Milimo ya Ŵakutumika 10
10
Petrosi na Koroneliyo
1Mu Kesareya, mukaŵa munthu zina lakhe Koroneliyo, uyo wakaŵa murara wa ŵaItaliya. 2Wakaŵa munthu wakusopa Chiuta, ndipo iyo na mbumba yakhe yose ŵakopanga Chiuta. Koroneliyo wakaŵachitiranga ŵanthu vya lusungu vinandi, ndiposo wakarombanga kwa Chiuta kaŵirikaŵiri. 3Pakaŵa pa 3 koloko ku mise apo mboniwoni yikamwizira Koroneliyo, umo wakawona makora ghene mungelo wa Chiuta wakunjira na kuti, “Koroneliyo.”
4Iyo wakamudodoliska mungelo mu wofi ndipo wakati, “Nchichi, Fumu?”
Mungelo wakazgora wakati, “Malurombo ghako, ndipo na vya lusungu vyako Chiuta wapulika na kupokerera ndipo sono wakukuzgora. 5Tuma ŵanthu ku Yopa kuti ŵakacheme Simoni uyo wakuchemeka Petrosi 6Iyo wakupanjwa mu nyumba ya Simoni munyuki wa vikumba, uyo nyumba yakhe yili mu mphepete mwa nyanja.” 7Mungelo uyo wakayowoyanga nayo wakati waruta, Koroneliyo wakachema ŵateŵeti ŵakhe ŵaŵiri pamoza na musilikari wakusopa Chiuta, yumoza wa awo ŵakamuteŵeteranga. 8Wakati waŵakonkhoskera vyose, wakaŵatuma ku Yopa.
Petrosi wakuwona mboniwoni
9Na machero ghakhe, apo ŵakaŵa ŵachali kwenda, kweni ŵali pafupi kufika ku msumba wa Yopa, Petrosi wakakwera pachanya pa mtenje wa nyumba kuya karomba, na nyengo ya 12 koloko na muhanya. 10Njara yikamukora ndipo wakakhumbanga kurya. Ndipo ŵachali kumuphikira, wakaŵa nga wagona tulo ndipo wakawona mboniwoni. 11Iyo wakawona kuchanya kwajurika, ndipo chinthu, nga ndi salu yikuru chomene chakukolereka pa mawondo ghakhe ghanayi, chikwikhira pasi. 12Mukati mwakhe mukaŵa nyama zose za malundi ghanayi na vyakukhwaŵa pasi na viyuni vya mudera. 13Petrosi wakapulika lizgu lakuti, “Wuka, koma, ndipo urye!”
14Petrosi wakazgora wakati, “Na pachoko pose, Fumu! Pakuti ndilije kuryapo chinthu cha ukazuzi panji chambula kuphotoka.”
15Petrosi wakapulikaso kachiŵiri lizgu lakuti, “Icho Chiuta waphotora ureke kuyowoya kuti ncha ukazuzi.” 16Ichi chikachitika katatu ndipo penepapo chinthu chira chikatorekera kuchanya.
17Petrosi wachali kuzizwa na kukayika mu mtima wakhe na icho mboniwoni yira yikang'anamulanga, ŵanthu awo ŵakatumika na Koroneliyo, wakati wafumbilira nyumba ya Simoni munyuki wa vikumba, ŵakafika pa chipata, 18ndipo ŵakachema na kufumba ŵakati, “Kasi walipo pano Simoni mweneuyo zina lakhe linyakhe ndi Petrosi?”
19Apo Petrosi wakaŵa wachali kughanaghana na mboniwoni yira, Mzimu wakamuphalira kuti, “Simoni, wona ŵanthu ŵatatu ŵakupenja iwe. 20Ntheura wuka, khira, ndipo urute nawo kwambula kukayika, pakuti ndine ndaŵatuma.” 21Petrosi wakakhilira ku ŵanthu ŵara, wakaŵaphalira wakati, “Ndine munthu uyo mukupenja. Kasi mwapukwachi?”
22Iwo ŵakazgora ŵakati, “Koroneliyo, murara wa ŵankhondo, watituma. Iyo ndi munthu murunji na wakusopa Chiuta, ndipo ngwa lumbiri luweme mukati mu fuko lose la ŵaYuda. Iyo wakarongozgeka na mungelo kuti wakuchemere ku nyumba yakhe, mwakuti wakapulike ivyo iwe ungamuyowoyera.” 23Ntheura Petrosi wakaŵanjizga mu nyumba kuti ŵapanjwe nayo.
Petrosi wakuruta ku nyumba ya Koroneliyo
Na machero ghakhe, Petrosi wakawuka na kuruta nawo, ndipo ŵakupulikana ŵanji ŵa mu Yopa ŵakarongozgana nayo. 24Na machero ghanyakhe, ŵakaya kanjira mu msumba wa Kesareya. Koroneliyo wakaŵalindizganga ndipo wakaŵa kuti wawunganya kale ŵa mu mbumba yakhe na ŵabwezi ŵakhe ŵakutemweka. 25Para Petrosi wakanjiranga waka, Koroneliyo wakamupokerera, wakawa mu malundi ghakhe, na kumulambira. 26Kweni Petrosi wakamuwuska wakati, “Imilira. Ine nane ndili munthu.” 27Petrosi wakanjira mu nyumba uku wakuyowoyeskana na Koroneliyo, wakasanga ŵanthu ŵanandi ŵawungana kale. 28Petrosi wakayowoya nawo wakati, “Mose mukumanya waka kuti nchamwikho kuti muYuda wachezge panji wenderane na ŵanthu ŵa mitundu yinyakhe. Kweni sono Chiuta wandirongora ine kuti ndireke kumunena munthu nayumo kuti ngwa kukazuzgika panji ngwambula kuphotoka. 29Ndicho chifukwa nkhati ndachemeka na iwe nkhatondeka kukana. Sono nkhukufumba kuti, kasi wandichemerachi?”
30Koroneliyo wakamuzgora wakati, “Mazuŵa ghanayi ghajumphapo, pa ora leneliri la 3 koloko na mise ilo nkhasunganga kuŵa la mapemphero mu nyumba yane, munthu wakimilira panthazi pane mweneuyo wakavwara vyakubuta, wakandiphalira wakati, 31‘Koroneliyo, Chiuta wapulika malurombo ghako ndiposo wakumbuka milimo yako ya lusungu. 32Sono tuma ŵanthu ku Yopa, kuti ŵakacheme Simoni uyo zina lakhe linyakhe ndi Petrosi. Iyo wakupanjwa mu nyumba ya Simoni munyuki wa vikumba, uyo nyumba yakhe yili mu mphepete mwa nyanja.’ 33Ntheura luŵiro nkhatuma ŵanthu. Mwachita makora nadi kuti mwafika. Sono tose tili pano panthazi pa Chiuta ndipo tikukhumba kupulika chose icho Fumu yamulangulani kutiyowoyera.”
Petrosi wakupharazga mu nyumba ya Koroneliyo
34Petrosi wakamba kuŵayowoyera wakati, “Nadi, sono ndamanya kuti Chiuta wakutemwera chara.#Mar 10.17 35Kweni wakupokerera, kufuma mu mafuko ghose, waliyose uyo wakumopa iyo na kuchita urunji. 36Mukumanya mazgu agho wakatuma ku ŵaIsraele, kupharazga Uthenga Uweme wa mutende mwa Yesu Khristu uyo ndi Fumu ya ŵanthu wose. 37Mukumanya vinthu vikuru ivyo vikachitika ku Yudeya kose, kwamba ku Galileya, Yohane wakati wapharazga ubapatizo wakhe. 38Mukumanya umo Chiuta wakamuphakazgira Yesu wa ku Nazarete na Mzimu Mutuŵa ndiposo na nkhongono na umo ŵakendera kosekose, na kuchita uweme, na kuchizga wose awo ŵakakoreka na Satana, pakuti Chiuta wakaŵa nayo. 39Ise ndise ŵakaboni ŵa vyeneivyo wakachitanga mu charu cha Yudeya na mu Yerusalemu wuwo. Ŵakamukoma pakumupayika pa mphinjika. 40Kweni Chiuta wakamuwuska ku ŵakufwa pa zuŵa la chitatu, ndipo wakamurongora pakweru, 41ku ŵanthu wose chara, kweni kwa ise tikasoreka na Chiuta kuŵa ŵakaboni. Ise tikarya na kumwa nayo pamoza para wakati wawuka ku ŵakufwa. 42Wakatilangula kupharazga Uthenga Uweme ku ŵanthu wose na kuchita ukaboni kuti iyo ndiyo wali kwimikika na Chiuta kuŵa mweruzgi wa ŵamoyo na ŵakufwa. 43Ndi mweneuyo nchimi zose zili kumuchitira ukaboni kuti, yose uyo wakupulikana nayo, wapokerenge chigowokero cha zakwananga mu zina lakhe.”
