Čơdơ̆ng Phŭn 18
18
Sa čô ană đah rơkơi hmâo ƀuăn brơi laih kơ Abraham
1Yêhôwa hmâo pơrơđah rai kơ Abraham giăm khul kơyâo mơyang Mamrê, tơdang ñu hlăk dŏ ber ƀơi bah amăng sang khăn ƀơi mông pơ-iă biă mă amăng hrơi anŭn. 2Abraham angak đĭ mơta, ñu ƀuh klâo čô dơ̆ng gah anăp ñu. Tơdang ƀuh gơñu, ñu đuaĭ nao čơkă gơñu mơtam laih anŭn tŏ tơŭt bon kŭp ƀơi lŏn.#Hêb 13:2. 3Ñu laĭ: “Ơ khua, tơdah kâo hmâo tơlơi pap ƀơi anăp ih, rơkâo ih anăm găn lui hĭ ding kơna Khua Yang ôh. 4Rơkâo pha kâo mă ƀiă ia, brơi kơ ƀing gih rao tơkai giơ̆ng anŭn đih pơdơi ƀơi tơ-u phŭn kơyâo anai. 5Kâo či ba rai ƀiă gơnam ƀơ̆ng huă kơ ƀing gih, kiăng kơ ƀing gih dưi hmâo pran laih anŭn rơbat nao dơ̆ng. Ƀing gih hmâo pơyom kơ kâo yơh hăng tơlơi ƀing gih mŭt rai amăng sang anai, tui anŭn brơi kâo buih bruă kơ ƀing gih bĕ.” Ƀing anŭn laĭ glaĭ: “Ngă bĕ, tui hăng tơlơi ih hmâo laĭ laih.”
6Abraham jač mač wơ̆t glaĭ amăng sang khăn, nao laĭ brơi kơ HʼSara: “Tañ bĕ, mă dua pluh kilôgram#18:6 Boh hră phŭn: Basêa, năng ai dơ̆ 20 kg. tơpŭng, luk laih anŭn ngă ƀañ bĕ.” 7Abraham đuaĭ nao pơ khul hlô mơnơ̆ng rong, mă sa drơi bơbe rơmŏng hiam, jao brơi kơ ding kơna kiăng ñu tŭk rơyă tañ. 8Ñu mă ia tơsâo dŏ tah, ia tơsâo mơsăm laih anŭn añăm ană rơmo arăng hmâo pơkra giơ̆ng laih, pŭ pioh ƀơi anăp ƀing mơnuih anŭn. Tơdang ƀing anŭn dŏ ƀơ̆ng huă, Abraham dŏ dơ̆ng buih bruă gah yŭ kơ tơ-u phŭn kơyâo.
9Ƀing mơnuih anŭn tơña kơ Abraham: “Pơpă HʼSara bơnai ih?” Ñu laĭ glaĭ: “Adi dih, ñu hlăk dŏ amăng sang khăn.” 10Sa čô laĭ: “Ƀơi bơyan anai thŭn pơ anăp, sĭt kâo či wơ̆t glaĭ pơ sang ih, laih anŭn hlăk anŭn HʼSara, bơnai ih, či hmâo sa čô ană đah rơkơi.”. HʼSara hmư̆ tơlơi anŭn ƀơi bah amăng sang khăn, gah klon kơ ƀing anŭn.#Rôm 9:9.
11Abraham hăng HʼSara leng kơ tha laih, thŭn lu laih. HʼSara ƀu dưi tơkeng ană dơ̆ng tah. 12Yua kơ anŭn, HʼSara klao hơjăn laih anŭn laĭ amăng lăm pran jua: “Tha kar hăng kâo anai laih hyư̆m dưi hmâo tơlơi mơak anŭn dơ̆ng? Hloh kơ anŭn dơ̆ng, khua kâo ăt tha laih mơ̆n!”#I Pê 3:6. 13Yêhôwa tơña kơ Abraham: “Yua hơgĕt HʼSara klao laih anŭn pơmĭn: ‘Djơ̆ mơ̆ kâo tha laih samơ̆ ăt dŏ dưi tơkeng ană dơ̆ng?’ 14Hmâo mơ̆ tơlơi hơgĕt tơnap đơi kơ Yêhôwa? Djơ̆ mông hmâo pơkă laih, thŭn pơ anăp Kâo či wơ̆t glaĭ pơ ih, laih anŭn HʼSara či hmâo sa čô ană đah rơkơi.”#Luk 1:37. 15Yua kơ ñu hwĭ hnŭn yơh HʼSara laĭ: “Kâo ƀu hmâo klao ôh!” Samơ̆ Khua Yang laĭ: “Sĭt, ih hmâo klao laih.”
Abraham iâu laĭ pơala kơ ană plei pla Sôđôm
16Ƀing đah rơkơi anŭn tơgŭ, tơbiă mơ̆ng anŭn laih anŭn anăp nao pơ Sôđôm. Abraham ăt kiaŏ tui kiăng atăt jơlan gơñu. 17Yêhôwa laĭ: “Hyư̆m Kâo dưi pơdŏp kơ Abraham kơ tơlơi Kâo či ngă? 18Sĭt yơh Abraham či jing sa kơnŭng djuai prŏng laih anŭn kơtang; abih bang kơnŭng djuai mơnuih amăng lŏn tơnah či hmâo tơlơi mơyun hiam yua mơ̆ng ñu. 19Kâo hmâo ruah laih ñu kiăng kơ ñu pơtô pơhrăm ƀing ană bă ñu laih anŭn ƀing ană tơčo ñu tơdơi anai djă pioh hơdră jơlan Yêhôwa hăng ngă tui hơgĕt jing tơlơi djơ̆ laih anŭn tơpă klă, kiăng kơ Yêhôwa ngă pơgiơ̆ng tơlơi Ñu hmâo ƀuăn laih hăng Abraham.” 20Yêhôwa laĭ: “Tơlơi ur krao kơ Sôđôm laih anŭn Gômôrơ prŏng đơi yơh, tơlơi soh kơ ƀing plei anŭn kơtraŏ đơi yơh! 21Kâo či trŭn nao hăng lăng lăng ƀing gơñu hmâo ngă kar hăng tơlơi ur krao pơr truh pơ kâo mơ̆. Hmâo ƀôdah ƀu hmâo, Kâo či thâo yơh.”
22Tui anŭn, ƀing anŭn rơbat anăp nao pơ Sôđôm, samơ̆ Abraham ăt dŏ dơ̆ng ƀơi anăp Yêhôwa. 23Abraham rai jĕ laih anŭn laĭ: “Ih či pơrai wơ̆t ƀing mơnuih tơpă hơnơ̆ng hăng ƀing mơnuih soh sat mơ̆? 24Tơdah hmâo rơma pluh čô mơnuih tơpă amăng plei anŭn, Ih ăt či pơrai abih mơ̆n hă? Hyư̆m ngă Ih ƀu dưi pap brơi kơ plei anŭn yua kơ rơma pluh čô mơnuih tơpă anai ôh hă? 25Sĭt yơh Ih ƀu či ngă kar hăng anŭn ôh! Hyư̆m ngă Ih či pơrai ƀing mơnuih tơpă hrŏm hơbĭt hăng ƀing mơnuih soh sat, lăng ƀing mơnuih tơpă ăt kar hăng ƀing mơnuih soh sat mơ̆n hă? Sĭt yơh Ih ƀu či ngă kar hăng anŭn ôh! Pô phat kơđi kơ abih bang lŏn tơnah ƀu či ngă tơlơi tơpă ôh hă?” 26Yêhôwa laĭ: “Tơdah Kâo hơduah ƀuh amăng Sôđôm rơma pluh čô mơnuih tơpă, yua mơ̆ng ƀing anŭn Kâo či pap brơi abih bang mơnuih amăng plei.”
27Abraham laĭ dơ̆ng: “Wơ̆t dah kâo kơnơ̆ng jing mơnuih hăng ƀruih lŏn đôč, rơkâo Ih pap brơi tơlơi kâo khĭn pơhiăp hăng Khua Yang: 28Hyư̆m pă, tơdah amăng rơma pluh čô mơnuih tơpă anŭn kơƀah hĭ rơma čô? Yua kơ kơƀah hĭ rơma čô, Ih či pơrai hĭ abih plei mơ̆n hă?” Khua Yang laĭ: “Tơdah Kâo hơduah ƀuh amăng anŭn hmâo pă pluh rơma čô mơnuih tơpă, Kâo ƀu či pơrai hĭ plei anŭn ôh.”
