Lêwi 25
25
Thŭn Saƀat
(Mơñă 15:1-11)
1Ƀơi čư̆ Sinai, Yêhôwa laĭ kơ Môis:#Tơb 23:10-11. 2“Pơtă bĕ kơ ƀing ană plei pla Israel tui anai: ‘Tơ ƀing gih mŭt amăng lŏn čar Kâo či pha brơi, ƀing gih khŏm brơi lŏn pơdơi sa thŭn saƀat brơi kơ Yêhôwa. 3Amăng năm thŭn ƀing gih či sai tĕm đang hmua, trơĭ pơkra đang phŭn boh kơƀâu laih anŭn pĕ mă boh gơñu. 4Samơ̆ thŭn tal tơjuh brơi jing thŭn saƀat kiăng kơ lŏn dŏ pơdơi, kiăng laĭ thŭn saƀat brơi kơ Yêhôwa, ƀing gih ƀu dưi sai tĕm đang hmua ƀôdah trơĭ pơkra đang boh kơƀâu ñu ôh; 5ƀu dưi hơpuă tŭ mơnơ̆ng hơgĕt čăt mă ñu pô tơdơi kơ bơyan hơpuă laih anŭn anăm pĕ ôh boh kơƀâu mơ̆ng đang boh kơƀâu ƀu hmâo trơĭ pơkra. Anŭn jing sa thŭn brơi kơ lŏn dŏ pơdơi. 6Boh than mơ̆ng lŏn ba rai amăng thŭn saƀat či jing hĭ gơnam ƀơ̆ng huă brơi kơ ƀing gih, brơi kơ ding kơna đah rơkơi ding kơna đah kơmơi ƀing gih, brơi kơ ƀing mơnuih bruă apah, tuai đih đŏm tơ̆ng krah ƀing gih, 7laih anŭn brơi kơ hlô mơnơ̆ng rong hăng hlô mơnơ̆ng dŏ amăng lŏn čar ƀing gih. Abih bang boh troh mơ̆ng đang hmua jing hĭ gơnam ƀơ̆ng huă.’
Thŭn Kơ Tơlơi Ba Glaĭ
8‘Brơi ih yap mơ̆n tơjuh hrơi kŏm, kiăng laĭ tơjuh wơ̆t tơjuh thŭn; tui anŭn tơjuh thŭn saƀat či jing pă pluh dua rơpăn thŭn. 9Amăng lơ pluh blan tơjuh kiăng laĭ jing hrơi song mă tơlơi soh, ƀing gih khŏm ayŭp tơki laih anŭn kuang hyu djŏp čar. 10Brơi ƀing gih ngă brơi thŭn tal rơma pluh jing hĭ rơgoh laih anŭn pơhaih tơlơi rơngai brơi kơ ană plei pla amăng djŏp čar. Anŭn jing thŭn mơak prŏng kơ ƀing gih; rĭm čô mă glaĭ dram gơnam ƀing gih pô, laih anŭn rĭm čô wơ̆t glaĭ pơ sang anŏ gơñu pô. 11Thŭn tal rơma pluh anai jing thŭn mơak prŏng brơi kơ ƀing gih; ƀing gih ƀu dưi sai ăt kŏn dưi yuă mơ̆n mơnơ̆ng hơgĕt lŏn pơboh mă ñu pô, ƀôdah pĕ boh kơƀâu mơ̆ng đang boh kơƀâu ƀu hmâo trơĭ pơkra, 12yua kơ anai jing thŭn mơak prŏng laih anŭn rơgoh brơi kơ ƀing gih; ƀing gih kơnơ̆ng ƀơ̆ng mơnơ̆ng mơnuă mơ̆ng đang hmua.’
Bruă sĭ pơdrô laih anŭn song mă dram gơnam
13‘Amăng thŭn mơak prŏng, rĭm čô amăng ƀing gih či mă glaĭ črăn dram gơnam gih pô. 14Tơdah ƀing gih sĭ ƀôdah blơi mơnơ̆ng hơgĕt mơ̆ng mơnuih jum dar ƀing gih, anăm brơi ƀing gih pleč ƀlor tơdruă gih ôh. 15Ƀing gih či pơkă tui hluai hăng mrô thŭn čơdơ̆ng mơ̆ng thŭn tơdơi kơ thŭn mơak prŏng, jing thŭn ƀing gih blơi mơ̆ng mơnuih reng gah; bơ kơ pô anŭn či pơkă tui hluai amăng thŭn hmâo boh than, sĭ brơi kơ ƀing gih. 16Tơdah dŏ hmâo lu thŭn, ƀing gih či thim mŭt prăk. Tơdah dŏ ƀiă thŭn laih, ƀing či pơhrŏ hĭ nua prăk, yua kơ pô anŭn či sĭ kơ ƀing gih tui hluai hăng mrô thŭn hmâo boh than. 17Ƀu dưi pleč ƀlor tơdruă ôh samơ̆ brơi thâo hwĭ pơpŭ kơ Ơi Adai bĕ yua kơ Kâo jing Yêhôwa, Ơi Adai kơ ƀing gih.
18Ƀing gih khŏm ngă tui tơlơi Kâo pơđar, djă pioh laih anŭn ngă tui tơlơi juăt Kâo kiăng kơ ƀing gih dưi dŏ hơdip rơnŭk rơnua amăng lŏn čar anŭn. 19Lŏn či ba rai boh than brơi kơ ƀing gih, ƀing gih či ƀơ̆ng trơi laih anŭn dưi dŏ hơdip rơnŭk rơnua amăng čar. 20Năng ai ƀing gih či tơña: “Tơdah ƀing gơmơi ƀu sai, ƀu hơpuă boh than, tui anŭn hơgĕt mơnơ̆ng ƀing gơmơi či ƀơ̆ng amăng thŭn tal tơjuh?” 21Thŭn tal năm kâo či tuh tơlơi mơyun hiam kơ ƀing gih tơl boh than či djŏp brơi kơ klâo thŭn. 22Thŭn tal sapăn ƀing gih či sai laih anŭn ƀơ̆ng boh than kơ bơyan so hơđăp laih anŭn či ƀơ̆ng dơ̆ng truh kơ bơyan phrâo kơ thŭn tal dua rơpăn.
23Ƀu dưi sĭ tơĭ hĭ lŏn ôh yua kơ lŏn lơ̆m kơ Kâo, bơ kơ ƀing gih dŏ hrŏm hăng Kâo kơnơ̆ng jing kar hăng ƀing mơnuih čar tuai laih anŭn mơnuih jưh jang jai đôč. 24Amăng djŏp čar ƀing gih či mă tŭ ngă kong ngăn, brơi bĕ arăng hmâo tơlơi dưi song mă glaĭ lŏn gơñu pô.
25Tơdah adơi ayŏng ih dŏ amăng tơlơi kơƀah kơƀap laih anŭn khŏm sĭ hĭ sa črăn dram gơnam, tui anŭn pô kơnŭng djuai giăm hloh hmâo tơlơi dưi song mă khŏm rai kiăng song mă lŏn adơi ayŏng ñu sĭ anŭn. 26Tơdah hlơi pô ƀu hmâo ôh mơnuih song mă brơi kơ ñu samơ̆ ñu pô dưi pơpư̆ pơgơi kiăng kơ dưi song mă glaĭ, 27brơi kơ pô anŭn khŏm yap mrô thŭn čơdơ̆ng mơ̆ng hrơi sĭ laih anŭn kla mrô lu hloh kơ pô blơi, giơ̆ng anŭn ñu mă glaĭ dram gơnam ñu. 28Tơdah pô lŏn ƀu hmâo prăk kiăng kla glaĭ brơi kơ pô blơi, tui anŭn lŏn anŭn či lơ̆m kơ pô blơi truh kơ thŭn mơak prŏng; amăng thŭn mơak mơai, lŏn anŭn či đuaĭ mơ̆ng tơngan pô blơi laih anŭn wơ̆t glaĭ pơ pô ñu sĭt.