Ŵamitundu ŵakupokera Mzimu Mutuŵa
44Apo Petrosi wakaŵa wachali kuyowoya ivi, Mzimu Mutuŵa wakaŵizira wose awo ŵakapulika mazgu. 45ŴaYuda ŵakupulikana awo ŵakiza na Petrosi kufuma ku Yopa, ŵakazizwa pakuwona kuti Chiuta wapungulira chawanangwa cha Mzimu Mutuŵa na pa ŵamitundu wuwo. 46Chifukwa ŵakaŵapulika ŵakuyowoya mazgu gha chilendo na kurumba ukuru wa Chiuta. Penepapo Petrosi wakayowoya wakati, 47“Kasi waliko munthu uyo wangakanizga ŵanthu aŵa kuti ŵabapatizike na maji, ŵeneawo ŵapokera Mzimu Mutuŵa nga ndi umo ise tili kupokerera?” 48Ntheura wakalangula kuti ŵabapatizike mu zina la Yesu Khristu. Ndipo ŵakamuromba Petrosi kuti wakharepo nawo mazuŵa ghanji.
Currently Selected:
Milimo ya Ŵakutumika 10: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Milimo ya Ŵakutumika 10
10
Petrosi na Koroneliyo
1Mu Kesareya, mukaŵa munthu zina lakhe Koroneliyo, uyo wakaŵa murara wa ŵaItaliya. 2Wakaŵa munthu wakusopa Chiuta, ndipo iyo na mbumba yakhe yose ŵakopanga Chiuta. Koroneliyo wakaŵachitiranga ŵanthu vya lusungu vinandi, ndiposo wakarombanga kwa Chiuta kaŵirikaŵiri. 3Pakaŵa pa 3 koloko ku mise apo mboniwoni yikamwizira Koroneliyo, umo wakawona makora ghene mungelo wa Chiuta wakunjira na kuti, “Koroneliyo.”
4Iyo wakamudodoliska mungelo mu wofi ndipo wakati, “Nchichi, Fumu?”
Mungelo wakazgora wakati, “Malurombo ghako, ndipo na vya lusungu vyako Chiuta wapulika na kupokerera ndipo sono wakukuzgora. 5Tuma ŵanthu ku Yopa kuti ŵakacheme Simoni uyo wakuchemeka Petrosi 6Iyo wakupanjwa mu nyumba ya Simoni munyuki wa vikumba, uyo nyumba yakhe yili mu mphepete mwa nyanja.” 7Mungelo uyo wakayowoyanga nayo wakati waruta, Koroneliyo wakachema ŵateŵeti ŵakhe ŵaŵiri pamoza na musilikari wakusopa Chiuta, yumoza wa awo ŵakamuteŵeteranga. 8Wakati waŵakonkhoskera vyose, wakaŵatuma ku Yopa.
