ATITI AWM ANGCHEI NAI 48
48
Jakob my Ephraim hawi Manase ai amtheaung hai nai
1Huni bo y Josepha ly ampo no jo, nanai thai i chapo leaung nyhrei Manase hawi Ephraim ai hawi iy ampo Jakob ai no de ai nai chei u bo. 2Jakob ly Josepha ang jeu, nanai thai i, atho sa naimy ang thau tanga iy, ira tleaung y ateh. 3#AA 28.13–14 Jakob my Josepha teng y, “Ati cheaungkhang sa thai nai Tameuh ly Kanan pri Luza mary y awm nai khala y kai ai amteng hai iy amtheaung hai bo. 4Mymy ly kai teng y, ‘Kaimy nang ai cho chanau neangneang kang peung hai ai i, nang i kangpreang dengdairei khumi cheng neangneang lawm ai; kaimy nang i kangpreangchi teng y hini pri amtym jo ai nai pei pi ai,” napi.
5Jakob my Josepha teng y thui pi bi nai ly” kai hi y ang pyn y rai kha y Aikupta pri y tapen nai nang i chapo Ephraim hawi Manase ai py, kai i chapo Ruben hawi Simeon ai kamta kapalawn ai. 6Nang ly chapo neangneang sa bi lawh baly, kai i ny y leang bo; nichi ly Ephraim hawi Manase nini teng i dengdairei yhmtheaung amtym u ai. 7#AA 35.16–19 Kai ly ngamhm Rakeli i molam y hina nai kamta sa pi nai ne. Mesopotamia pri dengdairei kang vawi ali teang nai khala y, Kanan pri Ephrath mary ahawi y ni ly dei i, kai ly khri pa-rei paleung si parai. Kai ly ni ai Ephrath mary mang y chei nai lam teng y up nai ne,” napi. (Vai ly Ephrath napi nai ai ly Bethlehem, nanai palau nai ne.)
8Jakob ly Josepha i chapo leaung nyhrei ai niu baly, “Hini deaungdi ni ly ami mo?” nanai deng.
9Josepha my, “Tameuh my kai ai Aikupta pri y awm nai khala y ang pei nai kai i chapo ni ne,” nanai pathang.
Jakob my, “Kai teng y jeu hai, kaimy amtheaung hai ai,” napi. 10Jakob ly saneng len nai deaungkho y mei hawihai niu y i, Josepha my mymy teng y deaungdi ni ai pahawi bo; naibaly mymy ly deaungdi ni ai takawi iy pachawm bo. 11Jakob my Josepha teng y, “Kai ly nang hawi avum ali ai nai athang khai y, vai ly Tameuh my nang i chapo ni hawi malawn py avum ai nai ang sa pi bo,” napi. 12Naibaly Josepha ly Jakob my paleung tleaung y tapawm nai ly la iy Jakob mo y kheukhu di hai i meung hai bo.
13Josepha my Ephraim ai ly Jakob i langvawi mang y, Manase ai ly lamtang mang y ateh hai bo. 14Na i py Jakob ly mymy i kiu akhengkhi iy lamtang kiu ai ly amnau Ephraim i lu tleaung y tamam pi, langvawi kiu ly amjo Manase i lu tleaung y tamam pi nai ne. 15Naibaly mymy ly Josepha ai amtheaung hai bo: #48.15 Josepha: Ephraim hawi Manase nini ai amtheaung hai nai ly Josepha ai amtheaung hai tatang nai ne.
“Kai i amsi Abraham hawi kai i ampo Isaka nini i ym nai Tameuh my hini deaungdi ni ai amtheaung hai sy!
Kani tleirei kai ai ang pahawi nai keung Tameuh my nini ai amtheaung hai sy!
16Kai ai vaini khrairei ang typ nai keung Tameuh,
rai naira cheaungkhang i nai kai ai atleu nai keung Angel my nini ai amtheaung hai sy!
Nichi ly kai i amyn hawi, amsi Abraham,
kai i ampo Isaka nini i amyn khaw hai jo sy!
Nini ly chanau neangneang sa iy,
kangpreang neangneang peung u sy,” napi.
17Josepha ly ampo i kiu khai nai sai niu nai khala, paleung ka-dawn hawi y bo. Ni ly Ephraim i lu tleaung y tamam nai lamtang kiu ai ly Manase i lu tleaung y tamam hai ai ngai nai deaungkho y, 18Josepha ly ampo teng y, “Ngaai, nang i kiu khai nai ly teng y; nang i lamtang kiu ly deaungdi kalen i lu tleaung y tamam pi ba,” napi.
19Ampo ly ngai y i ni teng y, “Kai pany chy deang awi, Manase i kangpreangchi py khumi kalen lawm ai. Na i py mymy i amnau ly mymy tleaung y khumi kalen keh lawm ai i, ni i kangpreangchi ly khumi cheng kalenchi lawm u ai,” napi.
20Hunai deaungkho y Jakob my, “Israela chengchi ly nangni i amyn teaung iy amtheaung naira pei u ai. Nichi my, ‘Ephraim hawi Manase nini kamta amtheaung hai ai nai Tameuh my so pi na sy,’ nanai thui u ai,” nanai huni kani y deaungdi ai amtheaung hai nai ne. Huna nai kamta Jakob my Ephraim ai ly Manase i mo y ateh hai bo.#Heb 11.21
21Naibaly Jakob ly Josepha teng y, “Nang i niu nai kamta kai ly dei ai nai kasa bo; na i py Tameuh my nang hawi vanrei awm hai ai i, nang i amsi pajochi i pri y ang pahawi ali teang ai. 22Sekhem meingtym khaileaung kahawi ly nang ai kang pei, ngamjochi i vui ny y; huni meingtym ly kai my thailiho hawi haisau atheu iy Amori chengchi teng i nga vui nai paitiu khuta hawi nai khaileaung ne,” napi.
Currently Selected:
ATITI AWM ANGCHEI NAI 48: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