29Tơdah hlơi pô sĭ sa boh sang amăng plei hmâo pơnăng gom jum dar, tui anŭn pô anŭn hmâo tơlơi dưi song mă glaĭ amăng sa thŭn tơdơi kơ ñu hmâo sĭ; yua kơ tơlơi dưi song mă či dŏ sui truh kơ sa thŭn. 30Samơ̆ tơdah amăng sa thŭn, pô sĭ ƀu hmâo song mă glaĭ ôh, tui anŭn sang amăng plei hmâo pơnăng gom jum dar anŭn či lơ̆m kơ pô blơi hlŏng lar laih anŭn kơ ană tơčo gơñu. Sang anŭn ƀu hmâo či ba glaĭ amăng thŭn mơak prŏng ôh. 31Kơđai glaĭ, sang amăng ƀing plei pla ƀu hmâo pơnăng gom jum dar arăng či yap ñu kar hăng đang hmua, pô sĭ hmâo tơlơi dưi song mă. Sang anŭn či ba glaĭ kơ pô ñu amăng thŭn mơak prŏng. 32Samơ̆, kơ khul plei laih anŭn sang amăng khul plei lơ̆m kơ ƀing mơnuih Lêwi, gơñu hmâo tơlơi dưi song mă tui hluai hăng hơbin pă gơñu pô kiăng. 33Tơdah mơnuih Lêwi ƀu song mă ôh sang amăng plei jing sang lơ̆m kơ ƀing gơñu, gơñu hmâo sĭ laih, tui anŭn tơl truh thŭn mơak prŏng sang anŭn či wơ̆t glaĭ pơ pô phŭn, yua kơ sang dŏ amăng plei kơ ƀing mơnuih Lêwi jing dram gơnam ƀing gơñu tơ̆ng krah ană plei pla Israel. 34Khul hmua pơdai lơ̆m kơ khul plei ƀing mơnuih Lêwi ƀu dưi sĭ hĭ ôh; anŭn jing dram gơnam hlŏng lar ƀing gơñu.’
Hăng ƀing mơnuih ƀun rin
35‘Tơdah adơi ayŏng ƀing gih dŏ amăng tơlơi ƀun rin, ƀu dưi čem rong gơñu pô, brơi ƀing gih khŏm djru kơ pô anŭn, wơ̆t dah mơnuih tuai ƀôdah mơnuih jưh jang jai đôč, kiăng pô anŭn ăt dưi dŏ hơdip hrŏm hăng ƀing gih.#Mơñă 15:7-8. 36Ƀu dưi mă kơmlai ƀôdah sua kơmlai mơ̆ng pô anŭn, samơ̆ brơi hwĭ pơpŭ bĕ kơ Ơi Adai kiăng kơ adơi ayŏng ƀing gih dưi dŏ hơdip hrŏm hăng ƀing gih. 37Ƀu dưi brơi pô anŭn čan prăk kiăng kơ mă prăk kơmlai ñu ôh, laih anŭn anăm ƀing gih sĭ gơnam ƀơ̆ng kơ pô anŭn kiăng hơduah kơmlai lơi.#Tơb 22:25; Mơñă 23:19-20. 38Kâo jing Yêhôwa Ơi Adai ƀing gih, Pô hmâo ba tơbiă ƀing gih mơ̆ng čar Êjip, kiăng brơi kơ ƀing gih čar Kanaan laih anŭn jing Ơi Adai kơ ƀing gih.’
Pơrơngai brơi ƀing hlŭn
39‘Tơdah mơnuih adơi ayŏng dŏ jĕ ƀing gih dŏ amăng tơlơi ƀun rin laih anŭn khŏm sĭ ñu pô kơ ƀing gih, tui anŭn ƀing gih anăm pơgŏ pô anŭn mă bruă kar hăng sa čô hlŭn ôh.#Tơb 21:2-6; Mơñă 15:12-18. 40Pô anŭn či dŏ hrŏm hăng ƀing gih kar hăng mơnuih mă bruă apah, sa čô tuai đih đŏm, laih anŭn či djru bruă amăng sang ih truh kơ thŭn mơak prŏng. 41Hlăk anŭn, pô anŭn hmâo tơlơi rơngai, hrŏm hăng ƀing ană bă ñu wơ̆t glaĭ pơ sang anŏ ñu pô laih anŭn mă glaĭ dram gơnam ơi adon gơñu pô. 42Yua kơ gơñu jing ƀing ding kơna Kâo, Kâo hmâo mă tơbiă laih mơ̆ng Êjip, anŭn yơh ƀu dưi sĭ gơñu kar hăng sĭ hlŭn ôh. 43Ƀing gih ƀu dưi gĭt gai ƀing gơñu hăng tơlơi ngă pơtơnap samơ̆ brơi khŏm thâo hwĭ pơpŭ kơ Ơi Adai. 44Tơdah ƀing gih kiăng hmâo ding kơna đah rơkơi, ding kơna đah kơmơi, brơi ƀing gih blơi mă ƀing gơñu mơ̆ng tơngan ƀing djuai mơnuih jum dar ƀing gih. 45Ƀing gih dưi blơi mă hlŭn mơ̆ng ƀing mơnuih tuai hlăk dŏ tơ̆ng krah ƀing gih, laih anŭn mơ̆ng ƀing sang anŏ hmâo tơkeng laih ană amăng lŏn čar ƀing gih; gơñu či jing dram gơnam ƀing gih. 46Ƀing gih dưi djă pioh gơñu ngă kong ngăn brơi kơ ană tơčo ƀing gih, laih anŭn brơi gơñu ngă hlŭn hlŏng lar. Samơ̆ hăng ƀing adơi ayŏng ƀing gih jing ană plei Israel, ƀu hmâo hlơi dưi gĭt gai ngă pơtơnap ƀing gơñu ôh.
47Tơdah sa čô mơnuih tuai ƀôdah sa čô mơnuih dŏ jang jai dŏ tơ̆ng krah ƀing gih dưi jing hĭ pơdrŏng sah, bơ kơ adơi ayŏng ƀing gih dŏ jĕ ƀing gơñu dŏ hĭ amăng tơlơi ƀun rin laih anŭn khŏm sĭ hĭ gơñu pô kơ ƀing mơnuih tuai ƀôdah kơ ƀing dŏ jang jai anŭn, ƀôdah brơi kơ sa čô mơnuih dŏ amăng sang mơnuih tuai anŭn, 48hnŭn yơh giơ̆ng kơ hmâo sĭ laih, pô adơi ayŏng anŭn arăng ăt dưi song mă mơ̆n: sa čô mơnuih amăng ƀing adơi ayŏng kơ pô anŭn, 49ƀôdah met wa ƀôdah ană kơ met wa ƀôdah sa čô mơnuih amăng kơnŭng djuai ăt dưi song glaĭ mơ̆n pô anŭn, ƀôdah tơdah pô anŭn jing hĭ mơnuih pơdrŏng laih anŭn dưi song mă hĭ ñu pô. 50Pô anŭn či kla kơ pô blơi čơdơ̆ng mơ̆ng thŭn pô anŭn sĭ ñu pô truh pơ thŭn mơak prŏng laih anŭn nua prăk song mă či tui hluai hăng mrô thŭn anŭn, laih anŭn dưi yap tui hăng nua apah mă bruă kơ sa čô mơnuih bruă apah; 51Tơdah ăt dŏ lu thŭn, tui anŭn brơi yap tui hăng mrô thŭn anŭn kiăng kơ pơhrŏ hĭ nua hmâo sĭ laih kiăng kơ song mă; 52Tơdah dŏ ƀiă thŭn laih hlâo kơ truh thŭn mơak prŏng, brơi yap tui hăng mrô thŭn anŭn kiăng kơ kla nua song mă. 53Yua kơ dưi lăng kar hăng mơnuih bruă apah mơ̆ng thŭn anai truh kơ thŭn pơkŏn, hnŭn yơh pô sang ƀu dưi ngă pơtơnap kơ pô anŭn ôh. 54Tơdah arăng ƀu song mă ôh pô anŭn tui hăng hơdôm hơdră jơlan gah ngŏ anai, tui anŭn pô anŭn hăng sang anŏ ñu či dưi hmâo tơlơi rơngai amăng thŭn mơak prŏng. 55Yua kơ ană plei Israel jing ding kơna kâo, ƀing mơnuih Kâo hmâo ba tơbiă laih mơ̆ng čar Êjip. Kâo jing Yêhôwa Ơi Adai kơ ƀing gih.’”
Currently Selected:
Lêwi 25: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 25
25
Thŭn Saƀat
(Mơñă 15:1-11)
1Ƀơi čư̆ Sinai, Yêhôwa laĭ kơ Môis:#Tơb 23:10-11. 2“Pơtă bĕ kơ ƀing ană plei pla Israel tui anai: ‘Tơ ƀing gih mŭt amăng lŏn čar Kâo či pha brơi, ƀing gih khŏm brơi lŏn pơdơi sa thŭn saƀat brơi kơ Yêhôwa. 3Amăng năm thŭn ƀing gih či sai tĕm đang hmua, trơĭ pơkra đang phŭn boh kơƀâu laih anŭn pĕ mă boh gơñu. 4Samơ̆ thŭn tal tơjuh brơi jing thŭn saƀat kiăng kơ lŏn dŏ pơdơi, kiăng laĭ thŭn saƀat brơi kơ Yêhôwa, ƀing gih ƀu dưi sai tĕm đang hmua ƀôdah trơĭ pơkra đang boh kơƀâu ñu ôh; 5ƀu dưi hơpuă tŭ mơnơ̆ng hơgĕt čăt mă ñu pô tơdơi kơ bơyan hơpuă laih anŭn anăm pĕ ôh boh kơƀâu mơ̆ng đang boh kơƀâu ƀu hmâo trơĭ pơkra. Anŭn jing sa thŭn brơi kơ lŏn dŏ pơdơi. 6Boh than mơ̆ng lŏn ba rai amăng thŭn saƀat či jing hĭ gơnam ƀơ̆ng huă brơi kơ ƀing gih, brơi kơ ding kơna đah rơkơi ding kơna đah kơmơi ƀing gih, brơi kơ ƀing mơnuih bruă apah, tuai đih đŏm tơ̆ng krah ƀing gih, 7laih anŭn brơi kơ hlô mơnơ̆ng rong hăng hlô mơnơ̆ng dŏ amăng lŏn čar ƀing gih. Abih bang boh troh mơ̆ng đang hmua jing hĭ gơnam ƀơ̆ng huă.’
Thŭn Kơ Tơlơi Ba Glaĭ
8‘Brơi ih yap mơ̆n tơjuh hrơi kŏm, kiăng laĭ tơjuh wơ̆t tơjuh thŭn; tui anŭn tơjuh thŭn saƀat či jing pă pluh dua rơpăn thŭn. 9Amăng lơ pluh blan tơjuh kiăng laĭ jing hrơi song mă tơlơi soh, ƀing gih khŏm ayŭp tơki laih anŭn kuang hyu djŏp čar. 10Brơi ƀing gih ngă brơi thŭn tal rơma pluh jing hĭ rơgoh laih anŭn pơhaih tơlơi rơngai brơi kơ ană plei pla amăng djŏp čar. Anŭn jing thŭn mơak prŏng kơ ƀing gih; rĭm čô mă glaĭ dram gơnam ƀing gih pô, laih anŭn rĭm čô wơ̆t glaĭ pơ sang anŏ gơñu pô. 11Thŭn tal rơma pluh anai jing thŭn mơak prŏng brơi kơ ƀing gih; ƀing gih ƀu dưi sai ăt kŏn dưi yuă mơ̆n mơnơ̆ng hơgĕt lŏn pơboh mă ñu pô, ƀôdah pĕ boh kơƀâu mơ̆ng đang boh kơƀâu ƀu hmâo trơĭ pơkra, 12yua kơ anai jing thŭn mơak prŏng laih anŭn rơgoh brơi kơ ƀing gih; ƀing gih kơnơ̆ng ƀơ̆ng mơnơ̆ng mơnuă mơ̆ng đang hmua.’
Bruă sĭ pơdrô laih anŭn song mă dram gơnam
13‘Amăng thŭn mơak prŏng, rĭm čô amăng ƀing gih či mă glaĭ črăn dram gơnam gih pô. 14Tơdah ƀing gih sĭ ƀôdah blơi mơnơ̆ng hơgĕt mơ̆ng mơnuih jum dar ƀing gih, anăm brơi ƀing gih pleč ƀlor tơdruă gih ôh. 15Ƀing gih či pơkă tui hluai hăng mrô thŭn čơdơ̆ng mơ̆ng thŭn tơdơi kơ thŭn mơak prŏng, jing thŭn ƀing gih blơi mơ̆ng mơnuih reng gah; bơ kơ pô anŭn či pơkă tui hluai amăng thŭn hmâo boh than, sĭ brơi kơ ƀing gih. 16Tơdah dŏ hmâo lu thŭn, ƀing gih či thim mŭt prăk. Tơdah dŏ ƀiă thŭn laih, ƀing či pơhrŏ hĭ nua prăk, yua kơ pô anŭn či sĭ kơ ƀing gih tui hluai hăng mrô thŭn hmâo boh than. 17Ƀu dưi pleč ƀlor tơdruă ôh samơ̆ brơi thâo hwĭ pơpŭ kơ Ơi Adai bĕ yua kơ Kâo jing Yêhôwa, Ơi Adai kơ ƀing gih.
18Ƀing gih khŏm ngă tui tơlơi Kâo pơđar, djă pioh laih anŭn ngă tui tơlơi juăt Kâo kiăng kơ ƀing gih dưi dŏ hơdip rơnŭk rơnua amăng lŏn čar anŭn. 19Lŏn či ba rai boh than brơi kơ ƀing gih, ƀing gih či ƀơ̆ng trơi laih anŭn dưi dŏ hơdip rơnŭk rơnua amăng čar. 20Năng ai ƀing gih či tơña: “Tơdah ƀing gơmơi ƀu sai, ƀu hơpuă boh than, tui anŭn hơgĕt mơnơ̆ng ƀing gơmơi či ƀơ̆ng amăng thŭn tal tơjuh?” 21Thŭn tal năm kâo či tuh tơlơi mơyun hiam kơ ƀing gih tơl boh than či djŏp brơi kơ klâo thŭn. 22Thŭn tal sapăn ƀing gih či sai laih anŭn ƀơ̆ng boh than kơ bơyan so hơđăp laih anŭn či ƀơ̆ng dơ̆ng truh kơ bơyan phrâo kơ thŭn tal dua rơpăn.
23Ƀu dưi sĭ tơĭ hĭ lŏn ôh yua kơ lŏn lơ̆m kơ Kâo, bơ kơ ƀing gih dŏ hrŏm hăng Kâo kơnơ̆ng jing kar hăng ƀing mơnuih čar tuai laih anŭn mơnuih jưh jang jai đôč. 24Amăng djŏp čar ƀing gih či mă tŭ ngă kong ngăn, brơi bĕ arăng hmâo tơlơi dưi song mă glaĭ lŏn gơñu pô.
25Tơdah adơi ayŏng ih dŏ amăng tơlơi kơƀah kơƀap laih anŭn khŏm sĭ hĭ sa črăn dram gơnam, tui anŭn pô kơnŭng djuai giăm hloh hmâo tơlơi dưi song mă khŏm rai kiăng song mă lŏn adơi ayŏng ñu sĭ anŭn. 26Tơdah hlơi pô ƀu hmâo ôh mơnuih song mă brơi kơ ñu samơ̆ ñu pô dưi pơpư̆ pơgơi kiăng kơ dưi song mă glaĭ, 27brơi kơ pô anŭn khŏm yap mrô thŭn čơdơ̆ng mơ̆ng hrơi sĭ laih anŭn kla mrô lu hloh kơ pô blơi, giơ̆ng anŭn ñu mă glaĭ dram gơnam ñu. 28Tơdah pô lŏn ƀu hmâo prăk kiăng kla glaĭ brơi kơ pô blơi, tui anŭn lŏn anŭn či lơ̆m kơ pô blơi truh kơ thŭn mơak prŏng; amăng thŭn mơak mơai, lŏn anŭn či đuaĭ mơ̆ng tơngan pô blơi laih anŭn wơ̆t glaĭ pơ pô ñu sĭt.
29Tơdah hlơi pô sĭ sa boh sang amăng plei hmâo pơnăng gom jum dar, tui anŭn pô anŭn hmâo tơlơi dưi song mă glaĭ amăng sa thŭn tơdơi kơ ñu hmâo sĭ; yua kơ tơlơi dưi song mă či dŏ sui truh kơ sa thŭn. 30Samơ̆ tơdah amăng sa thŭn, pô sĭ ƀu hmâo song mă glaĭ ôh, tui anŭn sang amăng plei hmâo pơnăng gom jum dar anŭn či lơ̆m kơ pô blơi hlŏng lar laih anŭn kơ ană tơčo gơñu. Sang anŭn ƀu hmâo či ba glaĭ amăng thŭn mơak prŏng ôh. 31Kơđai glaĭ, sang amăng ƀing plei pla ƀu hmâo pơnăng gom jum dar arăng či yap ñu kar hăng đang hmua, pô sĭ hmâo tơlơi dưi song mă. Sang anŭn či ba glaĭ kơ pô ñu amăng thŭn mơak prŏng. 32Samơ̆, kơ khul plei laih anŭn sang amăng khul plei lơ̆m kơ ƀing mơnuih Lêwi, gơñu hmâo tơlơi dưi song mă tui hluai hăng hơbin pă gơñu pô kiăng. 33Tơdah mơnuih Lêwi ƀu song mă ôh sang amăng plei jing sang lơ̆m kơ ƀing gơñu, gơñu hmâo sĭ laih, tui anŭn tơl truh thŭn mơak prŏng sang anŭn či wơ̆t glaĭ pơ pô phŭn, yua kơ sang dŏ amăng plei kơ ƀing mơnuih Lêwi jing dram gơnam ƀing gơñu tơ̆ng krah ană plei pla Israel. 34Khul hmua pơdai lơ̆m kơ khul plei ƀing mơnuih Lêwi ƀu dưi sĭ hĭ ôh; anŭn jing dram gơnam hlŏng lar ƀing gơñu.’
Hăng ƀing mơnuih ƀun rin
35‘Tơdah adơi ayŏng ƀing gih dŏ amăng tơlơi ƀun rin, ƀu dưi čem rong gơñu pô, brơi ƀing gih khŏm djru kơ pô anŭn, wơ̆t dah mơnuih tuai ƀôdah mơnuih jưh jang jai đôč, kiăng pô anŭn ăt dưi dŏ hơdip hrŏm hăng ƀing gih.#Mơñă 15:7-8. 36Ƀu dưi mă kơmlai ƀôdah sua kơmlai mơ̆ng pô anŭn, samơ̆ brơi hwĭ pơpŭ bĕ kơ Ơi Adai kiăng kơ adơi ayŏng ƀing gih dưi dŏ hơdip hrŏm hăng ƀing gih. 37Ƀu dưi brơi pô anŭn čan prăk kiăng kơ mă prăk kơmlai ñu ôh, laih anŭn anăm ƀing gih sĭ gơnam ƀơ̆ng kơ pô anŭn kiăng hơduah kơmlai lơi.#Tơb 22:25; Mơñă 23:19-20. 38Kâo jing Yêhôwa Ơi Adai ƀing gih, Pô hmâo ba tơbiă ƀing gih mơ̆ng čar Êjip, kiăng brơi kơ ƀing gih čar Kanaan laih anŭn jing Ơi Adai kơ ƀing gih.’
Pơrơngai brơi ƀing hlŭn
39‘Tơdah mơnuih adơi ayŏng dŏ jĕ ƀing gih dŏ amăng tơlơi ƀun rin laih anŭn khŏm sĭ ñu pô kơ ƀing gih, tui anŭn ƀing gih anăm pơgŏ pô anŭn mă bruă kar hăng sa čô hlŭn ôh.#Tơb 21:2-6; Mơñă 15:12-18. 40Pô anŭn či dŏ hrŏm hăng ƀing gih kar hăng mơnuih mă bruă apah, sa čô tuai đih đŏm, laih anŭn či djru bruă amăng sang ih truh kơ thŭn mơak prŏng. 41Hlăk anŭn, pô anŭn hmâo tơlơi rơngai, hrŏm hăng ƀing ană bă ñu wơ̆t glaĭ pơ sang anŏ ñu pô laih anŭn mă glaĭ dram gơnam ơi adon gơñu pô. 42Yua kơ gơñu jing ƀing ding kơna Kâo, Kâo hmâo mă tơbiă laih mơ̆ng Êjip, anŭn yơh ƀu dưi sĭ gơñu kar hăng sĭ hlŭn ôh. 43Ƀing gih ƀu dưi gĭt gai ƀing gơñu hăng tơlơi ngă pơtơnap samơ̆ brơi khŏm thâo hwĭ pơpŭ kơ Ơi Adai. 44Tơdah ƀing gih kiăng hmâo ding kơna đah rơkơi, ding kơna đah kơmơi, brơi ƀing gih blơi mă ƀing gơñu mơ̆ng tơngan ƀing djuai mơnuih jum dar ƀing gih. 45Ƀing gih dưi blơi mă hlŭn mơ̆ng ƀing mơnuih tuai hlăk dŏ tơ̆ng krah ƀing gih, laih anŭn mơ̆ng ƀing sang anŏ hmâo tơkeng laih ană amăng lŏn čar ƀing gih; gơñu či jing dram gơnam ƀing gih. 46Ƀing gih dưi djă pioh gơñu ngă kong ngăn brơi kơ ană tơčo ƀing gih, laih anŭn brơi gơñu ngă hlŭn hlŏng lar. Samơ̆ hăng ƀing adơi ayŏng ƀing gih jing ană plei Israel, ƀu hmâo hlơi dưi gĭt gai ngă pơtơnap ƀing gơñu ôh.
47Tơdah sa čô mơnuih tuai ƀôdah sa čô mơnuih dŏ jang jai dŏ tơ̆ng krah ƀing gih dưi jing hĭ pơdrŏng sah, bơ kơ adơi ayŏng ƀing gih dŏ jĕ ƀing gơñu dŏ hĭ amăng tơlơi ƀun rin laih anŭn khŏm sĭ hĭ gơñu pô kơ ƀing mơnuih tuai ƀôdah kơ ƀing dŏ jang jai anŭn, ƀôdah brơi kơ sa čô mơnuih dŏ amăng sang mơnuih tuai anŭn, 48hnŭn yơh giơ̆ng kơ hmâo sĭ laih, pô adơi ayŏng anŭn arăng ăt dưi song mă mơ̆n: sa čô mơnuih amăng ƀing adơi ayŏng kơ pô anŭn, 49ƀôdah met wa ƀôdah ană kơ met wa ƀôdah sa čô mơnuih amăng kơnŭng djuai ăt dưi song glaĭ mơ̆n pô anŭn, ƀôdah tơdah pô anŭn jing hĭ mơnuih pơdrŏng laih anŭn dưi song mă hĭ ñu pô. 50Pô anŭn či kla kơ pô blơi čơdơ̆ng mơ̆ng thŭn pô anŭn sĭ ñu pô truh pơ thŭn mơak prŏng laih anŭn nua prăk song mă či tui hluai hăng mrô thŭn anŭn, laih anŭn dưi yap tui hăng nua apah mă bruă kơ sa čô mơnuih bruă apah; 51Tơdah ăt dŏ lu thŭn, tui anŭn brơi yap tui hăng mrô thŭn anŭn kiăng kơ pơhrŏ hĭ nua hmâo sĭ laih kiăng kơ song mă; 52Tơdah dŏ ƀiă thŭn laih hlâo kơ truh thŭn mơak prŏng, brơi yap tui hăng mrô thŭn anŭn kiăng kơ kla nua song mă. 53Yua kơ dưi lăng kar hăng mơnuih bruă apah mơ̆ng thŭn anai truh kơ thŭn pơkŏn, hnŭn yơh pô sang ƀu dưi ngă pơtơnap kơ pô anŭn ôh. 54Tơdah arăng ƀu song mă ôh pô anŭn tui hăng hơdôm hơdră jơlan gah ngŏ anai, tui anŭn pô anŭn hăng sang anŏ ñu či dưi hmâo tơlơi rơngai amăng thŭn mơak prŏng. 55Yua kơ ană plei Israel jing ding kơna kâo, ƀing mơnuih Kâo hmâo ba tơbiă laih mơ̆ng čar Êjip. Kâo jing Yêhôwa Ơi Adai kơ ƀing gih.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.