29Abraham laĭ dơ̆ng: “Hyư̆m pă, tơdah Ih hơduah ƀuh kơnơ̆ng hmâo pă pluh čô mơnuih tơpă đôč amăng plei anŭn?” Khua Yang laĭ: “Yua kơ pă pluh čô mơnuih anŭn, Kâo ƀu či pơrai ôh.”
30Giơ̆ng anŭn Abraham laĭ dơ̆ng: “Rơkâo Ih anăm hil kâo ôh, pha kâo tơña dơ̆ng: Hyư̆m ngă, tơdah amăng plei kơnơ̆ng hmâo klâo pluh čô đôč?” Khua Yang laĭ: “Tơdah Kâo hơduah ƀuh klâo pluh čô, Kâo ƀu či pơrai plei anŭn ôh.”
31Abraham laĭ: “Rơkâo Ih pap brơi kâo yua kơ kâo khĭn tơña kơ Ih: Hyư̆m ngă tơdah kơnơ̆ng hmâo dua pluh čô đôč?” Khua Yang laĭ glaĭ: “Yua kơ dua pluh čô anŭn, Kâo ƀu či pơrai plei anŭn ôh.”
32Abraham laĭ dơ̆ng: “Rơkâo Ih anăm hil kâo ôh, pha kâo tơña dŏ sa wơ̆t dơ̆ng đôč: Hyư̆m ngă tơdah amăng anŭn kơnơ̆ng hmâo pluh čô đôč?” Khua Yang laĭ glaĭ: “Yua kơ pluh čô anŭn, Kâo ƀu či pơrai plei anŭn ôh.”
33Giơ̆ng kơ Ñu pơhiăp hăng Abraham, Yêhôwa đuaĭ hĭ, Abraham wơ̆t glaĭ pơ sang khăn ñu.
Currently Selected:
Čơdơ̆ng Phŭn 18: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Čơdơ̆ng Phŭn 18
18
Sa čô ană đah rơkơi hmâo ƀuăn brơi laih kơ Abraham
1Yêhôwa hmâo pơrơđah rai kơ Abraham giăm khul kơyâo mơyang Mamrê, tơdang ñu hlăk dŏ ber ƀơi bah amăng sang khăn ƀơi mông pơ-iă biă mă amăng hrơi anŭn. 2Abraham angak đĭ mơta, ñu ƀuh klâo čô dơ̆ng gah anăp ñu. Tơdang ƀuh gơñu, ñu đuaĭ nao čơkă gơñu mơtam laih anŭn tŏ tơŭt bon kŭp ƀơi lŏn.#Hêb 13:2. 3Ñu laĭ: “Ơ khua, tơdah kâo hmâo tơlơi pap ƀơi anăp ih, rơkâo ih anăm găn lui hĭ ding kơna Khua Yang ôh. 4Rơkâo pha kâo mă ƀiă ia, brơi kơ ƀing gih rao tơkai giơ̆ng anŭn đih pơdơi ƀơi tơ-u phŭn kơyâo anai. 5Kâo či ba rai ƀiă gơnam ƀơ̆ng huă kơ ƀing gih, kiăng kơ ƀing gih dưi hmâo pran laih anŭn rơbat nao dơ̆ng. Ƀing gih hmâo pơyom kơ kâo yơh hăng tơlơi ƀing gih mŭt rai amăng sang anai, tui anŭn brơi kâo buih bruă kơ ƀing gih bĕ.” Ƀing anŭn laĭ glaĭ: “Ngă bĕ, tui hăng tơlơi ih hmâo laĭ laih.”
6Abraham jač mač wơ̆t glaĭ amăng sang khăn, nao laĭ brơi kơ HʼSara: “Tañ bĕ, mă dua pluh kilôgram#18:6 Boh hră phŭn: Basêa, năng ai dơ̆ 20 kg. tơpŭng, luk laih anŭn ngă ƀañ bĕ.” 7Abraham đuaĭ nao pơ khul hlô mơnơ̆ng rong, mă sa drơi bơbe rơmŏng hiam, jao brơi kơ ding kơna kiăng ñu tŭk rơyă tañ. 8Ñu mă ia tơsâo dŏ tah, ia tơsâo mơsăm laih anŭn añăm ană rơmo arăng hmâo pơkra giơ̆ng laih, pŭ pioh ƀơi anăp ƀing mơnuih anŭn. Tơdang ƀing anŭn dŏ ƀơ̆ng huă, Abraham dŏ dơ̆ng buih bruă gah yŭ kơ tơ-u phŭn kơyâo.
9Ƀing mơnuih anŭn tơña kơ Abraham: “Pơpă HʼSara bơnai ih?” Ñu laĭ glaĭ: “Adi dih, ñu hlăk dŏ amăng sang khăn.” 10Sa čô laĭ: “Ƀơi bơyan anai thŭn pơ anăp, sĭt kâo či wơ̆t glaĭ pơ sang ih, laih anŭn hlăk anŭn HʼSara, bơnai ih, či hmâo sa čô ană đah rơkơi.”. HʼSara hmư̆ tơlơi anŭn ƀơi bah amăng sang khăn, gah klon kơ ƀing anŭn.#Rôm 9:9.
11Abraham hăng HʼSara leng kơ tha laih, thŭn lu laih. HʼSara ƀu dưi tơkeng ană dơ̆ng tah. 12Yua kơ anŭn, HʼSara klao hơjăn laih anŭn laĭ amăng lăm pran jua: “Tha kar hăng kâo anai laih hyư̆m dưi hmâo tơlơi mơak anŭn dơ̆ng? Hloh kơ anŭn dơ̆ng, khua kâo ăt tha laih mơ̆n!”#I Pê 3:6. 13Yêhôwa tơña kơ Abraham: “Yua hơgĕt HʼSara klao laih anŭn pơmĭn: ‘Djơ̆ mơ̆ kâo tha laih samơ̆ ăt dŏ dưi tơkeng ană dơ̆ng?’ 14Hmâo mơ̆ tơlơi hơgĕt tơnap đơi kơ Yêhôwa? Djơ̆ mông hmâo pơkă laih, thŭn pơ anăp Kâo či wơ̆t glaĭ pơ ih, laih anŭn HʼSara či hmâo sa čô ană đah rơkơi.”#Luk 1:37. 15Yua kơ ñu hwĭ hnŭn yơh HʼSara laĭ: “Kâo ƀu hmâo klao ôh!” Samơ̆ Khua Yang laĭ: “Sĭt, ih hmâo klao laih.”
Abraham iâu laĭ pơala kơ ană plei pla Sôđôm
16Ƀing đah rơkơi anŭn tơgŭ, tơbiă mơ̆ng anŭn laih anŭn anăp nao pơ Sôđôm. Abraham ăt kiaŏ tui kiăng atăt jơlan gơñu. 17Yêhôwa laĭ: “Hyư̆m Kâo dưi pơdŏp kơ Abraham kơ tơlơi Kâo či ngă? 18Sĭt yơh Abraham či jing sa kơnŭng djuai prŏng laih anŭn kơtang; abih bang kơnŭng djuai mơnuih amăng lŏn tơnah či hmâo tơlơi mơyun hiam yua mơ̆ng ñu. 19Kâo hmâo ruah laih ñu kiăng kơ ñu pơtô pơhrăm ƀing ană bă ñu laih anŭn ƀing ană tơčo ñu tơdơi anai djă pioh hơdră jơlan Yêhôwa hăng ngă tui hơgĕt jing tơlơi djơ̆ laih anŭn tơpă klă, kiăng kơ Yêhôwa ngă pơgiơ̆ng tơlơi Ñu hmâo ƀuăn laih hăng Abraham.” 20Yêhôwa laĭ: “Tơlơi ur krao kơ Sôđôm laih anŭn Gômôrơ prŏng đơi yơh, tơlơi soh kơ ƀing plei anŭn kơtraŏ đơi yơh! 21Kâo či trŭn nao hăng lăng lăng ƀing gơñu hmâo ngă kar hăng tơlơi ur krao pơr truh pơ kâo mơ̆. Hmâo ƀôdah ƀu hmâo, Kâo či thâo yơh.”
22Tui anŭn, ƀing anŭn rơbat anăp nao pơ Sôđôm, samơ̆ Abraham ăt dŏ dơ̆ng ƀơi anăp Yêhôwa. 23Abraham rai jĕ laih anŭn laĭ: “Ih či pơrai wơ̆t ƀing mơnuih tơpă hơnơ̆ng hăng ƀing mơnuih soh sat mơ̆? 24Tơdah hmâo rơma pluh čô mơnuih tơpă amăng plei anŭn, Ih ăt či pơrai abih mơ̆n hă? Hyư̆m ngă Ih ƀu dưi pap brơi kơ plei anŭn yua kơ rơma pluh čô mơnuih tơpă anai ôh hă? 25Sĭt yơh Ih ƀu či ngă kar hăng anŭn ôh! Hyư̆m ngă Ih či pơrai ƀing mơnuih tơpă hrŏm hơbĭt hăng ƀing mơnuih soh sat, lăng ƀing mơnuih tơpă ăt kar hăng ƀing mơnuih soh sat mơ̆n hă? Sĭt yơh Ih ƀu či ngă kar hăng anŭn ôh! Pô phat kơđi kơ abih bang lŏn tơnah ƀu či ngă tơlơi tơpă ôh hă?” 26Yêhôwa laĭ: “Tơdah Kâo hơduah ƀuh amăng Sôđôm rơma pluh čô mơnuih tơpă, yua mơ̆ng ƀing anŭn Kâo či pap brơi abih bang mơnuih amăng plei.”
27Abraham laĭ dơ̆ng: “Wơ̆t dah kâo kơnơ̆ng jing mơnuih hăng ƀruih lŏn đôč, rơkâo Ih pap brơi tơlơi kâo khĭn pơhiăp hăng Khua Yang: 28Hyư̆m pă, tơdah amăng rơma pluh čô mơnuih tơpă anŭn kơƀah hĭ rơma čô? Yua kơ kơƀah hĭ rơma čô, Ih či pơrai hĭ abih plei mơ̆n hă?” Khua Yang laĭ: “Tơdah Kâo hơduah ƀuh amăng anŭn hmâo pă pluh rơma čô mơnuih tơpă, Kâo ƀu či pơrai hĭ plei anŭn ôh.”
29Abraham laĭ dơ̆ng: “Hyư̆m pă, tơdah Ih hơduah ƀuh kơnơ̆ng hmâo pă pluh čô mơnuih tơpă đôč amăng plei anŭn?” Khua Yang laĭ: “Yua kơ pă pluh čô mơnuih anŭn, Kâo ƀu či pơrai ôh.”
30Giơ̆ng anŭn Abraham laĭ dơ̆ng: “Rơkâo Ih anăm hil kâo ôh, pha kâo tơña dơ̆ng: Hyư̆m ngă, tơdah amăng plei kơnơ̆ng hmâo klâo pluh čô đôč?” Khua Yang laĭ: “Tơdah Kâo hơduah ƀuh klâo pluh čô, Kâo ƀu či pơrai plei anŭn ôh.”
31Abraham laĭ: “Rơkâo Ih pap brơi kâo yua kơ kâo khĭn tơña kơ Ih: Hyư̆m ngă tơdah kơnơ̆ng hmâo dua pluh čô đôč?” Khua Yang laĭ glaĭ: “Yua kơ dua pluh čô anŭn, Kâo ƀu či pơrai plei anŭn ôh.”
32Abraham laĭ dơ̆ng: “Rơkâo Ih anăm hil kâo ôh, pha kâo tơña dŏ sa wơ̆t dơ̆ng đôč: Hyư̆m ngă tơdah amăng anŭn kơnơ̆ng hmâo pluh čô đôč?” Khua Yang laĭ glaĭ: “Yua kơ pluh čô anŭn, Kâo ƀu či pơrai plei anŭn ôh.”
33Giơ̆ng kơ Ñu pơhiăp hăng Abraham, Yêhôwa đuaĭ hĭ, Abraham wơ̆t glaĭ pơ sang khăn ñu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.