Čơdơ̆ng Phŭn 19
19
Tơlơi Soh Sat Mơnuih Plei Sôđôm
1Ƀơi yang hrơi klam, dua čô ling jang truh pơ Plei Sôđôm; hlăk anŭn Lot hlăk dŏ ber ƀơi amăng jang plei. Tơ ñu ƀuh dua čô ling jang anŭn, Lot tơgŭ jak jum laih anŭn tŏ tơŭt bon kŭp ƀơi lŏn. 2Ñu laĭ: “Ơ ƀing khua hơi, rơkâo ƀing gih weh mŭt amăng sang kâo bĕ, rao tơkai laih anŭn pĭt pơdơi, guah pơgi ƀing gih mơdưh mơ̆ng ưm laih anŭn rơbat nao dơ̆ng.” Samơ̆ dua čô ling jang laĭ glaĭ: “Ư ưh, mlam anai ƀing gơmơi či dŏ gah rơngiao plei.” 3Lot pơđur hăng abih pran jua hnŭn yơh dua čô ling jang khŏm weh mŭt amăng sang ñu. Lot pơkra gơnam ƀơ̆ng huă, ŏm ƀañ ƀu hmâo tơpơi, laih anŭn dua čô ling jang ƀơ̆ng huă.
4Samơ̆ tơdang dua čô ling jang aka nao pĭt ôh, ƀing đah rơkơi amăng plei Sôđôm, abih bang mơnuih čơdơ̆ng mơ̆ng čơđai truh pơ tha, ƀu kơƀah sa čô hlơi ôh, rai wang jum dar sang Lot. 5Ƀing gơñu iâu Lot laih anŭn tơña: “Ƀing mơnuih tuai mŭt amăng sang ih mlam anai pơpă gơñu hlăk dŏ? Ba tơbiă gơñu pơ anai bĕ kiăng kơ gơmơi đih pĭt hăng gơñu.”#Phat 19:22-24. 6Lot tơbiă nao bưp ƀing gơñu, krư̆ glaĭ bah amăng gah klon ñu, 7laih anŭn laĭ: “Rơkâo kơ adơi ayŏng anăm ngă tơlơi sat ƀai anŭn ôh! 8Anai nê kâo hmâo dua čô ană dra aka hmâo rơkơi, lui kâo brơi gơñu kơ ƀing gih, ƀing gih kiăng ngă hơgĕt tui hluai ƀing gih kiăng. Samơ̆ anăm ngă sa mơta tơlơi hơgĕt hăng dua čô anŭn ôh, yua kơ gơñu hmâo rai jưh pơdơi amăng sang kâo.” 9Ƀing gơñu ur kơtang: “Weh đuaĭ mơ̆ng anai bĕ! Pô anai rai jưh guan pơ anai samơ̆ ră anai ñu kiăng ngă pô phat kơđi hă! Gơmơi či ngă kơ ih sat hloh kơ ngă brơi kơ ƀing anŭn.” Giơ̆ng anŭn gơñu klư̆ Lot laih anŭn blŭng nao taih pơčah bah amăng.
10Samơ̆ dua čô ling jang yơr tơngan dui mŭt Lot amăng sang, krư̆ glaĭ bah amăng, 11giơ̆ng anŭn phak pơkơhmal abih bang ƀing đah rơkơi gah rơngiao kơ bah amăng, mơ̆ng čơđai truh kơ ƀing tha leng kơ bum hĭ mơta, tơl ƀing gơñu gleh glăn hơduah bah amăng samơ̆ ƀu dưi ôh.#II Pơtao 6:18.
Tơlơi Pơrai Plei Sôđôm hăng Plei Gômôrơ
12Dua čô ling jang tơña kơ Lot: “Ih dŏ hmâo pô pơkŏn pơ anai dơ̆ng mơ̆? Ană pơtâo, ană đah rơkơi, ană đah kơmơi, ƀôdah hlơi pô ih hmâo amăng plei anai, brơi ih ba tơbiă abih bang mơ̆ng anih anai. 13Ƀing gơmơi či pơrai anih anai, yua kơ tơlơi ur krao kơ ƀing ană plei pla plei anai hmâo đĭ truh laih pơ Yêhôwa, laih anŭn Ñu hmâo pơkiaŏ ƀing gơmơi trŭn rai kiăng kơ pơrai ñu.” 14Tui anŭn Lot nao laĭ hăng ƀing ană pơtâo ñu: “Brơi tañ tơbiă đuaĭ mơ̆ng anih anai, yua kơ Yêhôwa jĕ či pơrai hĭ plei anai.” Samơ̆ ƀing gơñu pơmĭn dah Lot pơhiăp ngơr đôč.
15Ưm mơguah, dua čô ling jang pơtrŭt Lot: “Brơi tañ ba pơđuaĭ bơnai ih hăng dua čô ană dra ih tơbiă mơ̆ng anih anai, hwĭ dah ih ăt či djai yua kơ tơlơi phak pơrai plei anai mơ̆n.” 16Yua mơ̆ng tơlơi Yêhôwa pap drap, hnŭn yơh tơdang Lot ăt dŏ kĭ kơ̆, dua čô ling jang djă tơngan dui ñu, bơnai hăng dua čô ană dra ñu tơbiă mơ̆ng plei.#II Pê 2:7.
17Tơ ƀing ling jang hmâo ba tơbiă gơñu pơ rơngiao plei laih, sa amăng dua čô anŭn laĭ: “Brơi đuaĭ kơdŏp bĕ kiăng pơklaih tơlơi hơdip ƀing gih pô, anăm wir glaĭ gah klon ôh laih anŭn ăt anăm dơ̆ng glaĭ ƀơi sa boh anih pă amăng klŭng anai! Brơi đuaĭ kơdŏp bĕ amăng čư̆ kiăng kơ ƀing gih dưi klaih!” 18Lot laĭ: “Ơ khua, ƀu dưi ôh! 19Anai nê, ding kơna ih hmâo laih tơlơi pap ƀơi anăp ih, laih anŭn ih hmâo pơrơđah tơlơi pap prŏng kơ kâo laih anŭn djă pioh tơlơi hơdip kâo. Samơ̆ kâo hwĭ tơdang aka hơmao đuaĭ kơdŏp pơ čư̆ ôh, tơlơi răm ruă truh hĭ laih, laih anŭn kâo djai hĭ yơh. 20Adih, pơ adih hmâo sa boh plei anĕt, laih anŭn ăt giăm dơ̆ng mơ̆n, năng ai dưi hơmao đuaĭ kơdŏp. Rơkâo ih brơi kâo dŏp ƀơi anŭn, kơnơ̆ng sa boh plei anĕt đôč, kiăng kơ tơlơi hơdip kâo dưi hmâo tơlơi pơklaih.” 21Ling jang laĭ glaĭ: “Ơ, kâo tŭ ư tơlơi ih rơkâo, laih anŭn kâo ƀu či pơrai plei ih hmâo laĭ djơ̆ anŭn ôh. 22Brơi tañ tañ đuaĭ kơdŏp amăng anŭn bĕ, yua kơ kâo ƀu dưi ngă hơgĕt ôh tơdah ih aka mŭt amăng anŭn.” Tui anŭn, arăng či iâu plei anai jing plei Sôar.#19:22 Sôar: Amăng tơlơi Hêbrơ, boh hră anai arăng pơđok kar hăng boh hră hmâo tơlơi pia: “anĕt”. 23Tơ yang hrơi ƀlĕ laih, hlăk anŭn Lot mŭt laih amăng plei Sôar.
24Yêhôwa ngă brơi hơjan pơtâo kơsŭm laih anŭn apui Yêhôwa mơ̆ng adai tuh trŭn ƀơi Sôđôm laih anŭn Gômôrơ,#Mat 10:15; 11:23-24; Luk 10:12; 17:29; II Pê 2:6. 25pơrai hĭ dua boh plei anai, wơ̆t kơ anih klŭng, hrŏm hơbĭt hăng abih bang ană plei pla amăng plei laih anŭn abih bang kơyâo pơtâo čăt ƀơi lŏn.
Bơnai Lot jing hĭ rup trah pơtâo hra
26Samơ̆ bơnai Lot wir lăng glaĭ gah klon, anŭn yơh ñu jing hĭ rup trah boh pơtâo hra.#Luk 17:32.
27Ưm mơguah hrơi tơdơi, Abraham tơgŭ mơ̆ng ưm laih anŭn nao truh pơ anih ñu hmâo dŏ dơ̆ng ƀơi anăp Yêhôwa. 28Ñu lăng nao gah Sôđôm laih anŭn Gômôrơ, hăng abih bang anih lŏn daŏ, ñu ƀuh asăp mơ̆ng lŏn tơnah pơr đĭ kar hăng asăp kơ sa boh tơpur apui prŏng.
29Tơ Ơi Adai pơrai khul plei amăng anih lŏn daŏ, anih Lot hlăk dŏ hơdip, Ñu hơdơr nao kơ Abraham yua kơ anŭn Ñu hmâo pơklaih laih Lot mơ̆ng tơlơi pơrai anŭn.
Phŭn atur kơ ƀing Môap hăng ƀing Amôn
30Lot ƀu khĭn dŏ ôh amăng plei Sôar, hnŭn yơh ñu hăng dua čô ană dra ñu đuaĭ đĭ pơ čư̆. Ñu dŏ amăng sa boh par pơtâo hăng dua čô ană dra ñu. 31Pô amai laĭ hăng pô adơi ñu: “Ama ta tha laih, ƀah lĕ amăng kwar anai ƀu hmâo sa čô đah rơkơi dơ̆ng ôh rai mă dŏ ƀing ta tui hăng hơdră yang đar amăng lŏn tơnah. 32Bơ bĕ ta, brơi ƀing ta pŭ ia tơpai kơ ama ta, giơ̆ng anŭn ta nao đih hăng ñu, kiăng kơ ƀing ta dưi djă pioh kơnŭng djuai mơ̆ng ama ƀing ta.” 33Yua kơ anŭn, mlam anŭn dua gơñu pŭ ia tơpai kơ ama gơñu, giơ̆ng anŭn pô amai nao đih hăng ama ñu, samơ̆ ama ñu ƀu thâo ôh mông pă ană ñu đih hăng ñu, mông pă ană ñu tơgŭ đuaĭ. 34Hrơi tơdơi, pô amai laĭ kơ pô adơi: “Hơi, mlam tŏm brôi kâo hmâo đih laih hăng ama. Mlam anai brơi ƀing ta ăt pŭ ia tơpai kơ ama dơ̆ng, giơ̆ng anŭn ih nao đih hăng ñu kiăng kơ ƀing ta dưi djă pioh kơnŭng djuai mơ̆ng ama ƀing ta.” 35Mlam anŭn, dua gơñu pŭ ia tơpai kơ ama gơñu, giơ̆ng anŭn pô adơi nao đih hăng ama ñu, samơ̆ ama ñu ƀu thâo ôh mông pă ană ñu đih hăng ñu, mông pă ană ñu tơgŭ đuaĭ. 36Tui anŭn, abih dua čô ană dra Lot leng kơ pi kian yua kơ ama gơñu. 37Pô amai tơkeng sa čô ană đah rơkơi, pơanăn ñu jing Môap.#19:37 Môap: Amăng tơlơi Hêbrơ boh hră anai hmâo dơnai arăng pơđok hrup hăng boh hră hmâo tơlơi kiăng pia: “yua mơ̆ng ama kâo”. Anŭn jing ơi adon kơ ƀing Môap hrơi anai. 38Pô adơi ăt tơkeng sa čô ană đah rơkơi mơ̆n, pơanăn ñu jing Ben Ami.#19:38 Ben Ami: Amăng tơlơi Hêbrơ, boh hră anai kiăng pia jing “ană đah rơkơi kơ gŏp djuai kâo” ƀôdah “ană đah rơkơi kơ djuai ania kâo”, laih anŭn ñu hmâo dơnai arăng pơđok hrup hăng boh hră kiăng pia jing “ƀing Amôn”. Anŭn jing ơi adon kơ ƀing Amôn hrơi anai.
Currently Selected:
Čơdơ̆ng Phŭn 19: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Čơdơ̆ng Phŭn 19
19
Tơlơi Soh Sat Mơnuih Plei Sôđôm
1Ƀơi yang hrơi klam, dua čô ling jang truh pơ Plei Sôđôm; hlăk anŭn Lot hlăk dŏ ber ƀơi amăng jang plei. Tơ ñu ƀuh dua čô ling jang anŭn, Lot tơgŭ jak jum laih anŭn tŏ tơŭt bon kŭp ƀơi lŏn. 2Ñu laĭ: “Ơ ƀing khua hơi, rơkâo ƀing gih weh mŭt amăng sang kâo bĕ, rao tơkai laih anŭn pĭt pơdơi, guah pơgi ƀing gih mơdưh mơ̆ng ưm laih anŭn rơbat nao dơ̆ng.” Samơ̆ dua čô ling jang laĭ glaĭ: “Ư ưh, mlam anai ƀing gơmơi či dŏ gah rơngiao plei.” 3Lot pơđur hăng abih pran jua hnŭn yơh dua čô ling jang khŏm weh mŭt amăng sang ñu. Lot pơkra gơnam ƀơ̆ng huă, ŏm ƀañ ƀu hmâo tơpơi, laih anŭn dua čô ling jang ƀơ̆ng huă.
4Samơ̆ tơdang dua čô ling jang aka nao pĭt ôh, ƀing đah rơkơi amăng plei Sôđôm, abih bang mơnuih čơdơ̆ng mơ̆ng čơđai truh pơ tha, ƀu kơƀah sa čô hlơi ôh, rai wang jum dar sang Lot. 5Ƀing gơñu iâu Lot laih anŭn tơña: “Ƀing mơnuih tuai mŭt amăng sang ih mlam anai pơpă gơñu hlăk dŏ? Ba tơbiă gơñu pơ anai bĕ kiăng kơ gơmơi đih pĭt hăng gơñu.”#Phat 19:22-24. 6Lot tơbiă nao bưp ƀing gơñu, krư̆ glaĭ bah amăng gah klon ñu, 7laih anŭn laĭ: “Rơkâo kơ adơi ayŏng anăm ngă tơlơi sat ƀai anŭn ôh! 8Anai nê kâo hmâo dua čô ană dra aka hmâo rơkơi, lui kâo brơi gơñu kơ ƀing gih, ƀing gih kiăng ngă hơgĕt tui hluai ƀing gih kiăng. Samơ̆ anăm ngă sa mơta tơlơi hơgĕt hăng dua čô anŭn ôh, yua kơ gơñu hmâo rai jưh pơdơi amăng sang kâo.” 9Ƀing gơñu ur kơtang: “Weh đuaĭ mơ̆ng anai bĕ! Pô anai rai jưh guan pơ anai samơ̆ ră anai ñu kiăng ngă pô phat kơđi hă! Gơmơi či ngă kơ ih sat hloh kơ ngă brơi kơ ƀing anŭn.” Giơ̆ng anŭn gơñu klư̆ Lot laih anŭn blŭng nao taih pơčah bah amăng.
10Samơ̆ dua čô ling jang yơr tơngan dui mŭt Lot amăng sang, krư̆ glaĭ bah amăng, 11giơ̆ng anŭn phak pơkơhmal abih bang ƀing đah rơkơi gah rơngiao kơ bah amăng, mơ̆ng čơđai truh kơ ƀing tha leng kơ bum hĭ mơta, tơl ƀing gơñu gleh glăn hơduah bah amăng samơ̆ ƀu dưi ôh.#II Pơtao 6:18.
Tơlơi Pơrai Plei Sôđôm hăng Plei Gômôrơ
12Dua čô ling jang tơña kơ Lot: “Ih dŏ hmâo pô pơkŏn pơ anai dơ̆ng mơ̆? Ană pơtâo, ană đah rơkơi, ană đah kơmơi, ƀôdah hlơi pô ih hmâo amăng plei anai, brơi ih ba tơbiă abih bang mơ̆ng anih anai. 13Ƀing gơmơi či pơrai anih anai, yua kơ tơlơi ur krao kơ ƀing ană plei pla plei anai hmâo đĭ truh laih pơ Yêhôwa, laih anŭn Ñu hmâo pơkiaŏ ƀing gơmơi trŭn rai kiăng kơ pơrai ñu.” 14Tui anŭn Lot nao laĭ hăng ƀing ană pơtâo ñu: “Brơi tañ tơbiă đuaĭ mơ̆ng anih anai, yua kơ Yêhôwa jĕ či pơrai hĭ plei anai.” Samơ̆ ƀing gơñu pơmĭn dah Lot pơhiăp ngơr đôč.
15Ưm mơguah, dua čô ling jang pơtrŭt Lot: “Brơi tañ ba pơđuaĭ bơnai ih hăng dua čô ană dra ih tơbiă mơ̆ng anih anai, hwĭ dah ih ăt či djai yua kơ tơlơi phak pơrai plei anai mơ̆n.” 16Yua mơ̆ng tơlơi Yêhôwa pap drap, hnŭn yơh tơdang Lot ăt dŏ kĭ kơ̆, dua čô ling jang djă tơngan dui ñu, bơnai hăng dua čô ană dra ñu tơbiă mơ̆ng plei.#II Pê 2:7.
17Tơ ƀing ling jang hmâo ba tơbiă gơñu pơ rơngiao plei laih, sa amăng dua čô anŭn laĭ: “Brơi đuaĭ kơdŏp bĕ kiăng pơklaih tơlơi hơdip ƀing gih pô, anăm wir glaĭ gah klon ôh laih anŭn ăt anăm dơ̆ng glaĭ ƀơi sa boh anih pă amăng klŭng anai! Brơi đuaĭ kơdŏp bĕ amăng čư̆ kiăng kơ ƀing gih dưi klaih!” 18Lot laĭ: “Ơ khua, ƀu dưi ôh! 19Anai nê, ding kơna ih hmâo laih tơlơi pap ƀơi anăp ih, laih anŭn ih hmâo pơrơđah tơlơi pap prŏng kơ kâo laih anŭn djă pioh tơlơi hơdip kâo. Samơ̆ kâo hwĭ tơdang aka hơmao đuaĭ kơdŏp pơ čư̆ ôh, tơlơi răm ruă truh hĭ laih, laih anŭn kâo djai hĭ yơh. 20Adih, pơ adih hmâo sa boh plei anĕt, laih anŭn ăt giăm dơ̆ng mơ̆n, năng ai dưi hơmao đuaĭ kơdŏp. Rơkâo ih brơi kâo dŏp ƀơi anŭn, kơnơ̆ng sa boh plei anĕt đôč, kiăng kơ tơlơi hơdip kâo dưi hmâo tơlơi pơklaih.” 21Ling jang laĭ glaĭ: “Ơ, kâo tŭ ư tơlơi ih rơkâo, laih anŭn kâo ƀu či pơrai plei ih hmâo laĭ djơ̆ anŭn ôh. 22Brơi tañ tañ đuaĭ kơdŏp amăng anŭn bĕ, yua kơ kâo ƀu dưi ngă hơgĕt ôh tơdah ih aka mŭt amăng anŭn.” Tui anŭn, arăng či iâu plei anai jing plei Sôar.#19:22 Sôar: Amăng tơlơi Hêbrơ, boh hră anai arăng pơđok kar hăng boh hră hmâo tơlơi pia: “anĕt”. 23Tơ yang hrơi ƀlĕ laih, hlăk anŭn Lot mŭt laih amăng plei Sôar.
24Yêhôwa ngă brơi hơjan pơtâo kơsŭm laih anŭn apui Yêhôwa mơ̆ng adai tuh trŭn ƀơi Sôđôm laih anŭn Gômôrơ,#Mat 10:15; 11:23-24; Luk 10:12; 17:29; II Pê 2:6. 25pơrai hĭ dua boh plei anai, wơ̆t kơ anih klŭng, hrŏm hơbĭt hăng abih bang ană plei pla amăng plei laih anŭn abih bang kơyâo pơtâo čăt ƀơi lŏn.
Bơnai Lot jing hĭ rup trah pơtâo hra
26Samơ̆ bơnai Lot wir lăng glaĭ gah klon, anŭn yơh ñu jing hĭ rup trah boh pơtâo hra.#Luk 17:32.
27Ưm mơguah hrơi tơdơi, Abraham tơgŭ mơ̆ng ưm laih anŭn nao truh pơ anih ñu hmâo dŏ dơ̆ng ƀơi anăp Yêhôwa. 28Ñu lăng nao gah Sôđôm laih anŭn Gômôrơ, hăng abih bang anih lŏn daŏ, ñu ƀuh asăp mơ̆ng lŏn tơnah pơr đĭ kar hăng asăp kơ sa boh tơpur apui prŏng.
29Tơ Ơi Adai pơrai khul plei amăng anih lŏn daŏ, anih Lot hlăk dŏ hơdip, Ñu hơdơr nao kơ Abraham yua kơ anŭn Ñu hmâo pơklaih laih Lot mơ̆ng tơlơi pơrai anŭn.
Phŭn atur kơ ƀing Môap hăng ƀing Amôn
30Lot ƀu khĭn dŏ ôh amăng plei Sôar, hnŭn yơh ñu hăng dua čô ană dra ñu đuaĭ đĭ pơ čư̆. Ñu dŏ amăng sa boh par pơtâo hăng dua čô ană dra ñu. 31Pô amai laĭ hăng pô adơi ñu: “Ama ta tha laih, ƀah lĕ amăng kwar anai ƀu hmâo sa čô đah rơkơi dơ̆ng ôh rai mă dŏ ƀing ta tui hăng hơdră yang đar amăng lŏn tơnah. 32Bơ bĕ ta, brơi ƀing ta pŭ ia tơpai kơ ama ta, giơ̆ng anŭn ta nao đih hăng ñu, kiăng kơ ƀing ta dưi djă pioh kơnŭng djuai mơ̆ng ama ƀing ta.” 33Yua kơ anŭn, mlam anŭn dua gơñu pŭ ia tơpai kơ ama gơñu, giơ̆ng anŭn pô amai nao đih hăng ama ñu, samơ̆ ama ñu ƀu thâo ôh mông pă ană ñu đih hăng ñu, mông pă ană ñu tơgŭ đuaĭ. 34Hrơi tơdơi, pô amai laĭ kơ pô adơi: “Hơi, mlam tŏm brôi kâo hmâo đih laih hăng ama. Mlam anai brơi ƀing ta ăt pŭ ia tơpai kơ ama dơ̆ng, giơ̆ng anŭn ih nao đih hăng ñu kiăng kơ ƀing ta dưi djă pioh kơnŭng djuai mơ̆ng ama ƀing ta.” 35Mlam anŭn, dua gơñu pŭ ia tơpai kơ ama gơñu, giơ̆ng anŭn pô adơi nao đih hăng ama ñu, samơ̆ ama ñu ƀu thâo ôh mông pă ană ñu đih hăng ñu, mông pă ană ñu tơgŭ đuaĭ. 36Tui anŭn, abih dua čô ană dra Lot leng kơ pi kian yua kơ ama gơñu. 37Pô amai tơkeng sa čô ană đah rơkơi, pơanăn ñu jing Môap.#19:37 Môap: Amăng tơlơi Hêbrơ boh hră anai hmâo dơnai arăng pơđok hrup hăng boh hră hmâo tơlơi kiăng pia: “yua mơ̆ng ama kâo”. Anŭn jing ơi adon kơ ƀing Môap hrơi anai. 38Pô adơi ăt tơkeng sa čô ană đah rơkơi mơ̆n, pơanăn ñu jing Ben Ami.#19:38 Ben Ami: Amăng tơlơi Hêbrơ, boh hră anai kiăng pia jing “ană đah rơkơi kơ gŏp djuai kâo” ƀôdah “ană đah rơkơi kơ djuai ania kâo”, laih anŭn ñu hmâo dơnai arăng pơđok hrup hăng boh hră kiăng pia jing “ƀing Amôn”. Anŭn jing ơi adon kơ ƀing Amôn hrơi anai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.