Lêwi 26
26
Pri apah bơni brơi kơ ƀing mơnuih gưt hiăp
(Mơñă 7:12-24; 28:1-4)
1“‘Ƀing gih ƀu dưi ngă khul rup yang, pơdơ̆ng rup trah ƀôdah tơmeh pơtâo; ăt kŏn dưi pơdơ̆ng đĭ amăng čar ƀing gih sa boh pơtâo hmâo rup hơbŏ kiăng kơ kơkuh kơ ñu ôh, yua kơ Kâo jing Yêhôwa, Ơi Adai kơ ƀing gih.#Lêwi 19:4; Tơb 20:4; Mơñă 5:8; 16:21-22; 27:1. 2Djă pioh bĕ hrơi saƀat Kâo laih anŭn pơpŭ pơyom kơ Anih Rơgoh Kâo. Kâo jing Yêhôwa.
3Tơdah ƀing gih tui gưt tơlơi juăt Kâo, djă pioh tơlơi pơtă Kâo laih anŭn ngă tui,#Mơñă 11:13-15; 28:1-14. 4tui anŭn Kâo či brơi kơ ƀing gih hơjan angĭn djơ̆ bơyan gơ̆, lŏn či hmâo mơboh yua laih anŭn kơyâo pơ đang hmua či mơboh. 5Bơyan prăh pơdai či dŏ sui truh kơ bơyan pĕ boh kơƀâu, bơyan pĕ boh kơƀâu či dŏ sui truh kơ bơyan sai đah pơdai. Ƀing gih či ƀơ̆ng ƀañ trơi laih anŭn hơdip rơnŭk rơnua amăng čar gih pô. 6Kâo či brơi tơlơi rơnŭk rơnua kơ čar ƀing gih, laih anŭn ƀing gih či pĭt samơ̆ ƀu hwĭ arăng rai pơhwĭ ƀing gih ôh. Kâo či puh pơđuaĭ hlô hơtai mơ̆ng čar ƀing gih laih anŭn đao gưm ƀu či rơbat găn amăng čar ƀing gih ôh. 7Ƀing gih či kiaŏ pơđuaĭ ƀing ayăt laih anŭn ƀing gơñu či rơbuh đang gah yŭ kơ mơta đao gưm ƀing gih. 8Rơma čô amăng ƀing gih či kiaŏ pơđuaĭ sa rơtuh čô; sa rơtuh čô amăng ƀing gih či kiaŏ pơđuaĭ sa rơbâo čô, laih anŭn ƀing ayăt či rơbuh đang gah yŭ kơ mơta đao gưm ƀing gih. 9Kâo či hyơ̆k bơngơ̆t nao kơ ƀing gih, ngă brơi ƀing gih tơkeng čeh lar jai lu, laih anŭn ngă pơsĭt tơlơi kơnol pơgop hăng ƀing gih. 10Ƀing gih hlăk dŏ ƀơ̆ng huă braih pơdai so kơ bơyan hlâo hmâo rơmet laih anih brơi kơ braih pơdai bơyan tơdơi. 11Kâo či ngă anih dŏ Kâo amăng tơ̆ng krah ƀing gih, pran jua Kâo ƀu bơrơmŭt kơ ƀing gih ôh. 12Kâo či rơbat tơ̆ng krah ƀing gih, jing Ơi Adai kơ ƀing gih laih anŭn ƀing gih či jing ană plei pla Kâo.#II Kôr 6:16. 13Kâo jing Yêhôwa Ơi Adai ƀing gih, Pô hmâo ba tơbiă ƀing gih mơ̆ng čar Êjip kiăng kơ ƀing gih ƀu jing hlŭn dơ̆ng tah. Kâo či joh hĭ ač brơi ƀing gih kiăng kơ ƀing gih dưi angak đĭ akŏ laih anŭn rơbat nao.’
