Tơlơi Tơbiă 18
18
Jêtrô Nao Čuă Ngui Môis
1Jêtrô, khua ngă yang Madian, tơhmua Môis, hmư̆ tơlơi Ơi Adai hmâo ngă brơi laih kơ Môis laih anŭn kơ ană plei pla Israel, laih anŭn hyư̆m Yêhôwa hmâo ba tơbiă laih ƀing ană Israel mơ̆ng čar Êjip. 2#Tơb 2:21-22.Hlâo kơ anŭn, tơ Môis brơi bơnai ñu HʼSêpôra glaĭ pơ sang Jêtrô tơhmua ñu, Jêtrô hmâo jum HʼSêpôra 3hrŏm hơbĭt hăng dua čô ană đah rơkơi ñu, sa čô anăn ñu jing Gersôm, yua kơ Môis laĭ tui anai: “Kâo dŏ jưh amăng čar tuai”#Bruă 7:29. 4laih anŭn sa čô anăn ñu jing Êliêser,#18:4 Êliêser: Anăn anai hmâo dơnai arăng pơđok hrup hăng boh hră Hêbrơ hmâo tơlơi kiăng pia jing “Ơi Adai kâo jing Pô djru pơklaih”. yua kơ ñu laĭ: “Ơi Adai kơ ơi adon kâo jing tơlơi djru pơklaih kâo, hmâo pơklaih laih kâo mơ̆ng đao gưm Pharaôn.” 5Ră anai Jêtrô, tơhmua Môis, ba dua čô ană đah rơkơi laih anŭn bơnai Môis nao čuă ngui ñu amăng tơdrŏn har, anih ñu dŏ jưh jĕ čư̆ Ơi Adai. 6Jêtrô pơkiaŏ mơnuih pơthâo kơ Môis: “Kâo jing Jêtrô, tơhmua ih, kâo hrŏm hăng bơnai ih laih anŭn dua čô ană đah rơkơi ih rai čuă ngui ih.” 7Môis tơbiă nao čơkă tơhmua ñu, ñu bon kơkuh laih anŭn čŭm gơ̆. Gơñu tơña bla tơdruă gơñu laih anŭn mŭt amăng anih jưh Môis. 8Môis ruai glaĭ kơ tơhmua ñu, abih bang tơlơi Yêhôwa ngă laih kơ Pharaôn laih anŭn kơ ƀing Êjip yua kơ ƀing Israel, abih bang tơlơi tơnap tap truh kơ gơñu kơtuai jơlan, laih anŭn hyư̆m tơlơi Yêhôwa hmâo pơklaih laih gơñu. 9Jêtrô hơ̆k mơak kơ khul tơlơi hiam Yêhôwa ngă laih kơ ană Israel tơdang pơklaih gơñu mơ̆ng tơngan ƀing Êjip.
10Jêtrô laĭ: “Năng lăp yơh bơni hơơč kơ Yêhôwa, jing pô hmâo pơklaih ƀing gih mơ̆ng tơngan ƀing Êjip, tơngan Pharaôn laih anŭn ăt pơklaih ană plei pla mơ̆ng tơlơi dưi kơtang ƀing Êjip. 11Ră anai kâo thâo kơ Yêhôwa prŏng prin hloh kơ abih bang ƀing yang, yua kơ tơdang ƀing Êjip ƀrưh hmiah kơ ană plei pla Ñu, Ñu pơglưh hĭ ƀing gơñu.” 12Jêtrô, tơhmua Môis pơyơr mơnơ̆ng ngă yang čuh laih anŭn lu hlô mơnơ̆ng ngă yang kơ Ơi Adai. Arôn laih anŭn ƀing kong tha Israel nao ƀơ̆ng huă hăng tơhmua Môis ƀơi anăp Ơi Adai.
Tơlơi Pơdơ̆ng Pơjing Ƀing Khua Phat Kơđi
(Mơñă 1:9-18)
13Hrơi tơdơi kơ anŭn, Môis dŏ ber phat kơđi ană plei pla. Gơñu dŏ jum dar Môis mơ̆ng ưm mơguah tơl truh klam mơmŏt. 14Jêtrô lăng, ƀuh hơdôm tơlơi Môis hlăk dŏ ngă brơi kơ ană plei pla, ñu tơña: “Hơgĕt ih dŏ ngă kơ ană plei pla anai? Yua hơgĕt kơnơ̆ng hơjăn ih dŏ ber, bơ kơ abih bang ană plei pla dŏ dơ̆ng jum dar ih mơ̆ng ưm mơguah tơl truh klam mơmŏt?” 15Môis laĭ glaĭ: “Ană plei pla rai pơ kâo kiăng kơ hơduah sem tơlơi Ơi Adai kiăng. 16Rĭm wơ̆t gơñu hmâo tơlơi, gơñu rai pơ kâo laih anŭn kâo phat brơi kơđi tơ̆ng krah mơnuih anai hăng mơnuih anŭn, laih anŭn brơi gơñu thâo khul tơlơi pơtă pơtăn laih anŭn tơlơi juăt Ơi Adai.” 17Tơhmua Môis laĭ: “Ih ngă tui anŭn ƀu hiam đơi ôh. 18Ih pô wơ̆t hăng ƀing ană plei pla nao pơ ih sĭt yơh či hmâo tơlơi gleh rơmơ̆n yua kơ bruă anŭn jing kơtraŏ đơi kơ ih hơjăn ih ƀu dưi ngă ôh. 19Ră anai, kâo hmâo boh pơhiăp djru ih, hmư̆ bĕ hiăp kâo. Rơkâo kơ Yêhôwa dŏ hăng ih! Brơi ih jing pô pơala brơi kơ ană plei pla ƀơi anăp Ơi Adai laih anŭn ba abih tơlơi gơñu kơ Ơi Adai. 20Brơi ih pơtô brơi gơñu khul tơlơi pơđar laih anŭn khul tơlơi juăt, kơčrâo brơi gơñu thâo jơlan gơñu khŏm nao laih anŭn bruă mơnuă gơñu khŏm ngă. 21Hloh kơ anŭn dơ̆ng, ruah bĕ tơ̆ng krah ană plei pla ƀing mơnuih dưi thâo, mơnuih hwĭ pơpŭ kơ Ơi Adai, tơpă hơnơ̆ng, bơrơmŭt kơ tơlơi ƀơ̆ng gơnam ƀu tơpă, laih anŭn pơjing gơñu ngă akŏ wai lăng sa rơbâo čô, sa rơtuh čô, rơma pluh čô ƀôdah pluh čô. 22Pioh brơi kơ gơñu krăp phat kơđi kơ ană plei pla laih anŭn či ba đĭ kơ ih kơđi prŏng, bơ kơ kơđi anĕt brơi gơñu phat mă tơdruă gơñu pô. Tui anŭn bruă ih či djhul hloh laih anŭn gơñu či djru glăm tơlơi kơtraŏ hrŏm hơbĭt hăng ih. 23Tơdah ih ngă tui anŭn laih anŭn tơdah Ơi Adai ăt pơtă kơ ih tui anŭn mơ̆n sĭt yơh ih dưi ngă laih anŭn abih djuai mơnuih anai či glaĭ hăng tơlơi rơnŭk rơnua pơ anih gơñu pô.”
24Môis hmư̆ tui tơhmua ñu laih anŭn ngă tui abih tơlơi ñu hmâo laĭ laih kơ ñu. 25Môis ruah mă ƀing mơnuih rơgơi mơ̆ng tơ̆ng krah Israel, pơjing gơñu jing akŏ kiăng wai lăng sa rơbâo čô, sa rơtuh čô, rơma pluh čô ƀôdah pluh čô. 26Gơñu krăp phat kơđi kơ ană plei pla laih anŭn ba brơi kơ Môis hơdôm bruă prŏng, bơ kơ gơñu phat brơi kơđi anĕt. 27Giơ̆ng anŭn, Môis ba tơhmua ñu Jêtrô glaĭ pơ čar ñu pô.
Currently Selected:
Tơlơi Tơbiă 18: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Tơlơi Tơbiă 18
18
Jêtrô Nao Čuă Ngui Môis
1Jêtrô, khua ngă yang Madian, tơhmua Môis, hmư̆ tơlơi Ơi Adai hmâo ngă brơi laih kơ Môis laih anŭn kơ ană plei pla Israel, laih anŭn hyư̆m Yêhôwa hmâo ba tơbiă laih ƀing ană Israel mơ̆ng čar Êjip. 2#Tơb 2:21-22.Hlâo kơ anŭn, tơ Môis brơi bơnai ñu HʼSêpôra glaĭ pơ sang Jêtrô tơhmua ñu, Jêtrô hmâo jum HʼSêpôra 3hrŏm hơbĭt hăng dua čô ană đah rơkơi ñu, sa čô anăn ñu jing Gersôm, yua kơ Môis laĭ tui anai: “Kâo dŏ jưh amăng čar tuai”#Bruă 7:29. 4laih anŭn sa čô anăn ñu jing Êliêser,#18:4 Êliêser: Anăn anai hmâo dơnai arăng pơđok hrup hăng boh hră Hêbrơ hmâo tơlơi kiăng pia jing “Ơi Adai kâo jing Pô djru pơklaih”. yua kơ ñu laĭ: “Ơi Adai kơ ơi adon kâo jing tơlơi djru pơklaih kâo, hmâo pơklaih laih kâo mơ̆ng đao gưm Pharaôn.” 5Ră anai Jêtrô, tơhmua Môis, ba dua čô ană đah rơkơi laih anŭn bơnai Môis nao čuă ngui ñu amăng tơdrŏn har, anih ñu dŏ jưh jĕ čư̆ Ơi Adai. 6Jêtrô pơkiaŏ mơnuih pơthâo kơ Môis: “Kâo jing Jêtrô, tơhmua ih, kâo hrŏm hăng bơnai ih laih anŭn dua čô ană đah rơkơi ih rai čuă ngui ih.” 7Môis tơbiă nao čơkă tơhmua ñu, ñu bon kơkuh laih anŭn čŭm gơ̆. Gơñu tơña bla tơdruă gơñu laih anŭn mŭt amăng anih jưh Môis. 8Môis ruai glaĭ kơ tơhmua ñu, abih bang tơlơi Yêhôwa ngă laih kơ Pharaôn laih anŭn kơ ƀing Êjip yua kơ ƀing Israel, abih bang tơlơi tơnap tap truh kơ gơñu kơtuai jơlan, laih anŭn hyư̆m tơlơi Yêhôwa hmâo pơklaih laih gơñu. 9Jêtrô hơ̆k mơak kơ khul tơlơi hiam Yêhôwa ngă laih kơ ană Israel tơdang pơklaih gơñu mơ̆ng tơngan ƀing Êjip.
10Jêtrô laĭ: “Năng lăp yơh bơni hơơč kơ Yêhôwa, jing pô hmâo pơklaih ƀing gih mơ̆ng tơngan ƀing Êjip, tơngan Pharaôn laih anŭn ăt pơklaih ană plei pla mơ̆ng tơlơi dưi kơtang ƀing Êjip. 11Ră anai kâo thâo kơ Yêhôwa prŏng prin hloh kơ abih bang ƀing yang, yua kơ tơdang ƀing Êjip ƀrưh hmiah kơ ană plei pla Ñu, Ñu pơglưh hĭ ƀing gơñu.” 12Jêtrô, tơhmua Môis pơyơr mơnơ̆ng ngă yang čuh laih anŭn lu hlô mơnơ̆ng ngă yang kơ Ơi Adai. Arôn laih anŭn ƀing kong tha Israel nao ƀơ̆ng huă hăng tơhmua Môis ƀơi anăp Ơi Adai.
Tơlơi Pơdơ̆ng Pơjing Ƀing Khua Phat Kơđi
(Mơñă 1:9-18)
13Hrơi tơdơi kơ anŭn, Môis dŏ ber phat kơđi ană plei pla. Gơñu dŏ jum dar Môis mơ̆ng ưm mơguah tơl truh klam mơmŏt. 14Jêtrô lăng, ƀuh hơdôm tơlơi Môis hlăk dŏ ngă brơi kơ ană plei pla, ñu tơña: “Hơgĕt ih dŏ ngă kơ ană plei pla anai? Yua hơgĕt kơnơ̆ng hơjăn ih dŏ ber, bơ kơ abih bang ană plei pla dŏ dơ̆ng jum dar ih mơ̆ng ưm mơguah tơl truh klam mơmŏt?” 15Môis laĭ glaĭ: “Ană plei pla rai pơ kâo kiăng kơ hơduah sem tơlơi Ơi Adai kiăng. 16Rĭm wơ̆t gơñu hmâo tơlơi, gơñu rai pơ kâo laih anŭn kâo phat brơi kơđi tơ̆ng krah mơnuih anai hăng mơnuih anŭn, laih anŭn brơi gơñu thâo khul tơlơi pơtă pơtăn laih anŭn tơlơi juăt Ơi Adai.” 17Tơhmua Môis laĭ: “Ih ngă tui anŭn ƀu hiam đơi ôh. 18Ih pô wơ̆t hăng ƀing ană plei pla nao pơ ih sĭt yơh či hmâo tơlơi gleh rơmơ̆n yua kơ bruă anŭn jing kơtraŏ đơi kơ ih hơjăn ih ƀu dưi ngă ôh. 19Ră anai, kâo hmâo boh pơhiăp djru ih, hmư̆ bĕ hiăp kâo. Rơkâo kơ Yêhôwa dŏ hăng ih! Brơi ih jing pô pơala brơi kơ ană plei pla ƀơi anăp Ơi Adai laih anŭn ba abih tơlơi gơñu kơ Ơi Adai. 20Brơi ih pơtô brơi gơñu khul tơlơi pơđar laih anŭn khul tơlơi juăt, kơčrâo brơi gơñu thâo jơlan gơñu khŏm nao laih anŭn bruă mơnuă gơñu khŏm ngă. 21Hloh kơ anŭn dơ̆ng, ruah bĕ tơ̆ng krah ană plei pla ƀing mơnuih dưi thâo, mơnuih hwĭ pơpŭ kơ Ơi Adai, tơpă hơnơ̆ng, bơrơmŭt kơ tơlơi ƀơ̆ng gơnam ƀu tơpă, laih anŭn pơjing gơñu ngă akŏ wai lăng sa rơbâo čô, sa rơtuh čô, rơma pluh čô ƀôdah pluh čô. 22Pioh brơi kơ gơñu krăp phat kơđi kơ ană plei pla laih anŭn či ba đĭ kơ ih kơđi prŏng, bơ kơ kơđi anĕt brơi gơñu phat mă tơdruă gơñu pô. Tui anŭn bruă ih či djhul hloh laih anŭn gơñu či djru glăm tơlơi kơtraŏ hrŏm hơbĭt hăng ih. 23Tơdah ih ngă tui anŭn laih anŭn tơdah Ơi Adai ăt pơtă kơ ih tui anŭn mơ̆n sĭt yơh ih dưi ngă laih anŭn abih djuai mơnuih anai či glaĭ hăng tơlơi rơnŭk rơnua pơ anih gơñu pô.”
24Môis hmư̆ tui tơhmua ñu laih anŭn ngă tui abih tơlơi ñu hmâo laĭ laih kơ ñu. 25Môis ruah mă ƀing mơnuih rơgơi mơ̆ng tơ̆ng krah Israel, pơjing gơñu jing akŏ kiăng wai lăng sa rơbâo čô, sa rơtuh čô, rơma pluh čô ƀôdah pluh čô. 26Gơñu krăp phat kơđi kơ ană plei pla laih anŭn ba brơi kơ Môis hơdôm bruă prŏng, bơ kơ gơñu phat brơi kơđi anĕt. 27Giơ̆ng anŭn, Môis ba tơhmua ñu Jêtrô glaĭ pơ čar ñu pô.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.