Kufuma 20
20
Marango Khumi
(Mar 5.1-21)
1Chiuta wakayowoya mazgu ghose agha kuti, 2“Ine ndine Fumu, Chiuta wako, uyo wakakufumya mu Eguputo, charu cha uzga.
3“Ungaŵanga na ŵachiuta ŵanyakhe pa dera pa ine.
4“Ungajipangiranga chikozgo chakuŵaja, panji chikozgo cha kanthu kalikose ako kali kuchanya, panji ako kali pasi pa charu, panji ako kali mu maji pasi pa charu.#Kuf 34.17; Lev 19.4, 26.1; Mar 4.15-18, 27.15 5Ungajikamiranga chikozgo chilichose panji nesi kuchilambira. Pakuti ine Fumu, Chiuta wako ndine Chiuta wa sanje wakulanga ŵana chifukwa cha maubendezi gha ŵawiskewo kuya kafika ku muwiro wa chitatu na wa chinayi wa awo ŵakunditinkha.#Kuf 34.6-7; Kup 14.18; Mar 7.9-10 6Kweni nkhuŵachitira chisungusungu ŵanthu vikwivikwi awo ŵakunditemwa na kusunga marango ghane.
7“Ungazunuranga zina la Fumu, Chiuta wako pa waka. Pakuti Fumu kuti yiti yirekenge kumupa mrandu chara, yose uyo wakuzunura zina lakhe pa waka.#Lev 19.12
8“Kumbuka zuŵa la Sabata, na kulipatula.#Kuf 16.23-30, 31.12-14 9Mu mazuŵa ghankhonde na limoza uchitenge mlimo wako na kuwumarizga wose,#Kuf 23.12, 31.15, 34.21, 35.2; Lev 23.3 10kweni zuŵa la chinkhonde na chiŵiri ndi Sabata kwa Fumu, Chiuta wako. Pa zuŵa ili, ungachitanga mlimo uliwose, manyi ndiwe panji mwana wako mwanarume panji mwanakazi, panji muteŵeti wako mwanarume panji mwanakazi, panji vyakuŵeta vyako, panji mulendo wako uyo wakukhara nawe mu chikaya. 11Pakuti mu mazuŵa ghankhonde na limoza, Fumu yikalenga mtambo na charu cha pasi, nyanja na vyose ivyo vili mu vyeneivi. Kweni pa zuŵa la chinkhonde na chiŵiri yikapumula. Ntheura Fumu yikatumbika zuŵa la Sabata na kulipatula.#Mut 2.1-3; Kuf 31.17
12“Chindika ŵawuso na ŵanyoko mwakuti mazuŵa ghako ghaŵe ghanandi mu charu icho Fumu, Chiuta wako wakukupa iwe.#Mar 27.16; Mat 15.4, 19.19; Mrk 7.10, 10.19; Luk 18.20; Efe 6.2-3
13“Ungakomanga.#Mut 9.6; Lev 24.17; Mat 5.21, 19.18; Mrk 10.19; Luk 18.20; Rom 13.9; Yak 2.11
14“Ungaleŵanga.#Lev 20.10; Mat 5.27, 19.18; Mrk 10.19; Luk 18.20; Rom 13.9; Yak 2.11
15“Ungibanga.#Lev 19.11; Mat 19.18; Mrk 10.19; Luk 18.20; Rom 13.9
16“Ungaŵanga kaboni wa utesi pa muzengezgani wako.#Kuf 23.1; Mat 19.18; Mrk 10.19; Luk 18.20
17“Ungadokeranga nyumba ya muzengezgani wako. Ungadokeranga muwoli wa munyako, panji muteŵeti wakhe mwanarume panji mwanakazi, panji nkhaŵi yakhe, panji mbunda yakhe, nanga ndi kanthu kalikose ako nkha muzengezgani wako.”#Rom 7.7, 13.9
Ŵanthu ŵakukoreka na wofi
(Mar 5.22-33)
18Para ŵanthu wose ŵakapulika vikhayokhayo na kulira kwa mbata ndiposo na kuwona ŵaleza na josi likusunkha mu phiri, ŵakopa na kutenthema. Ŵakimilira kutali.#Heb 12.18-19 19Ndipo ŵakati kwa Mozesi, “Yowoya ndiwe kwa ise ndipo titi tipulike. Kweni ureke kuti Chiuta ndiyo wayowoye nase mzire tifwe.”
20Mozesi wakati ku ŵanthu, “Mungopanga, Chiuta wiza kuti wamuyezgani mwakuti imwe mumuwopenge iyo na kureka kwananga.” 21Ŵanthu ŵakimilira patali apo Mozesi wakasendereranga kufupi na chibingu cha mdima bii kwenekuko kukaŵa Chiuta.
Marango gha pa majochero
22Ntheura Fumu yikati kwa Mozesi, Uŵaphalire ŵaIsraele kuti mwajiwonera mwekha kuti ndayowoya namwe kufumira kuchanya. 23Mungajichitiranga mwekha ŵachiuta ngoza ŵa siliva panji ŵa golide kuŵa pamoza na ine. 24Undizengere jochero la dongo penepapo ndipo mukapereke sembe zakocha na za wenenawene, za mberere na mbuzi na ng'ombe zinu. Mu malo ghose umo ndaŵikamo chikumbusko cha zina lane ndamkwiza kwa imwe na kumutumbikani. 25Usange mundizengerenge jochero la mawe, mungalizenga na mawe ghakuŵaja chara, pakuti usange mukukhwaskako na chakuŵajira chinu mwamkulikazuzga.#Mar 27.5-7; Yos 8.31 26Mureke kukwera pa jochero pakuruta pa makwerero mzire nkhule zinu ziwonekenge.
Currently Selected:
Kufuma 20: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 20
20
Marango Khumi
(Mar 5.1-21)
1Chiuta wakayowoya mazgu ghose agha kuti, 2“Ine ndine Fumu, Chiuta wako, uyo wakakufumya mu Eguputo, charu cha uzga.
3“Ungaŵanga na ŵachiuta ŵanyakhe pa dera pa ine.
4“Ungajipangiranga chikozgo chakuŵaja, panji chikozgo cha kanthu kalikose ako kali kuchanya, panji ako kali pasi pa charu, panji ako kali mu maji pasi pa charu.#Kuf 34.17; Lev 19.4, 26.1; Mar 4.15-18, 27.15 5Ungajikamiranga chikozgo chilichose panji nesi kuchilambira. Pakuti ine Fumu, Chiuta wako ndine Chiuta wa sanje wakulanga ŵana chifukwa cha maubendezi gha ŵawiskewo kuya kafika ku muwiro wa chitatu na wa chinayi wa awo ŵakunditinkha.#Kuf 34.6-7; Kup 14.18; Mar 7.9-10 6Kweni nkhuŵachitira chisungusungu ŵanthu vikwivikwi awo ŵakunditemwa na kusunga marango ghane.
7“Ungazunuranga zina la Fumu, Chiuta wako pa waka. Pakuti Fumu kuti yiti yirekenge kumupa mrandu chara, yose uyo wakuzunura zina lakhe pa waka.#Lev 19.12
8“Kumbuka zuŵa la Sabata, na kulipatula.#Kuf 16.23-30, 31.12-14 9Mu mazuŵa ghankhonde na limoza uchitenge mlimo wako na kuwumarizga wose,#Kuf 23.12, 31.15, 34.21, 35.2; Lev 23.3 10kweni zuŵa la chinkhonde na chiŵiri ndi Sabata kwa Fumu, Chiuta wako. Pa zuŵa ili, ungachitanga mlimo uliwose, manyi ndiwe panji mwana wako mwanarume panji mwanakazi, panji muteŵeti wako mwanarume panji mwanakazi, panji vyakuŵeta vyako, panji mulendo wako uyo wakukhara nawe mu chikaya. 11Pakuti mu mazuŵa ghankhonde na limoza, Fumu yikalenga mtambo na charu cha pasi, nyanja na vyose ivyo vili mu vyeneivi. Kweni pa zuŵa la chinkhonde na chiŵiri yikapumula. Ntheura Fumu yikatumbika zuŵa la Sabata na kulipatula.#Mut 2.1-3; Kuf 31.17
12“Chindika ŵawuso na ŵanyoko mwakuti mazuŵa ghako ghaŵe ghanandi mu charu icho Fumu, Chiuta wako wakukupa iwe.#Mar 27.16; Mat 15.4, 19.19; Mrk 7.10, 10.19; Luk 18.20; Efe 6.2-3
13“Ungakomanga.#Mut 9.6; Lev 24.17; Mat 5.21, 19.18; Mrk 10.19; Luk 18.20; Rom 13.9; Yak 2.11
14“Ungaleŵanga.#Lev 20.10; Mat 5.27, 19.18; Mrk 10.19; Luk 18.20; Rom 13.9; Yak 2.11
15“Ungibanga.#Lev 19.11; Mat 19.18; Mrk 10.19; Luk 18.20; Rom 13.9
16“Ungaŵanga kaboni wa utesi pa muzengezgani wako.#Kuf 23.1; Mat 19.18; Mrk 10.19; Luk 18.20
17“Ungadokeranga nyumba ya muzengezgani wako. Ungadokeranga muwoli wa munyako, panji muteŵeti wakhe mwanarume panji mwanakazi, panji nkhaŵi yakhe, panji mbunda yakhe, nanga ndi kanthu kalikose ako nkha muzengezgani wako.”#Rom 7.7, 13.9
Ŵanthu ŵakukoreka na wofi
(Mar 5.22-33)
18Para ŵanthu wose ŵakapulika vikhayokhayo na kulira kwa mbata ndiposo na kuwona ŵaleza na josi likusunkha mu phiri, ŵakopa na kutenthema. Ŵakimilira kutali.#Heb 12.18-19 19Ndipo ŵakati kwa Mozesi, “Yowoya ndiwe kwa ise ndipo titi tipulike. Kweni ureke kuti Chiuta ndiyo wayowoye nase mzire tifwe.”
20Mozesi wakati ku ŵanthu, “Mungopanga, Chiuta wiza kuti wamuyezgani mwakuti imwe mumuwopenge iyo na kureka kwananga.” 21Ŵanthu ŵakimilira patali apo Mozesi wakasendereranga kufupi na chibingu cha mdima bii kwenekuko kukaŵa Chiuta.
Marango gha pa majochero
22Ntheura Fumu yikati kwa Mozesi, Uŵaphalire ŵaIsraele kuti mwajiwonera mwekha kuti ndayowoya namwe kufumira kuchanya. 23Mungajichitiranga mwekha ŵachiuta ngoza ŵa siliva panji ŵa golide kuŵa pamoza na ine. 24Undizengere jochero la dongo penepapo ndipo mukapereke sembe zakocha na za wenenawene, za mberere na mbuzi na ng'ombe zinu. Mu malo ghose umo ndaŵikamo chikumbusko cha zina lane ndamkwiza kwa imwe na kumutumbikani. 25Usange mundizengerenge jochero la mawe, mungalizenga na mawe ghakuŵaja chara, pakuti usange mukukhwaskako na chakuŵajira chinu mwamkulikazuzga.#Mar 27.5-7; Yos 8.31 26Mureke kukwera pa jochero pakuruta pa makwerero mzire nkhule zinu ziwonekenge.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi