JOHAN 19
19
1Naibaly hunai thym khala y Pilata ly Isu ai hawi iy chip i, tavaimichi ly aleng tarai khui iy amyn hai, 2kanih kamsen jeaung py akhiu hai; 3naibaly nichi ly ahawi y chei iy, “Kawn ba Judachi i samrang awi!” napi i tabeang u. 4Naibaly Pilata ly theu bi i nichi teng y, “Khen cham, ati sai py kamngo kaniu y leang, nanai nangchi pany ai nai kang pahawi bi bo he,” napi. 5Naibaly Isu ly aleng tarai hawi kanih kamsen jeaung akhiu naimy theu i Pilata my nichi teng y, “Khen cham, hini khumi ai he,” napi. 6Naibaly pathyp pi nai keung kalenchi hawi miseaung luchi my ly ni ai niu baly, “Kraws tleaung y tahen, kraws tleaung y tahen,” nanai aeu u. Pilata my nichi teng y, “Nangchi my tako hai ly, kraws tleaung y tahen u; kai ly ati sai py kamngo kaniu y leang,” napi. 7Judachi ly ni teng y, “kaichi i reita harei awm, mymy ly Tameuuh i Chapo amlawn nai deaungkho y huni reita i leu y dei ai nai tla,” nanai pathang u. 8Naibaly Pilata ly huna nai leu thai iy jei ra i, yhm y kun bi iy Isu teng, 9“Nang ly ma mang i khumi mo?” napi. 10Na i py Isu my pathang y. Naibaly Pilata my ni teng y, “Nang ly kai ai pathang y lawh a? Patheu py kang patheu thai, kraws tleaung y py kang tahen thai, nanai pany y nai sai a?” napi. 11Isu my pathang i, “Salo mang i dengdairei ang pei nai ny y baly kai i tlang tleaung y nang sa pajau ai naira ha py nga ai ny y leang; hunai deaungkho y kai ai nang teng y au nai keung ly kamngo len ra bo,” napi.
12Hunai ryrei baly Pilata ly ni ai patheu ai nai tau; na i py Judachi ly, “Nang ly hini khumi ai patheu baly nang Kaisara i ahawi ny y leang. Ami py samrang amlawn nai ngierei ly Kaisara ai pasum nai teu,” nanai aeu. 13Naibaly Pilata ly huna nai leu thai baly Isu ai pahawi i lengseaung Padyhra meingtym y tara chih naira y ateh. (Huni ly Herbrai leu y Kabatha napi.) 14Huni kani ly Katlen Vui nai pawi Sa Rym Nai Kani ne: khawn biu cha neng ne bo. Naibaly ni my ly Judachi teng y, “Khen cham, nangchi i samrang ly!” napi. 15Naibaly nichi my ly, “Lo la, lo la, kraws tleaung y tahen!” nanai aeu u. Pilata my nichi teng y, “Nangchi i samrang ai ly kraws tleaung y katahen ai a?” napi. Pathyp pi nai keung kalenchi my ly, “Kaisara ny y baly kaichi i samrang takhra by y leang,” nanai pathang. 16Hunaibaly Pilata ly kraws tleaung y tahen ai nai mymy ai nichi teng y au bo.
Isu ai kraws tleaung y tahen nai
(Mt 27.32–43; Mk 15.21–32; Lk 23.26–43)
Hunaibaly nichi ly Isu ai pahawi u; 17naibaly ni ly amy i vui kraws apu naimy Lu Hiu meungtym napi naira y tym pa-rei tako. 18(Huni ly Hebrai leu y Kolkotha napi.) Hu y ly mymy hawi vanrei khumi takhra leaung nyhrei ai py kraws tleaung y tahen teang, lamtang mang y leaungrei, langvawi mang y leaungrei, sala y ly Isu. 19Naibaly Pilata ly cha tajiu i kraws tleaung y bi. 20“Nazaret Isu, Judachi i samrang,” nanai tajiu. Naibaly Isu ai kraws tleaung y tahen nai meingtym ly avang pui ahawi ne nai deaungkho y, Judachi neangneang huni cha phain u; huni ly Hebrai leu y py, Rom leu y py, Krik leu y py tajiu nai ne. 21Hunaibaly Judachi i pathyp pi nai keung kalenchi ly Pilata teng y, “Judachi i samrang’ nanai tajiu moh; mymy ly ‘Judachi i samrang kai ne, nanai thui,’ nanai tajiu,” napi. 22Pilata my, “Kai i tajiu nai ly katajiu chum veng bo,” nanai pathang.
23Naibaly tavaimichi ly Isu ai kraws tleaung y tahen pajau baly ni i ateaung la i phy palyhrei palawn, tavaimi leaungrei y phy phyrei teung u; baichu py la teang: baichu ly hui y nai baichu amjy, kaneaung i dengdairei bom verei aneng ve nai; 24hunai deaungkho y nichi ly, “Sei y han bo, ami ngo na mo tambe va sina,” na u leungtang. #Sam 22.18
(Tameuh i cha-iu leu sai, “kai i ateaung amji u iy,
Kai i baichu i vui py tambe va u,” nanai tym thai ai nai,)
Huni atitichi ly tavaimichi my sa khyp.
25Naibaly Isu i kraws ahawi y ni i amhm hawi, amhmto Klopa i aju Mari hawi, Mari Makdilini hawi angdo nai ne. 26Hunaibaly Isu ly mymy i amhm hawi abangnai leaungrei mymy tamen nai ly ahawi y angdo nai niu i amhm teng y, “Neampachy awi khen cham, nang i chapo ly!” napi. 27Naibaly abangnai teng y, “khen cham ngamhm ly!” napi. Naibaly hunai ryrei baly huni abangnai ly ni ai mymy i yhm y hawi veng bo.
Isu i dei nai
(Mt 27.45–56; Mk 15.33–41; Lk 23.44–49)
28Hunai bo y Isu my vai ly ati cheaungkhang angym bo, nanai pany i, Tameuh i cha-iu leu sai tym thai ai nai “Kai tui ahai,” napi.#Sam 69.21, 22.15 29Hu y ly laawm harei kreip athai hang katho kakawi khai nai panui bo: nichi ly span angsorei kreip athai hang katho y padeung iy, hussop beang tleaung y takei i ni i labeaung y tui. 30Naibaly Isu ly kreip athai hang nei pajau baly, “Angym bo,” napi i, lu meung iy mymy i phailo patlaw bo.
Isu i pana y tivi hawi thun nai
31Hunaibaly huni ly Sa Rym Nai Kani ne nai deaungkho y, veuchi ly Anawn Kani y kraws tleaung y awm jo y ai nai (huni Anawn kani ly aly len nai kani ne) Judachi ly Pilata teng y nichi i kheu tleu hai iy veu la vui ai nai hnei u. 32Naibaly tavaimichi ly jeu i ni teng y kraws tleaung y vanrei tahen nai leaungrei ai hawi, takhra leaungrei ai py nini i kheu tleu hai: 33na i py Isu i ahawi y chei iy ni ly dei veng bo, nanai pany i ni i kheu tleu hai y. 34Ne mang ly tavaimichi theung y leaungrei ly ni i pana y tivi hawi thun i, thi hawi tui theu praw ryp. 35Nangchi ly ym thai ai nai, niu nai keung my pany hai bo; ni i pany hai nai leu ly teng parai mang; ni i thui nai ly teng, nanai apany. 36Ati mana nai mo nabaly Tameuh i cha-iu leu sai,
“Ni i hiu ha py tleu hai ai ny y,”
nanai tym thai ai nai huni atitichi tym bo.#Theu 12.46; Kati 9.12; Sam 34.20
37Naibaly Tameuh i cha-iu leu sai takhra ly,
“Nichi i thun nai ai ly nichi ly khen ai,”
nanai tajiu bi.#Zek 12.10; Amt 1.7
Isu ai up nai
(Mt 27.57–61; Mk 15.42–47; Lk 23.50–56)
38Naibaly huna naichi sa nai bo y ly Josepha Arimathai avang i khumi, Isu teng y abang teang (ne mang ly Judachi ai jei nai deaungkho y kangviu y abang) ni ly Isu i veu la vui ai nai Pilata teng y hnei. Naibaly Pilata my pei i ni ly jeu iy veu la veng bo. 39Naibaly angchei kha y vum y Isu teng y chei nai Nikodema ly mura hawi, alo katlen nai angchi sie vui pangrei mo syn iy chei teang.#Jh 3.1–2 40Naibaly nini ly Isu i veu la iy Judachi i up nai reita kamta atiti rimui hawi, kanih mai ka-syn hawi bam. 41Naibaly ni ai kraws tleaung y tahen nai meingtym y akho harei awm i, akho y ly ami ai py up vai y nai angawm kangtha harei awm. 42Naibaly Judachi i Sa Rym Nai Kani ne nai deaungkho y huni angawm ly ahawi y ryp i Isu ai hu y up hawi bo.
