Lêwi 18
18
Tơlơi juăt khă kơ tơlơi đih hơbĭt ƀu djơ̆ găl
1Yêhôwa laĭ kơ Môis:
2“Brơi laĭ bĕ hăng ƀing ană plei pla Israel thâo Kâo jing Yêhôwa Ơi Adai ƀing gih. 3Anăm ƀing gih ngă ôh hơgĕt tơlơi arăng ngă amăng čar Êjip, anih ƀing gih hmâo dŏ laih, ăt kŏn ngă lơi khul tơlơi arăng ngă amăng čar Kanaan, anih Kâo či brơi ƀing gih nao dŏ. Anăm hla tui tơlơi gơñu juăt ngă ôh. 4Ƀing gih khŏm ngă tui tơlơi Kâo hmâo pơtă laih anŭn djă pioh tơlơi juăt Kâo. Kâo jing Yêhôwa Ơi Adai ƀing gih. 5Tui anŭn brơi djă pioh bĕ tơlơi juăt laih anŭn khul tơlơi Kâo pơtă; hlơi pô ngă tui khul tơlơi anai, mơ̆ng anŭn yơh ñu či hmâo tơlơi hơdip. Kâo jing Yêhôwa.#Nêh 9:29; Êsê 18:9; 20:11-13; Luk 10:28; Rôm 10:5; Gal 3:12.
6Ƀu hmâo hlơi amăng ƀing gih dưi đih hơbĭt hăng gŏp djuai pruăi pran ñu. Kâo jing Yêhôwa. 7Anăm pơmlâo ama gih hăng tơlơi ƀing gih nao đih hơbĭt hăng amĭ gih ôh. Pô anŭn jing amĭ; ƀu dưi đih hơbĭt hăng ñu ôh. 8Anăm đih hơbĭt hăng bơnai ama ih ôh; ngă tui anŭn jing ngă pơmlâo kơ ama gih.#Lêwi 20:11; Mơñă 22:30; 27:20. 9Anăm đih hơbĭt hăng amai adơi gih pô ôh, wơ̆t dah pô anŭn jing hrŏm hơbĭt ha sa amĭ ama, ƀôdah sa ama phara amĭ, ƀôdah sa amĭ phara ama, wơ̆t dah tơkeng amăng sang ƀôdah tơkeng pơ gah rơngiao.#Lêwi 20:17; Mơñă 27:22. 10Anăm đih hơbĭt hăng tơčo ană đah rơkơi ih ƀôdah tơčo ană đah kơmơi ih; ngă tui anŭn jing ih ngă pơmlâo kơ ih pô. 11Anăm đih hơbĭt hăng adơi hrŏm hơbĭt ama phara amĭ; yua kơ anŭn jing adơi ih pô. 12Anăm đih hơbĭt hăng amai adơi ama ih yua kơ jing drah kơtăk ama ih.#Lêwi 20:19-20. 13Anăm đih hơbĭt hăng amai adơi amĭ ih yua kơ jing drah kơtăk amĭ ih. 14Anăm đih hơbĭt hăng wa đah kơmơi ƀôdah neh ih; ngă tui anŭn jing ngă pơmlâo kơ adơi ayŏng ama ih. 15Anăm đih hơbĭt hăng hơđŭ ih yua kơ ñu jing bơnai ană đah rơkơi ih.#Lêwi 20:12. 16Anăm đih hơbĭt hăng bơnai ayŏng ih ƀôdah bơnai adơi ih; ngă tui anŭn jing ih ngă pơmlâo kơ adơi ayŏng ih.#Lêwi 20:21. 17Anăm đih hơbĭt hăng sa čô đah kơmơi hrŏm hăng ană đah kơmơi kơ pô anŭn ôh. Anăm mă dŏ tơčo đah kơmơi kơ ană đah rơkơi ƀôdah tơčo ană đah kơmơi pô anŭn, yua kơ gơñu hmâo drah kơtăk hrŏm hơbĭt. Anŭn jing sa tơlơi mlŭk mơgu.#Lêwi 20:14; Mơñă 27:23. 18Anăm mă dŏ ôh ƀing amai adơi bơnai ih tơdang bơnai ih ăt dŏ hơdip; tui anŭn či pơjing rai tơlơi pơhil tơdruă.
19Anăm đih hơbĭt hăng sa čô đah kơmơi hlăk dŏ grĭ hơƀak amăng khul hrơi ñu ƀuh eng.#Lêwi 20:18. 20Anăm đih hơbĭt hăng bơnai mơnuih dŏ jum dar kiăng kơ ih huaĭ jing grĭ hơƀak.#Lêwi 20:10.
21Anăm ba pơyơr ană ih brơi kơ yang Môlok ôh,#18:21 Môlok: jing yang kơ ƀing mơnuih Amôn. yua kơ ngă tui anŭn ih hmâo ngă soh laih hăng Ơi Adai ih. Kâo jing Yêhôwa.#Lêwi 20:1-5.
22Anăm đih hơbĭt ôh hăng sa čô đah rơkơi kar hăng đih hơbĭt hăng đah kơmơi; anŭn jing tơlơi grĭ hơƀak.#Lêwi 20:13. 23Anăm pơngui hăng hlô mơnơ̆ng ôh kiăng kơ ih huaĭ jing grĭ hơƀak yua mơ̆ng ñu; ƀing đah kơmơi ăt anăm jao ñu pô pơngui hăng hlô mơnơ̆ng ôh; anŭn jing sa tơlơi grĭ grañ.#Tơb 22:19; Lêwi 20:15-16; Mơñă 27:21.
24Ƀing gih anăm ngă brơi ƀing gih pô jing hĭ grĭ hơƀak yua kơ khul bruă anŭn ôh, yua kơ khul bruă anŭn yơh ƀing djuai mơnuih pơkŏn hmâo jing hĭ laih grĭ hơƀak laih anŭn dŏ ƀiă dơ̆ng Kâo či puh pơđuaĭ gơñu mơ̆ng ƀing gih. 25Lŏn tơnah hmâo jing hĭ grĭ hơƀak laih. Kâo hmâo pơkơhmal laih ñu yua kơ tơlơi soh ñu, laih anŭn lŏn hmâo ĕk laih ană plei pla ñu. 26Bơ kơ ƀing gih, wơ̆t dah jing ană plei amăng čar anŭn ƀôdah jing ƀing mơnuih čar tuai hlăk hơdip tơ̆ng krah amăng ƀing gih, brơi khŏm djă pioh tơlơi juăt laih anŭn tơlơi Kâo pơđar, anăm ngă sa mơta bruă hơgĕt amăng khul bruă năng lăp grĭ hơƀak anŭn ôh. 27Ƀing mơnuih hơdip amăng čar anai hlâo kơ ƀing gih hmâo ngă laih khul bruă năng lăp kơ grĭ hơƀak laih anŭn lŏn hmâo jing hĭ laih grĭ hơƀak. 28Tui anŭn, anăm ngă brơi lŏn jing hĭ grĭ hơƀak ôh; tơdah ƀing gih ngă, lŏn či ĕk lui hĭ ƀing gih kar hăng ñu hmâo ĕk lui laih ƀing mơnuih hmâo hơdip laih pơ anŭn hlâo kơ ƀing gih. 29Hlơi pô ngă sa amăng khul tơlơi grĭ hơƀak anŭn či tŭ mă tơlơi puh pơđuaĭ mơ̆ng ană plei pla. 30Tui anŭn, brơi ƀing gih khŏm gưt tui tơlơi Kâo pơtă, anăm ngă tui khul tơlơi juăt grĭ grañ kơ ƀing mơnuih dŏ amăng anŭn hlâo kơ ƀing gih hmâo ngă laih, laih anŭn anăm lui khul tơlơi juăt anŭn ngă brơi ƀing gih jing hĭ grĭ hơƀak. Kâo jing Yêhôwa Ơi Adai ƀing gih.”
Currently Selected:
Lêwi 18: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 18
18
Tơlơi juăt khă kơ tơlơi đih hơbĭt ƀu djơ̆ găl
1Yêhôwa laĭ kơ Môis:
2“Brơi laĭ bĕ hăng ƀing ană plei pla Israel thâo Kâo jing Yêhôwa Ơi Adai ƀing gih. 3Anăm ƀing gih ngă ôh hơgĕt tơlơi arăng ngă amăng čar Êjip, anih ƀing gih hmâo dŏ laih, ăt kŏn ngă lơi khul tơlơi arăng ngă amăng čar Kanaan, anih Kâo či brơi ƀing gih nao dŏ. Anăm hla tui tơlơi gơñu juăt ngă ôh. 4Ƀing gih khŏm ngă tui tơlơi Kâo hmâo pơtă laih anŭn djă pioh tơlơi juăt Kâo. Kâo jing Yêhôwa Ơi Adai ƀing gih. 5Tui anŭn brơi djă pioh bĕ tơlơi juăt laih anŭn khul tơlơi Kâo pơtă; hlơi pô ngă tui khul tơlơi anai, mơ̆ng anŭn yơh ñu či hmâo tơlơi hơdip. Kâo jing Yêhôwa.#Nêh 9:29; Êsê 18:9; 20:11-13; Luk 10:28; Rôm 10:5; Gal 3:12.
6Ƀu hmâo hlơi amăng ƀing gih dưi đih hơbĭt hăng gŏp djuai pruăi pran ñu. Kâo jing Yêhôwa. 7Anăm pơmlâo ama gih hăng tơlơi ƀing gih nao đih hơbĭt hăng amĭ gih ôh. Pô anŭn jing amĭ; ƀu dưi đih hơbĭt hăng ñu ôh. 8Anăm đih hơbĭt hăng bơnai ama ih ôh; ngă tui anŭn jing ngă pơmlâo kơ ama gih.#Lêwi 20:11; Mơñă 22:30; 27:20. 9Anăm đih hơbĭt hăng amai adơi gih pô ôh, wơ̆t dah pô anŭn jing hrŏm hơbĭt ha sa amĭ ama, ƀôdah sa ama phara amĭ, ƀôdah sa amĭ phara ama, wơ̆t dah tơkeng amăng sang ƀôdah tơkeng pơ gah rơngiao.#Lêwi 20:17; Mơñă 27:22. 10Anăm đih hơbĭt hăng tơčo ană đah rơkơi ih ƀôdah tơčo ană đah kơmơi ih; ngă tui anŭn jing ih ngă pơmlâo kơ ih pô. 11Anăm đih hơbĭt hăng adơi hrŏm hơbĭt ama phara amĭ; yua kơ anŭn jing adơi ih pô. 12Anăm đih hơbĭt hăng amai adơi ama ih yua kơ jing drah kơtăk ama ih.#Lêwi 20:19-20. 13Anăm đih hơbĭt hăng amai adơi amĭ ih yua kơ jing drah kơtăk amĭ ih. 14Anăm đih hơbĭt hăng wa đah kơmơi ƀôdah neh ih; ngă tui anŭn jing ngă pơmlâo kơ adơi ayŏng ama ih. 15Anăm đih hơbĭt hăng hơđŭ ih yua kơ ñu jing bơnai ană đah rơkơi ih.#Lêwi 20:12. 16Anăm đih hơbĭt hăng bơnai ayŏng ih ƀôdah bơnai adơi ih; ngă tui anŭn jing ih ngă pơmlâo kơ adơi ayŏng ih.#Lêwi 20:21. 17Anăm đih hơbĭt hăng sa čô đah kơmơi hrŏm hăng ană đah kơmơi kơ pô anŭn ôh. Anăm mă dŏ tơčo đah kơmơi kơ ană đah rơkơi ƀôdah tơčo ană đah kơmơi pô anŭn, yua kơ gơñu hmâo drah kơtăk hrŏm hơbĭt. Anŭn jing sa tơlơi mlŭk mơgu.#Lêwi 20:14; Mơñă 27:23. 18Anăm mă dŏ ôh ƀing amai adơi bơnai ih tơdang bơnai ih ăt dŏ hơdip; tui anŭn či pơjing rai tơlơi pơhil tơdruă.
19Anăm đih hơbĭt hăng sa čô đah kơmơi hlăk dŏ grĭ hơƀak amăng khul hrơi ñu ƀuh eng.#Lêwi 20:18. 20Anăm đih hơbĭt hăng bơnai mơnuih dŏ jum dar kiăng kơ ih huaĭ jing grĭ hơƀak.#Lêwi 20:10.
21Anăm ba pơyơr ană ih brơi kơ yang Môlok ôh,#18:21 Môlok: jing yang kơ ƀing mơnuih Amôn. yua kơ ngă tui anŭn ih hmâo ngă soh laih hăng Ơi Adai ih. Kâo jing Yêhôwa.#Lêwi 20:1-5.
22Anăm đih hơbĭt ôh hăng sa čô đah rơkơi kar hăng đih hơbĭt hăng đah kơmơi; anŭn jing tơlơi grĭ hơƀak.#Lêwi 20:13. 23Anăm pơngui hăng hlô mơnơ̆ng ôh kiăng kơ ih huaĭ jing grĭ hơƀak yua mơ̆ng ñu; ƀing đah kơmơi ăt anăm jao ñu pô pơngui hăng hlô mơnơ̆ng ôh; anŭn jing sa tơlơi grĭ grañ.#Tơb 22:19; Lêwi 20:15-16; Mơñă 27:21.
24Ƀing gih anăm ngă brơi ƀing gih pô jing hĭ grĭ hơƀak yua kơ khul bruă anŭn ôh, yua kơ khul bruă anŭn yơh ƀing djuai mơnuih pơkŏn hmâo jing hĭ laih grĭ hơƀak laih anŭn dŏ ƀiă dơ̆ng Kâo či puh pơđuaĭ gơñu mơ̆ng ƀing gih. 25Lŏn tơnah hmâo jing hĭ grĭ hơƀak laih. Kâo hmâo pơkơhmal laih ñu yua kơ tơlơi soh ñu, laih anŭn lŏn hmâo ĕk laih ană plei pla ñu. 26Bơ kơ ƀing gih, wơ̆t dah jing ană plei amăng čar anŭn ƀôdah jing ƀing mơnuih čar tuai hlăk hơdip tơ̆ng krah amăng ƀing gih, brơi khŏm djă pioh tơlơi juăt laih anŭn tơlơi Kâo pơđar, anăm ngă sa mơta bruă hơgĕt amăng khul bruă năng lăp grĭ hơƀak anŭn ôh. 27Ƀing mơnuih hơdip amăng čar anai hlâo kơ ƀing gih hmâo ngă laih khul bruă năng lăp kơ grĭ hơƀak laih anŭn lŏn hmâo jing hĭ laih grĭ hơƀak. 28Tui anŭn, anăm ngă brơi lŏn jing hĭ grĭ hơƀak ôh; tơdah ƀing gih ngă, lŏn či ĕk lui hĭ ƀing gih kar hăng ñu hmâo ĕk lui laih ƀing mơnuih hmâo hơdip laih pơ anŭn hlâo kơ ƀing gih. 29Hlơi pô ngă sa amăng khul tơlơi grĭ hơƀak anŭn či tŭ mă tơlơi puh pơđuaĭ mơ̆ng ană plei pla. 30Tui anŭn, brơi ƀing gih khŏm gưt tui tơlơi Kâo pơtă, anăm ngă tui khul tơlơi juăt grĭ grañ kơ ƀing mơnuih dŏ amăng anŭn hlâo kơ ƀing gih hmâo ngă laih, laih anŭn anăm lui khul tơlơi juăt anŭn ngă brơi ƀing gih jing hĭ grĭ hơƀak. Kâo jing Yêhôwa Ơi Adai ƀing gih.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.