Lêwi 19
19
Tơlơi juăt kơ tơlơi rơgoh hiam laih anŭn tơlơi tơpă
1Yêhôwa pơhiăp hăng Môis:
2“Laĭ bĕ kơ abih bang ƀing ană plei pla Israel tui anai: ‘Brơi ƀing gih khŏm rơgoh hiam yua kơ Kâo, Yêhôwa Ơi Adai ƀing gih, jing rơgoh hiam.#Lêwi 11:44-45; I Pê 1:16.
3Brơi abih bang mơnuih khŏm thâo hwĭ pơpŭ kơ amĭ ama laih anŭn djă pioh khul hrơi saƀat Kâo. Kâo jing Yêhôwa Ơi Adai ƀing gih.#Tơb 20:8,12; Mơñă 5:12,16.
4Anăm anăp nao kơ rup trah ôh laih anŭn kŏn ngă kơ gih pô rup yang lơi. Kâo jing Yêhôwa Ơi Adai ƀing gih.#Lêwi 26:1; Tơb 20:23; 34:17; Mơñă 27:15.
5Tơdang ƀing gih pơyơr mơnơ̆ng ngă yang kơ tơlơi rơnŭk rơnua kơ Yêhôwa, brơi ƀing gih pơyơr hăng tơlơi djơ̆ kiăng kơ Ñu dưi mă tŭ. 6Brơi ƀing gih ƀơ̆ng bĕ mơnơ̆ng ngă yang anŭn amăng hrơi ƀing gih pơyơr laih anŭn ƀơi hrơi tŏ tui mơtam; črăn dŏ rơbeh glaĭ truh hrơi tal klâo, khŏm ƀing gih čuh hĭ bĕ. 7Tơdah truh hrơi tal klâo laih samơ̆ ăt dŏ hmâo mơnuih ƀơ̆ng, anŭn jing tơlơi grĭ hơƀak, Ñu ƀu tŭ ư ôh. 8Mơnuih anŭn či jing hĭ soh yua kơ ñu hmâo pơsoh laih hăng mơnơ̆ng rơgoh Yêhôwa laih anŭn arăng či puh pơđuaĭ hĭ ñu mơ̆ng ƀing ană plei pla.
9Tơ ƀing gih yuă pơdai amăng hmua ƀing gih anăm ƀing gih yuă truh pơ rơnuč king hmua ôh, ăt anăm duñ mă lơi khul pơdai lĕ trŭn.#Lêwi 27:15; Mơñă 24:19-22. 10Anăm pĕ abih đang boh kơƀâu ƀôdah duñ glaĭ khul boh ruh trŭn pơ lŏn; brơi pioh glaĭ bĕ kơ ƀing ƀun rin laih anŭn kơ ƀing mơnuih tuai dŏ jang jai. Kâo jing Yêhôwa Ơi Adai ƀing gih.
11Anăm ƀing gih klĕ dŏp ôh, ƀu dưi pơhiăp ƀlor, plư pleč tơdruă.#Tơb 20:15-16; Mơñă 5:19-20.
12Anăm ƀing gih yua hăng anăn Kâo kiăng ngă tơlơi ƀuăn rơ̆ng ƀlor ôh, yua kơ ngă tui anŭn jing ngă pơsoh hăng anăn Ơi Adai ƀing gih yơh. Kâo jing Yêhôwa.#Tơb 20:7; Mơñă 5:11; Mat 5:33.
13Anăm kơtư̆ juă ƀing mơnuih jum dar ih ôh, kŏn anăm pơrơsua gơnam gơñu lơi. Anăm djă pioh ôh prăk apah kơ ƀing mơnuih bruă apah amăng sang gih truh kơ hrơi pơgi.#Mơñă 24:14-15.
14Anăm hơtơ̆m pah mơnuih tơngil ôh laih anŭn kŏn dưi dưm mơnơ̆ng pơtơhnač kơ mơnuih bum lơi, samơ̆ brơi khŏm thâo hwĭ pơpŭ kơ Ơi Adai. Kâo jing Yêhôwa.#Mơñă 27:18.
15Anăm ngă tơlơi ƀu tơpă tơdang gih phat kơđi kơ arăng ôh; anăm pơdŏng gah mơnuih ƀun rin laih anŭn kŏn anăm pơpŭ kơ ƀing hmâo tơlơi dưi lơi, samơ̆ brơi phat kơđi mơnuih jum dar ih hăng tơlơi tơpă hơnơ̆ng.#Tơb 23:6-8; Mơñă 16:19.
16Anăm hyu pơhiăp tơlơi pơčeh tơ̆ng krah ană plei pla, kŏn dưi ngă gơ̆ng jơlan ƀlor kiăng ngă pơrăm tơlơi hơdip pô dŏ jum dar ih. Kâo jing Yêhôwa.
17Anăm bơrơmŭt adơi ayŏng ih amăng pran jua ih ôh; brơi ƀuah bĕ mơnuih jĕ giăm ih kiăng kơ ih huaĭ soh hrŏm hơbĭt hăng ƀing gơñu.#19:17 Dưi pơblang dơ̆ng mơ̆n: yua kơ ƀing gơñu.#Mat 18:15. 18Anăm rŭ nua, anăm djă pioh pran jua hil kơ ƀing ană plei pla ih ôh, samơ̆ brơi khăp bĕ mơnuih jum dar ih kar hăng ih pô. Kâo jing Yêhôwa.#Mat 5:43; 19:19; 22:39; Mar 12:31; Luk 10:27; Rôm 13:9; Gal 5:14; Yak 2:8.
19Brơi ƀing gih djă pioh bĕ tơlơi Kâo pơđar. Anăm brơi hlô mơnơ̆ng phara djuai gom hĭ tơdruă gơñu ôh; anăm sai dua mơta pơjeh amăng sa boh hmua laih anŭn anăm buh sum ao mơñam hăng dua mơta mrai phara ôh.#Mơñă 22:9-11.
20Tơdah sa čô đah rơkơi đih hơbĭt hăng sa čô đah kơmơi hlŭn hmâo ƀuăn pơkă laih hăng sa čô đah rơkơi pơkŏn samơ̆ aka hmâo song mă ôh ƀôdah aka hmâo tơlơi rơngai ôh, abih dua gơñu či khŏm tŭ tơlơi pơkơhmal samơ̆ ƀu truh kơ tơlơi pơdjai ôh yua kơ đah kơmơi hlŭn anŭn aka hmâo tơlơi rơngai ôh. 21Samơ̆ mơnuih đah rơkơi anŭn khŏm mă sa drơi triu tơno ba rai ƀơi gah anăp bah amăng Sang Khăn Pơƀŭt, pơyơr đĭ kơ Yêhôwa jing mơnơ̆ng ngă yang song mă tơlơi soh. 22Khua ngă yang či pơyơr ană triu tơno jing mơnơ̆ng ngă yang song mă tơlơi soh brơi pô hmâo ngă soh laih ƀơi anăp Yêhôwa laih anŭn tơlơi soh pô anŭn hmâo ngă či dưi pap brơi yơh.
23Tơ ƀing gih mŭt amăng lŏn čar Kanaan laih anŭn pla khul kơyâo ƀơ̆ng boh, brơi ƀing gih yap bĕ khul boh anŭn kar hăng boh khă.#19:23 Boh hră phŭn hơđăp: aka khăt klĭ ôh. Ƀing gih khŏm lăng anŭn jing boh khă laih anŭn ƀu dưi ƀơ̆ng amăng klâo thŭn. 24Samơ̆ truh kơ thŭn tal pă khul boh kơyâo anŭn či dưi hmâo tơlơi pơrơgoh, jing mơnơ̆ng pơyơr bơni kơ Yêhôwa. 25Truh thŭn tal rơma ƀing gih ăt dŏ dưi ƀơ̆ng boh kơyâo anŭn mơ̆n. Tơdah ƀing gih djă pioh hiăp Kâo pơtô, boh troh či đĭ lu jai brơi kơ ƀing gih. Kâo jing Yêhôwa Ơi Adai ƀing gih.
26Ƀing gih ƀu dưi ƀơ̆ng ôh añăm mơnơ̆ng ăt dŏ hmâo drah. Ƀu dưi ngă bruă kơsem mơnơ̆ng kiăng laĭ lui hlâo ƀôdah ngă pơjâu ôh.#Čơd 9:4; Lêwi 7:26-27; 17:10-14; Mơñă 12:16,23; 15:23; 18:10. 27Anăm yuă ƀuk jum dar akŏ ƀôdah yuă blâu kang ôh.#Lêwi 21:5; Mơñă 14:1. 28Anăm trơĭ klĭ yua kơ pô djai ôh ƀôdah kơčơ̆ rup hơgĕt gĕt thâo ƀơi drơi jan gih. Kâo jing Yêhôwa.
29Anăm ngă pơmlâo ană đah kơmơi ih ôh amăng tơlơi mă pơgŏ ñu ngă đah kơmơi rih răm amăng sang,#19:29 Anai jing tơlơi hmâo truh laih amăng sang kơkuh pơpŭ ƀing Kanaan, anih pioh brơi kơ bruă ngă pyu pơde amăng bruă kơ tơlơi đaŏ. ngă brơi abih lŏn čar jing hĭ rih răm laih anŭn bă blai hăng tơlơi sat ƀai.#Mơñă 23:17.
30Brơi ƀing gih khŏm djă pioh khul hrơi saƀat laih anŭn pơpŭ kơ anih rơgoh Kâo. Kâo jing Yêhôwa.#Lêwi 26:2.
31Ƀing gih ƀu dưi nao pơ ƀing mơnuih pơhiăp hăng bơngăt mơnuih djai ôh ƀôdah ƀing pơjâu; anăm tui hơduah gơñu ôh, hwĭ dah ƀing gih jing hĭ grĭ hơƀak. Kâo jing Yêhôwa Ơi Adai ƀing gih.#Mơñă 18:11; I Sa 28:3; II Pơtao 23:4; Êsai 8:19.
32Ƀing gih khŏm tơgŭ dơ̆ng ƀơi anăp ƀing mơnuih ƀuk kŏ, pơpŭ kơ mơnuih tha rơma laih anŭn hwĭ pơpŭ kơ Ơi Adai ƀing gih. Kâo jing Yêhôwa.
33Tơ hmâo ƀing mơnuih tuai dŏ jang jai amăng čar ƀing gih, anăm kơtư̆ juă ƀing gơñu ôh.#Tơb 22:21; Mơñă 24:17-18; 27:19. 34Ƀing mơnuih tuai dŏ jang jai amăng tơ̆ng krah ƀing gih, lăng bĕ gơñu kar hăng mơnuih čar anŭn; brơi ƀing gih khăp gơñu kar hăng ƀing gih pô, yua kơ ƀing gih ăt hmâo jing laih tuai amăng čar Êjip. Kâo jing Yêhôwa Ơi Adai ƀing gih.
35Anăm ngă ôh tơlơi ƀu tơpă tơdang ƀing gih phat kơđi ƀôdah tơdang gih kơnăng pơkă, tŏng yap.#Mơñă 25:13-16; Bơrt 20:10; Êsê 45:10. 36Ƀing gih khŏm yua kơnăng djơ̆, boh kơnăng djơ̆, êphah laih anŭn hin#19:36 hin: jing boh pơkă mơnơ̆ng ia kar hăng tơpai, ia rơmuă; sa hin mơdơ̆ hăng 3,8 lit. djơ̆. Kâo jing Yêhôwa Ơi Adai ƀing gih, Pô hmâo ba ƀing gih tơbiă mơ̆ng čar Êjip.
37Tui anŭn brơi ƀing gih khŏm djă pioh laih anŭn ngă abih bang khul tơlơi juăt laih anŭn tơlơi Kâo pơđar. Kâo jing Yêhôwa.’”
Currently Selected:
Lêwi 19: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 19
19
Tơlơi juăt kơ tơlơi rơgoh hiam laih anŭn tơlơi tơpă
1Yêhôwa pơhiăp hăng Môis:
2“Laĭ bĕ kơ abih bang ƀing ană plei pla Israel tui anai: ‘Brơi ƀing gih khŏm rơgoh hiam yua kơ Kâo, Yêhôwa Ơi Adai ƀing gih, jing rơgoh hiam.#Lêwi 11:44-45; I Pê 1:16.
3Brơi abih bang mơnuih khŏm thâo hwĭ pơpŭ kơ amĭ ama laih anŭn djă pioh khul hrơi saƀat Kâo. Kâo jing Yêhôwa Ơi Adai ƀing gih.#Tơb 20:8,12; Mơñă 5:12,16.
4Anăm anăp nao kơ rup trah ôh laih anŭn kŏn ngă kơ gih pô rup yang lơi. Kâo jing Yêhôwa Ơi Adai ƀing gih.#Lêwi 26:1; Tơb 20:23; 34:17; Mơñă 27:15.
5Tơdang ƀing gih pơyơr mơnơ̆ng ngă yang kơ tơlơi rơnŭk rơnua kơ Yêhôwa, brơi ƀing gih pơyơr hăng tơlơi djơ̆ kiăng kơ Ñu dưi mă tŭ. 6Brơi ƀing gih ƀơ̆ng bĕ mơnơ̆ng ngă yang anŭn amăng hrơi ƀing gih pơyơr laih anŭn ƀơi hrơi tŏ tui mơtam; črăn dŏ rơbeh glaĭ truh hrơi tal klâo, khŏm ƀing gih čuh hĭ bĕ. 7Tơdah truh hrơi tal klâo laih samơ̆ ăt dŏ hmâo mơnuih ƀơ̆ng, anŭn jing tơlơi grĭ hơƀak, Ñu ƀu tŭ ư ôh. 8Mơnuih anŭn či jing hĭ soh yua kơ ñu hmâo pơsoh laih hăng mơnơ̆ng rơgoh Yêhôwa laih anŭn arăng či puh pơđuaĭ hĭ ñu mơ̆ng ƀing ană plei pla.
9Tơ ƀing gih yuă pơdai amăng hmua ƀing gih anăm ƀing gih yuă truh pơ rơnuč king hmua ôh, ăt anăm duñ mă lơi khul pơdai lĕ trŭn.#Lêwi 27:15; Mơñă 24:19-22. 10Anăm pĕ abih đang boh kơƀâu ƀôdah duñ glaĭ khul boh ruh trŭn pơ lŏn; brơi pioh glaĭ bĕ kơ ƀing ƀun rin laih anŭn kơ ƀing mơnuih tuai dŏ jang jai. Kâo jing Yêhôwa Ơi Adai ƀing gih.
11Anăm ƀing gih klĕ dŏp ôh, ƀu dưi pơhiăp ƀlor, plư pleč tơdruă.#Tơb 20:15-16; Mơñă 5:19-20.
12Anăm ƀing gih yua hăng anăn Kâo kiăng ngă tơlơi ƀuăn rơ̆ng ƀlor ôh, yua kơ ngă tui anŭn jing ngă pơsoh hăng anăn Ơi Adai ƀing gih yơh. Kâo jing Yêhôwa.#Tơb 20:7; Mơñă 5:11; Mat 5:33.
13Anăm kơtư̆ juă ƀing mơnuih jum dar ih ôh, kŏn anăm pơrơsua gơnam gơñu lơi. Anăm djă pioh ôh prăk apah kơ ƀing mơnuih bruă apah amăng sang gih truh kơ hrơi pơgi.#Mơñă 24:14-15.
14Anăm hơtơ̆m pah mơnuih tơngil ôh laih anŭn kŏn dưi dưm mơnơ̆ng pơtơhnač kơ mơnuih bum lơi, samơ̆ brơi khŏm thâo hwĭ pơpŭ kơ Ơi Adai. Kâo jing Yêhôwa.#Mơñă 27:18.
15Anăm ngă tơlơi ƀu tơpă tơdang gih phat kơđi kơ arăng ôh; anăm pơdŏng gah mơnuih ƀun rin laih anŭn kŏn anăm pơpŭ kơ ƀing hmâo tơlơi dưi lơi, samơ̆ brơi phat kơđi mơnuih jum dar ih hăng tơlơi tơpă hơnơ̆ng.#Tơb 23:6-8; Mơñă 16:19.
16Anăm hyu pơhiăp tơlơi pơčeh tơ̆ng krah ană plei pla, kŏn dưi ngă gơ̆ng jơlan ƀlor kiăng ngă pơrăm tơlơi hơdip pô dŏ jum dar ih. Kâo jing Yêhôwa.
17Anăm bơrơmŭt adơi ayŏng ih amăng pran jua ih ôh; brơi ƀuah bĕ mơnuih jĕ giăm ih kiăng kơ ih huaĭ soh hrŏm hơbĭt hăng ƀing gơñu.#19:17 Dưi pơblang dơ̆ng mơ̆n: yua kơ ƀing gơñu.#Mat 18:15. 18Anăm rŭ nua, anăm djă pioh pran jua hil kơ ƀing ană plei pla ih ôh, samơ̆ brơi khăp bĕ mơnuih jum dar ih kar hăng ih pô. Kâo jing Yêhôwa.#Mat 5:43; 19:19; 22:39; Mar 12:31; Luk 10:27; Rôm 13:9; Gal 5:14; Yak 2:8.
19Brơi ƀing gih djă pioh bĕ tơlơi Kâo pơđar. Anăm brơi hlô mơnơ̆ng phara djuai gom hĭ tơdruă gơñu ôh; anăm sai dua mơta pơjeh amăng sa boh hmua laih anŭn anăm buh sum ao mơñam hăng dua mơta mrai phara ôh.#Mơñă 22:9-11.
20Tơdah sa čô đah rơkơi đih hơbĭt hăng sa čô đah kơmơi hlŭn hmâo ƀuăn pơkă laih hăng sa čô đah rơkơi pơkŏn samơ̆ aka hmâo song mă ôh ƀôdah aka hmâo tơlơi rơngai ôh, abih dua gơñu či khŏm tŭ tơlơi pơkơhmal samơ̆ ƀu truh kơ tơlơi pơdjai ôh yua kơ đah kơmơi hlŭn anŭn aka hmâo tơlơi rơngai ôh. 21Samơ̆ mơnuih đah rơkơi anŭn khŏm mă sa drơi triu tơno ba rai ƀơi gah anăp bah amăng Sang Khăn Pơƀŭt, pơyơr đĭ kơ Yêhôwa jing mơnơ̆ng ngă yang song mă tơlơi soh. 22Khua ngă yang či pơyơr ană triu tơno jing mơnơ̆ng ngă yang song mă tơlơi soh brơi pô hmâo ngă soh laih ƀơi anăp Yêhôwa laih anŭn tơlơi soh pô anŭn hmâo ngă či dưi pap brơi yơh.
23Tơ ƀing gih mŭt amăng lŏn čar Kanaan laih anŭn pla khul kơyâo ƀơ̆ng boh, brơi ƀing gih yap bĕ khul boh anŭn kar hăng boh khă.#19:23 Boh hră phŭn hơđăp: aka khăt klĭ ôh. Ƀing gih khŏm lăng anŭn jing boh khă laih anŭn ƀu dưi ƀơ̆ng amăng klâo thŭn. 24Samơ̆ truh kơ thŭn tal pă khul boh kơyâo anŭn či dưi hmâo tơlơi pơrơgoh, jing mơnơ̆ng pơyơr bơni kơ Yêhôwa. 25Truh thŭn tal rơma ƀing gih ăt dŏ dưi ƀơ̆ng boh kơyâo anŭn mơ̆n. Tơdah ƀing gih djă pioh hiăp Kâo pơtô, boh troh či đĭ lu jai brơi kơ ƀing gih. Kâo jing Yêhôwa Ơi Adai ƀing gih.
26Ƀing gih ƀu dưi ƀơ̆ng ôh añăm mơnơ̆ng ăt dŏ hmâo drah. Ƀu dưi ngă bruă kơsem mơnơ̆ng kiăng laĭ lui hlâo ƀôdah ngă pơjâu ôh.#Čơd 9:4; Lêwi 7:26-27; 17:10-14; Mơñă 12:16,23; 15:23; 18:10. 27Anăm yuă ƀuk jum dar akŏ ƀôdah yuă blâu kang ôh.#Lêwi 21:5; Mơñă 14:1. 28Anăm trơĭ klĭ yua kơ pô djai ôh ƀôdah kơčơ̆ rup hơgĕt gĕt thâo ƀơi drơi jan gih. Kâo jing Yêhôwa.
29Anăm ngă pơmlâo ană đah kơmơi ih ôh amăng tơlơi mă pơgŏ ñu ngă đah kơmơi rih răm amăng sang,#19:29 Anai jing tơlơi hmâo truh laih amăng sang kơkuh pơpŭ ƀing Kanaan, anih pioh brơi kơ bruă ngă pyu pơde amăng bruă kơ tơlơi đaŏ. ngă brơi abih lŏn čar jing hĭ rih răm laih anŭn bă blai hăng tơlơi sat ƀai.#Mơñă 23:17.
30Brơi ƀing gih khŏm djă pioh khul hrơi saƀat laih anŭn pơpŭ kơ anih rơgoh Kâo. Kâo jing Yêhôwa.#Lêwi 26:2.
31Ƀing gih ƀu dưi nao pơ ƀing mơnuih pơhiăp hăng bơngăt mơnuih djai ôh ƀôdah ƀing pơjâu; anăm tui hơduah gơñu ôh, hwĭ dah ƀing gih jing hĭ grĭ hơƀak. Kâo jing Yêhôwa Ơi Adai ƀing gih.#Mơñă 18:11; I Sa 28:3; II Pơtao 23:4; Êsai 8:19.
32Ƀing gih khŏm tơgŭ dơ̆ng ƀơi anăp ƀing mơnuih ƀuk kŏ, pơpŭ kơ mơnuih tha rơma laih anŭn hwĭ pơpŭ kơ Ơi Adai ƀing gih. Kâo jing Yêhôwa.
33Tơ hmâo ƀing mơnuih tuai dŏ jang jai amăng čar ƀing gih, anăm kơtư̆ juă ƀing gơñu ôh.#Tơb 22:21; Mơñă 24:17-18; 27:19. 34Ƀing mơnuih tuai dŏ jang jai amăng tơ̆ng krah ƀing gih, lăng bĕ gơñu kar hăng mơnuih čar anŭn; brơi ƀing gih khăp gơñu kar hăng ƀing gih pô, yua kơ ƀing gih ăt hmâo jing laih tuai amăng čar Êjip. Kâo jing Yêhôwa Ơi Adai ƀing gih.
35Anăm ngă ôh tơlơi ƀu tơpă tơdang ƀing gih phat kơđi ƀôdah tơdang gih kơnăng pơkă, tŏng yap.#Mơñă 25:13-16; Bơrt 20:10; Êsê 45:10. 36Ƀing gih khŏm yua kơnăng djơ̆, boh kơnăng djơ̆, êphah laih anŭn hin#19:36 hin: jing boh pơkă mơnơ̆ng ia kar hăng tơpai, ia rơmuă; sa hin mơdơ̆ hăng 3,8 lit. djơ̆. Kâo jing Yêhôwa Ơi Adai ƀing gih, Pô hmâo ba ƀing gih tơbiă mơ̆ng čar Êjip.
37Tui anŭn brơi ƀing gih khŏm djă pioh laih anŭn ngă abih bang khul tơlơi juăt laih anŭn tơlơi Kâo pơđar. Kâo jing Yêhôwa.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.