Petrosi wakuwona mboniwoni
9Na machero ghakhe, apo ŵakaŵa ŵachali kwenda, kweni ŵali pafupi kufika ku msumba wa Yopa, Petrosi wakakwera pachanya pa mtenje wa nyumba kuya karomba, na nyengo ya 12 koloko na muhanya. 10Njara yikamukora ndipo wakakhumbanga kurya. Ndipo ŵachali kumuphikira, wakaŵa nga wagona tulo ndipo wakawona mboniwoni. 11Iyo wakawona kuchanya kwajurika, ndipo chinthu, nga ndi salu yikuru chomene chakukolereka pa mawondo ghakhe ghanayi, chikwikhira pasi. 12Mukati mwakhe mukaŵa nyama zose za malundi ghanayi na vyakukhwaŵa pasi na viyuni vya mudera. 13Petrosi wakapulika lizgu lakuti, “Wuka, koma, ndipo urye!”
14Petrosi wakazgora wakati, “Na pachoko pose, Fumu! Pakuti ndilije kuryapo chinthu cha ukazuzi panji chambula kuphotoka.”
15Petrosi wakapulikaso kachiŵiri lizgu lakuti, “Icho Chiuta waphotora ureke kuyowoya kuti ncha ukazuzi.” 16Ichi chikachitika katatu ndipo penepapo chinthu chira chikatorekera kuchanya.
17Petrosi wachali kuzizwa na kukayika mu mtima wakhe na icho mboniwoni yira yikang'anamulanga, ŵanthu awo ŵakatumika na Koroneliyo, wakati wafumbilira nyumba ya Simoni munyuki wa vikumba, ŵakafika pa chipata, 18ndipo ŵakachema na kufumba ŵakati, “Kasi walipo pano Simoni mweneuyo zina lakhe linyakhe ndi Petrosi?”
19Apo Petrosi wakaŵa wachali kughanaghana na mboniwoni yira, Mzimu wakamuphalira kuti, “Simoni, wona ŵanthu ŵatatu ŵakupenja iwe. 20Ntheura wuka, khira, ndipo urute nawo kwambula kukayika, pakuti ndine ndaŵatuma.” 21Petrosi wakakhilira ku ŵanthu ŵara, wakaŵaphalira wakati, “Ndine munthu uyo mukupenja. Kasi mwapukwachi?”
22Iwo ŵakazgora ŵakati, “Koroneliyo, murara wa ŵankhondo, watituma. Iyo ndi munthu murunji na wakusopa Chiuta, ndipo ngwa lumbiri luweme mukati mu fuko lose la ŵaYuda. Iyo wakarongozgeka na mungelo kuti wakuchemere ku nyumba yakhe, mwakuti wakapulike ivyo iwe ungamuyowoyera.” 23Ntheura Petrosi wakaŵanjizga mu nyumba kuti ŵapanjwe nayo.
Petrosi wakuruta ku nyumba ya Koroneliyo
Na machero ghakhe, Petrosi wakawuka na kuruta nawo, ndipo ŵakupulikana ŵanji ŵa mu Yopa ŵakarongozgana nayo. 24Na machero ghanyakhe, ŵakaya kanjira mu msumba wa Kesareya. Koroneliyo wakaŵalindizganga ndipo wakaŵa kuti wawunganya kale ŵa mu mbumba yakhe na ŵabwezi ŵakhe ŵakutemweka. 25Para Petrosi wakanjiranga waka, Koroneliyo wakamupokerera, wakawa mu malundi ghakhe, na kumulambira. 26Kweni Petrosi wakamuwuska wakati, “Imilira. Ine nane ndili munthu.” 27Petrosi wakanjira mu nyumba uku wakuyowoyeskana na Koroneliyo, wakasanga ŵanthu ŵanandi ŵawungana kale. 28Petrosi wakayowoya nawo wakati, “Mose mukumanya waka kuti nchamwikho kuti muYuda wachezge panji wenderane na ŵanthu ŵa mitundu yinyakhe. Kweni sono Chiuta wandirongora ine kuti ndireke kumunena munthu nayumo kuti ngwa kukazuzgika panji ngwambula kuphotoka. 29Ndicho chifukwa nkhati ndachemeka na iwe nkhatondeka kukana. Sono nkhukufumba kuti, kasi wandichemerachi?”
30Koroneliyo wakamuzgora wakati, “Mazuŵa ghanayi ghajumphapo, pa ora leneliri la 3 koloko na mise ilo nkhasunganga kuŵa la mapemphero mu nyumba yane, munthu wakimilira panthazi pane mweneuyo wakavwara vyakubuta, wakandiphalira wakati, 31‘Koroneliyo, Chiuta wapulika malurombo ghako ndiposo wakumbuka milimo yako ya lusungu. 32Sono tuma ŵanthu ku Yopa, kuti ŵakacheme Simoni uyo zina lakhe linyakhe ndi Petrosi. Iyo wakupanjwa mu nyumba ya Simoni munyuki wa vikumba, uyo nyumba yakhe yili mu mphepete mwa nyanja.’ 33Ntheura luŵiro nkhatuma ŵanthu. Mwachita makora nadi kuti mwafika. Sono tose tili pano panthazi pa Chiuta ndipo tikukhumba kupulika chose icho Fumu yamulangulani kutiyowoyera.”
Petrosi wakupharazga mu nyumba ya Koroneliyo
34Petrosi wakamba kuŵayowoyera wakati, “Nadi, sono ndamanya kuti Chiuta wakutemwera chara.#Mar 10.17 35Kweni wakupokerera, kufuma mu mafuko ghose, waliyose uyo wakumopa iyo na kuchita urunji. 36Mukumanya mazgu agho wakatuma ku ŵaIsraele, kupharazga Uthenga Uweme wa mutende mwa Yesu Khristu uyo ndi Fumu ya ŵanthu wose. 37Mukumanya vinthu vikuru ivyo vikachitika ku Yudeya kose, kwamba ku Galileya, Yohane wakati wapharazga ubapatizo wakhe. 38Mukumanya umo Chiuta wakamuphakazgira Yesu wa ku Nazarete na Mzimu Mutuŵa ndiposo na nkhongono na umo ŵakendera kosekose, na kuchita uweme, na kuchizga wose awo ŵakakoreka na Satana, pakuti Chiuta wakaŵa nayo. 39Ise ndise ŵakaboni ŵa vyeneivyo wakachitanga mu charu cha Yudeya na mu Yerusalemu wuwo. Ŵakamukoma pakumupayika pa mphinjika. 40Kweni Chiuta wakamuwuska ku ŵakufwa pa zuŵa la chitatu, ndipo wakamurongora pakweru, 41ku ŵanthu wose chara, kweni kwa ise tikasoreka na Chiuta kuŵa ŵakaboni. Ise tikarya na kumwa nayo pamoza para wakati wawuka ku ŵakufwa. 42Wakatilangula kupharazga Uthenga Uweme ku ŵanthu wose na kuchita ukaboni kuti iyo ndiyo wali kwimikika na Chiuta kuŵa mweruzgi wa ŵamoyo na ŵakufwa. 43Ndi mweneuyo nchimi zose zili kumuchitira ukaboni kuti, yose uyo wakupulikana nayo, wapokerenge chigowokero cha zakwananga mu zina lakhe.”
Ŵamitundu ŵakupokera Mzimu Mutuŵa
44Apo Petrosi wakaŵa wachali kuyowoya ivi, Mzimu Mutuŵa wakaŵizira wose awo ŵakapulika mazgu. 45ŴaYuda ŵakupulikana awo ŵakiza na Petrosi kufuma ku Yopa, ŵakazizwa pakuwona kuti Chiuta wapungulira chawanangwa cha Mzimu Mutuŵa na pa ŵamitundu wuwo. 46Chifukwa ŵakaŵapulika ŵakuyowoya mazgu gha chilendo na kurumba ukuru wa Chiuta. Penepapo Petrosi wakayowoya wakati, 47“Kasi waliko munthu uyo wangakanizga ŵanthu aŵa kuti ŵabapatizike na maji, ŵeneawo ŵapokera Mzimu Mutuŵa nga ndi umo ise tili kupokerera?” 48Ntheura wakalangula kuti ŵabapatizike mu zina la Yesu Khristu. Ndipo ŵakamuromba Petrosi kuti wakharepo nawo mazuŵa ghanji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi