ATITI AWM ANGCHEI NAI 41
41
Josepha my samrang i amang thui pi pachai nai
1Naibaly saneng nyhrei bo y, Aikupta pri i samrang ly amang theu; ni ly amang mang y Naing tavo peang y angdo nai thym khala, 2veung hawi iy suiriu tlai na nai si nu saryhrei ly tavo theung i nai lyn kalau iy achachi cha nai ne. 3Huni bo y veung jei nai si nu saryhreichi py tavo theung i nai ang lyn kalau teang; nichi ly angchei i si veung kahawichi sahawi tavo peang y angdo u tliu bo. 4Naibaly si nu veung kajeichi my, si nu veung kahawichi ai cha krai vui nai ne. Naibaly samrang ly i anglaw bo. 5Mymy ly aseaung nai i taleang bi i, amang py takhra amang theu taleang bi nai ne. Amang mang y choh keung hareira i nai choh vui myn kahawi saryhrei theu. 6Huni bo y khutaha meingtymra ali kabi aho nai deaungkho y ta y nai choh vui saryhrei py theu bi. 7Naibaly choh vui ta y naichi my choh vui kahawichi ai pajawn pawn nai niu bo. Samrang ly i anglaw baly amang theu nai teu, nanai apany nai ne. 8Khawn khutawi nai khala, samrang ly paleung mawn parai i, Aikupta pri y awm nai atam kakawpchi hawi khumi kacheng bawibawichi ai palau hai bo. Samrang ly mymy i amang amang naichi, huni khumichi teng y thui pi, na i py ami py thui pi pachai thai y.#Dan 2.2
9Huna nai khala kreip athai hang talam pi nai keung ly samrang teng y, “Kai ly nang teng y amti pi ai nai sairei dawnhi nai molam y pahen kyh ba. 10Nang ly biu an amsi pi nai keung hawi kai ai kado theu hai nai deaungkho y, kaini ai samrang i tamcheaung typ nai tavailu i yhm y theaung pala bo. 11Vumrei nai khala y kaini ly amang amang mei nai tla; amang i awm nai sai ly takhra akyhkyh nai ne. 12Samrang i tamcheaung tavailu i miseaung Hebrai thawndeang leaungrei kaini hawi vanrei awm. Kaini my amang thui pi i, ni my thui pi pachai nai ne. 13Ni i thui pi pachai nai kamta teng khyp nai ne; nangmy kai ai ly kaimy i kalop au teang; na i py biu an amsi pi nai keung ai ly nangmy padei veng bo,” napi.
14Samrang ly khumi ai pato iy theaung theung y awm nai Josepha ai patheu hai kaliki bo. Josepha ly sam py labeaung mui py avau pawn iy baichu nina atha pajau baly samrang i mo y tym bo. 15Samrang my ni teng y, “Kai ly amang amang nai ne; awm nai sai ami py thui pi pachai thai y, nang ly amangchi thui pi pachai pajau, nanai kapany,” napi.
16Josepha my, “Samrang awi, kai py kaimy ngai ngai thui pi pachai thai y leang, na i py Tameuh my avo nai kamta thui pi pachai thai ai,” napi.
17Samrang ly “Kai i amang mang y Naing tavo peang y kai ly angdo nai ne; 18veung kahawi suiriu tlai na nai si nu saryhreichi ly tavo theung i nai lyn kalau iy achachi cha u bo. 19Naibaly Aikupta pri manira y py kai niu vai y nai khri pa-rei veung jei nai, takhra si nu saryhreichi ang lyn kalau bi. 20Veung jeikhei nai si nuchi my veung kahawi si nuchi ai cha krai veng; 21na i py cha nai amny pajau y, ati mana nai mo nabaly angchei i kamta veung jei kari jei jojo nai ne. Naibaly kai ly i anglaw vau bo. 22Huni bo y kai ly amang amang bi; huni amang ly choh keung hareira i nai choh kangmyn vui kahawi saryhrei hawi, 23huni bo y khutaha meingtymra ali kabi aho nai deaungkho y, ta y nai choh vui saryhrei theu nai py kaniu. 24Naibaly choh vui hawi y naichi my, choh vui kahawichi ai pajawn pawn nai kaniu bo. Kai ly atam kakawpchi teng y amti pi i py, ami py thui pi pachai thai y,” napi.
25Huna nai khala Josepha my samrang teng y, “Amang ly nyhrei teu i py awm nai sai ly harei khyh; Tameuh ly mymy i sa ai nai kalop ai nang teng y pany hai nai ne. 26Si nu veung kahawi amai saryhrei, nanai ly saneng saryhrei, nanai sai ne; naibaly choh vui kahawi saryhrei, nanai py saneng saryhrei, nanai sai ne teang; awm nai sai ly vanrei ne. 27Kangkhym y lyn kalau nai si nu veung kajeikhei amai saryhrei hawi, khutaha meingtymra ali kabi deaungkho y ta y nai choh vui saryhrei, nanai ly saneng saryhrei takang theu ai, nanai sai ne. 28Kai i nang teng y kang thui pi pachai nai ly teng khyp ai i, Tameuh ly mymy i sa ai naichi nang ai pany hai nai ne. 29Saneng saryhrei nai ly Aikupta pri verei y khri pa-rei choh theu ai i, choh khri pa-rei nga ai. 30Huni bo y saneng saryhrei ly khri pa-rei takang ho ai i, pri verei phra hai nai y, choh bai palo hawi nai sanengchi ai py tami pawn ai. 31Ka-jei hawi parai nai takang ho nai sai ly ang tym ai i, choh palo hawi nai nengchi tami pawn ai. 32Amang tlen nyhrei amang hai nai sai ly kra y nai sala y Tameuh ly mymy i sa ai nai kalop ai sa khyp ai nai molam khaw hai nai amang ne.
33Huna nai y nang ly vaimy khumi kacheng hawi momang i vui dawn pasym thai nai khumi leaungrei ai, pri verei y peang hai ba. 34Nang ly miteaung kehchi ai vawi takhra iy choh nga nai saneng saryhrei sala y phy pangrei y phyrei pakym achu hai ba. 35Vawi takhra nai miteaung kehchi ai choh nga nai neng saneng saryhrei sala y pakym nai choh ai ly mary tleirei y pateung achu hai ba. 36Aikupta pri y takang saneng saryhrei theu nai thym y, pri verei i vui y pateung achu nai choh awm nai deaungkho y khumi mipuichi ly kajeu alam y ai,” nanai thui pi bo.
Josepha ly Aikupta pri y samrang i bangtang kalen lawm nai
37Samrang hawi miteaung kehchi ly Josepha i thui nai kamta sa ai nai ngai u bo. 38Naibaly samrang ly nichi teng y, “Josepha ly Tameuh teng i cheng naira nga nai khumi ne; ni tleaung y hawi keh nai khumi hau i py achi niu pajau y leang,” napi. 39Samrang my Josepha teng y, “Tameuh my nang teng y hini atitichi ang patei pi nai ne, nang kamta niu thai nai, dawn thai nai, cheng nai khumi ami py by y leang. 40Kai ly nang ai kai i pri peang ai nai kang pei ai. Kai i khumi bawibawichi py nang i leu tangai ai mang. Nang ly kai i anui y pa-nyh sa thai naira awm keh nai, peang nai keung ne ai.#Ataw 7.10 41Vai kaimy nang ai Aikupta pri verei y peang ai nai, samrang i bangtang kalen y kang khai bo,” napi. 42Samrang ly mymy i pajawp typ nai ka-ma-ra kiu sabyh amjiu iy Josepha i kiu pajeung y amchiu hai. Josepha ai kanih mai ka-syn pateaung pi iy, kaneaung y py muku leng awi hai bo.#Dan 5.29 43Pa-nyh pri peang nai keung i atang nai keaungngo ka-ri atang hai iy, mymy i tahm awm parai nai meaungpachi ly mo mang y tako iy, “Lam aheng u! lam aheng u!” nanai aeu u bo. Naibaly huna nai kamta sa iy Josepha ai Aikupta pri verei ai peang ai nai samrang i bangtang kalen y khai bo. 44Hunaibaly Samrang my Josepha teng y, “Kai ly samrang ne; na i py Aikupta pri y awm nai khumichi ly nang i leu ny y baly ami py angto vam y leang mang,” napi. 45-46Samrang my Josepha ai Aikupta khumi amyn Zaphenath Paneah, nanai amyn pathi bo; naibaly Heliopoli mary y awm nai pathyp pi nai keung Potiphera i chaniu Asenath hawi apom hai bo.
Aikupta pri y samrang i kalop sa pi nai khala y, Josepha ly saneng phairei awm nai ne. Mymy ly samrang yhm i nai theu iy pri verei y khuleaung amki bo. 47Saneng saryh ryrei ly choh hawi amti amjangchi khri pa-rei hawi i theu py theu, nga py nga; 48Josepha ly saneng saryhrei sala y, lichira i theu nai choh ngiereichi ai pakym achu iy, marychira y khaira sa hai i pateung achu bo. Lichira i theu nai chohchi ly kasa nai marychira y pateung hai bo. 49Ni i pateung achu nai chohchi ly pangli spryh kamta tanrei nawi na nai deaungkho y neh hai y bo.
50Takang theu y rai kha y Josepha i vui aju Asenath my chapo leaung nyhrei tapen pi. 51Josepha my, “Tameuh ly ngaai i yhm dengtheung bawibawichi ai py, kaimy i avum nai ngari kamtangchi ai py, tami hai veng bo,” napi. Hunai deaungkho y chapo chalu ai ly Manase,#41.51 Manase: Hebrai leu y “tami hai vui bo” nanai sai ne. nanai amyn pathi. 52Chapo pa-nyh nga nai khala, “Tameuh my ngari kamtang avum nai pri y kai ai cho chanau amtheaung hai bo,” nanai thui iy huni chapo ai ly Ephraim,#41.52 Ephraim: Hebrai leu y “cho chanau thawn kai hai” nanai sai ne. nanai amyn pathi bo.
53Aikupta pri y amo theu ai hawi parai nai amti amjang, choh bai palo hawi nai nga nai saneng saryhrei neng ly tem bo; 54Naibaly Josepha i thui nai kamta saneng saryhrei takang theu ai nai ly amteaung bo. Pri tleirei y py khri pa-rei takang theu; na i py Aikupta pri y ly choh neangneang awm nai ne.#Ataw 7.11 55Aikupta khumichi py biu takang avum nai deaungkho y samrang teng y biu choh nga ai nai aeu u nai ne. Naibaly samrang my ly Josepha teng y chei iy ni i thui nai kamta sa u ai nai leu pei bo.#Jh 2.5 56Takang ly pri verei y theu bo; takang ly khri pa-rei ho nai deaungkho y Josepha ly chohpaichi paeaung iy Aikupta khumichi teng y jo pi bo. 57Khaileaung pri verei y py takang ho nai deaungkho y, pri tleirei i khumichi ly Josepha teng y choh van ai nai tym u nai ne.
Currently Selected:
ATITI AWM ANGCHEI NAI 41: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
ATITI AWM ANGCHEI NAI 41
41
Josepha my samrang i amang thui pi pachai nai
1Naibaly saneng nyhrei bo y, Aikupta pri i samrang ly amang theu; ni ly amang mang y Naing tavo peang y angdo nai thym khala, 2veung hawi iy suiriu tlai na nai si nu saryhrei ly tavo theung i nai lyn kalau iy achachi cha nai ne. 3Huni bo y veung jei nai si nu saryhreichi py tavo theung i nai ang lyn kalau teang; nichi ly angchei i si veung kahawichi sahawi tavo peang y angdo u tliu bo. 4Naibaly si nu veung kajeichi my, si nu veung kahawichi ai cha krai vui nai ne. Naibaly samrang ly i anglaw bo. 5Mymy ly aseaung nai i taleang bi i, amang py takhra amang theu taleang bi nai ne. Amang mang y choh keung hareira i nai choh vui myn kahawi saryhrei theu. 6Huni bo y khutaha meingtymra ali kabi aho nai deaungkho y ta y nai choh vui saryhrei py theu bi. 7Naibaly choh vui ta y naichi my choh vui kahawichi ai pajawn pawn nai niu bo. Samrang ly i anglaw baly amang theu nai teu, nanai apany nai ne. 8Khawn khutawi nai khala, samrang ly paleung mawn parai i, Aikupta pri y awm nai atam kakawpchi hawi khumi kacheng bawibawichi ai palau hai bo. Samrang ly mymy i amang amang naichi, huni khumichi teng y thui pi, na i py ami py thui pi pachai thai y.#Dan 2.2
9Huna nai khala kreip athai hang talam pi nai keung ly samrang teng y, “Kai ly nang teng y amti pi ai nai sairei dawnhi nai molam y pahen kyh ba. 10Nang ly biu an amsi pi nai keung hawi kai ai kado theu hai nai deaungkho y, kaini ai samrang i tamcheaung typ nai tavailu i yhm y theaung pala bo. 11Vumrei nai khala y kaini ly amang amang mei nai tla; amang i awm nai sai ly takhra akyhkyh nai ne. 12Samrang i tamcheaung tavailu i miseaung Hebrai thawndeang leaungrei kaini hawi vanrei awm. Kaini my amang thui pi i, ni my thui pi pachai nai ne. 13Ni i thui pi pachai nai kamta teng khyp nai ne; nangmy kai ai ly kaimy i kalop au teang; na i py biu an amsi pi nai keung ai ly nangmy padei veng bo,” napi.
14Samrang ly khumi ai pato iy theaung theung y awm nai Josepha ai patheu hai kaliki bo. Josepha ly sam py labeaung mui py avau pawn iy baichu nina atha pajau baly samrang i mo y tym bo. 15Samrang my ni teng y, “Kai ly amang amang nai ne; awm nai sai ami py thui pi pachai thai y, nang ly amangchi thui pi pachai pajau, nanai kapany,” napi.
16Josepha my, “Samrang awi, kai py kaimy ngai ngai thui pi pachai thai y leang, na i py Tameuh my avo nai kamta thui pi pachai thai ai,” napi.
17Samrang ly “Kai i amang mang y Naing tavo peang y kai ly angdo nai ne; 18veung kahawi suiriu tlai na nai si nu saryhreichi ly tavo theung i nai lyn kalau iy achachi cha u bo. 19Naibaly Aikupta pri manira y py kai niu vai y nai khri pa-rei veung jei nai, takhra si nu saryhreichi ang lyn kalau bi. 20Veung jeikhei nai si nuchi my veung kahawi si nuchi ai cha krai veng; 21na i py cha nai amny pajau y, ati mana nai mo nabaly angchei i kamta veung jei kari jei jojo nai ne. Naibaly kai ly i anglaw vau bo. 22Huni bo y kai ly amang amang bi; huni amang ly choh keung hareira i nai choh kangmyn vui kahawi saryhrei hawi, 23huni bo y khutaha meingtymra ali kabi aho nai deaungkho y, ta y nai choh vui saryhrei theu nai py kaniu. 24Naibaly choh vui hawi y naichi my, choh vui kahawichi ai pajawn pawn nai kaniu bo. Kai ly atam kakawpchi teng y amti pi i py, ami py thui pi pachai thai y,” napi.
25Huna nai khala Josepha my samrang teng y, “Amang ly nyhrei teu i py awm nai sai ly harei khyh; Tameuh ly mymy i sa ai nai kalop ai nang teng y pany hai nai ne. 26Si nu veung kahawi amai saryhrei, nanai ly saneng saryhrei, nanai sai ne; naibaly choh vui kahawi saryhrei, nanai py saneng saryhrei, nanai sai ne teang; awm nai sai ly vanrei ne. 27Kangkhym y lyn kalau nai si nu veung kajeikhei amai saryhrei hawi, khutaha meingtymra ali kabi deaungkho y ta y nai choh vui saryhrei, nanai ly saneng saryhrei takang theu ai, nanai sai ne. 28Kai i nang teng y kang thui pi pachai nai ly teng khyp ai i, Tameuh ly mymy i sa ai naichi nang ai pany hai nai ne. 29Saneng saryhrei nai ly Aikupta pri verei y khri pa-rei choh theu ai i, choh khri pa-rei nga ai. 30Huni bo y saneng saryhrei ly khri pa-rei takang ho ai i, pri verei phra hai nai y, choh bai palo hawi nai sanengchi ai py tami pawn ai. 31Ka-jei hawi parai nai takang ho nai sai ly ang tym ai i, choh palo hawi nai nengchi tami pawn ai. 32Amang tlen nyhrei amang hai nai sai ly kra y nai sala y Tameuh ly mymy i sa ai nai kalop ai sa khyp ai nai molam khaw hai nai amang ne.
33Huna nai y nang ly vaimy khumi kacheng hawi momang i vui dawn pasym thai nai khumi leaungrei ai, pri verei y peang hai ba. 34Nang ly miteaung kehchi ai vawi takhra iy choh nga nai saneng saryhrei sala y phy pangrei y phyrei pakym achu hai ba. 35Vawi takhra nai miteaung kehchi ai choh nga nai neng saneng saryhrei sala y pakym nai choh ai ly mary tleirei y pateung achu hai ba. 36Aikupta pri y takang saneng saryhrei theu nai thym y, pri verei i vui y pateung achu nai choh awm nai deaungkho y khumi mipuichi ly kajeu alam y ai,” nanai thui pi bo.
Josepha ly Aikupta pri y samrang i bangtang kalen lawm nai
37Samrang hawi miteaung kehchi ly Josepha i thui nai kamta sa ai nai ngai u bo. 38Naibaly samrang ly nichi teng y, “Josepha ly Tameuh teng i cheng naira nga nai khumi ne; ni tleaung y hawi keh nai khumi hau i py achi niu pajau y leang,” napi. 39Samrang my Josepha teng y, “Tameuh my nang teng y hini atitichi ang patei pi nai ne, nang kamta niu thai nai, dawn thai nai, cheng nai khumi ami py by y leang. 40Kai ly nang ai kai i pri peang ai nai kang pei ai. Kai i khumi bawibawichi py nang i leu tangai ai mang. Nang ly kai i anui y pa-nyh sa thai naira awm keh nai, peang nai keung ne ai.#Ataw 7.10 41Vai kaimy nang ai Aikupta pri verei y peang ai nai, samrang i bangtang kalen y kang khai bo,” napi. 42Samrang ly mymy i pajawp typ nai ka-ma-ra kiu sabyh amjiu iy Josepha i kiu pajeung y amchiu hai. Josepha ai kanih mai ka-syn pateaung pi iy, kaneaung y py muku leng awi hai bo.#Dan 5.29 43Pa-nyh pri peang nai keung i atang nai keaungngo ka-ri atang hai iy, mymy i tahm awm parai nai meaungpachi ly mo mang y tako iy, “Lam aheng u! lam aheng u!” nanai aeu u bo. Naibaly huna nai kamta sa iy Josepha ai Aikupta pri verei ai peang ai nai samrang i bangtang kalen y khai bo. 44Hunaibaly Samrang my Josepha teng y, “Kai ly samrang ne; na i py Aikupta pri y awm nai khumichi ly nang i leu ny y baly ami py angto vam y leang mang,” napi. 45-46Samrang my Josepha ai Aikupta khumi amyn Zaphenath Paneah, nanai amyn pathi bo; naibaly Heliopoli mary y awm nai pathyp pi nai keung Potiphera i chaniu Asenath hawi apom hai bo.
Aikupta pri y samrang i kalop sa pi nai khala y, Josepha ly saneng phairei awm nai ne. Mymy ly samrang yhm i nai theu iy pri verei y khuleaung amki bo. 47Saneng saryh ryrei ly choh hawi amti amjangchi khri pa-rei hawi i theu py theu, nga py nga; 48Josepha ly saneng saryhrei sala y, lichira i theu nai choh ngiereichi ai pakym achu iy, marychira y khaira sa hai i pateung achu bo. Lichira i theu nai chohchi ly kasa nai marychira y pateung hai bo. 49Ni i pateung achu nai chohchi ly pangli spryh kamta tanrei nawi na nai deaungkho y neh hai y bo.
50Takang theu y rai kha y Josepha i vui aju Asenath my chapo leaung nyhrei tapen pi. 51Josepha my, “Tameuh ly ngaai i yhm dengtheung bawibawichi ai py, kaimy i avum nai ngari kamtangchi ai py, tami hai veng bo,” napi. Hunai deaungkho y chapo chalu ai ly Manase,#41.51 Manase: Hebrai leu y “tami hai vui bo” nanai sai ne. nanai amyn pathi. 52Chapo pa-nyh nga nai khala, “Tameuh my ngari kamtang avum nai pri y kai ai cho chanau amtheaung hai bo,” nanai thui iy huni chapo ai ly Ephraim,#41.52 Ephraim: Hebrai leu y “cho chanau thawn kai hai” nanai sai ne. nanai amyn pathi bo.
53Aikupta pri y amo theu ai hawi parai nai amti amjang, choh bai palo hawi nai nga nai saneng saryhrei neng ly tem bo; 54Naibaly Josepha i thui nai kamta saneng saryhrei takang theu ai nai ly amteaung bo. Pri tleirei y py khri pa-rei takang theu; na i py Aikupta pri y ly choh neangneang awm nai ne.#Ataw 7.11 55Aikupta khumichi py biu takang avum nai deaungkho y samrang teng y biu choh nga ai nai aeu u nai ne. Naibaly samrang my ly Josepha teng y chei iy ni i thui nai kamta sa u ai nai leu pei bo.#Jh 2.5 56Takang ly pri verei y theu bo; takang ly khri pa-rei ho nai deaungkho y Josepha ly chohpaichi paeaung iy Aikupta khumichi teng y jo pi bo. 57Khaileaung pri verei y py takang ho nai deaungkho y, pri tleirei i khumichi ly Josepha teng y choh van ai nai tym u nai ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.