Kufuma 14
14
ŴaIsraele ŵakwambuka Nyanja ya Matete
1Penepapo Fumu yikati kwa Mozesi, 2“Phalira ŵaIsraele kuti ŵawere na kuzenga misasa pafupi na Pihahiroti pakati pa Migidoli na nyanja, panthazi pa Baala Zefoni. Ŵazenge misasa kuthyana na malo gheneagha pafupi na nyanja. 3Pakuti Faro wati waghanaghanenge kuti ŵaIsraele ŵakuyungwayungwa waka na kujalirika na mapopa. 4Nditi ndinonofye mtima wa Faro kuti wamurondezgani. Ndipo ine nditi ndichindikikirepo mwa karonga uyu na pa ŵasilikari ŵakhe wose. Ntheura ŵaEguputo ŵati ŵamanye kuti ine ndine Fumu.” Penepapo ŵaIsraele ŵakachita nga ndi umo ŵakaphalirikira.
5Para Faro, karonga wa ku Eguputo, wakaphalirika kuti ŵanthu ŵachimbira, mtima wakhe na wa ŵateŵeti ŵakhe ukasintha ndipo ŵakati, “Kasi tachitachi apo taŵazomerezga ŵaIsraele kuti ŵachimbire na kureka kuti ŵatiteŵeterenge?” 6Ntheura karonga wakakaka gareta lakhe na kuruta na ŵasilikari ŵakhe. 7Wakatora magareta ghose mu charu cha Eguputo. Mu magareta agha, 600 ghakaŵa ghaweme chomene, ndipo gareta lirilose likaŵa na murongozgi yumoza wa ŵasilikari. 8Fumu yikanonofya mtima wa Faro, kuti waŵarondezge ŵaIsraele, awo ŵakafumanga na chikanga. 9Ŵasilikari ŵa ku Eguputo pamoza na mahachi ghose gha Faro, magareta ghakhe, ŵakukwera pa mahachi, ŵakaŵarondezga ndipo ŵakaya kaŵasanga pa misasa iyo wakazenga mu mphepete mwa nyanja pafupi na Pihahiroti kuthyana na malo gha Baala Zefoni.
10Apo Faro wakasendereranga kufupi, ŵaIsraele ŵakinuska maso ghawo ndipo ŵakawona ŵaEguputo ŵakuŵarondezga. Ndipo ŵaIsraele ŵakatenthema chomene, na kwamba kulirira kwa Fumu. 11Ntheura wakati kwa Mozesi, “Kasi ndi chifukwa chakuti mukaŵavye mararo mu charu cha Eguputo pakutifumyamo kuti tizakafwire mu mapopa? Kasi ichi ndi chinthu uli icho mwatichitira pakutifumya mu Eguputo? 12Asi ichi ndicho tikayowoyanga kwa imwe para tikaŵa mu Eguputo kuti, ‘Tirekani. Rekani titeŵetere ŵaEguputo.’ Pakuti nkhuweme kwa ise kuteŵetera ŵaEguputo kuruska kufwira mu mapopa.”
13Kweni Mozesi wakati ku ŵanthu, “Mureke kopa, imilirani nganganga, kuti muwone chiponosko cha Fumu icho yiti yimurongorani muhanya uno. Pakuti ŵaEguputo ŵeneawo mukuŵawona muhanya uno, kuti mwamkuŵawonaso chara mpaka muyirayira. 14Fumu yiti yimurwerani, imwe muti waka chete.”
15 Fumu yikati kwa Mozesi, “Kasi iwe ukulirirachi kwa ine? Phalira ŵaIsraele kuti ŵarutenge munthazi. 16Wuskira muchanya ndodo yako ndipo uyinyoroskere pa nyanja kuti maji ghagaŵikane mwakuti ŵaIsraele ŵambuke nyanja pakuporota pomizo. 17Nditi ndinonofye mitima ya ŵaEguputo mwakuti ŵanjire na kuŵarondezga, ndipo ine nditi ndichindikikirengepo mwa Faro na ŵasilikari ŵakhe wose, pa magareta ghakhe, na pa ŵakukwera mahachi. 18ŴaEguputo ŵati ŵamanye kuti ine ndine Fumu para nkhuchindikikirapo mwa Faro, pa magareta ghakhe, na pa ŵakukwera mahachi.”
19Penepapo mungelo wa Chiuta uyo wakadangiriranga chiwuru cha ŵaIsraele wakafumako kunthazi na kwiza kunyuma zawo. Ndipo mzati wa bingu nawo ukafumapo panthazi pawo na kwiza kimilira kunyuma zawo, 20ukaŵa pakati pa chiwuru cha ŵaEguputo na chiwuru ŵa ŵaIsraele. Ntheura mzati wa bingu ukiza na mdima ku chiwuru cha Eguputo ndipo ungweru ku chiwuru cha ŵaIsraele. Ndipo usiku wose ukamara kwambula kuti magulu ghaŵiri agha ghenderane.
21Penepapo Mozesi wakanyoroskera woko lakhe pa nyanja, ndipo Fumu yikawezgera nyanja kunyuma na mphepo ya nkhongono ya ku mafumiro gha dazi yeneiyo yikaputa usiku wose ura, na komizga nyanja. Maji ghakagaŵikana, 22ndipo ŵaIsraele ŵakambuka nyanja pa charu chomizo. Maji ghakima nga ndi chiliŵa ku maryero na ku mazere.#1 Kor 10.1-2; Heb 11.29 23ŴaEguputo ŵakaŵarondezga na kuya kanjira mukati mu nyanja, mahachi ghose gha Faro, magareta ghakhe, na ŵakukwera mahachi. 24Ndipo mu nyengo ya ku matandakucha, Fumu yikalaŵiska ŵasilikari ŵa ŵaEguputo kufuma ku mzati wa moto na bingu ndipo yikaŵatimbanizga. 25Yikakhwerura mikombero ya magareta ghawo mwakuti ŵakendeska na unonono chomene. Ntheura ŵaEguputo ŵakati, “Tiyeni tichimbire ku ŵaIsraele, pakuti Fumu yikuŵarwera, kulimbana na ise ŵaEguputo.”
26Penepapo Fumu yikati kwa Mozesi, “Nyoroskera woko lako pachanya pa nyanja mwakuti maji ghawerere pa ŵaEguputo, pa magareta ghawo na pa ŵakukwera mahachi.” 27Ntheura Mozesi wakanyoroskera woko lakhe pachanya pa nyanja, ndipo nyanja yikawerera mu malo mwakhe ku matandakucha. ŴaEguputo ŵakayezga kughachimbira, kweni Fumu yikaŵawezgera mukati mu nyanja na kuŵabizga. 28Maji ghakawereramo ndipo ghakabizga mu nyanja ŵasilikari wose ŵa Faro, ŵa magareta na ŵakukwera mahachi, awo ŵakarondezga ŵaIsraele. Pakaŵavye na yumoza ŵa iwo uyo wakaponapo. 29Kweni ŵaIsraele ŵakambuka nyanja pa charu chomizo, pakuti maji ghakima nga ndi chiliŵa ku maryero na ku mazere.
30Ntheura ndimo Fumu yikaponoskera ŵaIsraele kufuma mu nkhongono ya ŵaEguputo, ndipo ŵaIsraele ŵakawona ŵaEguputo ŵafwa mu mphepete mwa nyanja. 31Para ŵaIsraele ŵakawona mlimo ukuru uwo Fumu yikachita pa ŵaEguputo, ŵakopa Fumu, ndipo ŵakagomezga mwa iyo na mwa Mozesi muteŵeti wakhe.
Currently Selected:
Kufuma 14: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 14
14
ŴaIsraele ŵakwambuka Nyanja ya Matete
1Penepapo Fumu yikati kwa Mozesi, 2“Phalira ŵaIsraele kuti ŵawere na kuzenga misasa pafupi na Pihahiroti pakati pa Migidoli na nyanja, panthazi pa Baala Zefoni. Ŵazenge misasa kuthyana na malo gheneagha pafupi na nyanja. 3Pakuti Faro wati waghanaghanenge kuti ŵaIsraele ŵakuyungwayungwa waka na kujalirika na mapopa. 4Nditi ndinonofye mtima wa Faro kuti wamurondezgani. Ndipo ine nditi ndichindikikirepo mwa karonga uyu na pa ŵasilikari ŵakhe wose. Ntheura ŵaEguputo ŵati ŵamanye kuti ine ndine Fumu.” Penepapo ŵaIsraele ŵakachita nga ndi umo ŵakaphalirikira.
5Para Faro, karonga wa ku Eguputo, wakaphalirika kuti ŵanthu ŵachimbira, mtima wakhe na wa ŵateŵeti ŵakhe ukasintha ndipo ŵakati, “Kasi tachitachi apo taŵazomerezga ŵaIsraele kuti ŵachimbire na kureka kuti ŵatiteŵeterenge?” 6Ntheura karonga wakakaka gareta lakhe na kuruta na ŵasilikari ŵakhe. 7Wakatora magareta ghose mu charu cha Eguputo. Mu magareta agha, 600 ghakaŵa ghaweme chomene, ndipo gareta lirilose likaŵa na murongozgi yumoza wa ŵasilikari. 8Fumu yikanonofya mtima wa Faro, kuti waŵarondezge ŵaIsraele, awo ŵakafumanga na chikanga. 9Ŵasilikari ŵa ku Eguputo pamoza na mahachi ghose gha Faro, magareta ghakhe, ŵakukwera pa mahachi, ŵakaŵarondezga ndipo ŵakaya kaŵasanga pa misasa iyo wakazenga mu mphepete mwa nyanja pafupi na Pihahiroti kuthyana na malo gha Baala Zefoni.
10Apo Faro wakasendereranga kufupi, ŵaIsraele ŵakinuska maso ghawo ndipo ŵakawona ŵaEguputo ŵakuŵarondezga. Ndipo ŵaIsraele ŵakatenthema chomene, na kwamba kulirira kwa Fumu. 11Ntheura wakati kwa Mozesi, “Kasi ndi chifukwa chakuti mukaŵavye mararo mu charu cha Eguputo pakutifumyamo kuti tizakafwire mu mapopa? Kasi ichi ndi chinthu uli icho mwatichitira pakutifumya mu Eguputo? 12Asi ichi ndicho tikayowoyanga kwa imwe para tikaŵa mu Eguputo kuti, ‘Tirekani. Rekani titeŵetere ŵaEguputo.’ Pakuti nkhuweme kwa ise kuteŵetera ŵaEguputo kuruska kufwira mu mapopa.”
13Kweni Mozesi wakati ku ŵanthu, “Mureke kopa, imilirani nganganga, kuti muwone chiponosko cha Fumu icho yiti yimurongorani muhanya uno. Pakuti ŵaEguputo ŵeneawo mukuŵawona muhanya uno, kuti mwamkuŵawonaso chara mpaka muyirayira. 14Fumu yiti yimurwerani, imwe muti waka chete.”
15 Fumu yikati kwa Mozesi, “Kasi iwe ukulirirachi kwa ine? Phalira ŵaIsraele kuti ŵarutenge munthazi. 16Wuskira muchanya ndodo yako ndipo uyinyoroskere pa nyanja kuti maji ghagaŵikane mwakuti ŵaIsraele ŵambuke nyanja pakuporota pomizo. 17Nditi ndinonofye mitima ya ŵaEguputo mwakuti ŵanjire na kuŵarondezga, ndipo ine nditi ndichindikikirengepo mwa Faro na ŵasilikari ŵakhe wose, pa magareta ghakhe, na pa ŵakukwera mahachi. 18ŴaEguputo ŵati ŵamanye kuti ine ndine Fumu para nkhuchindikikirapo mwa Faro, pa magareta ghakhe, na pa ŵakukwera mahachi.”
19Penepapo mungelo wa Chiuta uyo wakadangiriranga chiwuru cha ŵaIsraele wakafumako kunthazi na kwiza kunyuma zawo. Ndipo mzati wa bingu nawo ukafumapo panthazi pawo na kwiza kimilira kunyuma zawo, 20ukaŵa pakati pa chiwuru cha ŵaEguputo na chiwuru ŵa ŵaIsraele. Ntheura mzati wa bingu ukiza na mdima ku chiwuru cha Eguputo ndipo ungweru ku chiwuru cha ŵaIsraele. Ndipo usiku wose ukamara kwambula kuti magulu ghaŵiri agha ghenderane.
21Penepapo Mozesi wakanyoroskera woko lakhe pa nyanja, ndipo Fumu yikawezgera nyanja kunyuma na mphepo ya nkhongono ya ku mafumiro gha dazi yeneiyo yikaputa usiku wose ura, na komizga nyanja. Maji ghakagaŵikana, 22ndipo ŵaIsraele ŵakambuka nyanja pa charu chomizo. Maji ghakima nga ndi chiliŵa ku maryero na ku mazere.#1 Kor 10.1-2; Heb 11.29 23ŴaEguputo ŵakaŵarondezga na kuya kanjira mukati mu nyanja, mahachi ghose gha Faro, magareta ghakhe, na ŵakukwera mahachi. 24Ndipo mu nyengo ya ku matandakucha, Fumu yikalaŵiska ŵasilikari ŵa ŵaEguputo kufuma ku mzati wa moto na bingu ndipo yikaŵatimbanizga. 25Yikakhwerura mikombero ya magareta ghawo mwakuti ŵakendeska na unonono chomene. Ntheura ŵaEguputo ŵakati, “Tiyeni tichimbire ku ŵaIsraele, pakuti Fumu yikuŵarwera, kulimbana na ise ŵaEguputo.”
26Penepapo Fumu yikati kwa Mozesi, “Nyoroskera woko lako pachanya pa nyanja mwakuti maji ghawerere pa ŵaEguputo, pa magareta ghawo na pa ŵakukwera mahachi.” 27Ntheura Mozesi wakanyoroskera woko lakhe pachanya pa nyanja, ndipo nyanja yikawerera mu malo mwakhe ku matandakucha. ŴaEguputo ŵakayezga kughachimbira, kweni Fumu yikaŵawezgera mukati mu nyanja na kuŵabizga. 28Maji ghakawereramo ndipo ghakabizga mu nyanja ŵasilikari wose ŵa Faro, ŵa magareta na ŵakukwera mahachi, awo ŵakarondezga ŵaIsraele. Pakaŵavye na yumoza ŵa iwo uyo wakaponapo. 29Kweni ŵaIsraele ŵakambuka nyanja pa charu chomizo, pakuti maji ghakima nga ndi chiliŵa ku maryero na ku mazere.
30Ntheura ndimo Fumu yikaponoskera ŵaIsraele kufuma mu nkhongono ya ŵaEguputo, ndipo ŵaIsraele ŵakawona ŵaEguputo ŵafwa mu mphepete mwa nyanja. 31Para ŵaIsraele ŵakawona mlimo ukuru uwo Fumu yikachita pa ŵaEguputo, ŵakopa Fumu, ndipo ŵakagomezga mwa iyo na mwa Mozesi muteŵeti wakhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi