Milimo ya Ŵakutumika 12
12
Ŵakupulikana ŵakuzikizgika
1Pa nyengo iyi Karonga Herode wakamba kusuzga ŵakhristu ŵanji ŵa mu mpingo wa Chiuta. 2Wakakoma Yakhobe mukuru wa Yohane na lupanga. 3Para Herode wakawona kuti ichi chikaŵakondweska ŵaYuda, wakamukora na Petrosi wuwo. Ichi chikachitika mu mazuŵa gha chiphikiro cha Chingwa chambula chirungo. 4Wakati wamukora wakamuŵika mu gadi. Wakaŵika mipingo yinayi ya ŵasilikari kumusungilira, mpingo uliwose na ŵasilikari ŵanayi. Herode wakaghanaghana kumutorera panthazi pa ŵanthu para Paska chamara.#Kuf 12.1-27 5Ntheura Petrosi wakajalirika mu gadi, kweni mpingo ukafwirirapo kumurombera kwa Chiuta.
Mungelo wakufumiska Petrosi mu gadi
6Usiku wenewura, pambere Herode wandamufumye kuya keruzgika, Petrosi wakagona tulo pakati pa ŵasilikari ŵaŵiri, uku wakakika na maunyoro ghaŵiri, ndipo pa muryango wa gadi napo pakaŵa ŵalinda ŵaŵiri. 7Penepapo mungelo wa Fumu wakawoneka ndipo ungweru ukaŵala mu kachipinda. Mungelo wakamusukunya na kumuwuska na kuti, “Wuka luŵiro!” Penepapo maunyoro ghakavurika mu mawoko ghakhe. 8Ndipo mungelo wakati kwa iyo, “Jiphinya lamba wako na kuvwara skapato zako.” Petrosi wakachita ntheura ndipo mungelo wakati kwa iyo, “Vwara munjilira wako, undirondezge.” 9Petrosi wakafumamo na kumurondezga, kweni wakamanyanga chara, kuti icho mungelo wakachitanga chikaŵa cha unenesko. Iyo wakaghanaghananga kuti wakuwona mboniwoni. 10Ŵakati ŵaŵajumpha ŵalinda ŵakudanga na ŵa chiŵiri, ŵakafika pa chijaro cha chisulo icho chikarazga ku msumba. Chijaro chikajurika chekha ndipo ŵakafumira kuwaro, na kwenda kukhilira mu msewu umoza wa mu msumba, penepapo mungelo wakamureka.
11Ntheura Petrosi wakapanikizga icho chikachitika pa iyo, ndipo wakati, “Sono ndipo ndamanya nadi kuti Fumu yangunditumira mungelo wakhe kuti wandithaske ku nkhongono ya Herode, na ku vyose ivyo ŵaYuda ŵakaghanaghananga kuti vichitikenge.”
12Wakati wapanikizga ichi, wakaruta ku nyumba ya Mariya, nyina wa Yohane, uyo wakachemekanga Mariko, uko ŵanthu ŵanandi ŵakawungana ndipo ŵakarombanga. 13Petrosi wakakhung'uska pa chijaro cha pa chipata, ndipo msungwana zina lakhe Roda wakiza kategherezgako. 14Pakupanikizga kuti ndi mazgu gha Petrosi, na chimwemwe Roda wakajulako chara kweni wakawereraso ku ŵanyakhe mukati kukaŵaphalira kuti ndi Petrosi uyo wimilira pa chipata. 15Ŵanthu ŵara ŵakamuzgora ŵakati, “Wafuntha iwe!” Roda wakakhomekezgapo wakati, “Nadi nkhuneneska.” Ntheura ŵakazgora ŵakati, “Ipo ndi mungelo wakhe.”#12.15 mungelo wakhe: ŴaYuda ŵakaŵa na chigomezgo chakuti munthu wali na mungelo wakhe wakumuvikirira.
16Kweni Petrosi wakarutilira kukhung'uska ndipo ŵakati ŵajulako ŵakamuwona ndipo ŵakazizwa. 17Petrosi wakaŵasinizga na woko lakhe kuti ŵakhare chete, ndipo wakaŵakonkhoskera vyose na umo Fumu yikamufumyira mu gadi. Ndipo wakati, “Pharani ichi kwa Yakhobe na ŵanyithu wose.” Ntheura wakafumapo na kuruta ku malo ghanyakhe.
18Kukati kwacha, chiwawa chikuru chikawuka mukati mu ŵasilikari. Ŵakafumbana ŵakati, “Kasi nchichi icho chamuwira Petrosi?” 19Herode wakalangula kuti ŵamupenjerere kweni kuti ŵakamusanga chara. Wakaŵafumbiska ŵalinda ŵara, ndipo wakalangula kuti ŵakomeke.
Herode wakafumako ku Yudeya, wakaruta ku Kesareya na kukhara kwenekuko.
Nyifwa ya Herode
20Herode wakaŵakwiyira ŵanthu ŵa mu Ture na ŵa mu Sidoni. Ŵanthu aŵa, ŵakati ŵamukhorweska Bulasito, nduna ya karonga, ŵakaruta kwa Karonga Herode, kuya karomba mutende, chifukwa vyakurya vyawo vikafumanga mu charu cha karonga.
21Pa zuŵa ilo la kutemeka, Herode wakavwara munjilira wakhe wa ufumu, na kukhara pa chitengo cha ufumu ndipo wakayowoyanga nawo. 22Ŵanthu ŵakachemerezga ŵakati, “Agha ndi mazgu gha chiuta, kuti nga munthu chara!” 23Penepapo mungelo wa Fumu wakamutimba chifukwa wakareka kumuchindika Chiuta, ndipo wakaryeka na mphorozi na kufwa.
24Kweni mazgu gha Chiuta ghakakula na kutandazgika.
25 Baranaba na Sauli ŵakawerako ku Yerusalemu apo ŵakati ŵamarizga mlimo wawo ndipo pakuwera wakatora Yohane uyo wakachemekanga Mariko.
Currently Selected:
Milimo ya Ŵakutumika 12: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Milimo ya Ŵakutumika 12
12
Ŵakupulikana ŵakuzikizgika
1Pa nyengo iyi Karonga Herode wakamba kusuzga ŵakhristu ŵanji ŵa mu mpingo wa Chiuta. 2Wakakoma Yakhobe mukuru wa Yohane na lupanga. 3Para Herode wakawona kuti ichi chikaŵakondweska ŵaYuda, wakamukora na Petrosi wuwo. Ichi chikachitika mu mazuŵa gha chiphikiro cha Chingwa chambula chirungo. 4Wakati wamukora wakamuŵika mu gadi. Wakaŵika mipingo yinayi ya ŵasilikari kumusungilira, mpingo uliwose na ŵasilikari ŵanayi. Herode wakaghanaghana kumutorera panthazi pa ŵanthu para Paska chamara.#Kuf 12.1-27 5Ntheura Petrosi wakajalirika mu gadi, kweni mpingo ukafwirirapo kumurombera kwa Chiuta.
Mungelo wakufumiska Petrosi mu gadi
6Usiku wenewura, pambere Herode wandamufumye kuya keruzgika, Petrosi wakagona tulo pakati pa ŵasilikari ŵaŵiri, uku wakakika na maunyoro ghaŵiri, ndipo pa muryango wa gadi napo pakaŵa ŵalinda ŵaŵiri. 7Penepapo mungelo wa Fumu wakawoneka ndipo ungweru ukaŵala mu kachipinda. Mungelo wakamusukunya na kumuwuska na kuti, “Wuka luŵiro!” Penepapo maunyoro ghakavurika mu mawoko ghakhe. 8Ndipo mungelo wakati kwa iyo, “Jiphinya lamba wako na kuvwara skapato zako.” Petrosi wakachita ntheura ndipo mungelo wakati kwa iyo, “Vwara munjilira wako, undirondezge.” 9Petrosi wakafumamo na kumurondezga, kweni wakamanyanga chara, kuti icho mungelo wakachitanga chikaŵa cha unenesko. Iyo wakaghanaghananga kuti wakuwona mboniwoni. 10Ŵakati ŵaŵajumpha ŵalinda ŵakudanga na ŵa chiŵiri, ŵakafika pa chijaro cha chisulo icho chikarazga ku msumba. Chijaro chikajurika chekha ndipo ŵakafumira kuwaro, na kwenda kukhilira mu msewu umoza wa mu msumba, penepapo mungelo wakamureka.
11Ntheura Petrosi wakapanikizga icho chikachitika pa iyo, ndipo wakati, “Sono ndipo ndamanya nadi kuti Fumu yangunditumira mungelo wakhe kuti wandithaske ku nkhongono ya Herode, na ku vyose ivyo ŵaYuda ŵakaghanaghananga kuti vichitikenge.”
12Wakati wapanikizga ichi, wakaruta ku nyumba ya Mariya, nyina wa Yohane, uyo wakachemekanga Mariko, uko ŵanthu ŵanandi ŵakawungana ndipo ŵakarombanga. 13Petrosi wakakhung'uska pa chijaro cha pa chipata, ndipo msungwana zina lakhe Roda wakiza kategherezgako. 14Pakupanikizga kuti ndi mazgu gha Petrosi, na chimwemwe Roda wakajulako chara kweni wakawereraso ku ŵanyakhe mukati kukaŵaphalira kuti ndi Petrosi uyo wimilira pa chipata. 15Ŵanthu ŵara ŵakamuzgora ŵakati, “Wafuntha iwe!” Roda wakakhomekezgapo wakati, “Nadi nkhuneneska.” Ntheura ŵakazgora ŵakati, “Ipo ndi mungelo wakhe.”#12.15 mungelo wakhe: ŴaYuda ŵakaŵa na chigomezgo chakuti munthu wali na mungelo wakhe wakumuvikirira.
16Kweni Petrosi wakarutilira kukhung'uska ndipo ŵakati ŵajulako ŵakamuwona ndipo ŵakazizwa. 17Petrosi wakaŵasinizga na woko lakhe kuti ŵakhare chete, ndipo wakaŵakonkhoskera vyose na umo Fumu yikamufumyira mu gadi. Ndipo wakati, “Pharani ichi kwa Yakhobe na ŵanyithu wose.” Ntheura wakafumapo na kuruta ku malo ghanyakhe.
18Kukati kwacha, chiwawa chikuru chikawuka mukati mu ŵasilikari. Ŵakafumbana ŵakati, “Kasi nchichi icho chamuwira Petrosi?” 19Herode wakalangula kuti ŵamupenjerere kweni kuti ŵakamusanga chara. Wakaŵafumbiska ŵalinda ŵara, ndipo wakalangula kuti ŵakomeke.
Herode wakafumako ku Yudeya, wakaruta ku Kesareya na kukhara kwenekuko.
Nyifwa ya Herode
20Herode wakaŵakwiyira ŵanthu ŵa mu Ture na ŵa mu Sidoni. Ŵanthu aŵa, ŵakati ŵamukhorweska Bulasito, nduna ya karonga, ŵakaruta kwa Karonga Herode, kuya karomba mutende, chifukwa vyakurya vyawo vikafumanga mu charu cha karonga.
21Pa zuŵa ilo la kutemeka, Herode wakavwara munjilira wakhe wa ufumu, na kukhara pa chitengo cha ufumu ndipo wakayowoyanga nawo. 22Ŵanthu ŵakachemerezga ŵakati, “Agha ndi mazgu gha chiuta, kuti nga munthu chara!” 23Penepapo mungelo wa Fumu wakamutimba chifukwa wakareka kumuchindika Chiuta, ndipo wakaryeka na mphorozi na kufwa.
24Kweni mazgu gha Chiuta ghakakula na kutandazgika.
25 Baranaba na Sauli ŵakawerako ku Yerusalemu apo ŵakati ŵamarizga mlimo wawo ndipo pakuwera wakatora Yohane uyo wakachemekanga Mariko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi