Kufuma 13
13
Kupatulika kwa ŵana ŵa uŵere
1 Fumu yikayowoya kwa Mozesi kuti, 2“Undipatuliskire mwana yose wa uŵere. Chose icho ncha uŵere mukati mu ŵaIsraele, mu ŵanthu na mu vinyama, ndicho nchane.”#Kup 3.13; Luk 2.23
Chiphikiro cha chingwa chambula chirungo
3Mozesi wakati ku ŵanthu, “Kumbukani zuŵa ili, mwa leneilo mukafumira mu Eguputo, charu cha uzga. Pakuti na woko lankhongono, Fumu yikamufumyanimo mu malo agha. Mureke kurya kalikose ako kali na chirungo. 4Muhanya uno, mu mwezi wa Abibu, muti mufumenge. 5Para Fumu yamkunjizgani mu charu cha ŵaKanani, ŵaHiti, ŵaAmori, ŵaHivi, na ŵaYebusi cheneicho yikarapa ku ŵasekuru ŵinu kuti yiti yimupaninge, charu cha mkaka na uchi, mukachitenge kaluso aka mu mwezi weneuwu. 6Mu mazuŵa ghankhonde na ghaŵiri mukaryenge chingwa chambula chirungo ndipo pa zuŵa la chinkhonde na chiŵiri liŵenge lakuchitira chiphikiro kwa Fumu. 7Mukaryenge chingwa chambula chirungo pa mazuŵa ghankhonde ghaŵiri. Vingwa vya chirungo vireke kwiza kawonekamo mukati mwinu, ndipo chirungo chireke kuwoneka mu charu chinu chose. 8Ndipo mukwenera kuŵaphalira ŵana ŵanarume pa zuŵa leneilo kuti, ‘Tikuchita ntheura chifukwa cha icho Fumu yikatichitira para tikafumanga mu Eguputo. 9Ichi chiti chiŵe nga ndi chimanyikwiro kwa imwe pakujikaka pa mawoko ghinu, na chikumbusko pa visko vyinu, mwakuti dango la Fumu lireke kufumamo mu mlomo winu pakuti yikamufumiskani mu Eguputo na nkhongono zakhe. 10Mukwenera kusunga dango ili pa nyengo yakhe chirimika na chirimika.’
Kuwombola mwana wakudanga kubabika
11“Para Fumu yamutorerani mu charu cha ŵaKanani nga ndi umo yili kurapira kwa imwe na ku ŵasekuru ŵinu, kuti yizamkumupani, 12mukapatulire Fumu chose icho chadanga kubabika. Twana twakudanga kubabika mu viŵeto vyinu, uto nthwanarume twiza kaŵenge twa Fumu.#Kuf 34.19-20; Luk 2.23 13Mwana yose wakudanga kubabika wa mbunda mumuwombolenge na mwana-mberere. Usange mwareka kumuwombola, mumuphyorenge singo. Mwana mwanarume yose wa uŵere mukati mu ŵana ŵinu ŵanarume mwiza kamuwombolenge. 14Ndipo mu nyengo iyo yikwiza para ŵana ŵinu ŵakumufumbani kuti, ‘Kasi ichi chikung'anamula vichi?’ Mwizakaŵazgora kuti, ‘Fumu yikatifumiska mu Eguputo, charu cha uzga, na nkhongono ya woko lakhe. 15Pakuti para Faro wakanonofya mtima wakhe na kukana kuzomera kuti tirute, Fumu yikakoma ŵana wose ŵa uŵere ŵa mu charu cha Eguputo, ŵana ŵa ŵanthu na ŵa vyakuŵeta wuwo. Pa chifukwa ichi tikupereka nga ndi sembe kwa Fumu chanarume chose nchakudanga kubabika. Kweni ŵana ŵithu ŵanarume wose ŵa uŵere tikuŵawombola. 16Ndipo ichi chiŵe nga ndi chimanyikwiro pakujikaka pa mawoko ghinu na chikumbusko pa visko vyinu kuti Fumu yikatifumiska mu Eguputo na nkhongono zakhe.’ ”
Mzati wa bingu na wa moto
17Para Faro wakazomera kuti ŵanthu ŵarute, Chiuta kuti wakaŵarongozgera mu nthowa yakudumula mu charu cha ŵaFilisiti chara nangauli yikaŵa yifupi. Pakuti Chiuta wakati, “Usange ŵanthu aŵa ŵakukumana na nkhondo ŵati ŵawerere nyuma ku Eguputo.” 18Kweni Chiuta wakaŵarongozgera ku nthowa yakuzingirira ya ku mapopa kurazga ku Nyanja ya Matete. Ndipo ŵaIsraele wakwerera kufuma mu charu cha Eguputo ŵakunozgekera nkhondo.
19Ntheura Mozesi wakayegha viwangwa vya Yosefe. Pakuti Yosefe wakaŵarapiska ŵaIsraele na kuti kwa iwo, “Para Chiuta wizamkumupemphurani, mukwenera kuyegha viwangwa vyane kufuma pano.”#Mut 50.25; Yos 24.32
20Ŵakawuka kufuma pa Sukoti, ŵakaya kazenga misasa pa Etamu, mu mphepete mwa mapopa. 21Mu nyengo ya muhanya, Fumu yikaŵadangiriranga na mzati wa bingu kurongozga mu nthowa, ndipo na usiku yikaŵadangiriranga na mzati wa moto kuŵapa ungweru mwakuti ŵendenge muhanya na usiku. 22Mzati wa chibingu na mzati wa moto kuti vikareka kuŵadangirira ŵanthu chara.
Currently Selected:
Kufuma 13: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 13
13
Kupatulika kwa ŵana ŵa uŵere
1 Fumu yikayowoya kwa Mozesi kuti, 2“Undipatuliskire mwana yose wa uŵere. Chose icho ncha uŵere mukati mu ŵaIsraele, mu ŵanthu na mu vinyama, ndicho nchane.”#Kup 3.13; Luk 2.23
Chiphikiro cha chingwa chambula chirungo
3Mozesi wakati ku ŵanthu, “Kumbukani zuŵa ili, mwa leneilo mukafumira mu Eguputo, charu cha uzga. Pakuti na woko lankhongono, Fumu yikamufumyanimo mu malo agha. Mureke kurya kalikose ako kali na chirungo. 4Muhanya uno, mu mwezi wa Abibu, muti mufumenge. 5Para Fumu yamkunjizgani mu charu cha ŵaKanani, ŵaHiti, ŵaAmori, ŵaHivi, na ŵaYebusi cheneicho yikarapa ku ŵasekuru ŵinu kuti yiti yimupaninge, charu cha mkaka na uchi, mukachitenge kaluso aka mu mwezi weneuwu. 6Mu mazuŵa ghankhonde na ghaŵiri mukaryenge chingwa chambula chirungo ndipo pa zuŵa la chinkhonde na chiŵiri liŵenge lakuchitira chiphikiro kwa Fumu. 7Mukaryenge chingwa chambula chirungo pa mazuŵa ghankhonde ghaŵiri. Vingwa vya chirungo vireke kwiza kawonekamo mukati mwinu, ndipo chirungo chireke kuwoneka mu charu chinu chose. 8Ndipo mukwenera kuŵaphalira ŵana ŵanarume pa zuŵa leneilo kuti, ‘Tikuchita ntheura chifukwa cha icho Fumu yikatichitira para tikafumanga mu Eguputo. 9Ichi chiti chiŵe nga ndi chimanyikwiro kwa imwe pakujikaka pa mawoko ghinu, na chikumbusko pa visko vyinu, mwakuti dango la Fumu lireke kufumamo mu mlomo winu pakuti yikamufumiskani mu Eguputo na nkhongono zakhe. 10Mukwenera kusunga dango ili pa nyengo yakhe chirimika na chirimika.’
Kuwombola mwana wakudanga kubabika
11“Para Fumu yamutorerani mu charu cha ŵaKanani nga ndi umo yili kurapira kwa imwe na ku ŵasekuru ŵinu, kuti yizamkumupani, 12mukapatulire Fumu chose icho chadanga kubabika. Twana twakudanga kubabika mu viŵeto vyinu, uto nthwanarume twiza kaŵenge twa Fumu.#Kuf 34.19-20; Luk 2.23 13Mwana yose wakudanga kubabika wa mbunda mumuwombolenge na mwana-mberere. Usange mwareka kumuwombola, mumuphyorenge singo. Mwana mwanarume yose wa uŵere mukati mu ŵana ŵinu ŵanarume mwiza kamuwombolenge. 14Ndipo mu nyengo iyo yikwiza para ŵana ŵinu ŵakumufumbani kuti, ‘Kasi ichi chikung'anamula vichi?’ Mwizakaŵazgora kuti, ‘Fumu yikatifumiska mu Eguputo, charu cha uzga, na nkhongono ya woko lakhe. 15Pakuti para Faro wakanonofya mtima wakhe na kukana kuzomera kuti tirute, Fumu yikakoma ŵana wose ŵa uŵere ŵa mu charu cha Eguputo, ŵana ŵa ŵanthu na ŵa vyakuŵeta wuwo. Pa chifukwa ichi tikupereka nga ndi sembe kwa Fumu chanarume chose nchakudanga kubabika. Kweni ŵana ŵithu ŵanarume wose ŵa uŵere tikuŵawombola. 16Ndipo ichi chiŵe nga ndi chimanyikwiro pakujikaka pa mawoko ghinu na chikumbusko pa visko vyinu kuti Fumu yikatifumiska mu Eguputo na nkhongono zakhe.’ ”
Mzati wa bingu na wa moto
17Para Faro wakazomera kuti ŵanthu ŵarute, Chiuta kuti wakaŵarongozgera mu nthowa yakudumula mu charu cha ŵaFilisiti chara nangauli yikaŵa yifupi. Pakuti Chiuta wakati, “Usange ŵanthu aŵa ŵakukumana na nkhondo ŵati ŵawerere nyuma ku Eguputo.” 18Kweni Chiuta wakaŵarongozgera ku nthowa yakuzingirira ya ku mapopa kurazga ku Nyanja ya Matete. Ndipo ŵaIsraele wakwerera kufuma mu charu cha Eguputo ŵakunozgekera nkhondo.
19Ntheura Mozesi wakayegha viwangwa vya Yosefe. Pakuti Yosefe wakaŵarapiska ŵaIsraele na kuti kwa iwo, “Para Chiuta wizamkumupemphurani, mukwenera kuyegha viwangwa vyane kufuma pano.”#Mut 50.25; Yos 24.32
20Ŵakawuka kufuma pa Sukoti, ŵakaya kazenga misasa pa Etamu, mu mphepete mwa mapopa. 21Mu nyengo ya muhanya, Fumu yikaŵadangiriranga na mzati wa bingu kurongozga mu nthowa, ndipo na usiku yikaŵadangiriranga na mzati wa moto kuŵapa ungweru mwakuti ŵendenge muhanya na usiku. 22Mzati wa chibingu na mzati wa moto kuti vikareka kuŵadangirira ŵanthu chara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi