y chei moh; kaimy kang thui pi nai pri y awm. 3Vai hini pri y awm rai, kai ly nang hawi vanrei awm ai i, amtheaung hai ai. Kaimy nang hawi nang i kangpreangchi ai hini khu ka-peang bawibawi kang pei ai. Nang i ampo Abraham teng y kaimy adeu nai kamta sa pi ai. #AA 22.16–18 4Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai. 5Abraham ly kai i leu tangai iy, kai i reita hawi leu pei naichi patawm nai deaungkho y, kai ly nang ai amtheaung naira pei ai,” napi.
6Hunai deaungkho y Isaka ly Kerar mary y awm. 7Huni mary i khumichi my aju i satang deng nai khala, my i tuicho teu, nanai pathang nai ne. Ati mana nai mo nabaly Rebeka ly mo hawi parai i, huni pri i khumichi my padei lawh na, nanai jei nai deaungkho y ne.#AA 12.13, 20.2 8Isaka ly huni pri y awm nai kra kyh nai bo kanirei nai khala y, samrang Abimelek ly thaibeng mang angdeang i, Isaka hawi Rebeka nini amau hawi nai niu bo. 9Abimelek ly khumi ai pato i Isaka teng y, “Hini neampachy ly nang i aju ne khyp iy, mana nai y kai i tuicho na lawh moh,” napi.
Isaka ly ni teng y, “Kaimy i aju nabaly kai ai padei lawh na, nanai kadawn nai ne,” napi.
10Abimelek my, “Nang ly kaichi i tlang tleaung y, hina nai kamta mana nai sa lawh mo? Kai i khumi leaung leaungrei my, nang i aju hawi i ahawi lawh teu i khyly, kaichi i tlang tleaung y kamngo tym hai nai na a,” napi. 11Abimelek my, “Khumi ami py ne sy, hini khumi ai py, mymy i aju ai py ana nai khumi ly dei takengkei ai nai tla,” nanai leu pei bo.
12Isaka ly huni pri y hlau sa i Areng my amtheaung hai nai deaungkho y huni saneng naimy amti amjang phy chungvairei pakym ai nai nga. 13Ni ly amtheaungra nga veangveang i khumi kanang lawm bo. 14Ni ly miseaungchi py, beramchi py, sichi py neangneang awm nai deaungkho y Philistin khumichi my paleung no bo. 15Hunai deaungkho y nichi my ampo Abraham heng nai thym y ampo i miseaungchi tai nai tuikanchi py taphum pi pawn.
16Naibaly Abimelek my Isaka teng y, “Nang ly kai tleaung y sa thai naira awm bo; hunai deaungkho y kaichi pri i nai theu vui jau,” napi. 17Naibaly Isaka ly hu i dengdairei theu iy, Kerar leaunghawi mang y asyh i hu y awm daw nai ne. 18Abraham deung y tai nai tukanchi ly mymy dei nai bo y Philistin khumichi my taphum pi pawn nai ne. Isaka my tuikanchi tai ali teang iy, ampo my amyn pathi nai kamta pathi bawibawi teang.
19Isaka i miseaungchi ly huni leaunghawira y tuikan kangtha tai i tui nga. 20Kerar i khumi beram typ nai keungchi my Isaka i beram typ nai keungchi teng y, “Hini tuikan ly kaichi i ne,” nanai angen iy Isaka i beram typ nai keungchi hawi a-ei u. Hunai deaungkho y Isaka my huni tuikan ai ly “Ka-jo tuikan” nanai amyn pathi bo.
21Isaka i miseaungchi ly tuikan harei tai takhra bi: huni py ka-jo theu bi i, huni tuikan ai, “Paleung y ym-jo nai tuikan,” nanai amyn pathi nai ne. 22Mymy ly hu i nai asyh vui iy tuikan harei tai bi; hu y ly a-ei nai by y leang bo; hunai deaungkho y huni tuikan ai ly “Tlamsa naira,” nanai amyn pathi. Mymy ly “Areng my hini pri y tlamsa naimy awm ai nai ang pei bo i, hini meingtym y achi ly nang chawn u ai,” napi.
23Naibaly Isaka ly hu i nai theu i, Beraseba mang y asyh bo. 24Huni vum y Areng ly ni teng y amteng i, “Kai ly ngampo Abraham i Tameuh ne, mawn moh; kai ly nang hawi vanrei awm ai. Kai i miseaung Abraham teng y leu adeu nai kamta ly nang i kangpreangchi peung hai ai mang, nang ai py amtheaung hai ai,” napi. 25Isaka ly huni meingtym y maicham sa i Areng ai chiu bo. Naibaly mymy ly hu y tai sa i awm; ni i miseaungchi my tuikan takhra tai pi bi nai ne.
Isaka hawi Abimelek sala ka-dyh ka-dawi sa nai
26Abimelek ly tau pei nai keung Ahuzatha, tavailu Phikol nini hawi vanrei Kerar mary i dengdairei Isaka hawi avum ai nai chei u bo.#AA 21.22 27Naibaly Isaka my, “Vaichi khala nangchi ly kai ai niu ngai y i, kai ai patheu chum nai bo y kai teng y ati sa ai nai jeu u nai mo?” napi.
28Nichi my, “Areng ly nang hawi vanrei awm, nanai kaichi pany bo; achi sala ka-ly sa ai nai hawi, nanai kaichi dawn; hunai deaungkho y kaichi ly nang ai leu adeu hai ai nai ngai; 29kaichi my nang ai ka-jo hau y naimy nangchi ai pahen nai y, awmnem naimy theu hai nai kamta, nang py kaichi ai ka-jo hau y leang mang, nanai leu adeu ba. Areng ly nang ai amtheaung hai ai, nanai ly hawihai amny bo,” napi. 30Isaka my nichi i vui pawi sa pi i, nichi ly cha nei u. 31Khawn angthodyh neng y nichi leaung leaungrei ly pajawp typ nai ka-ma-ra hawi leu vaineng asa u. Isaka my leu kahawi pavum i, ahawi kamrawi lawn naimy amprei u bo.
32Huni kani y Isaka i miseaungchi ly jeu i, mychi i tai nai tuikan satang amti pi. Nichi my, “Kaichi ly tui avum bo,” napi. 33Ni ly huni tuikan ai “Vaineng tuikan,” nanai amyn pathi bo. Huni mary ai ly vaini khrairei Beraseba mary, nanai palau nai ne.
Esaw i cheng takhra ajuchi
34Esaw saneng vui palyhrei awm nai khala ly Hiti cheng theung i anglo leaung nyhrei, Beri i chaniu Juditha hawi, Elon i chaniu Basemath nini ai pom bo. 35Nichi ly Isaka hawi Rebeka nini ai khri pa-rei paleung bi hai nai ne.
Currently Selected:
ATITI AWM ANGCHEI NAI 26: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
ATITI AWM ANGCHEI NAI 26
26
Isaka ly Kerar mary y awm nai
1Huni pri y jy Abraham deung y takang theu nai kamta vai py takang theu bi i, Isaka ly Philistin samrang Abimelek awm nai Kerar mary mang y chei bo. 2Areng my Isaka teng y amteng i, “Nang ly Aikupta pri y chei moh; kaimy kang thui pi nai pri y awm. 3Vai hini pri y awm rai, kai ly nang hawi vanrei awm ai i, amtheaung hai ai. Kaimy nang hawi nang i kangpreangchi ai hini khu ka-peang bawibawi kang pei ai. Nang i ampo Abraham teng y kaimy adeu nai kamta sa pi ai. #AA 22.16–18 4Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai. 5Abraham ly kai i leu tangai iy, kai i reita hawi leu pei naichi patawm nai deaungkho y, kai ly nang ai amtheaung naira pei ai,” napi.
6Hunai deaungkho y Isaka ly Kerar mary y awm. 7Huni mary i khumichi my aju i satang deng nai khala, my i tuicho teu, nanai pathang nai ne. Ati mana nai mo nabaly Rebeka ly mo hawi parai i, huni pri i khumichi my padei lawh na, nanai jei nai deaungkho y ne.#AA 12.13, 20.2 8Isaka ly huni pri y awm nai kra kyh nai bo kanirei nai khala y, samrang Abimelek ly thaibeng mang angdeang i, Isaka hawi Rebeka nini amau hawi nai niu bo. 9Abimelek ly khumi ai pato i Isaka teng y, “Hini neampachy ly nang i aju ne khyp iy, mana nai y kai i tuicho na lawh moh,” napi.
Isaka ly ni teng y, “Kaimy i aju nabaly kai ai padei lawh na, nanai kadawn nai ne,” napi.
10Abimelek my, “Nang ly kaichi i tlang tleaung y, hina nai kamta mana nai sa lawh mo? Kai i khumi leaung leaungrei my, nang i aju hawi i ahawi lawh teu i khyly, kaichi i tlang tleaung y kamngo tym hai nai na a,” napi. 11Abimelek my, “Khumi ami py ne sy, hini khumi ai py, mymy i aju ai py ana nai khumi ly dei takengkei ai nai tla,” nanai leu pei bo.
12Isaka ly huni pri y hlau sa i Areng my amtheaung hai nai deaungkho y huni saneng naimy amti amjang phy chungvairei pakym ai nai nga. 13Ni ly amtheaungra nga veangveang i khumi kanang lawm bo. 14Ni ly miseaungchi py, beramchi py, sichi py neangneang awm nai deaungkho y Philistin khumichi my paleung no bo. 15Hunai deaungkho y nichi my ampo Abraham heng nai thym y ampo i miseaungchi tai nai tuikanchi py taphum pi pawn.
16Naibaly Abimelek my Isaka teng y, “Nang ly kai tleaung y sa thai naira awm bo; hunai deaungkho y kaichi pri i nai theu vui jau,” napi. 17Naibaly Isaka ly hu i dengdairei theu iy, Kerar leaunghawi mang y asyh i hu y awm daw nai ne. 18Abraham deung y tai nai tukanchi ly mymy dei nai bo y Philistin khumichi my taphum pi pawn nai ne. Isaka my tuikanchi tai ali teang iy, ampo my amyn pathi nai kamta pathi bawibawi teang.
19Isaka i miseaungchi ly huni leaunghawira y tuikan kangtha tai i tui nga. 20Kerar i khumi beram typ nai keungchi my Isaka i beram typ nai keungchi teng y, “Hini tuikan ly kaichi i ne,” nanai angen iy Isaka i beram typ nai keungchi hawi a-ei u. Hunai deaungkho y Isaka my huni tuikan ai ly “Ka-jo tuikan” nanai amyn pathi bo.
21Isaka i miseaungchi ly tuikan harei tai takhra bi: huni py ka-jo theu bi i, huni tuikan ai, “Paleung y ym-jo nai tuikan,” nanai amyn pathi nai ne. 22Mymy ly hu i nai asyh vui iy tuikan harei tai bi; hu y ly a-ei nai by y leang bo; hunai deaungkho y huni tuikan ai ly “Tlamsa naira,” nanai amyn pathi. Mymy ly “Areng my hini pri y tlamsa naimy awm ai nai ang pei bo i, hini meingtym y achi ly nang chawn u ai,” napi.
23Naibaly Isaka ly hu i nai theu i, Beraseba mang y asyh bo. 24Huni vum y Areng ly ni teng y amteng i, “Kai ly ngampo Abraham i Tameuh ne, mawn moh; kai ly nang hawi vanrei awm ai. Kai i miseaung Abraham teng y leu adeu nai kamta ly nang i kangpreangchi peung hai ai mang, nang ai py amtheaung hai ai,” napi. 25Isaka ly huni meingtym y maicham sa i Areng ai chiu bo. Naibaly mymy ly hu y tai sa i awm; ni i miseaungchi my tuikan takhra tai pi bi nai ne.
Isaka hawi Abimelek sala ka-dyh ka-dawi sa nai
26Abimelek ly tau pei nai keung Ahuzatha, tavailu Phikol nini hawi vanrei Kerar mary i dengdairei Isaka hawi avum ai nai chei u bo.#AA 21.22 27Naibaly Isaka my, “Vaichi khala nangchi ly kai ai niu ngai y i, kai ai patheu chum nai bo y kai teng y ati sa ai nai jeu u nai mo?” napi.
28Nichi my, “Areng ly nang hawi vanrei awm, nanai kaichi pany bo; achi sala ka-ly sa ai nai hawi, nanai kaichi dawn; hunai deaungkho y kaichi ly nang ai leu adeu hai ai nai ngai; 29kaichi my nang ai ka-jo hau y naimy nangchi ai pahen nai y, awmnem naimy theu hai nai kamta, nang py kaichi ai ka-jo hau y leang mang, nanai leu adeu ba. Areng ly nang ai amtheaung hai ai, nanai ly hawihai amny bo,” napi. 30Isaka my nichi i vui pawi sa pi i, nichi ly cha nei u. 31Khawn angthodyh neng y nichi leaung leaungrei ly pajawp typ nai ka-ma-ra hawi leu vaineng asa u. Isaka my leu kahawi pavum i, ahawi kamrawi lawn naimy amprei u bo.
32Huni kani y Isaka i miseaungchi ly jeu i, mychi i tai nai tuikan satang amti pi. Nichi my, “Kaichi ly tui avum bo,” napi. 33Ni ly huni tuikan ai “Vaineng tuikan,” nanai amyn pathi bo. Huni mary ai ly vaini khrairei Beraseba mary, nanai palau nai ne.
Esaw i cheng takhra ajuchi
34Esaw saneng vui palyhrei awm nai khala ly Hiti cheng theung i anglo leaung nyhrei, Beri i chaniu Juditha hawi, Elon i chaniu Basemath nini ai pom bo. 35Nichi ly Isaka hawi Rebeka nini ai khri pa-rei paleung bi hai nai ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.