Currently Selected:
JOHAN 19: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
JOHAN 19
19
1Naibaly hunai thym khala y Pilata ly Isu ai hawi iy chip i, tavaimichi ly aleng tarai khui iy amyn hai, 2kanih kamsen jeaung py akhiu hai; 3naibaly nichi ly ahawi y chei iy, “Kawn ba Judachi i samrang awi!” napi i tabeang u. 4Naibaly Pilata ly theu bi i nichi teng y, “Khen cham, ati sai py kamngo kaniu y leang, nanai nangchi pany ai nai kang pahawi bi bo he,” napi. 5Naibaly Isu ly aleng tarai hawi kanih kamsen jeaung akhiu naimy theu i Pilata my nichi teng y, “Khen cham, hini khumi ai he,” napi. 6Naibaly pathyp pi nai keung kalenchi hawi miseaung luchi my ly ni ai niu baly, “Kraws tleaung y tahen, kraws tleaung y tahen,” nanai aeu u. Pilata my nichi teng y, “Nangchi my tako hai ly, kraws tleaung y tahen u; kai ly ati sai py kamngo kaniu y leang,” napi. 7Judachi ly ni teng y, “kaichi i reita harei awm, mymy ly Tameuuh i Chapo amlawn nai deaungkho y huni reita i leu y dei ai nai tla,” nanai pathang u. 8Naibaly Pilata ly huna nai leu thai iy jei ra i, yhm y kun bi iy Isu teng, 9“Nang ly ma mang i khumi mo?” napi. 10Na i py Isu my pathang y. Naibaly Pilata my ni teng y, “Nang ly kai ai pathang y lawh a? Patheu py kang patheu thai, kraws tleaung y py kang tahen thai, nanai pany y nai sai a?” napi. 11Isu my pathang i, “Salo mang i dengdairei ang pei nai ny y baly kai i tlang tleaung y nang sa pajau ai naira ha py nga ai ny y leang; hunai deaungkho y kai ai nang teng y au nai keung ly kamngo len ra bo,” napi.
12Hunai ryrei baly Pilata ly ni ai patheu ai nai tau; na i py Judachi ly, “Nang ly hini khumi ai patheu baly nang Kaisara i ahawi ny y leang. Ami py samrang amlawn nai ngierei ly Kaisara ai pasum nai teu,” nanai aeu. 13Naibaly Pilata ly huna nai leu thai baly Isu ai pahawi i lengseaung Padyhra meingtym y tara chih naira y ateh. (Huni ly Herbrai leu y Kabatha napi.) 14Huni kani ly Katlen Vui nai pawi Sa Rym Nai Kani ne: khawn biu cha neng ne bo. Naibaly ni my ly Judachi teng y, “Khen cham, nangchi i samrang ly!” napi. 15Naibaly nichi my ly, “Lo la, lo la, kraws tleaung y tahen!” nanai aeu u. Pilata my nichi teng y, “Nangchi i samrang ai ly kraws tleaung y katahen ai a?” napi. Pathyp pi nai keung kalenchi my ly, “Kaisara ny y baly kaichi i samrang takhra by y leang,” nanai pathang. 16Hunaibaly Pilata ly kraws tleaung y tahen ai nai mymy ai nichi teng y au bo.
Isu ai kraws tleaung y tahen nai
(Mt 27.32–43; Mk 15.21–32; Lk 23.26–43)
Hunaibaly nichi ly Isu ai pahawi u; 17naibaly ni ly amy i vui kraws apu naimy Lu Hiu meungtym napi naira y tym pa-rei tako. 18(Huni ly Hebrai leu y Kolkotha napi.) Hu y ly mymy hawi vanrei khumi takhra leaung nyhrei ai py kraws tleaung y tahen teang, lamtang mang y leaungrei, langvawi mang y leaungrei, sala y ly Isu. 19Naibaly Pilata ly cha tajiu i kraws tleaung y bi. 20“Nazaret Isu, Judachi i samrang,” nanai tajiu. Naibaly Isu ai kraws tleaung y tahen nai meingtym ly avang pui ahawi ne nai deaungkho y, Judachi neangneang huni cha phain u; huni ly Hebrai leu y py, Rom leu y py, Krik leu y py tajiu nai ne. 21Hunaibaly Judachi i pathyp pi nai keung kalenchi ly Pilata teng y, “Judachi i samrang’ nanai tajiu moh; mymy ly ‘Judachi i samrang kai ne, nanai thui,’ nanai tajiu,” napi. 22Pilata my, “Kai i tajiu nai ly katajiu chum veng bo,” nanai pathang.
23Naibaly tavaimichi ly Isu ai kraws tleaung y tahen pajau baly ni i ateaung la i phy palyhrei palawn, tavaimi leaungrei y phy phyrei teung u; baichu py la teang: baichu ly hui y nai baichu amjy, kaneaung i dengdairei bom verei aneng ve nai; 24hunai deaungkho y nichi ly, “Sei y han bo, ami ngo na mo tambe va sina,” na u leungtang. #Sam 22.18
(Tameuh i cha-iu leu sai, “kai i ateaung amji u iy,
Kai i baichu i vui py tambe va u,” nanai tym thai ai nai,)
Huni atitichi ly tavaimichi my sa khyp.
25Naibaly Isu i kraws ahawi y ni i amhm hawi, amhmto Klopa i aju Mari hawi, Mari Makdilini hawi angdo nai ne. 26Hunaibaly Isu ly mymy i amhm hawi abangnai leaungrei mymy tamen nai ly ahawi y angdo nai niu i amhm teng y, “Neampachy awi khen cham, nang i chapo ly!” napi. 27Naibaly abangnai teng y, “khen cham ngamhm ly!” napi. Naibaly hunai ryrei baly huni abangnai ly ni ai mymy i yhm y hawi veng bo.
Isu i dei nai
(Mt 27.45–56; Mk 15.33–41; Lk 23.44–49)
28Hunai bo y Isu my vai ly ati cheaungkhang angym bo, nanai pany i, Tameuh i cha-iu leu sai tym thai ai nai “Kai tui ahai,” napi.#Sam 69.21, 22.15 29Hu y ly laawm harei kreip athai hang katho kakawi khai nai panui bo: nichi ly span angsorei kreip athai hang katho y padeung iy, hussop beang tleaung y takei i ni i labeaung y tui. 30Naibaly Isu ly kreip athai hang nei pajau baly, “Angym bo,” napi i, lu meung iy mymy i phailo patlaw bo.
Isu i pana y tivi hawi thun nai
31Hunaibaly huni ly Sa Rym Nai Kani ne nai deaungkho y, veuchi ly Anawn Kani y kraws tleaung y awm jo y ai nai (huni Anawn kani ly aly len nai kani ne) Judachi ly Pilata teng y nichi i kheu tleu hai iy veu la vui ai nai hnei u. 32Naibaly tavaimichi ly jeu i ni teng y kraws tleaung y vanrei tahen nai leaungrei ai hawi, takhra leaungrei ai py nini i kheu tleu hai: 33na i py Isu i ahawi y chei iy ni ly dei veng bo, nanai pany i ni i kheu tleu hai y. 34Ne mang ly tavaimichi theung y leaungrei ly ni i pana y tivi hawi thun i, thi hawi tui theu praw ryp. 35Nangchi ly ym thai ai nai, niu nai keung my pany hai bo; ni i pany hai nai leu ly teng parai mang; ni i thui nai ly teng, nanai apany. 36Ati mana nai mo nabaly Tameuh i cha-iu leu sai,
“Ni i hiu ha py tleu hai ai ny y,”
nanai tym thai ai nai huni atitichi tym bo.#Theu 12.46; Kati 9.12; Sam 34.20
37Naibaly Tameuh i cha-iu leu sai takhra ly,
“Nichi i thun nai ai ly nichi ly khen ai,”
nanai tajiu bi.#Zek 12.10; Amt 1.7
Isu ai up nai
(Mt 27.57–61; Mk 15.42–47; Lk 23.50–56)
38Naibaly huna naichi sa nai bo y ly Josepha Arimathai avang i khumi, Isu teng y abang teang (ne mang ly Judachi ai jei nai deaungkho y kangviu y abang) ni ly Isu i veu la vui ai nai Pilata teng y hnei. Naibaly Pilata my pei i ni ly jeu iy veu la veng bo. 39Naibaly angchei kha y vum y Isu teng y chei nai Nikodema ly mura hawi, alo katlen nai angchi sie vui pangrei mo syn iy chei teang.#Jh 3.1–2 40Naibaly nini ly Isu i veu la iy Judachi i up nai reita kamta atiti rimui hawi, kanih mai ka-syn hawi bam. 41Naibaly ni ai kraws tleaung y tahen nai meingtym y akho harei awm i, akho y ly ami ai py up vai y nai angawm kangtha harei awm. 42Naibaly Judachi i Sa Rym Nai Kani ne nai deaungkho y huni angawm ly ahawi y ryp i Isu ai hu y up hawi bo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.