Tơlơi Pơkơhmal Kơ Ƀing Ƀu Gưt Hiăp
14‘Samơ̆ tơdah ƀing gih ƀu hmư̆ Kâo ôh, ƀu ngă tui tơlơi pơtă anai,#Mơñă 28:15-68. 15hơngah tơlơi pơđar Kâo laih anŭn pran jua ƀing gih bơrơmŭt kơ tơlơi juăt Kâo, tơl ƀing gih ƀu kiăng ngă tui ôh khul tơlơi pơtă pơtăn, laih anŭn ngă gao hĭ tơlơi kơnol pơgop Kâo, 16tui anŭn Kâo či ngă khul tơlơi anai brơi kơ ƀing gih: Kâo či brơi kơ ƀing gih tơlơi hwĭ hyưt, tơlơi ruă tơsŏ laih anŭn tơlơi pơgrŭn ngă brơi mơta ih ƀu rơđah dơ̆ng tah laih anŭn drơi jan ih thu kro. Ƀing gih či sai pơjeh amăng tơlơi rơngiă đôč đač yua kơ ƀing ayăt či ƀơ̆ng abih hĭ. 17Kâo či hil rơañ kơ ƀing gih, ƀing ayăt či pơblah dưi hĭ hăng ƀing gih; ƀing ayăt bơrơmŭt kơ ƀing gih či gĭt gai ƀing gih laih anŭn ƀing gih či đuaĭ kơdŏp wơ̆t dah ƀu hmâo hlơi kiaŏ tui ôh.
18Tơdah kar hăng anŭn laih samơ̆ ƀing gih ăt ƀu kiăng hmư̆ Kâo ôh, yua kơ tơlơi soh ƀing gih Kâo či pơkơhmal ƀing gih truh kơ tơjuh wơ̆t lu hloh 19laih anŭn či taih joh hĭ tơlơi pơgao yua kơ tơlơi kơtang ƀing gih. Kâo či ngă brơi adai ƀing gih khăng kar hăng pơsơi laih anŭn lŏn kro kar hăng kong; 20tơlơi kơtang ƀing gih či rơngiă đôč đač, lŏn ƀu či mơboh rai boh troh, kơyâo pơtâo ƀu mơboh ôh.
21Tơdah ƀing gih ăt dŏ pơkơdơ̆ng glaĭ hăng Kâo laih anŭn ƀu kiăng hmư̆ Kâo, yua kơ tơlơi soh ƀing gih Kâo či brơi trŭn tơlơi răm ruă truh kơ tơjuh wơ̆t lu hloh. 22Kâo či brơi hlô hơtai rai laih anŭn mă pơđuaĭ ƀing ană ƀing gih, pơdjai khul hlô rong laih anŭn ngă pơhrŏ hĭ mrô ană plei pla kiăng kơ jơlan či jing hĭ tơdrŏn tač.
23Tơdơi kơ khul bruă kar hăng anŭn samơ̆ ƀing gih ƀu wơ̆t glaĭ pơ Kâo, ăt dŏ pơkơdơ̆ng glaĭ hăng Kâo dơ̆ng, 24tui anŭn Kâo či pơkơdơ̆ng glaĭ hăng ƀing gih, yua kơ tơlơi soh ƀing gih Kâo pô či pơtrŭn tơlơi răm ruă ƀơi ƀing gih truh kơ tơjuh wơ̆t lu hloh. 25Kâo či ba rai đao gưm ƀơi ƀing gih kiăng kơ rŭ nua yua kơ ƀing gih ƀu djă pioh kơnol pơgop. Tơ ƀing gih bơjơnum amăng plei, Kâo či brơi tơlơi kheng klin ƀơi ƀing gih laih anŭn jao hĭ ƀing gih amăng tơngan ƀing ayăt. 26Tơdah Kâo kơ̆ng hĭ tơlơi pha brơi gơnam ƀơ̆ng huă kơ ƀing gih, ƀing đah kơmơi či ŏm ƀañ hrŏm hơbĭt amăng sa boh tơpur laih anŭn kơnăng pơpha ƀañ; ƀing gih či ƀơ̆ng samơ̆ ƀu trơi ôh.
27Tơdah truh kar hăng anŭn laih samơ̆ ƀing gih ăt ƀu kiăng hmư̆ hiăp Kâo ôh, ăt dŏ pơkơdơ̆ng glaĭ hăng Kâo, 28tui anŭn Kâo či hil rơañ hăng pơkơdơ̆ng glaĭ ƀing gih, yua kơ tơlơi soh ƀing gih Kâo či pơkơhmal ƀing gih truh kơ tơjuh wơ̆t lu hloh. 29Ƀing gih či ƀơ̆ng añăm ană đah rơkơi ană đah kơmơi ƀing gih pô; 30Kâo či pơrai hĭ khul anih glong ƀing gih, pơtơglưh hĭ kơƀang pơyơr mơnơ̆ng ƀâu hiam laih anŭn dă atâo ƀing gih ƀơi ngŏ kơ atâo kơ ƀing rup yang ƀing gih. Pran jua Kâo bơrơmŭt kơ ƀing gih. 31Kâo či ngă brơi khul plei ƀing gih jing hĭ rơngol, khul anih rơgoh jing hĭ rơnguă rơnguăn laih anŭn Kâo ƀu či tŭ mă dơ̆ng ôh mơnâo ƀâu hiam mơ̆ng mơnơ̆ng ngă yang ƀing gih pơyơr. 32Kâo či pơrai hĭ čar ƀing gih tơl ƀing ayăt kơ ƀing gih dŏ amăng anŭn leng kơ dŏ kơtuă. 33Kâo či pơčơlah hĭ ƀing gih pơ djŏp djang kơnŭng djuai laih anŭn suă tơbiă đao gưm kiaŏ mă ƀing gih. Lŏn či jing hĭ tơdrŏn tač, plei či jing hĭ rơngol.
34Hlăk anŭn lŏn či dưi mă tŭ khul thŭn saƀat kiăng kla brơi rơnŭk lŏn hmâo jing hĭ laih tơdrŏn tač tơdang ƀing gih khŏm dŏ amăng lŏn čar kơ ƀing ayăt; tui anŭn, lŏn či dưi dŏ pơdơi laih anŭn hmâo khul thŭn saƀat. 35Tui hluai hăng hrơi blan ñu hmâo jing laih rơngol, lŏn či dưi pơdơi yua kơ lŏn anŭn ƀu hmâo pơdơi ôh amăng abih thŭn saƀat hlăk ƀing gih dŏ pơ anŭn. 36Ƀing mơnuih amăng ƀing gih ăt dŏ hơdip, Kâo či ngă brơi ƀing gơñu tơdu ai amăng lŏn ƀing ayăt. Dơnai kơ khul hla ruh ăt dưi ngă brơi kơ ƀing gơñu khŏm đuaĭ kơdŏp kar hăng đuaĭ kơdŏp mơ̆ng mơta đao gưm, laih anŭn rơbuh wơ̆t dah ƀu hmâo hlơi kiaŏ tui ôh. 37Mơnuih anai rơbuh gah ngŏ kơ pô pơkŏn kar hăng đuaĭ kơdŏp mơ̆ng mơta đao gưm wơ̆t dah ƀu hmâo hlơi kiaŏ mă ƀing gơñu ôh. Ƀing gih ƀu dưi pơtăng glaĭ hăng ƀing roh ayăt. 38Ƀing gih či djai tơ̆ng krah ƀing kơnŭng djuai rơngiă, laih anŭn lŏn ƀing ayăt či lun hĭ ƀing gih. 39Hlơi pô amăng ƀing gih ăt dŏ hơdip či jing thu kro ƀơi lŏn kơ ƀing ayăt yua kơ tơlơi sat ƀai ƀing gih. Yua kơ tơlơi sat ƀai kơ ƀing ơi adon mơ̆n gơñu či jing hĭ thu kro ƀơi lŏn tơnah ƀing ayăt kar hăng ƀing ơi adon gơñu.
40Samơ̆ tơdah gơñu pơhaih tơlơi soh gơñu laih anŭn tơlơi soh kơ ƀing ơi adon gơñu ngă, kiăng laĭ tơlơi soh ƀu tŏng ten hăng Kâo laih anŭn pơkơdơ̆ng glaĭ hăng Kâo, 41ngă brơi Kâo khŏm pơtăng glaĭ laih anŭn klư̆ ƀing gơñu mŭt amăng čar ƀing ayăt; tơdah pran jua ƀu tŭ tơlơi khăt klĭ gơñu thâo luă gŭ laih anŭn đup gưt tơlơi pơkơhmal kơ tơlơi soh gơñu, 42tui anŭn Kâo či hơdơr glaĭ tơlơi kơnol pơgop hmâo pơdơ̆ng laih hăng Yakôp, Kâo či hơdơr glaĭ kơnol pơgop hmâo pơdơ̆ng laih hăng Isak, kar kaĭ mơ̆n kơnol pơgop hăng Abraham, laih anŭn Kâo či hơdơr glaĭ lŏn čar anai.#Čơd 17:7-8; 26:3-4; 28:13-14. 43Lŏn ƀing gơñu hmâo pioh lui jing rơngol anŭn či dưi mă tŭ khul thŭn saƀat kla glaĭ khul thŭn gơñu hmâo lui lŏn jing hĭ rơngol ƀu hmâo mơnuih dŏ. Gơñu khŏm mă tŭ tơlơi phak pơkra yua kơ gơñu hmâo djik djak kơ tơlơi Kâo pơđar laih anŭn pran jua gơñu hmâo bơrơmŭt laih khul tơlơi phiăn Kâo. 44Samơ̆ wơ̆t dah tui anŭn, tơdang gơñu hlăk dŏ amăng čar ƀing ayăt, Kâo ƀu či lui ƀing gơñu ôh, ƀu hơngah lui gơñu tơl kơ khŏm pơrai abih gơñu laih anŭn glŏm lui hĭ kơnol pơgop tơ̆ng krah Kâo hăng ƀing gơñu ôh, yua kơ Kâo jing Yêhôwa Ơi Adai kơ ƀing gơñu. 45Samơ̆ yua kơ ƀing gơñu, Kâo či hơdơr glaĭ tơlơi kơnol pơgop hmâo pơjing laih hăng ƀing ơi adon gơñu jing ƀing mơnuih Kâo hmâo ba tơbiă mơ̆ng čar Êjip ƀơi anăp lu djuai mơnuih kiăng jing Ơi Adai kơ ƀing gơñu. Kâo jing Yêhôwa.’”
46Anŭn jing khul tơlơi phiăn, tơlơi pơđar laih anŭn tơlơi juăt Yêhôwa hmâo pơjing laih tơ̆ng krah Ñu Pô hăng ană plei pla Israel ƀơi čư̆ Sinai găn mơ̆ng Môis.
Currently Selected:
Lêwi 26: JRA2016
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.
Lêwi 26
26
Pri apah bơni brơi kơ ƀing mơnuih gưt hiăp
(Mơñă 7:12-24; 28:1-4)
1“‘Ƀing gih ƀu dưi ngă khul rup yang, pơdơ̆ng rup trah ƀôdah tơmeh pơtâo; ăt kŏn dưi pơdơ̆ng đĭ amăng čar ƀing gih sa boh pơtâo hmâo rup hơbŏ kiăng kơ kơkuh kơ ñu ôh, yua kơ Kâo jing Yêhôwa, Ơi Adai kơ ƀing gih.#Lêwi 19:4; Tơb 20:4; Mơñă 5:8; 16:21-22; 27:1. 2Djă pioh bĕ hrơi saƀat Kâo laih anŭn pơpŭ pơyom kơ Anih Rơgoh Kâo. Kâo jing Yêhôwa.
