JOHAN 20
20
Angawm ka-keu
(Mt 28.1–8; Mk 16.1–8; Lk 24.1–12)
1Naibaly kani saryhrei nai angchei i kani khutawi y kyh rai khala y Mari Makdilini ly angawm y chei i, lengseaung ly angawm i nai kasyh vui nai niu. 2Hunaibaly mymy ly angpreng iy Simon Petera hawi abangnai takhra leaungrei Isu my tamen nai teng y chei i nini teng y, “Areng ai ly, angawm i nai la vui bo, kaichi ly nichi i khai naira pany y,” napi. 3Hunaibaly Petera ly abangnai takhra hawi theu iy, angawm mang y chei hawi tapai. 4Naibaly nini ly angpreng hawi i, abangnai takhra my ly Petera ai katlen vui iy angawm y tym man; 5naibaly meung iy bih i, kanih mai ka-synchi awm jo nai niu i py theung y kun y. 6Hunaibaly Simon Petera ly nithun mang y hui nai tym teang i, angawm theung y kun iy kanih mai ka-synchi awm jo nai niu; 7ni i lu y bam nai kanih ly kanih ma ka-synchi theung y awm y i, meingtym takhra y taeang angchi niu. 8Hunaibaly angawm y tym man nai abangnai takhra py kun teang i niu iy ym bo. 9Mymy ly kadeichi theung i nai angthau bi ai nai tla, nanai Tameuh i cha-iu leu sai nichi pany y rai. 10Hunaibaly abangnai leaung nyhrei ly myni i yhm y vawi ali teang bo.
Makdalini Mari teng y amteng pi nai
(Mt 28.9–10; Mk 16.9–11)
11Na i py Mari ly angam mang y angawm ahawi y vo naimy angdo nai ne:naibaly vo nai tarawi y meung iy angawm theung y bih; 12naibaly kani pri i amtaw thau nai leaung nyhrei kanih kangleung akhiu naimy, Isu i veu paseaung nai meingtym y lu mang y leaungrei, kheu mang y leaungrei ateh nai niu. 13Naibaly nini my ly ni teng y, “Lo awi, ati mana nai vo mo?” napi. Mymy ly nini teng y, “Kai i Areng ai nichi my la vui i khai naira kapany y nai deaungkho y teu,” napi. 14Naibaly mymy ly huna nai thui pajau iy nithun mang y hi i Isu angdo nai niu, na i py Isu ne, nanai pany y. 15Isu my ni teng y, “Lo awi, ati mana nai vo mo? Ami ai hau mo?” napi. Ni ly mymy ai akho kry nai keung palawn i ni teng y, “Areng, nang ly mymy ai hi i nai la vui bo nabaly nang i khai naira kai ai thui pi kyh, hunaibaly kaimy ni ai la vui ai,” napi. 16Isu my ni teng y, “Mari,” napi. Ni my ly hi iy ni teng y Hebrai leu y, “Rabboni” napi; (huni ly Sara nanai sai ne). 17Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi. 18Mari Makdilini ly chei i abangnaichi teng y, “Areng ai kaniu bo,” napi; mymy teng y ni i leu thui nai py ang thui pi teang.
Isu ly abangnaichi teng y amteng pi nai
(Mt 28.16–20; Mk 16.14–18; Lk 24.36–49)
19Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi. 20Naibaly huna nai thui pajau baly mymy i kiu hawi pana py nichi teng y patei. Hunaibaly abangnaichi ly Areng ai niu baly kawn parai. 21Naibaly Isu my nichi teng y, “Nangchi teng y paleung awmnem naira awm sy. Ampo my kai ai pato nai kamta, nangchi ai py kaimy kang pato teang he,” napi bi. 22Naibaly huna nai leu thui pajau baly nichi i tlang tleaung y taho i nichi teng y, “Phailo Kachai ngo u; 23ami i kamngochi py nangchi my pahen nai ngierei ly pahen nai bo; ami i kamngochi py nangchi my pahen y nai ngierei ly pahen y nai bo,” napi.#Mt 16.19, 18.18
Isu hawi Thoma
24Na i py Isu jeu nai khala y Thoma, holai nyhrei theung i leaungrei, Diduma napi nai ly nichi teng y by y. 25Hunaibaly abangnai takhrachi my ly ni teng y, “Areng ai kaichi niu bo,” napi. Na i py mymy ly nichi teng y, “Ni i kiu y sengmo tahen nai satlang kai niu y baly, sengmo tahen nai satlang y kai i kiu pajeung katapo y baly, kai i kiu py ni i pana y katapo khyp y baly kai ym ai nai aveng,” napi.
26Naibaly kani tajarei bo y abangnaichi ly yhm angtheung y awm bi i, Thoma py nichi teng y awm teang. Naibaly Isu my jeu i katheu kho veng i py nichi theung y angdo iy nichi teng y, “Nangchi teng y paleung awmnem naira awm sy,” napi. 27Naibaly mymy ly Thoma teng y, “Nang i kiu pajeung thawi ly kai i kiu khen cham; nang i kiu thawi ly kai i pana y tapo; ym y naimy awm moh, ym ba,” napi. 28Thoma my ni teng y, “Kai i Areng hawi kai i Tameuh,” nanai pathang. 29Isu my ni teng y, “Nang ly kai ai niu nai deaungkho y ym nai teu; niu y nai ym nai ngierei ly taham hawi,” napi.
Hini cha-iu i patyp nai
30Naibaly Isu my abangnaichi i mei ka-niu y ka-ma-ra takhra neangneang sa, hunichi ly hini cha-iu y tajiu nai ny y leang; 31na i py Isu ly Krista, Tameuh i Chapo ne, nanai nangchi ym ai nai hawi, nangchi ym iy mymy i amyn y hengra nga ai nai py hinichi tajiu nai ne.
Currently Selected:
JOHAN 20: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.
JOHAN 20
20
Angawm ka-keu
(Mt 28.1–8; Mk 16.1–8; Lk 24.1–12)
1Naibaly kani saryhrei nai angchei i kani khutawi y kyh rai khala y Mari Makdilini ly angawm y chei i, lengseaung ly angawm i nai kasyh vui nai niu. 2Hunaibaly mymy ly angpreng iy Simon Petera hawi abangnai takhra leaungrei Isu my tamen nai teng y chei i nini teng y, “Areng ai ly, angawm i nai la vui bo, kaichi ly nichi i khai naira pany y,” napi. 3Hunaibaly Petera ly abangnai takhra hawi theu iy, angawm mang y chei hawi tapai. 4Naibaly nini ly angpreng hawi i, abangnai takhra my ly Petera ai katlen vui iy angawm y tym man; 5naibaly meung iy bih i, kanih mai ka-synchi awm jo nai niu i py theung y kun y. 6Hunaibaly Simon Petera ly nithun mang y hui nai tym teang i, angawm theung y kun iy kanih mai ka-synchi awm jo nai niu; 7ni i lu y bam nai kanih ly kanih ma ka-synchi theung y awm y i, meingtym takhra y taeang angchi niu. 8Hunaibaly angawm y tym man nai abangnai takhra py kun teang i niu iy ym bo. 9Mymy ly kadeichi theung i nai angthau bi ai nai tla, nanai Tameuh i cha-iu leu sai nichi pany y rai. 10Hunaibaly abangnai leaung nyhrei ly myni i yhm y vawi ali teang bo.
Makdalini Mari teng y amteng pi nai
(Mt 28.9–10; Mk 16.9–11)
11Na i py Mari ly angam mang y angawm ahawi y vo naimy angdo nai ne:naibaly vo nai tarawi y meung iy angawm theung y bih; 12naibaly kani pri i amtaw thau nai leaung nyhrei kanih kangleung akhiu naimy, Isu i veu paseaung nai meingtym y lu mang y leaungrei, kheu mang y leaungrei ateh nai niu. 13Naibaly nini my ly ni teng y, “Lo awi, ati mana nai vo mo?” napi. Mymy ly nini teng y, “Kai i Areng ai nichi my la vui i khai naira kapany y nai deaungkho y teu,” napi. 14Naibaly mymy ly huna nai thui pajau iy nithun mang y hi i Isu angdo nai niu, na i py Isu ne, nanai pany y. 15Isu my ni teng y, “Lo awi, ati mana nai vo mo? Ami ai hau mo?” napi. Ni ly mymy ai akho kry nai keung palawn i ni teng y, “Areng, nang ly mymy ai hi i nai la vui bo nabaly nang i khai naira kai ai thui pi kyh, hunaibaly kaimy ni ai la vui ai,” napi. 16Isu my ni teng y, “Mari,” napi. Ni my ly hi iy ni teng y Hebrai leu y, “Rabboni” napi; (huni ly Sara nanai sai ne). 17Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi. 18Mari Makdilini ly chei i abangnaichi teng y, “Areng ai kaniu bo,” napi; mymy teng y ni i leu thui nai py ang thui pi teang.
Isu ly abangnaichi teng y amteng pi nai
(Mt 28.16–20; Mk 16.14–18; Lk 24.36–49)
19Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi. 20Naibaly huna nai thui pajau baly mymy i kiu hawi pana py nichi teng y patei. Hunaibaly abangnaichi ly Areng ai niu baly kawn parai. 21Naibaly Isu my nichi teng y, “Nangchi teng y paleung awmnem naira awm sy. Ampo my kai ai pato nai kamta, nangchi ai py kaimy kang pato teang he,” napi bi. 22Naibaly huna nai leu thui pajau baly nichi i tlang tleaung y taho i nichi teng y, “Phailo Kachai ngo u; 23ami i kamngochi py nangchi my pahen nai ngierei ly pahen nai bo; ami i kamngochi py nangchi my pahen y nai ngierei ly pahen y nai bo,” napi.#Mt 16.19, 18.18
Isu hawi Thoma
24Na i py Isu jeu nai khala y Thoma, holai nyhrei theung i leaungrei, Diduma napi nai ly nichi teng y by y. 25Hunaibaly abangnai takhrachi my ly ni teng y, “Areng ai kaichi niu bo,” napi. Na i py mymy ly nichi teng y, “Ni i kiu y sengmo tahen nai satlang kai niu y baly, sengmo tahen nai satlang y kai i kiu pajeung katapo y baly, kai i kiu py ni i pana y katapo khyp y baly kai ym ai nai aveng,” napi.
26Naibaly kani tajarei bo y abangnaichi ly yhm angtheung y awm bi i, Thoma py nichi teng y awm teang. Naibaly Isu my jeu i katheu kho veng i py nichi theung y angdo iy nichi teng y, “Nangchi teng y paleung awmnem naira awm sy,” napi. 27Naibaly mymy ly Thoma teng y, “Nang i kiu pajeung thawi ly kai i kiu khen cham; nang i kiu thawi ly kai i pana y tapo; ym y naimy awm moh, ym ba,” napi. 28Thoma my ni teng y, “Kai i Areng hawi kai i Tameuh,” nanai pathang. 29Isu my ni teng y, “Nang ly kai ai niu nai deaungkho y ym nai teu; niu y nai ym nai ngierei ly taham hawi,” napi.
Hini cha-iu i patyp nai
30Naibaly Isu my abangnaichi i mei ka-niu y ka-ma-ra takhra neangneang sa, hunichi ly hini cha-iu y tajiu nai ny y leang; 31na i py Isu ly Krista, Tameuh i Chapo ne, nanai nangchi ym ai nai hawi, nangchi ym iy mymy i amyn y hengra nga ai nai py hinichi tajiu nai ne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.