Lêwi 24
24
Tơlơi Răk Wai Apui Kơđen Amăng Sang Kơkuh Pơpŭ
1Yêhôwa laĭ hăng Môis: 2“Brơi ih pơtă bĕ kơ ană plei pla Israel ba nao ia rơmuă ôliwơ phŭn kiăng čuh apui kơđen kiăng răk wai apui kơđen jă nanao. 3Arôn či dưm apui kơđen amăng Sang Khăn Pơƀŭt, gah rơngiao khăn păng Hip Kơnol Pơgop, kiăng apui kơđen jă nanao ƀơi anăp Yêhôwa mơ̆ng klam truh pơ mơguah. Anai jing tơlơi pơkă pioh nanao hlŏng lar brơi kơ abih rơnŭk ƀing gih. 4Arôn či dưm khul apui kơđen ƀơi gơ̆ng apui kơđen ngă hăng mah rơgoh kiăng apui kơđen nanao jă ƀơi anăp Yêhôwa.”
Tơlơi Phiăn Kơ Ƀañ Pơyơr
5 #
Tơb 25:30. “Mă bĕ tơpŭng ƀlĭ ŏm pluh dua klŏ ƀañ, rĭm klŏ ƀañ kơtraŏ dua kilôgram, 6giơ̆ng anŭn dăp gơñu dua glong, rĭm glong năm klŏ, ƀơi kơƀang lom hăng mah rơgoh ƀơi anăp Yêhôwa. 7Ƀơi rĭm glong, pruai bĕ mơnơ̆ng ƀâu hiam phŭn kiăng ngă pơhmu kơ bruă pơyơr ƀañ, kar hăng sa mơnơ̆ng ngă yang yua hăng apui pơyơr đĭ kơ Yêhôwa. 8Rĭm hrơi saƀat, Arôn khŏm nanao dăp dưm hơdôm klŏ ƀañ tơpŭng anai ƀơi anăp Yêhôwa pơala kơ ană plei pla Israel kar hăng sa kơnol pơgop hlŏng lar. 9Ƀañ anŭn lơ̆m kơ Arôn hăng ƀing ană đah rơkơi ñu, gơñu khŏm ƀơ̆ng ƀơi sa boh anih rơgoh yua kơ anŭn jing črăn rơgoh hiam biă mă pioh brơi gơñu mă mơ̆ng mơnơ̆ng ngă yang yua hăng apui pơyơr đĭ Yêhôwa. Anai jing tơlơi pơkă pioh dŏ nanao hlŏng lar brơi abih rơnŭk ƀing gih.”#Mat 12:4; Mar 2:26; Luk 6:4.
Tơlơi pơkơhmal kơ tơlơi pơhiăp pơgao
10Hmâo sa čô ană đah rơkơi, amĭ ñu jing mơnuih Israel, ama ñu jing mơnuih Êjip, ñu tơbiă nao tơ̆ng krah ană plei pla Israel laih anŭn ñu pơtaih hăng sa čô mơnuih Israel amăng anih jưh. 11Ană đah rơkơi kơ đah kơmơi Israel anŭn hmâo pơsoh laih anŭn hơtơ̆m pah anăn Yêhôwa. Arăng mă ba ñu pơ Môis. Anăn amĭ ñu jing Sêlômit ană đah kơmơi kơ Dibri, lơ̆m kơ kơnŭng djuai Đan. 12Arăng krư̆ ñu amăng sang mơnă tơl truh hrơi tơlơi kiăng Yêhôwa hmâo bơrơđah rai klă rơđah.
13Yêhôwa laĭ hăng Môis: 14“Ba bĕ pô hơtơ̆m pah anŭn pơ gah rơngiao anih jưh. Abih bang ƀing hlơi hmâo hmư̆ gơ̆ pơhiăp khŏm pioh tơngan ƀơi akŏ gơ̆, laih anŭn abih bang ană plei pla khŏm glŏm hăng boh pơtâo kơ gơ̆. 15Ih pơhiăp bĕ hăng ană plei pla Israel tui anai: ‘Hlơi pô hơtơ̆m pah Ơi Adai ñu či glăm tơlơi soh anŭn yơh. 16Hlơi pô pơsoh kơ anăn Yêhôwa ñu či tŭ arăng pơdjai yơh, abih bang ană plei pla či glŏm boh pơtâo kơ pô anŭn. Wơ̆t dah mơnuih tuai ƀôdah mơnuih amăng plei, hlơi pô pơsoh anăn Yêhôwa leng kơ či tŭ arăng pơdjai.’
Tơlơi Phat Kơđi Khul Tơlơi Răm Rai
17‘Hlơi pô pơdjai sa čô mơnuih, arăng khŏm pơdjai hĭ ñu yơh.#Tơb 21:12. 18Hlơi pô pơdjai sa drơi hlô mơnơ̆ng ñu khŏm kla glaĭ, hlô mơnơ̆ng hơdip kla glaĭ hlô mơnơ̆ng hơdip. 19Hlơi pô ngă pơrơka kơ mơnuih jum dar ñu, khŏm phat kơđi kơ ñu kar hăng ñu hmâo ngă laih kơ arăng; 20klang kla glaĭ klang, mơta kla glaĭ mơta, tơgơi kla glaĭ tơgơi; hlơi pô hmâo ngă pơrơka kơ arăng hyư̆m pă, ñu khŏm tŭ arăng ngă pơrơka glaĭ tui anŭn mơ̆n.#Tơb 21:23-25; Mơñă 19:21; Mat 5:38. 21Hlơi pơdjai sa drơi hlô mơnơ̆ng arăng, ñu khŏm kla glaĭ; hlơi pô pơdjai mơnuih, pô anŭn arăng khŏm pơdjai hĭ ñu. 22Ƀing gih kơnơ̆ng hmâo sa tơlơi juăt kar kaĭ mơ̆n brơi kơ ƀing tuai wơ̆t kơ ƀing gih mơ̆n; yua kơ Kâo jing Yêhôwa Ơi Adai kơ ƀing gih.’”#Yap 15:16.
23Môis pơtă glaĭ kơ ană plei pla Israel hơdôm tơlơi anai. Gơñu ba mơnuih ngă soh tơbiă mơ̆ng anih jưh laih anŭn glŏm boh pơtâo kơ ñu. Ană plei pla Israel ngă tui kar hăng boh pơhiăp Yêhôwa hmâo laĭ kơ Môis.
Currently Selected:
Lêwi 24: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 24
24
Tơlơi Răk Wai Apui Kơđen Amăng Sang Kơkuh Pơpŭ
1Yêhôwa laĭ hăng Môis: 2“Brơi ih pơtă bĕ kơ ană plei pla Israel ba nao ia rơmuă ôliwơ phŭn kiăng čuh apui kơđen kiăng răk wai apui kơđen jă nanao. 3Arôn či dưm apui kơđen amăng Sang Khăn Pơƀŭt, gah rơngiao khăn păng Hip Kơnol Pơgop, kiăng apui kơđen jă nanao ƀơi anăp Yêhôwa mơ̆ng klam truh pơ mơguah. Anai jing tơlơi pơkă pioh nanao hlŏng lar brơi kơ abih rơnŭk ƀing gih. 4Arôn či dưm khul apui kơđen ƀơi gơ̆ng apui kơđen ngă hăng mah rơgoh kiăng apui kơđen nanao jă ƀơi anăp Yêhôwa.”
Tơlơi Phiăn Kơ Ƀañ Pơyơr
5 #
Tơb 25:30. “Mă bĕ tơpŭng ƀlĭ ŏm pluh dua klŏ ƀañ, rĭm klŏ ƀañ kơtraŏ dua kilôgram, 6giơ̆ng anŭn dăp gơñu dua glong, rĭm glong năm klŏ, ƀơi kơƀang lom hăng mah rơgoh ƀơi anăp Yêhôwa. 7Ƀơi rĭm glong, pruai bĕ mơnơ̆ng ƀâu hiam phŭn kiăng ngă pơhmu kơ bruă pơyơr ƀañ, kar hăng sa mơnơ̆ng ngă yang yua hăng apui pơyơr đĭ kơ Yêhôwa. 8Rĭm hrơi saƀat, Arôn khŏm nanao dăp dưm hơdôm klŏ ƀañ tơpŭng anai ƀơi anăp Yêhôwa pơala kơ ană plei pla Israel kar hăng sa kơnol pơgop hlŏng lar. 9Ƀañ anŭn lơ̆m kơ Arôn hăng ƀing ană đah rơkơi ñu, gơñu khŏm ƀơ̆ng ƀơi sa boh anih rơgoh yua kơ anŭn jing črăn rơgoh hiam biă mă pioh brơi gơñu mă mơ̆ng mơnơ̆ng ngă yang yua hăng apui pơyơr đĭ Yêhôwa. Anai jing tơlơi pơkă pioh dŏ nanao hlŏng lar brơi abih rơnŭk ƀing gih.”#Mat 12:4; Mar 2:26; Luk 6:4.
Tơlơi pơkơhmal kơ tơlơi pơhiăp pơgao
10Hmâo sa čô ană đah rơkơi, amĭ ñu jing mơnuih Israel, ama ñu jing mơnuih Êjip, ñu tơbiă nao tơ̆ng krah ană plei pla Israel laih anŭn ñu pơtaih hăng sa čô mơnuih Israel amăng anih jưh. 11Ană đah rơkơi kơ đah kơmơi Israel anŭn hmâo pơsoh laih anŭn hơtơ̆m pah anăn Yêhôwa. Arăng mă ba ñu pơ Môis. Anăn amĭ ñu jing Sêlômit ană đah kơmơi kơ Dibri, lơ̆m kơ kơnŭng djuai Đan. 12Arăng krư̆ ñu amăng sang mơnă tơl truh hrơi tơlơi kiăng Yêhôwa hmâo bơrơđah rai klă rơđah.
13Yêhôwa laĭ hăng Môis: 14“Ba bĕ pô hơtơ̆m pah anŭn pơ gah rơngiao anih jưh. Abih bang ƀing hlơi hmâo hmư̆ gơ̆ pơhiăp khŏm pioh tơngan ƀơi akŏ gơ̆, laih anŭn abih bang ană plei pla khŏm glŏm hăng boh pơtâo kơ gơ̆. 15Ih pơhiăp bĕ hăng ană plei pla Israel tui anai: ‘Hlơi pô hơtơ̆m pah Ơi Adai ñu či glăm tơlơi soh anŭn yơh. 16Hlơi pô pơsoh kơ anăn Yêhôwa ñu či tŭ arăng pơdjai yơh, abih bang ană plei pla či glŏm boh pơtâo kơ pô anŭn. Wơ̆t dah mơnuih tuai ƀôdah mơnuih amăng plei, hlơi pô pơsoh anăn Yêhôwa leng kơ či tŭ arăng pơdjai.’
Tơlơi Phat Kơđi Khul Tơlơi Răm Rai
17‘Hlơi pô pơdjai sa čô mơnuih, arăng khŏm pơdjai hĭ ñu yơh.#Tơb 21:12. 18Hlơi pô pơdjai sa drơi hlô mơnơ̆ng ñu khŏm kla glaĭ, hlô mơnơ̆ng hơdip kla glaĭ hlô mơnơ̆ng hơdip. 19Hlơi pô ngă pơrơka kơ mơnuih jum dar ñu, khŏm phat kơđi kơ ñu kar hăng ñu hmâo ngă laih kơ arăng; 20klang kla glaĭ klang, mơta kla glaĭ mơta, tơgơi kla glaĭ tơgơi; hlơi pô hmâo ngă pơrơka kơ arăng hyư̆m pă, ñu khŏm tŭ arăng ngă pơrơka glaĭ tui anŭn mơ̆n.#Tơb 21:23-25; Mơñă 19:21; Mat 5:38. 21Hlơi pơdjai sa drơi hlô mơnơ̆ng arăng, ñu khŏm kla glaĭ; hlơi pô pơdjai mơnuih, pô anŭn arăng khŏm pơdjai hĭ ñu. 22Ƀing gih kơnơ̆ng hmâo sa tơlơi juăt kar kaĭ mơ̆n brơi kơ ƀing tuai wơ̆t kơ ƀing gih mơ̆n; yua kơ Kâo jing Yêhôwa Ơi Adai kơ ƀing gih.’”#Yap 15:16.
23Môis pơtă glaĭ kơ ană plei pla Israel hơdôm tơlơi anai. Gơñu ba mơnuih ngă soh tơbiă mơ̆ng anih jưh laih anŭn glŏm boh pơtâo kơ ñu. Ană plei pla Israel ngă tui kar hăng boh pơhiăp Yêhôwa hmâo laĭ kơ Môis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.