3Tơdah ƀing gih tui gưt tơlơi juăt Kâo, djă pioh tơlơi pơtă Kâo laih anŭn ngă tui,#Mơñă 11:13-15; 28:1-14. 4tui anŭn Kâo či brơi kơ ƀing gih hơjan angĭn djơ̆ bơyan gơ̆, lŏn či hmâo mơboh yua laih anŭn kơyâo pơ đang hmua či mơboh. 5Bơyan prăh pơdai či dŏ sui truh kơ bơyan pĕ boh kơƀâu, bơyan pĕ boh kơƀâu či dŏ sui truh kơ bơyan sai đah pơdai. Ƀing gih či ƀơ̆ng ƀañ trơi laih anŭn hơdip rơnŭk rơnua amăng čar gih pô. 6Kâo či brơi tơlơi rơnŭk rơnua kơ čar ƀing gih, laih anŭn ƀing gih či pĭt samơ̆ ƀu hwĭ arăng rai pơhwĭ ƀing gih ôh. Kâo či puh pơđuaĭ hlô hơtai mơ̆ng čar ƀing gih laih anŭn đao gưm ƀu či rơbat găn amăng čar ƀing gih ôh. 7Ƀing gih či kiaŏ pơđuaĭ ƀing ayăt laih anŭn ƀing gơñu či rơbuh đang gah yŭ kơ mơta đao gưm ƀing gih. 8Rơma čô amăng ƀing gih či kiaŏ pơđuaĭ sa rơtuh čô; sa rơtuh čô amăng ƀing gih či kiaŏ pơđuaĭ sa rơbâo čô, laih anŭn ƀing ayăt či rơbuh đang gah yŭ kơ mơta đao gưm ƀing gih. 9Kâo či hyơ̆k bơngơ̆t nao kơ ƀing gih, ngă brơi ƀing gih tơkeng čeh lar jai lu, laih anŭn ngă pơsĭt tơlơi kơnol pơgop hăng ƀing gih. 10Ƀing gih hlăk dŏ ƀơ̆ng huă braih pơdai so kơ bơyan hlâo hmâo rơmet laih anih brơi kơ braih pơdai bơyan tơdơi. 11Kâo či ngă anih dŏ Kâo amăng tơ̆ng krah ƀing gih, pran jua Kâo ƀu bơrơmŭt kơ ƀing gih ôh. 12Kâo či rơbat tơ̆ng krah ƀing gih, jing Ơi Adai kơ ƀing gih laih anŭn ƀing gih či jing ană plei pla Kâo.#II Kôr 6:16. 13Kâo jing Yêhôwa Ơi Adai ƀing gih, Pô hmâo ba tơbiă ƀing gih mơ̆ng čar Êjip kiăng kơ ƀing gih ƀu jing hlŭn dơ̆ng tah. Kâo či joh hĭ ač brơi ƀing gih kiăng kơ ƀing gih dưi angak đĭ akŏ laih anŭn rơbat nao.’
Tơlơi Pơkơhmal Kơ Ƀing Ƀu Gưt Hiăp
14‘Samơ̆ tơdah ƀing gih ƀu hmư̆ Kâo ôh, ƀu ngă tui tơlơi pơtă anai,#Mơñă 28:15-68. 15hơngah tơlơi pơđar Kâo laih anŭn pran jua ƀing gih bơrơmŭt kơ tơlơi juăt Kâo, tơl ƀing gih ƀu kiăng ngă tui ôh khul tơlơi pơtă pơtăn, laih anŭn ngă gao hĭ tơlơi kơnol pơgop Kâo, 16tui anŭn Kâo či ngă khul tơlơi anai brơi kơ ƀing gih: Kâo či brơi kơ ƀing gih tơlơi hwĭ hyưt, tơlơi ruă tơsŏ laih anŭn tơlơi pơgrŭn ngă brơi mơta ih ƀu rơđah dơ̆ng tah laih anŭn drơi jan ih thu kro. Ƀing gih či sai pơjeh amăng tơlơi rơngiă đôč đač yua kơ ƀing ayăt či ƀơ̆ng abih hĭ. 17Kâo či hil rơañ kơ ƀing gih, ƀing ayăt či pơblah dưi hĭ hăng ƀing gih; ƀing ayăt bơrơmŭt kơ ƀing gih či gĭt gai ƀing gih laih anŭn ƀing gih či đuaĭ kơdŏp wơ̆t dah ƀu hmâo hlơi kiaŏ tui ôh.
18Tơdah kar hăng anŭn laih samơ̆ ƀing gih ăt ƀu kiăng hmư̆ Kâo ôh, yua kơ tơlơi soh ƀing gih Kâo či pơkơhmal ƀing gih truh kơ tơjuh wơ̆t lu hloh 19laih anŭn či taih joh hĭ tơlơi pơgao yua kơ tơlơi kơtang ƀing gih. Kâo či ngă brơi adai ƀing gih khăng kar hăng pơsơi laih anŭn lŏn kro kar hăng kong; 20tơlơi kơtang ƀing gih či rơngiă đôč đač, lŏn ƀu či mơboh rai boh troh, kơyâo pơtâo ƀu mơboh ôh.
21Tơdah ƀing gih ăt dŏ pơkơdơ̆ng glaĭ hăng Kâo laih anŭn ƀu kiăng hmư̆ Kâo, yua kơ tơlơi soh ƀing gih Kâo či brơi trŭn tơlơi răm ruă truh kơ tơjuh wơ̆t lu hloh. 22Kâo či brơi hlô hơtai rai laih anŭn mă pơđuaĭ ƀing ană ƀing gih, pơdjai khul hlô rong laih anŭn ngă pơhrŏ hĭ mrô ană plei pla kiăng kơ jơlan či jing hĭ tơdrŏn tač.
23Tơdơi kơ khul bruă kar hăng anŭn samơ̆ ƀing gih ƀu wơ̆t glaĭ pơ Kâo, ăt dŏ pơkơdơ̆ng glaĭ hăng Kâo dơ̆ng, 24tui anŭn Kâo či pơkơdơ̆ng glaĭ hăng ƀing gih, yua kơ tơlơi soh ƀing gih Kâo pô či pơtrŭn tơlơi răm ruă ƀơi ƀing gih truh kơ tơjuh wơ̆t lu hloh. 25Kâo či ba rai đao gưm ƀơi ƀing gih kiăng kơ rŭ nua yua kơ ƀing gih ƀu djă pioh kơnol pơgop. Tơ ƀing gih bơjơnum amăng plei, Kâo či brơi tơlơi kheng klin ƀơi ƀing gih laih anŭn jao hĭ ƀing gih amăng tơngan ƀing ayăt. 26Tơdah Kâo kơ̆ng hĭ tơlơi pha brơi gơnam ƀơ̆ng huă kơ ƀing gih, ƀing đah kơmơi či ŏm ƀañ hrŏm hơbĭt amăng sa boh tơpur laih anŭn kơnăng pơpha ƀañ; ƀing gih či ƀơ̆ng samơ̆ ƀu trơi ôh.
27Tơdah truh kar hăng anŭn laih samơ̆ ƀing gih ăt ƀu kiăng hmư̆ hiăp Kâo ôh, ăt dŏ pơkơdơ̆ng glaĭ hăng Kâo, 28tui anŭn Kâo či hil rơañ hăng pơkơdơ̆ng glaĭ ƀing gih, yua kơ tơlơi soh ƀing gih Kâo či pơkơhmal ƀing gih truh kơ tơjuh wơ̆t lu hloh. 29Ƀing gih či ƀơ̆ng añăm ană đah rơkơi ană đah kơmơi ƀing gih pô; 30Kâo či pơrai hĭ khul anih glong ƀing gih, pơtơglưh hĭ kơƀang pơyơr mơnơ̆ng ƀâu hiam laih anŭn dă atâo ƀing gih ƀơi ngŏ kơ atâo kơ ƀing rup yang ƀing gih. Pran jua Kâo bơrơmŭt kơ ƀing gih. 31Kâo či ngă brơi khul plei ƀing gih jing hĭ rơngol, khul anih rơgoh jing hĭ rơnguă rơnguăn laih anŭn Kâo ƀu či tŭ mă dơ̆ng ôh mơnâo ƀâu hiam mơ̆ng mơnơ̆ng ngă yang ƀing gih pơyơr. 32Kâo či pơrai hĭ čar ƀing gih tơl ƀing ayăt kơ ƀing gih dŏ amăng anŭn leng kơ dŏ kơtuă. 33Kâo či pơčơlah hĭ ƀing gih pơ djŏp djang kơnŭng djuai laih anŭn suă tơbiă đao gưm kiaŏ mă ƀing gih. Lŏn či jing hĭ tơdrŏn tač, plei či jing hĭ rơngol.
34Hlăk anŭn lŏn či dưi mă tŭ khul thŭn saƀat kiăng kla brơi rơnŭk lŏn hmâo jing hĭ laih tơdrŏn tač tơdang ƀing gih khŏm dŏ amăng lŏn čar kơ ƀing ayăt; tui anŭn, lŏn či dưi dŏ pơdơi laih anŭn hmâo khul thŭn saƀat. 35Tui hluai hăng hrơi blan ñu hmâo jing laih rơngol, lŏn či dưi pơdơi yua kơ lŏn anŭn ƀu hmâo pơdơi ôh amăng abih thŭn saƀat hlăk ƀing gih dŏ pơ anŭn. 36Ƀing mơnuih amăng ƀing gih ăt dŏ hơdip, Kâo či ngă brơi ƀing gơñu tơdu ai amăng lŏn ƀing ayăt. Dơnai kơ khul hla ruh ăt dưi ngă brơi kơ ƀing gơñu khŏm đuaĭ kơdŏp kar hăng đuaĭ kơdŏp mơ̆ng mơta đao gưm, laih anŭn rơbuh wơ̆t dah ƀu hmâo hlơi kiaŏ tui ôh. 37Mơnuih anai rơbuh gah ngŏ kơ pô pơkŏn kar hăng đuaĭ kơdŏp mơ̆ng mơta đao gưm wơ̆t dah ƀu hmâo hlơi kiaŏ mă ƀing gơñu ôh. Ƀing gih ƀu dưi pơtăng glaĭ hăng ƀing roh ayăt. 38Ƀing gih či djai tơ̆ng krah ƀing kơnŭng djuai rơngiă, laih anŭn lŏn ƀing ayăt či lun hĭ ƀing gih. 39Hlơi pô amăng ƀing gih ăt dŏ hơdip či jing thu kro ƀơi lŏn kơ ƀing ayăt yua kơ tơlơi sat ƀai ƀing gih. Yua kơ tơlơi sat ƀai kơ ƀing ơi adon mơ̆n gơñu či jing hĭ thu kro ƀơi lŏn tơnah ƀing ayăt kar hăng ƀing ơi adon gơñu.
40Samơ̆ tơdah gơñu pơhaih tơlơi soh gơñu laih anŭn tơlơi soh kơ ƀing ơi adon gơñu ngă, kiăng laĭ tơlơi soh ƀu tŏng ten hăng Kâo laih anŭn pơkơdơ̆ng glaĭ hăng Kâo, 41ngă brơi Kâo khŏm pơtăng glaĭ laih anŭn klư̆ ƀing gơñu mŭt amăng čar ƀing ayăt; tơdah pran jua ƀu tŭ tơlơi khăt klĭ gơñu thâo luă gŭ laih anŭn đup gưt tơlơi pơkơhmal kơ tơlơi soh gơñu, 42tui anŭn Kâo či hơdơr glaĭ tơlơi kơnol pơgop hmâo pơdơ̆ng laih hăng Yakôp, Kâo či hơdơr glaĭ kơnol pơgop hmâo pơdơ̆ng laih hăng Isak, kar kaĭ mơ̆n kơnol pơgop hăng Abraham, laih anŭn Kâo či hơdơr glaĭ lŏn čar anai.#Čơd 17:7-8; 26:3-4; 28:13-14. 43Lŏn ƀing gơñu hmâo pioh lui jing rơngol anŭn či dưi mă tŭ khul thŭn saƀat kla glaĭ khul thŭn gơñu hmâo lui lŏn jing hĭ rơngol ƀu hmâo mơnuih dŏ. Gơñu khŏm mă tŭ tơlơi phak pơkra yua kơ gơñu hmâo djik djak kơ tơlơi Kâo pơđar laih anŭn pran jua gơñu hmâo bơrơmŭt laih khul tơlơi phiăn Kâo. 44Samơ̆ wơ̆t dah tui anŭn, tơdang gơñu hlăk dŏ amăng čar ƀing ayăt, Kâo ƀu či lui ƀing gơñu ôh, ƀu hơngah lui gơñu tơl kơ khŏm pơrai abih gơñu laih anŭn glŏm lui hĭ kơnol pơgop tơ̆ng krah Kâo hăng ƀing gơñu ôh, yua kơ Kâo jing Yêhôwa Ơi Adai kơ ƀing gơñu. 45Samơ̆ yua kơ ƀing gơñu, Kâo či hơdơr glaĭ tơlơi kơnol pơgop hmâo pơjing laih hăng ƀing ơi adon gơñu jing ƀing mơnuih Kâo hmâo ba tơbiă mơ̆ng čar Êjip ƀơi anăp lu djuai mơnuih kiăng jing Ơi Adai kơ ƀing gơñu. Kâo jing Yêhôwa.’”
46Anŭn jing khul tơlơi phiăn, tơlơi pơđar laih anŭn tơlơi juăt Yêhôwa hmâo pơjing laih tơ̆ng krah Ñu Pô hăng ană plei pla Israel ƀơi čư̆ Sinai găn mơ̆ng Môis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016 United Bible Societies. All rights reserved.