ATITI AWM ANGCHEI NAI 40
40
Josepha ly theaung tla naichi i amang thui pi pachai nai
1Neng kra kyh nai bo y Aikupta pri i samrang ai kreip athai hang talam pi nai keung hawi, biu an amsi pi nai keung nini ai ly samrang my kado theu hai bo. 2Samrang ly nini i tlang tleaung khri pa-rei kado theu nai ne. 3Naibaly nini ai ly Josepha ai paeung naira theaung typ nai keung tavailu i yhm y khai bo. 4Tavailu my nini ai kry ai nai Josepha teng y au i, nichi ly krarawm pa-rei theaung tla u nai ne.
5Vumrei nai khala y kreip athai hang talam pi nai keung hawi biu an amsi pi nai keung nini ly amang theu hawi mei bo; nini i amang ly awm nai sai takhra akyhkyh nai ne. 6Khutawi baly Josepha my nini teng y chei i, nini ai meimai takhuisui naimy awm hawi akyhkyh nai niu. 7Josepha my nini teng y, “Nangni ly vaini ati mana nai takuisui lawh mo?” nanai deng.
8Nini my, “Kaini ly amang amang akyhkyh nai ne; na i py amang thui pi pachai pajau nai keung leaungrei py by y,” napi.
Josepha my, “Tameuh my naini amang thui pachai pajau ai nai chengra pei pajau khyh, nangni i amang kai teng y thui pi cham,” napi.
9Huna nai khala kreip athai hang talam pi nai keung ly “Kai i amang mang y, kai i mo y kreip angjyn keung awm; 10huni kreip keung ly changpi thomrei awm nai ne. Kra y nai sala y ngamchi hawi pauchi theu; athaichi py athai i myn bo. 11Kai ly samrang i khau syn iy, kreip athaichi kajaw, khau theung y api iy samrang teng y katalam pi bo,” napi.
12Josepha my, “Tuni changpi thomrei, nanai ly kani thomrei nanai sai ne. 13Kani thomrei kani y samrang my nang ai ang palau ai i ang pahen ai; nang ai kalop ang pei ali teang ai i, nangmy i sa reng nai kreip athai hang khau talam nai kalopra y nga teang ai mang. 14Nang i vui khym taham hawi nai neng tym nai kha y kai ai pany jo ba; samrang teng y kai i satang amti pi iy, hini theaung i nai lawi ai nai sabawm ba. 15Kai ai Hebrai chengchi i pri i nai atho y my ang pahawi vui iy, hini Aikupta pri y kai ly theaung tla ai nai pa-rei tamang naira so y pui naimy theaung tla lawh nai ne,” napi.
16Naibaly biu an amsi pi nai keung ly kreip athai hang khau talam pi nai keung i amang awm nai sai hawi nai pany i, Josepha teng y, “Kai py amang amang teang nai ne; kai ly kaimy i lu tleaung y tako takhu thomrei atleang bo. 17Salo keh i takhura y ly samrang cha ai nai theaung angchi tako cheaungkhangchi awm; tavochi my huni takhu theung i takochi cha pi pawn,” napi.
18Josepha my, “Tuni takhu thomrei, nanai ly kani thomrei nanai sai ne. 19Kani thomrei kani y samrang my nang ai ang palau iy nang i lu tameang hai vui ai; nang i tlang ai ly dengkeaung tleaung y bang hau ai i, tavochi my nang i ngan ang cha ai,” napi.
20Naibaly Kani thomrei kani y samrang ly mymy i tapen nai neng alyp nai kani y, mymy i miseaungchi i vui pawi kalen sa bo; mymy ly kreip athai hang khau talam pi nai keung hawi biu an amsi pi nai keung nini ai theaung i nai palawi iy, mipuichi i mo y tym hai bo. 21Samrang ly kreip athai hang talam pi nai keung ai ly mymy i sa reng nai angchei i kalop au teang. 22Na i py biu an amsi pi nai keung ai ly padei hai vui bo. Huni bawibawi ly Josepha my thui pi nai kamta teng khyp nai ne. 23Na i py kreip athai hang talam pi nai keung my ly Josepha ai dawn y i, tami veng nai ne.
Currently Selected:
ATITI AWM ANGCHEI NAI 40: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
ATITI AWM ANGCHEI NAI 40
40
Josepha ly theaung tla naichi i amang thui pi pachai nai
1Neng kra kyh nai bo y Aikupta pri i samrang ai kreip athai hang talam pi nai keung hawi, biu an amsi pi nai keung nini ai ly samrang my kado theu hai bo. 2Samrang ly nini i tlang tleaung khri pa-rei kado theu nai ne. 3Naibaly nini ai ly Josepha ai paeung naira theaung typ nai keung tavailu i yhm y khai bo. 4Tavailu my nini ai kry ai nai Josepha teng y au i, nichi ly krarawm pa-rei theaung tla u nai ne.
5Vumrei nai khala y kreip athai hang talam pi nai keung hawi biu an amsi pi nai keung nini ly amang theu hawi mei bo; nini i amang ly awm nai sai takhra akyhkyh nai ne. 6Khutawi baly Josepha my nini teng y chei i, nini ai meimai takhuisui naimy awm hawi akyhkyh nai niu. 7Josepha my nini teng y, “Nangni ly vaini ati mana nai takuisui lawh mo?” nanai deng.
8Nini my, “Kaini ly amang amang akyhkyh nai ne; na i py amang thui pi pachai pajau nai keung leaungrei py by y,” napi.
Josepha my, “Tameuh my naini amang thui pachai pajau ai nai chengra pei pajau khyh, nangni i amang kai teng y thui pi cham,” napi.
9Huna nai khala kreip athai hang talam pi nai keung ly “Kai i amang mang y, kai i mo y kreip angjyn keung awm; 10huni kreip keung ly changpi thomrei awm nai ne. Kra y nai sala y ngamchi hawi pauchi theu; athaichi py athai i myn bo. 11Kai ly samrang i khau syn iy, kreip athaichi kajaw, khau theung y api iy samrang teng y katalam pi bo,” napi.
12Josepha my, “Tuni changpi thomrei, nanai ly kani thomrei nanai sai ne. 13Kani thomrei kani y samrang my nang ai ang palau ai i ang pahen ai; nang ai kalop ang pei ali teang ai i, nangmy i sa reng nai kreip athai hang khau talam nai kalopra y nga teang ai mang. 14Nang i vui khym taham hawi nai neng tym nai kha y kai ai pany jo ba; samrang teng y kai i satang amti pi iy, hini theaung i nai lawi ai nai sabawm ba. 15Kai ai Hebrai chengchi i pri i nai atho y my ang pahawi vui iy, hini Aikupta pri y kai ly theaung tla ai nai pa-rei tamang naira so y pui naimy theaung tla lawh nai ne,” napi.
16Naibaly biu an amsi pi nai keung ly kreip athai hang khau talam pi nai keung i amang awm nai sai hawi nai pany i, Josepha teng y, “Kai py amang amang teang nai ne; kai ly kaimy i lu tleaung y tako takhu thomrei atleang bo. 17Salo keh i takhura y ly samrang cha ai nai theaung angchi tako cheaungkhangchi awm; tavochi my huni takhu theung i takochi cha pi pawn,” napi.
18Josepha my, “Tuni takhu thomrei, nanai ly kani thomrei nanai sai ne. 19Kani thomrei kani y samrang my nang ai ang palau iy nang i lu tameang hai vui ai; nang i tlang ai ly dengkeaung tleaung y bang hau ai i, tavochi my nang i ngan ang cha ai,” napi.
20Naibaly Kani thomrei kani y samrang ly mymy i tapen nai neng alyp nai kani y, mymy i miseaungchi i vui pawi kalen sa bo; mymy ly kreip athai hang khau talam pi nai keung hawi biu an amsi pi nai keung nini ai theaung i nai palawi iy, mipuichi i mo y tym hai bo. 21Samrang ly kreip athai hang talam pi nai keung ai ly mymy i sa reng nai angchei i kalop au teang. 22Na i py biu an amsi pi nai keung ai ly padei hai vui bo. Huni bawibawi ly Josepha my thui pi nai kamta teng khyp nai ne. 23Na i py kreip athai hang talam pi nai keung my ly Josepha ai dawn y i, tami veng nai ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.