Tơlơi Tơbiă 16
16
Ană plei pla Israel ƀuah Ơi Adai amăng tơdrŏn har Sin
1Amăng hrơi pluh rơma blan tal dua tơdơi kơ gơñu tơbiă mơ̆ng čar Êjip, abih bang ană plei pla Israel đuaĭ mơ̆ng Êlim kiăng kơ nao pơ tơdrŏn har Sin, dŏ tơ̆ng krah Êlim hăng Sinai. 2Amăng tơdrŏn har, abih bang ană plei pla Israel pơhiăp brŏk kơ Môis hăng Arôn. 3Ană plei pla Israel laĭ hăng dua gơñu: “Hiam hloh kơ gơmơi djai yua mơ̆ng tơngan Yêhôwa amăng čar Êjip, tơdang gơmơi ăt dŏ ber jĕ gŏ añăm mơnơ̆ng laih anŭn ƀơ̆ng ƀañ trơi hrăp! Samơ̆ dua gih pŭng kơ ba ƀing gơmơi mŭt amăng tơdrŏn har anai kiăng kơ abih bang ană plei pla Israel khŏm djai rơpa.”
4 #
Yô 6:31. Yêhôwa pơhiăp hăng Môis: “Anai nê, kiăng kơ pơlông lăng gơñu hmâo rơbat tui tơlơi juăt Kâo mơ̆. Kâo či brơi hơjan ƀañ tơpŭng mơ̆ng adai kơ ƀing gih laih anŭn rĭm hrơi ană plei pla či nao duñ črăn ƀañ kơ hrơi anŭn. 5Amăng hrơi tal năm, črăn gơñu prăp rơmet gơñu či duñ dua wơ̆t lu hloh črăn gơñu duñ rĭm hrơi.”
6Môis hăng Arôn laĭ hăng abih ană plei pla Israel: “Klam anai ƀing gih či thâo Yêhôwa pô yơh hmâo ba laih ƀing gih tơbiă mơ̆ng Êjip; 7Laih anŭn mơguah pơgi ƀing gih či ƀuh tơlơi ang yang Yêhôwa, yua kơ Ñu hmâo hmư̆ laih tơlơi ƀing gih hmâo pơhiăp brŏk kơ Ñu. Bơ kơ ƀing gơmơi hlơi ƀing gơmơi jing tơl ƀing gih hmâo pơhiăp brŏk kơ gơmơi?” 8Môis laĭ: “Ƀơi klam Yêhôwa či pha brơi añăm mơnơ̆ng kơ ƀing gih ƀơ̆ng, laih anŭn mơguah Ñu brơi ƀañ tơpŭng rơbeh rơbai. Yua kơ Ñu hmư̆ laih tơlơi ƀing gih pơhiăp brŏk kơ Ñu, bơ kơ ƀing gơmơi hlơi gơmơi jing? Ƀu djơ̆ ôh ƀing gih pơhiăp brŏk kơ gơmơi, samơ̆ ƀing gih pơhiăp brŏk kơ Yêhôwa.”
9Môis laĭ kơ Arôn: “Laĭ bĕ kơ abih ană plei pla Israel: ‘ƀing gih rai bĕ ƀơi anăp Yêhôwa, yua kơ Ñu hmâo hmư̆ laih tơlơi ƀing gih pơhiăp brŏk kơ Ñu.’” 10Tơdang Arôn dŏ pơhiăp hăng abih bang ană plei pla Israel, gơñu lăng nao pơ tơdrŏn har laih anŭn blĭp ƀuh tơlơi ang yang Yêhôwa pơrơđah rai amăng gơnăm. 11Yêhôwa pơhiăp hăng Môis. 12“Kâo hmâo hmư̆ laih tơlơi ƀing ană plei pla Israel pơhiăp brŏk, tui anŭn, brơi ih laĭ kơ gơñu: ‘Ƀơi klam ƀing gih či ƀơ̆ng añăm mơnơ̆ng, ƀơi mơguah ƀing gih či ƀơ̆ng ƀañ trơi hrăp, laih anŭn ƀing gih či thâo kâo jing Yêhôwa Ơi Adai kơ ƀing gih.’”
Čĭm wăt laih anŭn mana
13Klam hrơi anŭn, čĭm wăt pơr rai laih anŭn gom hĭ anih jưh; laih anŭn mơguah hmâo sa tal ia ngom dŏ glaĭ jum dar anih jưh. 14Tơ ia ngom anŭn thu hĭ, ƀơi rŏng lŏn tơdrŏn har hmâo mơnơ̆ng hơgĕt anĕt anĕt, wĭl rơmuăn kar hăng asar ia ngom dŏ glaĭ ƀơi rŏng lŏn. 15#I Kôr 10:3.Ƀuh tui anŭn, ană plei pla Israel tơña tơdruă gơñu: “Hơgĕt mơnơ̆ng anŭn?” Yua kơ gơñu ƀu thâo ôh hơgĕt mơnơ̆ng anŭn jing. Môis laĭ hăng ană plei pla: “Anŭn jing ƀañ tơpŭng Yêhôwa hmâo pha brơi kơ ƀing gih, kiăng kơ ngă mơnơ̆ng ƀơ̆ng huă kơ ƀing gih. 16Anai jing tơlơi Yêhôwa hmâo pơtă pơtăn: ‘Brơi rĭm čô ƀing gih nao duñ mă bĕ tui hluai hăng ƀing gih dưi ƀơ̆ng djŏp, rĭm čô sa ômer#16:16 năng ai dơ̆ dua lit. tui hluai hăng mrô mơnuih amăng sang khăn ƀing gih.’”
17Ană plei pla Israel ngă kar hăng anŭn; hmâo mơnuih duñ lu, hmâo mơnuih duñ ƀiă. 18#II Kôr 8:15.Samơ̆ tơ pơkă rĭm čô hmâo dua lit, hlơi pô duñ lu ƀu hmâo rơbeh ôh, hlơi pô duñ ƀiă kŏn či kơƀah lơi. Rĭm čô duñ lăp djŏp kơ ñu dưi ƀơ̆ng. 19Môis pơhiăp hăng ană plei pla: “Anăm hlơi pô pioh truh kơ mơguah pơgi ôh.” 20Samơ̆ ană plei pla ƀu hmư̆ ôh tơlơi Môis pơhiăp, đơđa mơnuih hmâo pioh glaĭ truh mơguah, ƀañ anŭn hmâo rai lu hlăt laih anŭn ƀâu brŭ. Môis hil kơ gơñu. 21Tui anŭn, rĭm mơguah gơñu nao duñ ƀañ tơpŭng, rĭm čô duñ djŏp tui hăng ñu dưi ƀơ̆ng. Tơ yang hrơi pơ-iă pơčrang mơnơ̆ng anŭn lik hĭ.
22Amăng hrơi tal năm ană plei pla duñ dua wơ̆t lu hloh, rĭm čô dua ômer. Ƀing khua gĭt gai ană plei pla nao bơrơđah kơ Môis thâo. 23Môis laĭ kơ gơñu: “Anai jing boh pơhiăp Yêhôwa hmâo pơhiăp: ‘Hrơi pơgi jing hrơi pơdơi, jing hrơi saƀat rơgoh hiam kơ Yêhôwa, brơi ƀing gih ŏm bĕ hơgĕt mơnơ̆ng ƀing gih kiăng ŏm, hơtuk bĕ hơgĕt mơnơ̆ng ƀing gih hơtuk, laih anŭn hơdôm mơnơ̆ng hơgĕt dŏ rơbeh, brơi ƀing gih pioh truh pơ mơguah pơgi.’”#Tơb 20:8-11. 24Tui anŭn, gơñu pioh glaĭ truh mơguah pơgi, kar hăng Môis pơtă pơtăn, mơnơ̆ng anŭn ƀu hmâo ƀâu brŭ ôh kŏn hmâo hlăt lơi. 25Môis laĭ: “Hrơi anai ƀơ̆ng bĕ mơnơ̆ng anŭn yua kơ hrơi anai jing hrơi saƀat kơ Yêhôwa. Hrơi anai ƀing gih ƀu či ƀuh ôh ƀañ anŭn amăng tơdrŏn har. 26Ƀing gih duñ amăng năm hrơi, samơ̆ hrơi tal tơjuh jing hrơi saƀat, ƀu či hmâo ƀañ tơpŭng anŭn ôh.”
27Wơ̆t dah tui anŭn, amăng hrơi tal tơjuh ăt hmâo đơđa mơnuih amăng ană plei pla nao duñ laih anŭn gơñu ƀu dưi ƀuh hơgĕt ôh. 28Yêhôwa laĭ hăng Môis: “Hơdôm sui dơ̆ng ƀing gih ƀu tui gưt tơlơi pơtă pơtăn laih anŭn tơlơi juăt kâo? 29Hơdơr bĕ Yêhôwa hmâo brơi ƀing gih hrơi saƀat, yua kơ anŭn amăng hrơi tal năm Ñu brơi kơ ƀing gih ƀañ tơpŭng djŏp dua hrơi. Amăng hrơi tơjuh, rĭm čô khŏm dŏ pơdơi amăng anih ñu pô, ƀu hmâo hlơi dưi tơbiă mơ̆ng sang ôh.” 30Anŭn yơh, amăng hrơi tal tơjuh ană plei pla hmâo tơlơi pơdơi.
31 #
Yap 11:7-8. Sang Israel pơanăn mơnơ̆ng anŭn jing “mana” ñu jing kar hăng jeh kôriander, kŏ, mơnâo ñu kar hăng ƀañ mơmih pơlŭk hăng ia hơni.
32Môis laĭ: “Anai jing tơlơi Yêhôwa hmâo pơtă pơtăn: ‘Brơi tŏng pơbă bĕ sa ômer mana, laih anŭn djă pioh găn lu rơnŭk kiăng kơ gơñu ƀuh ƀañ Kâo hmâo brơi kơ ƀing gih ƀơ̆ng amăng tơdrŏn har tơdang kâo ba ƀing gih tơbiă mơ̆ng čar Êjip.’” 33#Hêb 9:4.Môis laĭ hăng Arôn: “Mă bĕ sa boh get laih anŭn pioh sa ômer mana amăng get anŭn laih anŭn dưm ƀơi anăp Yêhôwa kiăng kơ djă pioh găn lu rơnŭk.” 34Arôn pioh get anŭn ƀơi anăp hip kơnol pơgop kiăng kơ dưi djă pioh kar hăng tơlơi Yêhôwa hmâo pơtă pơtăn laih kơ Môis. 35#Yôs 5:12.Ană plei pla Israel ƀơ̆ng mana amăng pă pluh thŭn, tơl gơñu truh amăng čar hmâo mơnuih dŏ. Gơñu hmâo ƀơ̆ng mana tơl gơñu mŭt amăng guai čar Kanaan. 36Sa ômer jing sa črăn amăng pluh êphah.#16:36 êphah: jing mơnơ̆ng arăng yua kiăng pơkă mơnơ̆ng khăng, ñu mơdơ̆ hăng 22 lit.
Currently Selected:
Tơlơi Tơbiă 16: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 16
16
Ană plei pla Israel ƀuah Ơi Adai amăng tơdrŏn har Sin
1Amăng hrơi pluh rơma blan tal dua tơdơi kơ gơñu tơbiă mơ̆ng čar Êjip, abih bang ană plei pla Israel đuaĭ mơ̆ng Êlim kiăng kơ nao pơ tơdrŏn har Sin, dŏ tơ̆ng krah Êlim hăng Sinai. 2Amăng tơdrŏn har, abih bang ană plei pla Israel pơhiăp brŏk kơ Môis hăng Arôn. 3Ană plei pla Israel laĭ hăng dua gơñu: “Hiam hloh kơ gơmơi djai yua mơ̆ng tơngan Yêhôwa amăng čar Êjip, tơdang gơmơi ăt dŏ ber jĕ gŏ añăm mơnơ̆ng laih anŭn ƀơ̆ng ƀañ trơi hrăp! Samơ̆ dua gih pŭng kơ ba ƀing gơmơi mŭt amăng tơdrŏn har anai kiăng kơ abih bang ană plei pla Israel khŏm djai rơpa.”
4 #
Yô 6:31. Yêhôwa pơhiăp hăng Môis: “Anai nê, kiăng kơ pơlông lăng gơñu hmâo rơbat tui tơlơi juăt Kâo mơ̆. Kâo či brơi hơjan ƀañ tơpŭng mơ̆ng adai kơ ƀing gih laih anŭn rĭm hrơi ană plei pla či nao duñ črăn ƀañ kơ hrơi anŭn. 5Amăng hrơi tal năm, črăn gơñu prăp rơmet gơñu či duñ dua wơ̆t lu hloh črăn gơñu duñ rĭm hrơi.”
6Môis hăng Arôn laĭ hăng abih ană plei pla Israel: “Klam anai ƀing gih či thâo Yêhôwa pô yơh hmâo ba laih ƀing gih tơbiă mơ̆ng Êjip; 7Laih anŭn mơguah pơgi ƀing gih či ƀuh tơlơi ang yang Yêhôwa, yua kơ Ñu hmâo hmư̆ laih tơlơi ƀing gih hmâo pơhiăp brŏk kơ Ñu. Bơ kơ ƀing gơmơi hlơi ƀing gơmơi jing tơl ƀing gih hmâo pơhiăp brŏk kơ gơmơi?” 8Môis laĭ: “Ƀơi klam Yêhôwa či pha brơi añăm mơnơ̆ng kơ ƀing gih ƀơ̆ng, laih anŭn mơguah Ñu brơi ƀañ tơpŭng rơbeh rơbai. Yua kơ Ñu hmư̆ laih tơlơi ƀing gih pơhiăp brŏk kơ Ñu, bơ kơ ƀing gơmơi hlơi gơmơi jing? Ƀu djơ̆ ôh ƀing gih pơhiăp brŏk kơ gơmơi, samơ̆ ƀing gih pơhiăp brŏk kơ Yêhôwa.”
9Môis laĭ kơ Arôn: “Laĭ bĕ kơ abih ană plei pla Israel: ‘ƀing gih rai bĕ ƀơi anăp Yêhôwa, yua kơ Ñu hmâo hmư̆ laih tơlơi ƀing gih pơhiăp brŏk kơ Ñu.’” 10Tơdang Arôn dŏ pơhiăp hăng abih bang ană plei pla Israel, gơñu lăng nao pơ tơdrŏn har laih anŭn blĭp ƀuh tơlơi ang yang Yêhôwa pơrơđah rai amăng gơnăm. 11Yêhôwa pơhiăp hăng Môis. 12“Kâo hmâo hmư̆ laih tơlơi ƀing ană plei pla Israel pơhiăp brŏk, tui anŭn, brơi ih laĭ kơ gơñu: ‘Ƀơi klam ƀing gih či ƀơ̆ng añăm mơnơ̆ng, ƀơi mơguah ƀing gih či ƀơ̆ng ƀañ trơi hrăp, laih anŭn ƀing gih či thâo kâo jing Yêhôwa Ơi Adai kơ ƀing gih.’”
Čĭm wăt laih anŭn mana
13Klam hrơi anŭn, čĭm wăt pơr rai laih anŭn gom hĭ anih jưh; laih anŭn mơguah hmâo sa tal ia ngom dŏ glaĭ jum dar anih jưh. 14Tơ ia ngom anŭn thu hĭ, ƀơi rŏng lŏn tơdrŏn har hmâo mơnơ̆ng hơgĕt anĕt anĕt, wĭl rơmuăn kar hăng asar ia ngom dŏ glaĭ ƀơi rŏng lŏn. 15#I Kôr 10:3.Ƀuh tui anŭn, ană plei pla Israel tơña tơdruă gơñu: “Hơgĕt mơnơ̆ng anŭn?” Yua kơ gơñu ƀu thâo ôh hơgĕt mơnơ̆ng anŭn jing. Môis laĭ hăng ană plei pla: “Anŭn jing ƀañ tơpŭng Yêhôwa hmâo pha brơi kơ ƀing gih, kiăng kơ ngă mơnơ̆ng ƀơ̆ng huă kơ ƀing gih. 16Anai jing tơlơi Yêhôwa hmâo pơtă pơtăn: ‘Brơi rĭm čô ƀing gih nao duñ mă bĕ tui hluai hăng ƀing gih dưi ƀơ̆ng djŏp, rĭm čô sa ômer#16:16 năng ai dơ̆ dua lit. tui hluai hăng mrô mơnuih amăng sang khăn ƀing gih.’”
17Ană plei pla Israel ngă kar hăng anŭn; hmâo mơnuih duñ lu, hmâo mơnuih duñ ƀiă. 18#II Kôr 8:15.Samơ̆ tơ pơkă rĭm čô hmâo dua lit, hlơi pô duñ lu ƀu hmâo rơbeh ôh, hlơi pô duñ ƀiă kŏn či kơƀah lơi. Rĭm čô duñ lăp djŏp kơ ñu dưi ƀơ̆ng. 19Môis pơhiăp hăng ană plei pla: “Anăm hlơi pô pioh truh kơ mơguah pơgi ôh.” 20Samơ̆ ană plei pla ƀu hmư̆ ôh tơlơi Môis pơhiăp, đơđa mơnuih hmâo pioh glaĭ truh mơguah, ƀañ anŭn hmâo rai lu hlăt laih anŭn ƀâu brŭ. Môis hil kơ gơñu. 21Tui anŭn, rĭm mơguah gơñu nao duñ ƀañ tơpŭng, rĭm čô duñ djŏp tui hăng ñu dưi ƀơ̆ng. Tơ yang hrơi pơ-iă pơčrang mơnơ̆ng anŭn lik hĭ.
22Amăng hrơi tal năm ană plei pla duñ dua wơ̆t lu hloh, rĭm čô dua ômer. Ƀing khua gĭt gai ană plei pla nao bơrơđah kơ Môis thâo. 23Môis laĭ kơ gơñu: “Anai jing boh pơhiăp Yêhôwa hmâo pơhiăp: ‘Hrơi pơgi jing hrơi pơdơi, jing hrơi saƀat rơgoh hiam kơ Yêhôwa, brơi ƀing gih ŏm bĕ hơgĕt mơnơ̆ng ƀing gih kiăng ŏm, hơtuk bĕ hơgĕt mơnơ̆ng ƀing gih hơtuk, laih anŭn hơdôm mơnơ̆ng hơgĕt dŏ rơbeh, brơi ƀing gih pioh truh pơ mơguah pơgi.’”#Tơb 20:8-11. 24Tui anŭn, gơñu pioh glaĭ truh mơguah pơgi, kar hăng Môis pơtă pơtăn, mơnơ̆ng anŭn ƀu hmâo ƀâu brŭ ôh kŏn hmâo hlăt lơi. 25Môis laĭ: “Hrơi anai ƀơ̆ng bĕ mơnơ̆ng anŭn yua kơ hrơi anai jing hrơi saƀat kơ Yêhôwa. Hrơi anai ƀing gih ƀu či ƀuh ôh ƀañ anŭn amăng tơdrŏn har. 26Ƀing gih duñ amăng năm hrơi, samơ̆ hrơi tal tơjuh jing hrơi saƀat, ƀu či hmâo ƀañ tơpŭng anŭn ôh.”
27Wơ̆t dah tui anŭn, amăng hrơi tal tơjuh ăt hmâo đơđa mơnuih amăng ană plei pla nao duñ laih anŭn gơñu ƀu dưi ƀuh hơgĕt ôh. 28Yêhôwa laĭ hăng Môis: “Hơdôm sui dơ̆ng ƀing gih ƀu tui gưt tơlơi pơtă pơtăn laih anŭn tơlơi juăt kâo? 29Hơdơr bĕ Yêhôwa hmâo brơi ƀing gih hrơi saƀat, yua kơ anŭn amăng hrơi tal năm Ñu brơi kơ ƀing gih ƀañ tơpŭng djŏp dua hrơi. Amăng hrơi tơjuh, rĭm čô khŏm dŏ pơdơi amăng anih ñu pô, ƀu hmâo hlơi dưi tơbiă mơ̆ng sang ôh.” 30Anŭn yơh, amăng hrơi tal tơjuh ană plei pla hmâo tơlơi pơdơi.
31 #
Yap 11:7-8. Sang Israel pơanăn mơnơ̆ng anŭn jing “mana” ñu jing kar hăng jeh kôriander, kŏ, mơnâo ñu kar hăng ƀañ mơmih pơlŭk hăng ia hơni.
32Môis laĭ: “Anai jing tơlơi Yêhôwa hmâo pơtă pơtăn: ‘Brơi tŏng pơbă bĕ sa ômer mana, laih anŭn djă pioh găn lu rơnŭk kiăng kơ gơñu ƀuh ƀañ Kâo hmâo brơi kơ ƀing gih ƀơ̆ng amăng tơdrŏn har tơdang kâo ba ƀing gih tơbiă mơ̆ng čar Êjip.’” 33#Hêb 9:4.Môis laĭ hăng Arôn: “Mă bĕ sa boh get laih anŭn pioh sa ômer mana amăng get anŭn laih anŭn dưm ƀơi anăp Yêhôwa kiăng kơ djă pioh găn lu rơnŭk.” 34Arôn pioh get anŭn ƀơi anăp hip kơnol pơgop kiăng kơ dưi djă pioh kar hăng tơlơi Yêhôwa hmâo pơtă pơtăn laih kơ Môis. 35#Yôs 5:12.Ană plei pla Israel ƀơ̆ng mana amăng pă pluh thŭn, tơl gơñu truh amăng čar hmâo mơnuih dŏ. Gơñu hmâo ƀơ̆ng mana tơl gơñu mŭt amăng guai čar Kanaan. 36Sa ômer jing sa črăn amăng pluh êphah.#16:36 êphah: jing mơnơ̆ng arăng yua kiăng pơkă mơnơ̆ng khăng, ñu mơdơ̆ hăng 22 lit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.