Tơlơi Tơbiă 17
17
Ƀing Israel brŏk ƀuah ƀơi Rêphidim
(Yap 20:1-13)
1 #
Yap 20:2-13. Mơ̆ng tơdrŏn har Sin, gưt tui tơlơi Yêhôwa pơđar, abih bang ană plei pla Israel rơbat nao ƀrư̆ ƀrư̆ rĭm čăl, gơñu nao jưh ƀơi Rêphidim. Ƀơi anai ƀu hmâo ia brơi kơ ană plei pla mơñum ôh. 2Ană plei pla hil kơ Môis laih anŭn laĭ: “Pha brơi gơmơi mơñum ia bĕ” Môis laĭ glaĭ: “Yua hơgĕt ƀing gih hil kơ kâo? Yua hơgĕt ƀing gih khĭn pơlông lăng Yêhôwa?” 3Samơ̆ pơ anŭn ană plei pla mơhao ia biă mă laih anŭn gơñu pơhiăp brŏk kơ Môis: “Yua hơgĕt ih ba gơmơi tơbiă mơ̆ng čar Êjip laih anŭn lui hĭ ƀing gơmơi, ană bă, laih anŭn hlô mơnơ̆ng ƀing gơmơi djai yua kơ tơlơi mơhao kar hăng anai?” 4Môis kơwưh rơkâo kơ Yêhôwa: “Hơgĕt kâo či ngă kơ ană plei pla anai? Gơñu ƀiă či glŏm boh pơtâo kơ kâo yơh!”
Ia bluh tơbiă mơ̆ng boh pơtâo Hôrep
5Yêhôwa laĭ kơ Môis: “Nao bĕ ƀơi anăp ană plei pla, jak hrŏm hăng ih đơđa ƀing kong tha Israel, laih anŭn djă ba mơ̆n gai jra ih hmâo taih ƀơi jơlah ia krong Nil, laih anŭn nao. 6Anai nê, Kâo či dŏ ƀơi anăp ih, ƀơi boh pơtâo ƀơi čư̆ Hôrep.#17:6 ƀôdah Sinai. Brơi ih taih bĕ boh pơtâo, laih anŭn ia či tơbiă mơ̆ng boh pơtâo anŭn kiăng brơi ană plei pla mơñum.” Môis ngă tui anŭn ƀơi anăp ƀing kong tha Israel. 7Môis pơanăn anih anai jing Masa laih anŭn Mêriba,#17:7 Masa: Amăng tơlơi Hêbrơ, boh hră anai kiăng pia jing “pơlông lăng”; Mêriba: kiăng pia jing “ngă tơhnal”. yua kơ ană plei pla Israel hmâo hil kơ ñu laih anŭn khĭn pơlông lăng Yêhôwa hăng laĭ: “Hmâo Yêhôwa dŏ tơ̆ng krah ƀing ta mơ̆?”
Tơlơi Pơblah Dưi Hăng Ƀing Amalek
8Hlăk anŭn tơhan Amalek nao čôih hăng kơsung pơblah hăng Israel ƀơi Rêphidim. 9Môis laĭ hăng Yôsuê: “Ruah brơi bĕ kơ ƀing ta ƀing khĭn kơtang nao pơblah hăng tơhan Amalek. Hrơi pơgi kâo či dŏ dơ̆ng ƀơi akŏ bul čư̆ djă gai jra Ơi Adai amăng tơngan.” 10Yôsuê hmâo pơblah hăng tơhan Amalek tui hăng tơlơi Môis pơđar; Bơ kơ Môis, Arôn laih anŭn Hur đĭ ƀơi akŏ bul čư̆. 11Rĭm wơ̆t Môis yơr đĭ tơngan, tơhan Israel dưi hĭ; samơ̆ tơdang ñu glưh trŭn tơngan, tơhan Amalek dưi hĭ hăng gơñu. 12Tơ tơngan Môis rơgah hĭ laih, gơñu mă sa boh pơtâo pơtŏ brơi ñu dŏ ber ƀơi boh pơtâo; Arôn hăng Hur dŏ dơ̆ng dua gah, sa čô sa gah, krơ̆ng đĭ tơngan ñu; yua kơ anŭn yơh tơngan ñu ƀu pơpư̆ pơgơi ôh tơl truh yang hrơi lĕ. 13Yôsuê yua đao gưm pơblah dưi hĭ hăng pơtao laih anŭn ană plei pla Amalek.
14 #
Mơñă 25:17-19; I Sa 15:2-9. Yêhôwa laĭ hăng Môis: “Čih bĕ tơlơi anai amăng hơdrôm hră kiăng kơ hơdơr djă pioh laih anŭn laĭ brơi kơ Yôsuê thâo Kâo či sut lui hĭ abih tơlơi pơhơdơr kơ Amalek amăng lŏn tơnah.” 15Môis pơdơ̆ng sa boh kơƀang ngă yang laih anŭn pơanăn ñu jing: “Yêhôwa Jing Hla Gru Kâo.”#17:15 Boh hră phŭn hơđăp: Yêhôwa Nisi. 16Ñu laĭ: “Yua kơ sa ƀĕ tơngan Amalek hmâo yơr đĭ pơkơdơ̆ng glaĭ gre pơtao Yêhôwa, yua anŭn yơh Yêhôwa či pơblah hăng gơñu amăng abih bang rơnŭk.”
