Kufuma 16
16
Mana na swembe
1Mpingo wose wa ŵaIsraele ukawuka kufuma pa Elimu ndipo pa zuŵa la 15 la mwezi wa chiŵiri ŵakati ŵafuma mu charu cha Eguputo ŵakafika ku mapopa gha Sini gheneagho ghali pakati pa Elimu na Phiri la Sinayi. 2Ndipo mpingo wose wa ŵaIsraele ukasinginikira Mozesi na Aroni mu mapopa gheneagha, 3ukati, “Mphanyi kukaŵa kuweme kufwa na woko la Fumu mu charu cha Eguputo apo tikakharanga pafupi na vimphani vya nyama na kurya chingwa, kukhuta fikepo. Kweni imwe mwiza nase kuno ku mapopa kuti mwizakakome wumba wose uwu na njara.”
4Penepapo Fumu yikati kwa Mozesi, “Nditi ndimupani chingwa kufuma kuchanya icho chirokwenge nga ndi vura. Ŵanthu ŵati ŵafume kuya katora chingwa chakukwana zuŵa limoza. Mwa ntheura nditi ndiŵayezge usange ŵati ŵendenge mu dango lane panji chara.#Yoh 6.31 5Pa zuŵa la chinkhonde na chimoza, para ŵakuya katora chingwa, chiyanenge na mweso wa mazuŵa ghaŵiri.”
6Ntheura Mozesi na Aroni wakati kwa ŵaIsraele, “Na mise, muti mumanyenge kuti ndi Fumu yeneiyo yikamufumiskani mu charu cha Eguputo. 7Ndipo na mulenje muti muwone uchindami wa Fumu, chifukwa yapulika kusinginika kwinu uko mukuyisinginikira. Kasi ise ndise ŵanjani kuti mutisinginikirenge?” 8Ndipo Mozesi wakati, “Para Fumu yikumupani nyama na mise kuti murye ndipo na mulenje chingwa chakuti mukhute fikepo, ndi chifukwa chakuti Fumu yapulika kusinginika kwinu. Ise ndise ŵanjani? Imwe mukusinginikira ise chara, kweni Fumu.”
9Ndipo Mozesi wakati kwa Aroni, “Phalira mpingo wose wa ŵaIsraele kuti, ‘Sendererani kwa Fumu, pakuti yapulika kusinginika kwinu.’ ”
10Apo Aroni wakayowoyanga ku mpingo wose wa ŵaIsraele, ŵakalaŵiska kurazga ku mapopa ndipo wonani uchindami wa Fumu ukawoneka mu bingu. 11Ndipo Fumu yikati kwa Mozesi, 12“Ndapulika kusinginika kwa ŵaIsraele. Sono uŵaphalire kuti, ‘Para dazi likunjira muti murye nyama, ndipo na mulenje muti mukhutiskike na chingwa. Penepapo muti mumanye kuti ine ndine Fumu, Chiuta winu.’ ”
13Na mise swembe zikiza na kubenekerera msasa wose ndipo na mulenje jumi likawa kuzingirizga msasa. 14Para jumi likakamuka waka, pachanya pose pa charu cha mapopa pakaŵa kanthu kachoko kakuti waka wofuwofu, katuŵa nga burunga la matalala. 15Para ŵaIsraele ŵakakawona ŵakati, “Kasi aka nkhavichi?” Pakuti ŵakakamanya chara.
Mozesi wakati kwa iwo, “Ichi ndi chingwa icho Fumu yamupani kuti kuŵenge kurya kwinu.#1 Kor 10.3 16Ichi ndicho Fumu yalangula kuti, ‘Munthu yose wa imwe wayorenge nga ndi umo wakuryera. Wayorenge malita ghaŵiri pa munthu yumoza kwakuyana na unandi wa ŵanthu awo waliyose wa imwe wali nawo mu hema lakhe.’ ”
17ŴaIsraele ŵakachita nga ndi umo ŵakaphalirikira. Ŵanji ŵakayora vinandi, ŵanji vichoko. 18Para ŵakapima na mweso wa malita ghaŵiri, awo ŵakayora vinandi kuti vikaŵanga vinandi chara, ndipo awo ŵakayora vichoko kuti ŵakasoŵerwa chara. Waliyose wakayora kwakuyana na umo wakuryera.#2 Kor 8.15 19Mozesi wakati kwa iwo, “Paŵavye munthu wakusidako chingwa kufikira na mulenje.” 20Kweni ŵanji ŵakamupulikira Mozesi chara. Iwo ŵakasidako chimbara kufikira na mulenje ndipo chikaŵa na mphorozi na kwamba kununkha. Ntheura Mozesi wakaŵakaripira. 21Mulenje uliwose, yose wakayoranga kwakuyana na umo wakaryeranga, kweni para dazi likafunda vikasongonokanga.
22Pa zuŵa la chinkhonde na chimoza ŵakayoranga chingwa cha mweso wakupimika kaŵiri, munthu waliyose malita ghanayi. Ŵarongozgi wose ŵa ŵaIsraele ŵakiza na kumuphalira Mozesi, 23ndipo iyo wakati kwa iwo, “Fumu yalangula kuti, ‘Na machero ndi zuŵa la kupumulira, Sabata lakupatulika kwa Fumu. Kazingani icho mungakazinga. Phikani icho mungaphika, chose icho chakharapo muchiŵike pa dera kufikira na macherochero.’ ”#Kuf 20.8-11 24Ntheura ŵakasunga icho chikakharapo nga ndi umo Mozesi wakaŵalangulira, kufikira na mulenje. Ndipo kuti chikanunkha chara nanga ndi mphorozi kuti zikaŵamo chara. 25Mozesi wakati, “Muhanya uno muchirye, pakuti ndi Sabata kwa Fumu, kuti muti muchisangenge muhanya uno chingwa ku thengere chara. 26Pa mazuŵa ghankhonde na limoza mukayorenge, kweni pa mazuŵa ghankhonde na ghaŵiri ndi zuŵa la Sabata, kuti chiŵengeko chingwa chara.”
27Ndipouli ŵanji ŵakafuma kuya kayora pa zuŵa la chinkhonde na chiŵiri, kweni kuti wakasanga chingwa chara. 28Ndipo Fumu yikati kwa Mozesi, “Kasi muti mukane kupulikira marango na vilayizgo vyane kufikira pauli? 29Manyani ichi kuti Fumu ndiyo yikamupani zuŵa la Sabata. Ndicho chifukwa zuŵa la chinkhonde na chimoza, wakamupani vingwa vya mazuŵa ghaŵiri. Ntheura munthu yose wa imwe wakharenge pa malo ghakhe na ghakhe. Paŵavye munthu wakafumapo pa malo ghakhe pa zuŵa la chinkhonde na chiŵiri.” 30Ntheura ŵanthu ŵakapumula pa zuŵa la chinkhonde na chiŵiri.
31ŴaIsraele ŵakachithya chingwa chira kuti mana. Chikakozgana na njere la muchese ndiposo chituŵa. Chikanowanga nga ndi tuvingwa tupepefu twakusazgako uchi.#Kup 11.7-8 32Mozesi wakati, “Fumu yalangula kuti, ‘Mweso wa malita ghaŵiri gha mana musunge kuti miwiro iyo yikwiza yizakawone chingwa icho yamulerani nacho mu mapopa ndati yamufumiskani mu charu cha Eguputo.’ ” 33Ndipo Mozesi wakati kwa Aroni, “Tora chiŵiya ndipo uŵikemo mana wakukwana malita ghaŵiri na kuchiŵika panthazi pa Fumu kuti chisungikire miwiro yose.”#Heb 9.4
34Nga ndi umo Fumu yikalangulira Mozesi, Aroni wakachiŵika panthazi pa Bokosi la Phangano kuti ndipo chisungikenge. 35ŴaIsraele ŵakarya mana virimika 40, ŵakasuka wakafika ku Kanani, charu icho ŵakiza kakhara.#Yos 5.12 36Malita 20 ghakuyana waka na debe.
Currently Selected:
Kufuma 16: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 16
16
Mana na swembe
1Mpingo wose wa ŵaIsraele ukawuka kufuma pa Elimu ndipo pa zuŵa la 15 la mwezi wa chiŵiri ŵakati ŵafuma mu charu cha Eguputo ŵakafika ku mapopa gha Sini gheneagho ghali pakati pa Elimu na Phiri la Sinayi. 2Ndipo mpingo wose wa ŵaIsraele ukasinginikira Mozesi na Aroni mu mapopa gheneagha, 3ukati, “Mphanyi kukaŵa kuweme kufwa na woko la Fumu mu charu cha Eguputo apo tikakharanga pafupi na vimphani vya nyama na kurya chingwa, kukhuta fikepo. Kweni imwe mwiza nase kuno ku mapopa kuti mwizakakome wumba wose uwu na njara.”
4Penepapo Fumu yikati kwa Mozesi, “Nditi ndimupani chingwa kufuma kuchanya icho chirokwenge nga ndi vura. Ŵanthu ŵati ŵafume kuya katora chingwa chakukwana zuŵa limoza. Mwa ntheura nditi ndiŵayezge usange ŵati ŵendenge mu dango lane panji chara.#Yoh 6.31 5Pa zuŵa la chinkhonde na chimoza, para ŵakuya katora chingwa, chiyanenge na mweso wa mazuŵa ghaŵiri.”
6Ntheura Mozesi na Aroni wakati kwa ŵaIsraele, “Na mise, muti mumanyenge kuti ndi Fumu yeneiyo yikamufumiskani mu charu cha Eguputo. 7Ndipo na mulenje muti muwone uchindami wa Fumu, chifukwa yapulika kusinginika kwinu uko mukuyisinginikira. Kasi ise ndise ŵanjani kuti mutisinginikirenge?” 8Ndipo Mozesi wakati, “Para Fumu yikumupani nyama na mise kuti murye ndipo na mulenje chingwa chakuti mukhute fikepo, ndi chifukwa chakuti Fumu yapulika kusinginika kwinu. Ise ndise ŵanjani? Imwe mukusinginikira ise chara, kweni Fumu.”
9Ndipo Mozesi wakati kwa Aroni, “Phalira mpingo wose wa ŵaIsraele kuti, ‘Sendererani kwa Fumu, pakuti yapulika kusinginika kwinu.’ ”
10Apo Aroni wakayowoyanga ku mpingo wose wa ŵaIsraele, ŵakalaŵiska kurazga ku mapopa ndipo wonani uchindami wa Fumu ukawoneka mu bingu. 11Ndipo Fumu yikati kwa Mozesi, 12“Ndapulika kusinginika kwa ŵaIsraele. Sono uŵaphalire kuti, ‘Para dazi likunjira muti murye nyama, ndipo na mulenje muti mukhutiskike na chingwa. Penepapo muti mumanye kuti ine ndine Fumu, Chiuta winu.’ ”
13Na mise swembe zikiza na kubenekerera msasa wose ndipo na mulenje jumi likawa kuzingirizga msasa. 14Para jumi likakamuka waka, pachanya pose pa charu cha mapopa pakaŵa kanthu kachoko kakuti waka wofuwofu, katuŵa nga burunga la matalala. 15Para ŵaIsraele ŵakakawona ŵakati, “Kasi aka nkhavichi?” Pakuti ŵakakamanya chara.
Mozesi wakati kwa iwo, “Ichi ndi chingwa icho Fumu yamupani kuti kuŵenge kurya kwinu.#1 Kor 10.3 16Ichi ndicho Fumu yalangula kuti, ‘Munthu yose wa imwe wayorenge nga ndi umo wakuryera. Wayorenge malita ghaŵiri pa munthu yumoza kwakuyana na unandi wa ŵanthu awo waliyose wa imwe wali nawo mu hema lakhe.’ ”
17ŴaIsraele ŵakachita nga ndi umo ŵakaphalirikira. Ŵanji ŵakayora vinandi, ŵanji vichoko. 18Para ŵakapima na mweso wa malita ghaŵiri, awo ŵakayora vinandi kuti vikaŵanga vinandi chara, ndipo awo ŵakayora vichoko kuti ŵakasoŵerwa chara. Waliyose wakayora kwakuyana na umo wakuryera.#2 Kor 8.15 19Mozesi wakati kwa iwo, “Paŵavye munthu wakusidako chingwa kufikira na mulenje.” 20Kweni ŵanji ŵakamupulikira Mozesi chara. Iwo ŵakasidako chimbara kufikira na mulenje ndipo chikaŵa na mphorozi na kwamba kununkha. Ntheura Mozesi wakaŵakaripira. 21Mulenje uliwose, yose wakayoranga kwakuyana na umo wakaryeranga, kweni para dazi likafunda vikasongonokanga.
22Pa zuŵa la chinkhonde na chimoza ŵakayoranga chingwa cha mweso wakupimika kaŵiri, munthu waliyose malita ghanayi. Ŵarongozgi wose ŵa ŵaIsraele ŵakiza na kumuphalira Mozesi, 23ndipo iyo wakati kwa iwo, “Fumu yalangula kuti, ‘Na machero ndi zuŵa la kupumulira, Sabata lakupatulika kwa Fumu. Kazingani icho mungakazinga. Phikani icho mungaphika, chose icho chakharapo muchiŵike pa dera kufikira na macherochero.’ ”#Kuf 20.8-11 24Ntheura ŵakasunga icho chikakharapo nga ndi umo Mozesi wakaŵalangulira, kufikira na mulenje. Ndipo kuti chikanunkha chara nanga ndi mphorozi kuti zikaŵamo chara. 25Mozesi wakati, “Muhanya uno muchirye, pakuti ndi Sabata kwa Fumu, kuti muti muchisangenge muhanya uno chingwa ku thengere chara. 26Pa mazuŵa ghankhonde na limoza mukayorenge, kweni pa mazuŵa ghankhonde na ghaŵiri ndi zuŵa la Sabata, kuti chiŵengeko chingwa chara.”
27Ndipouli ŵanji ŵakafuma kuya kayora pa zuŵa la chinkhonde na chiŵiri, kweni kuti wakasanga chingwa chara. 28Ndipo Fumu yikati kwa Mozesi, “Kasi muti mukane kupulikira marango na vilayizgo vyane kufikira pauli? 29Manyani ichi kuti Fumu ndiyo yikamupani zuŵa la Sabata. Ndicho chifukwa zuŵa la chinkhonde na chimoza, wakamupani vingwa vya mazuŵa ghaŵiri. Ntheura munthu yose wa imwe wakharenge pa malo ghakhe na ghakhe. Paŵavye munthu wakafumapo pa malo ghakhe pa zuŵa la chinkhonde na chiŵiri.” 30Ntheura ŵanthu ŵakapumula pa zuŵa la chinkhonde na chiŵiri.
31ŴaIsraele ŵakachithya chingwa chira kuti mana. Chikakozgana na njere la muchese ndiposo chituŵa. Chikanowanga nga ndi tuvingwa tupepefu twakusazgako uchi.#Kup 11.7-8 32Mozesi wakati, “Fumu yalangula kuti, ‘Mweso wa malita ghaŵiri gha mana musunge kuti miwiro iyo yikwiza yizakawone chingwa icho yamulerani nacho mu mapopa ndati yamufumiskani mu charu cha Eguputo.’ ” 33Ndipo Mozesi wakati kwa Aroni, “Tora chiŵiya ndipo uŵikemo mana wakukwana malita ghaŵiri na kuchiŵika panthazi pa Fumu kuti chisungikire miwiro yose.”#Heb 9.4
34Nga ndi umo Fumu yikalangulira Mozesi, Aroni wakachiŵika panthazi pa Bokosi la Phangano kuti ndipo chisungikenge. 35ŴaIsraele ŵakarya mana virimika 40, ŵakasuka wakafika ku Kanani, charu icho ŵakiza kakhara.#Yos 5.12 36Malita 20 ghakuyana waka na debe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi