Tơlơi Tơbiă Tơlơi pơthâo brơi
Tơlơi pơthâo brơi
Sŏp hră Tơlơi Tơbiă laĭ nao kơ hơdôm mơta tơlơi truh yom biă mă amăng tơlơi čih ruai kơ ƀing ană Israel — tơlơi tơbiă đuaĭ mơ̆ng čar Êjip, anih gơñu hmâo ngă laih hlŭn pơ anŭn.
Sŏp hră anai hmâo pă črăn phŭn: (1) Tơlơi pơklaih ƀing ană Israel mơ̆ng tơlơi ngă hlŭn; (2) Tơlơi rơbat nao pơ čư̆ Sinai; (3) Kơnol pơgop Khua Yang ngă hăng ƀing ană plei pla Ñu amăng čư̆ Sinai, anih Ñu hmâo brơi laih kơ gơñu khul tơlơi juăt gah kơ tơlơi dŏ dơ̆ng ƀơ̆ng huă, bruă ană plei pla laih anŭn tơlơi đaŏ kiăng kơ gơñu hơdip kiaŏ tui tơlơi anŭn; (4) Man pơdơ̆ng laih anŭn prăp rơmet sa boh anih kơkuh pơpŭ brơi kơ ană plei pla Israel, laih anŭn khul tơlơi juăt djơ̆ kơ ƀing khua ngă yang laih anŭn tơlơi kơkuh pơpŭ kơ Khua Yang.
Hloh kơ abih bang, Hră anai hmâo pơrơđah khul bruă Ơi Adai hmâo ngă laih, tơdang Ñu pơklaih ană plei pla Ñu mơ̆ng tơlơi ngă hlŭn laih anŭn pơjing gơñu jing sa boh lŏn čar hmâo tơlơi čang rơmang kơ tơlơi hơdip pơ anăp.
Mơnuih phŭn pơala kơ ană mơnuih amăng hră anai anŭn jing Môis, mơnuih Ơi Adai hmâo ruah mă laih kiăng kơ gĭt gai ană plei pla Ñu tơbiă mơ̆ng čar Êjip. Črăn arăng thâo lu hloh amăng hră anai anŭn jing Pluh Mơta Tơlơi Juăt (20:1-17)
Jar pơpha
Ƀing ană Israel dưi klaih rơngai mơ̆ng ƀing Êjip (1:1 – 15:21)
a. Tơlơi ngă hlŭn amăng Êjip (1:1-22)
b. Tơlơi tơkeng laih anŭn črăn tal blŭng kơ tơlơi hơdip Môis (2:1 – 4:31)
c. Môis hăng Arôn pơklă anăp hăng pơtao Êjip (5:1 – 11:10)
d. Phĕt Tơlơi Găn laih anŭn tơlơi tơbiă mơ̆ng Êjip (12:1 – 15:21)
Mơ̆ng ia rơsĭ mriah truh pơ Sinai (15:22 – 18:27)
Tơlơi juăt laih anŭn tơlơi kơnol pơgop (19:1 – 24:18)
Sang khăn laih anŭn khul tơlơi phiăn amăng tơlơi kơkuh pơpŭ (25:1 – 40:38)
Currently Selected:
Tơlơi Tơbiă Tơlơi pơthâo brơi: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.