Currently Selected:
Tơlơi Tơbiă 17: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 17
17
Ƀing Israel brŏk ƀuah ƀơi Rêphidim
(Yap 20:1-13)
1 #
Yap 20:2-13. Mơ̆ng tơdrŏn har Sin, gưt tui tơlơi Yêhôwa pơđar, abih bang ană plei pla Israel rơbat nao ƀrư̆ ƀrư̆ rĭm čăl, gơñu nao jưh ƀơi Rêphidim. Ƀơi anai ƀu hmâo ia brơi kơ ană plei pla mơñum ôh. 2Ană plei pla hil kơ Môis laih anŭn laĭ: “Pha brơi gơmơi mơñum ia bĕ” Môis laĭ glaĭ: “Yua hơgĕt ƀing gih hil kơ kâo? Yua hơgĕt ƀing gih khĭn pơlông lăng Yêhôwa?” 3Samơ̆ pơ anŭn ană plei pla mơhao ia biă mă laih anŭn gơñu pơhiăp brŏk kơ Môis: “Yua hơgĕt ih ba gơmơi tơbiă mơ̆ng čar Êjip laih anŭn lui hĭ ƀing gơmơi, ană bă, laih anŭn hlô mơnơ̆ng ƀing gơmơi djai yua kơ tơlơi mơhao kar hăng anai?” 4Môis kơwưh rơkâo kơ Yêhôwa: “Hơgĕt kâo či ngă kơ ană plei pla anai? Gơñu ƀiă či glŏm boh pơtâo kơ kâo yơh!”
Ia bluh tơbiă mơ̆ng boh pơtâo Hôrep
5Yêhôwa laĭ kơ Môis: “Nao bĕ ƀơi anăp ană plei pla, jak hrŏm hăng ih đơđa ƀing kong tha Israel, laih anŭn djă ba mơ̆n gai jra ih hmâo taih ƀơi jơlah ia krong Nil, laih anŭn nao. 6Anai nê, Kâo či dŏ ƀơi anăp ih, ƀơi boh pơtâo ƀơi čư̆ Hôrep.#17:6 ƀôdah Sinai. Brơi ih taih bĕ boh pơtâo, laih anŭn ia či tơbiă mơ̆ng boh pơtâo anŭn kiăng brơi ană plei pla mơñum.” Môis ngă tui anŭn ƀơi anăp ƀing kong tha Israel. 7Môis pơanăn anih anai jing Masa laih anŭn Mêriba,#17:7 Masa: Amăng tơlơi Hêbrơ, boh hră anai kiăng pia jing “pơlông lăng”; Mêriba: kiăng pia jing “ngă tơhnal”. yua kơ ană plei pla Israel hmâo hil kơ ñu laih anŭn khĭn pơlông lăng Yêhôwa hăng laĭ: “Hmâo Yêhôwa dŏ tơ̆ng krah ƀing ta mơ̆?”
Tơlơi Pơblah Dưi Hăng Ƀing Amalek
8Hlăk anŭn tơhan Amalek nao čôih hăng kơsung pơblah hăng Israel ƀơi Rêphidim. 9Môis laĭ hăng Yôsuê: “Ruah brơi bĕ kơ ƀing ta ƀing khĭn kơtang nao pơblah hăng tơhan Amalek. Hrơi pơgi kâo či dŏ dơ̆ng ƀơi akŏ bul čư̆ djă gai jra Ơi Adai amăng tơngan.” 10Yôsuê hmâo pơblah hăng tơhan Amalek tui hăng tơlơi Môis pơđar; Bơ kơ Môis, Arôn laih anŭn Hur đĭ ƀơi akŏ bul čư̆. 11Rĭm wơ̆t Môis yơr đĭ tơngan, tơhan Israel dưi hĭ; samơ̆ tơdang ñu glưh trŭn tơngan, tơhan Amalek dưi hĭ hăng gơñu. 12Tơ tơngan Môis rơgah hĭ laih, gơñu mă sa boh pơtâo pơtŏ brơi ñu dŏ ber ƀơi boh pơtâo; Arôn hăng Hur dŏ dơ̆ng dua gah, sa čô sa gah, krơ̆ng đĭ tơngan ñu; yua kơ anŭn yơh tơngan ñu ƀu pơpư̆ pơgơi ôh tơl truh yang hrơi lĕ. 13Yôsuê yua đao gưm pơblah dưi hĭ hăng pơtao laih anŭn ană plei pla Amalek.
14 #
Mơñă 25:17-19; I Sa 15:2-9. Yêhôwa laĭ hăng Môis: “Čih bĕ tơlơi anai amăng hơdrôm hră kiăng kơ hơdơr djă pioh laih anŭn laĭ brơi kơ Yôsuê thâo Kâo či sut lui hĭ abih tơlơi pơhơdơr kơ Amalek amăng lŏn tơnah.” 15Môis pơdơ̆ng sa boh kơƀang ngă yang laih anŭn pơanăn ñu jing: “Yêhôwa Jing Hla Gru Kâo.”#17:15 Boh hră phŭn hơđăp: Yêhôwa Nisi. 16Ñu laĭ: “Yua kơ sa ƀĕ tơngan Amalek hmâo yơr đĭ pơkơdơ̆ng glaĭ gre pơtao Yêhôwa, yua anŭn yơh Yêhôwa či pơblah hăng gơñu amăng abih bang rơnŭk.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.