Kufuma 21
21
Marango ghakasungiro ka ŵazga
(Mar 15.12-18)
1 Fumu yikati kwa Mozesi, “Sono agha ndi maweruzgo agho uti uŵaphalire ŵaIsraele kuti ŵaghasunge: 2Usange wagula muzga uyo ndi muHebere, wakuteŵetere virimika vinkhonde na chimoza, kweni mu chirimika cha chinkhonde na chiŵiri iyo wamkuŵa mwanangwa ndipo wamkuruta kwambula chakuwombolera.#Lev 25.39-46 3Usange wakwiza yekha, pakuwera warute yekha. Kweni para wakwiza na muwoli wakhe, pakuwera warute nayo pamoza. 4Usange sekuru wakhe wakumupa mwanakazi kuŵa muwoli wakhe ndipo wakumubabira ŵana ŵanarume panji ŵanakazi, mwanakazi na ŵana ŵakhe ŵamkuŵa ŵa sekuru wakhe, kweni mwanarume yekha ndiyo warutenge. 5Kweni usange muzga yura wakuyowoya pakweru kuti, ‘Ine nkhumutemwa sekuru wane, muwoli wane, na ŵana ŵane, ntheura nkhukhumba kuŵa mwanangwa chara.’ 6Penepapo sekuru wakhe wamutolere ku ŵeruzgi ŵa malo ghakusoperapo Chiuta. Ndipo kwenekura wize nayo pa muryango panji pa mphanjizgo ya muryango ndipo wamudolore khutu lakhe na chakudolorera. Ntheura wati waŵe muteŵeti wakhe pa umoyo wakhe wose.”
7“Usange munthu wakuguliska mwana wakhe mwanakazi kuti waŵe muzga, iyo wareke kuwera nga ndi umo ŵakuwerera ŵazga ŵanarume. 8Usange wakureka kumukondweska sekuru wakhe mweneuyo wakamugula kuti waŵe muwoli wakhe, sekuru wakhe wazomerezge kuti wawomboleke. Mazaza walije kuti wamuguliske ku ŵalendo, pakuti wamuchitira icho nchambula kwenerera. 9Usange wakumugula kuti waŵe muwoli wa mwana wakhe mwanarume, wamupime nga ndi mwana wakhe mwanakazi. 10Usange wakutora mwanakazi munyakhe, wareke kuchepeska vyakurya panji vyakuvwara ku mwanakazi wakudanga nanga nkhureka kunjiramo mwa iyo. 11Usange wakureka kumuchitira vinthu ivi vitatu, mwanakazi uyo wamusuzule kuti waŵe mwanangwa, kweni kwambula kulipirapo ndarama.”
Marango gha zimbembe
12“Munthu yose uyo wakutimba munyakhe mpaka kufwa, nayo wakomeke.#Lev 24.17 13Kweni usange vyachitika mwa ngozi ndipo Chiuta wazomerezga kuti viŵe ntheura, wachimbilire ku malo agho nditi ndimwimikirani.#Kup 35.10-34; Mar 19.1-13; Yos 20.1-9 14Kweni usange munthu wakumuwukira waka munyakhe na kumukoma mwa uryarya, nayo wakwenera kukomeka nangauli wangachimbilira ku jochero lane.
15“Yose uyo wakutimba ŵawiske panji ŵanyina, wakwenera kukomeka.
16“Yose uyo wakwiba munthu, manyi wamuguliske panji wasangika kuti wachali nayo, wakwenera kukomeka.#Mar 24.7
17“Yose uyo wakutemba ŵawiske panji ŵanyina, wakwenera kukomeka.#Lev 20.9; Mat 15.4; Mrk 7.10
18“Para ŵanarume ŵambana ndipo yumoza wamutimba munyakhe na libwe panji na nkhonyo, ndipo munthu uyo wandafwe, kweni warwara na kugona pa chitara, 19ndipo munthu uyo wakatimbika wakuwuka na kugontha pakwenda kuwaro na ndodo, uyo wakamutimba wareke kuŵa na mrandu. Kweni wamulipe chifukwa cha nyengo yakhe iyo wamutayiska ndipo wamupwererere wasuke wachilirethu.
20“Para munthu wakutimba muzga wakhe mwanarume panji mwanakazi na ndodo, ndipo muteŵeti uyo wafwa penepapo, munthu uyo wamutimba walangike. 21Kweni wakwenera kulangika chara usange muzga wakuwuka pa zuŵa limoza panji pa mazuŵa ghaŵiri pakuti muzga ndi chuma chakhe.
22“Para ŵanarume ŵakutimbana na kupweteka mwanakazi wa nthumbo, ndipo nthumbo iyo yafuma, kweni kulije kaheni kalikose, uyo wamupweteka walipe kwakuyana na umo mufumu wakhe wapimirenge, ndiposo na umo wadumulira weruzgi. 23Kweni usange kaheni kamuwira mwanakazi, walipe umoyo pa umoyo, 24jiso lilifyane na jiso, jino na jino, woko na woko, lundi na lundi,#Lev 24.19-20; Mar 19.21; Mat 15.4 25kocheka na moto nayo walipe pakocheka na moto, chilonda na chilonda, kuthyapulika na kuthyapulika.
26“Ndipo para munthu watimba jiso la muzga wakhe mwanarume panji mwanakazi na kuliturura, wamureke kuti warute mu wanangwa chifukwa cha jiso lakhe. 27Usange wakhura jino la muzga wakhe mwanarume panji mwanakazi, wamureke warute mu wanangwa chifukwa cha jino lakhe.
Ivyo ŵakwenera kuchita ŵenecho ŵa vinthu
28“Usange ng'ombe yagwaza mwanarume panji mwanakazi na lusengwe lwakhe ndipo wafwa, ng'ombe iyo yikomeke pakudinyika na mawe. Nyama yakhe mureke kurya, ndipo mwenecho wa ng'ombe kuti wati waŵe na mrandu chara. 29Kweni usange ng'ombe iyo yanguŵa na kaluso kakugwaza ŵanthu na masengwe ghakhe ndipo mwenecho wakuchenjezgeka kweni wakuyikaka chara, ndipo yikukoma munthu mwanarume panji mwanakazi, yikwenera kukomeka pakuyidinya na mawe. Mwenecho wa ng'ombe nayo wakwenera kukomeka. 30Usange ŵakumupimira chakuwombolera umoyo wakhe, ipo walipe chose icho ŵamupimira kuwombolera umoyo wakhe. 31Usange ng'ombe yagwaza mwana mwanarume panji mwanakazi, ŵayichitire kwakuyana na dango leneili. 32Usange ng'ombe yagwaza muzga mwanarume panji mwanakazi, mwenecho wa ng'ombe wapereke kwa sekuru wawo ndarama za siliva 30, ndipo ng'ombe yikomeke pakuyidina na mawe.
33“Para munthu wakulireka mwazi khururu, panji para wajima khururu na kulireka lambula kubenekerera, ndipo ng'ombe panji mbunda yaŵene yawamo, 34mwenecho wa khururu walipe pakupereka ndarama ku mwenecho, ndipo ng'ombe yakufwa yira yamkuŵa yakhe. 35Para ng'ombe ya munthu yapweteka ng'ombe ya munthu munyakhe ndipo yafwa, ŵayiguliske ng'ombe yira yamoyo na kugaŵana ndarama zira. Ng'ombe yakufwa yira nayo, nyama yakhe ŵagaŵane. 36Usange kwamanyikwa kuti ng'ombe iyo nkhaluso kakhe kakurasa ng'ombe zinyakhe, ndipo mwenecho wakayikakilira chara, walipe ng'ombe yamoyo ndipo yakufwa iyo ndiyo yiŵenge yakhe.
Currently Selected:
Kufuma 21: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Kufuma 21
21
Marango ghakasungiro ka ŵazga
(Mar 15.12-18)
1 Fumu yikati kwa Mozesi, “Sono agha ndi maweruzgo agho uti uŵaphalire ŵaIsraele kuti ŵaghasunge: 2Usange wagula muzga uyo ndi muHebere, wakuteŵetere virimika vinkhonde na chimoza, kweni mu chirimika cha chinkhonde na chiŵiri iyo wamkuŵa mwanangwa ndipo wamkuruta kwambula chakuwombolera.#Lev 25.39-46 3Usange wakwiza yekha, pakuwera warute yekha. Kweni para wakwiza na muwoli wakhe, pakuwera warute nayo pamoza. 4Usange sekuru wakhe wakumupa mwanakazi kuŵa muwoli wakhe ndipo wakumubabira ŵana ŵanarume panji ŵanakazi, mwanakazi na ŵana ŵakhe ŵamkuŵa ŵa sekuru wakhe, kweni mwanarume yekha ndiyo warutenge. 5Kweni usange muzga yura wakuyowoya pakweru kuti, ‘Ine nkhumutemwa sekuru wane, muwoli wane, na ŵana ŵane, ntheura nkhukhumba kuŵa mwanangwa chara.’ 6Penepapo sekuru wakhe wamutolere ku ŵeruzgi ŵa malo ghakusoperapo Chiuta. Ndipo kwenekura wize nayo pa muryango panji pa mphanjizgo ya muryango ndipo wamudolore khutu lakhe na chakudolorera. Ntheura wati waŵe muteŵeti wakhe pa umoyo wakhe wose.”
7“Usange munthu wakuguliska mwana wakhe mwanakazi kuti waŵe muzga, iyo wareke kuwera nga ndi umo ŵakuwerera ŵazga ŵanarume. 8Usange wakureka kumukondweska sekuru wakhe mweneuyo wakamugula kuti waŵe muwoli wakhe, sekuru wakhe wazomerezge kuti wawomboleke. Mazaza walije kuti wamuguliske ku ŵalendo, pakuti wamuchitira icho nchambula kwenerera. 9Usange wakumugula kuti waŵe muwoli wa mwana wakhe mwanarume, wamupime nga ndi mwana wakhe mwanakazi. 10Usange wakutora mwanakazi munyakhe, wareke kuchepeska vyakurya panji vyakuvwara ku mwanakazi wakudanga nanga nkhureka kunjiramo mwa iyo. 11Usange wakureka kumuchitira vinthu ivi vitatu, mwanakazi uyo wamusuzule kuti waŵe mwanangwa, kweni kwambula kulipirapo ndarama.”
Marango gha zimbembe
12“Munthu yose uyo wakutimba munyakhe mpaka kufwa, nayo wakomeke.#Lev 24.17 13Kweni usange vyachitika mwa ngozi ndipo Chiuta wazomerezga kuti viŵe ntheura, wachimbilire ku malo agho nditi ndimwimikirani.#Kup 35.10-34; Mar 19.1-13; Yos 20.1-9 14Kweni usange munthu wakumuwukira waka munyakhe na kumukoma mwa uryarya, nayo wakwenera kukomeka nangauli wangachimbilira ku jochero lane.
15“Yose uyo wakutimba ŵawiske panji ŵanyina, wakwenera kukomeka.
16“Yose uyo wakwiba munthu, manyi wamuguliske panji wasangika kuti wachali nayo, wakwenera kukomeka.#Mar 24.7
17“Yose uyo wakutemba ŵawiske panji ŵanyina, wakwenera kukomeka.#Lev 20.9; Mat 15.4; Mrk 7.10
18“Para ŵanarume ŵambana ndipo yumoza wamutimba munyakhe na libwe panji na nkhonyo, ndipo munthu uyo wandafwe, kweni warwara na kugona pa chitara, 19ndipo munthu uyo wakatimbika wakuwuka na kugontha pakwenda kuwaro na ndodo, uyo wakamutimba wareke kuŵa na mrandu. Kweni wamulipe chifukwa cha nyengo yakhe iyo wamutayiska ndipo wamupwererere wasuke wachilirethu.
20“Para munthu wakutimba muzga wakhe mwanarume panji mwanakazi na ndodo, ndipo muteŵeti uyo wafwa penepapo, munthu uyo wamutimba walangike. 21Kweni wakwenera kulangika chara usange muzga wakuwuka pa zuŵa limoza panji pa mazuŵa ghaŵiri pakuti muzga ndi chuma chakhe.
22“Para ŵanarume ŵakutimbana na kupweteka mwanakazi wa nthumbo, ndipo nthumbo iyo yafuma, kweni kulije kaheni kalikose, uyo wamupweteka walipe kwakuyana na umo mufumu wakhe wapimirenge, ndiposo na umo wadumulira weruzgi. 23Kweni usange kaheni kamuwira mwanakazi, walipe umoyo pa umoyo, 24jiso lilifyane na jiso, jino na jino, woko na woko, lundi na lundi,#Lev 24.19-20; Mar 19.21; Mat 15.4 25kocheka na moto nayo walipe pakocheka na moto, chilonda na chilonda, kuthyapulika na kuthyapulika.
26“Ndipo para munthu watimba jiso la muzga wakhe mwanarume panji mwanakazi na kuliturura, wamureke kuti warute mu wanangwa chifukwa cha jiso lakhe. 27Usange wakhura jino la muzga wakhe mwanarume panji mwanakazi, wamureke warute mu wanangwa chifukwa cha jino lakhe.
Ivyo ŵakwenera kuchita ŵenecho ŵa vinthu
28“Usange ng'ombe yagwaza mwanarume panji mwanakazi na lusengwe lwakhe ndipo wafwa, ng'ombe iyo yikomeke pakudinyika na mawe. Nyama yakhe mureke kurya, ndipo mwenecho wa ng'ombe kuti wati waŵe na mrandu chara. 29Kweni usange ng'ombe iyo yanguŵa na kaluso kakugwaza ŵanthu na masengwe ghakhe ndipo mwenecho wakuchenjezgeka kweni wakuyikaka chara, ndipo yikukoma munthu mwanarume panji mwanakazi, yikwenera kukomeka pakuyidinya na mawe. Mwenecho wa ng'ombe nayo wakwenera kukomeka. 30Usange ŵakumupimira chakuwombolera umoyo wakhe, ipo walipe chose icho ŵamupimira kuwombolera umoyo wakhe. 31Usange ng'ombe yagwaza mwana mwanarume panji mwanakazi, ŵayichitire kwakuyana na dango leneili. 32Usange ng'ombe yagwaza muzga mwanarume panji mwanakazi, mwenecho wa ng'ombe wapereke kwa sekuru wawo ndarama za siliva 30, ndipo ng'ombe yikomeke pakuyidina na mawe.
33“Para munthu wakulireka mwazi khururu, panji para wajima khururu na kulireka lambula kubenekerera, ndipo ng'ombe panji mbunda yaŵene yawamo, 34mwenecho wa khururu walipe pakupereka ndarama ku mwenecho, ndipo ng'ombe yakufwa yira yamkuŵa yakhe. 35Para ng'ombe ya munthu yapweteka ng'ombe ya munthu munyakhe ndipo yafwa, ŵayiguliske ng'ombe yira yamoyo na kugaŵana ndarama zira. Ng'ombe yakufwa yira nayo, nyama yakhe ŵagaŵane. 36Usange kwamanyikwa kuti ng'ombe iyo nkhaluso kakhe kakurasa ng'ombe zinyakhe, ndipo mwenecho wakayikakilira chara, walipe ng'ombe yamoyo ndipo yakufwa iyo ndiyo yiŵenge yakhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi