Mathiơ 23
23
Yêsu Ƀuah Kơ Ƀing Pharisi
(Mar 12:38-39; Luk 11:43,46; 20:45-46)
1Hlăk anŭn Yêsu pơhiăp hăng ƀing mơnuih lu laih anŭn hăng ƀing ding kơna Ñu tui anai, 2“Ƀing nai pơtô tơlơi juăt laih anŭn ƀing Pharisi dŏ ƀơi gre Môis; 3tui anŭn brơi ƀing gih ngă laih anŭn gưt tui tơlơi gơñu pơtă kơ ƀing gih, samơ̆ anăm ngă tui tơlơi gơñu ngă ôh. Yua kơ gơñu ƀu ngă ôh hơgĕt tơlơi ñu pơtô. 4Gơñu akă mơnơ̆ng kơtraŏ, tơnap glăm laih anŭn đua brơi ƀơi bra arăng, samơ̆ gơñu pô ƀu kiăng ruaih mơnơ̆ng anŭn hăng sa ƀĕ čơđeng gơñu ôh. 5Abih bruă gơñu ngă kơnơ̆ng kiăng kơ arăng ƀuh đôč. Lăng bĕ khul hrĕ bơnal čih jơlan Hră Ơi Adai Pơhiăp ƀơi anŭn gơñu tuang ƀơi athơi laih anŭn akă ƀơi tơngan gơñu jing prŏng dơ̆ pă. Laih anŭn pơtrŭn grua ao phyung#Mat 6:1; Mơñă 6:8; Yap 15:38.#23:5 grua ao phyung gơñu: grua ao anai jing gru bơkơnăl kơ tơlơi pioh hơjăn brơi kơ Ơi Adai (lăng Tơb 15:37-41). gơñu kơ glong. 6Gơñu khăp dŏ ƀơi anih hmâo tơlơi pơpŭ amăng tơlơi ƀơ̆ng huă laih anŭn gre hiam hloh amăng sang bơjơnum, 7laih anŭn kiăng kơ arăng kơkuh kơ gơñu amăng sang sĭ mơdrô, laih anŭn kiăng kơ arăng iâu kơ gơñu Rabi ‘Nai’. 8Samơ̆ anăm brơi arăng iâu kơ ƀing gih Rabi ôh, yua kơ ƀing gih hmâo kơnơ̆ng sa čô Nai đôč. Laih anŭn abih bang ƀing gih leng jing adơi ayŏng. 9Laih anŭn anăm iâu hlơi jing ama amăng lŏn tơnah anai ôh, yua kơ ƀing gih hmâo kơnơ̆ng sa čô Ama đôč, jing Pô dŏ amăng adai. 10Kŏn tŭ lơi arăng iâu ƀing gih khua, yua kơ ƀing gih hmâo kơnơ̆ng sa čô Khua đôč, jing Yang Krist. 11Pô prŏng hloh amăng ƀing gih či jing ding kơna kơ ƀing gih.#Mat 20:26,27; Mar 9:35; 10:43,44; Luk 22:26. 12Hlơi pô pơđĭ ñu pô, Ơi Adai či pơtrŭn hĭ ñu; laih anŭn hlơi pô pơluă gŭ ñu pô, Ơi Adai či pơđĭ ñu.”#Luk 14:11; 18:14.
Yêsu Ƀuah Kơ Tơlơi Plơ̆m Ƀlor
(Mar 12:40; Luk 11:39-42, 44,52; 20:47)
13“Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih krư̆ hĭ dêh čar pơtao plei hiam ƀơi anăp arăng, ƀu djơ̆ ƀing gih pô đôč ôh ƀu mŭt amăng dêh čar pơtao anŭn, samơ̆ ƀing gih ăt pơgăn hĭ mơ̆n ƀing hlơi kiăng mŭt pơ anŭn.#23:13 Đơđa Hră Ơi Adai Pơhiăp so đưm thim jơlan 14: Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih ngă mă iâu laĭ sui mông, samơ̆ ƀing gih yơh hmâo lun mă kong ngăn ƀing đah kơmơi djai rơkơi. Yua kơ anŭn yơh, ƀing gih či tŭ tơlơi pơkơhmal kơtang hloh. (Lăng Mar 12:40).
15Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih hyu tar ƀar ia rơsĭ laih anŭn lŏn thu kiăng pơjing brơi sa čô mơnuih plih tơlơi đaŏ, laih anŭn tơdah ñu mŭt amăng tơlơi đaŏ ƀing gih laih, ƀing gih pơjing gơ̆ jing sa čô ană war apui sat hloh kơ ƀing gih dua wơ̆t.
16Răm ƀăm yơh kơ ƀing gih, Ơ ƀing ba jơlan bum mơta, ƀing gih laĭ: ‘Tơdah sa čô ƀuăn rơ̆ng hăng sang kơkuh pơpŭ ƀu hmâo tơlơi hơgĕt ôh, samơ̆ tơdah sa čô ƀuăn rơ̆ng hăng mah amăng sang kơkuh pơpŭ, tơlơi anŭn yơh đom.’ 17Ơ ƀing mlŭk bum mơta! Hơgĕt jing yom hloh, mah ƀôdah sang kơkuh pơpŭ ngă kơ mah jing rơgoh hiam? 18Laih anŭn gih laĭ: ‘Tơdah sa čô ƀuăn rơ̆ng hăng kơƀang ngă yang, ƀu hmâo tơlơi hơgĕt ôh, samơ̆ tơdah sa čô ƀuăn rơ̆ng hăng mơnơ̆ng ngă yang ƀơi kơnưl anŭn, tơlơi ƀuăn rơ̆ng anŭn yơh đom.’ 19Ơ ƀing bum mơta! Hơgĕt jing prŏng hloh, mơnơ̆ng pơyơr ƀôdah kơƀang ngă yang ngă kơ mơnơ̆ng pơyơr anŭn jing rơgoh hiam? 20Tui anŭn hlơi ƀuăn rơ̆ng hăng kơƀang ngă yang jing ñu ƀuăn rơ̆ng hăng kơƀang ngă yang laih anŭn hăng abih mơnơ̆ng dŏ ƀơi kơƀang anŭn; 21laih anŭn hlơi pô ƀuăn rơ̆ng hăng sang kơkuh pơpŭ jing ñu ƀuăn rơ̆ng hăng sang kơkuh pơpŭ wơ̆t hăng Pô dŏ amăng sang kơkuh pơpŭ anŭn mơ̆n. 22Laih anŭn hlơi ƀuăn rơ̆ng hăng adai jing ñu ƀuăn rơ̆ng hăng gre pơtao Ơi Adai laih anŭn hăng Pô dŏ ƀơi gre anŭn mơ̆n.#Êsai 66:1; Mat 5:34.
23Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih pơyơr sa črăn amăng pluh nua eč, rơya, añăm tăm, samơ̆ ƀing gih ƀu bơngơ̆t ôh kơ tơlơi yom hloh amăng tơlơi juăt, jing tơlơi tơpă, tơlơi pap drap, laih anŭn tơlơi đaŏ. Ƀing gih khŏm ngă abih tơlơi anai, samơ̆ ăt kŏn dưi wơr lơi khul tơlơi anŭn.#Lêwi 27:30. 24Ơ ƀing ba jơlan bum mơta, tơdang ƀing gih rưng mă hĭ mơroi samơ̆ lun ƀơ̆ng aseh samô!
25Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih pơrơgoh kơčok laih anŭn jam gah rơngiao đôč, samơ̆ amăng lăm bă hăng tơlơi hưp ham laih anŭn hrah hrong. 26Ơ ƀing Pharisi bum mơta! Blŭng hlâo, pơrơgoh bĕ amăng lăm kơčok hăng jam anŭn, tui anŭn kah gah rơngiao ăt dưi jing rơgoh kar kaĭ mơ̆n.
27Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih jing kar hăng pơsat arăng pik čur kŏ, gah rơngiao lăng rŏ dah hiam, samơ̆ amăng lăm bă hăng klang mơnuih djai laih anŭn djŏp mơta mơnơ̆ng grĭ grañ.#Bruă 23:3. 28Kar kaĭ mơ̆n gah rơngiao arăng lăng kơ ƀing gih kar hăng mơnuih tơpă, samơ̆ amăng lăm pran jua ƀing gih bă hăng plơ̆m ƀlor laih anŭn sat ƀai.”
Yêsu Laĭ Hlâo Kơ Tơlơi Phat Kơđi Gơñu
(Luk 11:47-51)
29“Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih man pơsat ƀing pô laĭ lui hlâo hăng rơmet pơhrôp hiam pơsat ƀing mơnuih tơpă, 30laih anŭn ƀing gih laĭ: ‘Tơdah ƀing gơmơi dŏ hơdip amăng rơnŭk ƀing ơi gơmơi, gơmơi ƀu ngă hrŏm hơbĭt hăng gơñu ôh amăng bruă tuh drah ƀing pô laĭ lui hlâo.’ 31Tui anŭn, ƀing gih pơhaih pơsĭt ƀing gih pô jing ană tơčo ƀing mơnuih hmâo pơdjai laih ƀing pô laĭ lui hlâo. 32Tui anŭn, brơi ƀing gih pơbă tum hĭ bĕ tơlơi soh ƀing ơi ƀing gih hmâo ngă laih. 33Ơ ƀing djuai ala, kơnŭng djuai ala apui, hyư̆m ƀing gih dưi klaih hĭ mơ̆ng tơlơi pơkơhmal amăng war apui?#Mat 3:7; 12:34; Luk 3:7. 34Yua kơ anŭn Kâo pơkiaŏ nao ƀing pô laĭ lui hlâo kơ ƀing gih, ƀing kơhnâo, laih anŭn ƀing nai pơtô tơlơi juăt. Đơđa amăng ƀing anŭn ƀing gih či pơdjai laih anŭn pơ̆ng ƀơi kơyâo bơrơkal, đơđa ƀing gih či taih hăng gai amăng sang bơjơnum, laih anŭn kiaŏ mă ngă sat mơ̆ng plei anai truh pơ plei pơkŏn. 35Tui anŭn abih bang drah ƀing tơpă arăng tuh laih ƀơi lŏn tơnah či lĕ kơ ƀing gih, čơdơ̆ng mơ̆ng drah Abel pô tơpă hơnơ̆ng truh pơ drah Sakari ană đah rơkơi Baraki, pô ƀing gih pơdjai ƀơi plah wah anih rơgoh hiam hăng kơƀang ngă yang.#Čơd 4:8; II Čih 24:20,21. 36Sĭt biă mă Kâo laĭ kơ ƀing gih, tơlơi pơkơhmal kơ abih bang ƀing pơdjai mơnuih či truh kơ djuai mơnuih rơnŭk anai.”
Yêsu Hia Kơ Plei Yêrusalem
(Luk 13:34-35)
37“Ơ Yêrusalem, Yêrusalem, ih pơdjai ƀing pô laĭ lui hlâo laih anŭn glŏm boh pơtâo ƀing Ơi Adai hmâo pơkiaŏ nao pơ ih! Lu wơ̆t Kâo kiăng pơƀŭt glaĭ ƀing ană ih kar hăng sa drơi mơnŭ ania kruk pơƀŭt glaĭ ană ñu ƀơi gah yŭ čăng ñu, samơ̆ ih ƀu kiăng ôh! 38Lăng bĕ, sang ƀing gih Ơi Adai lui laih jing hĭ rơngol.#Yêr 22:5. 39Yua kơ Kâo laĭ kơ ƀing gih, ƀing gih ƀu či ƀuh Kâo dơ̆ng ôh, tơl ƀing gih laĭ: ‘Mơyun hiam yơh kơ Pô rai amăng anăn Khua Yang.’”#Adoh 118:26.
Currently Selected:
Mathiơ 23: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Mathiơ 23
23
Yêsu Ƀuah Kơ Ƀing Pharisi
(Mar 12:38-39; Luk 11:43,46; 20:45-46)
1Hlăk anŭn Yêsu pơhiăp hăng ƀing mơnuih lu laih anŭn hăng ƀing ding kơna Ñu tui anai, 2“Ƀing nai pơtô tơlơi juăt laih anŭn ƀing Pharisi dŏ ƀơi gre Môis; 3tui anŭn brơi ƀing gih ngă laih anŭn gưt tui tơlơi gơñu pơtă kơ ƀing gih, samơ̆ anăm ngă tui tơlơi gơñu ngă ôh. Yua kơ gơñu ƀu ngă ôh hơgĕt tơlơi ñu pơtô. 4Gơñu akă mơnơ̆ng kơtraŏ, tơnap glăm laih anŭn đua brơi ƀơi bra arăng, samơ̆ gơñu pô ƀu kiăng ruaih mơnơ̆ng anŭn hăng sa ƀĕ čơđeng gơñu ôh. 5Abih bruă gơñu ngă kơnơ̆ng kiăng kơ arăng ƀuh đôč. Lăng bĕ khul hrĕ bơnal čih jơlan Hră Ơi Adai Pơhiăp ƀơi anŭn gơñu tuang ƀơi athơi laih anŭn akă ƀơi tơngan gơñu jing prŏng dơ̆ pă. Laih anŭn pơtrŭn grua ao phyung#Mat 6:1; Mơñă 6:8; Yap 15:38.#23:5 grua ao phyung gơñu: grua ao anai jing gru bơkơnăl kơ tơlơi pioh hơjăn brơi kơ Ơi Adai (lăng Tơb 15:37-41). gơñu kơ glong. 6Gơñu khăp dŏ ƀơi anih hmâo tơlơi pơpŭ amăng tơlơi ƀơ̆ng huă laih anŭn gre hiam hloh amăng sang bơjơnum, 7laih anŭn kiăng kơ arăng kơkuh kơ gơñu amăng sang sĭ mơdrô, laih anŭn kiăng kơ arăng iâu kơ gơñu Rabi ‘Nai’. 8Samơ̆ anăm brơi arăng iâu kơ ƀing gih Rabi ôh, yua kơ ƀing gih hmâo kơnơ̆ng sa čô Nai đôč. Laih anŭn abih bang ƀing gih leng jing adơi ayŏng. 9Laih anŭn anăm iâu hlơi jing ama amăng lŏn tơnah anai ôh, yua kơ ƀing gih hmâo kơnơ̆ng sa čô Ama đôč, jing Pô dŏ amăng adai. 10Kŏn tŭ lơi arăng iâu ƀing gih khua, yua kơ ƀing gih hmâo kơnơ̆ng sa čô Khua đôč, jing Yang Krist. 11Pô prŏng hloh amăng ƀing gih či jing ding kơna kơ ƀing gih.#Mat 20:26,27; Mar 9:35; 10:43,44; Luk 22:26. 12Hlơi pô pơđĭ ñu pô, Ơi Adai či pơtrŭn hĭ ñu; laih anŭn hlơi pô pơluă gŭ ñu pô, Ơi Adai či pơđĭ ñu.”#Luk 14:11; 18:14.
Yêsu Ƀuah Kơ Tơlơi Plơ̆m Ƀlor
(Mar 12:40; Luk 11:39-42, 44,52; 20:47)
13“Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih krư̆ hĭ dêh čar pơtao plei hiam ƀơi anăp arăng, ƀu djơ̆ ƀing gih pô đôč ôh ƀu mŭt amăng dêh čar pơtao anŭn, samơ̆ ƀing gih ăt pơgăn hĭ mơ̆n ƀing hlơi kiăng mŭt pơ anŭn.#23:13 Đơđa Hră Ơi Adai Pơhiăp so đưm thim jơlan 14: Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih ngă mă iâu laĭ sui mông, samơ̆ ƀing gih yơh hmâo lun mă kong ngăn ƀing đah kơmơi djai rơkơi. Yua kơ anŭn yơh, ƀing gih či tŭ tơlơi pơkơhmal kơtang hloh. (Lăng Mar 12:40).
15Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih hyu tar ƀar ia rơsĭ laih anŭn lŏn thu kiăng pơjing brơi sa čô mơnuih plih tơlơi đaŏ, laih anŭn tơdah ñu mŭt amăng tơlơi đaŏ ƀing gih laih, ƀing gih pơjing gơ̆ jing sa čô ană war apui sat hloh kơ ƀing gih dua wơ̆t.
16Răm ƀăm yơh kơ ƀing gih, Ơ ƀing ba jơlan bum mơta, ƀing gih laĭ: ‘Tơdah sa čô ƀuăn rơ̆ng hăng sang kơkuh pơpŭ ƀu hmâo tơlơi hơgĕt ôh, samơ̆ tơdah sa čô ƀuăn rơ̆ng hăng mah amăng sang kơkuh pơpŭ, tơlơi anŭn yơh đom.’ 17Ơ ƀing mlŭk bum mơta! Hơgĕt jing yom hloh, mah ƀôdah sang kơkuh pơpŭ ngă kơ mah jing rơgoh hiam? 18Laih anŭn gih laĭ: ‘Tơdah sa čô ƀuăn rơ̆ng hăng kơƀang ngă yang, ƀu hmâo tơlơi hơgĕt ôh, samơ̆ tơdah sa čô ƀuăn rơ̆ng hăng mơnơ̆ng ngă yang ƀơi kơnưl anŭn, tơlơi ƀuăn rơ̆ng anŭn yơh đom.’ 19Ơ ƀing bum mơta! Hơgĕt jing prŏng hloh, mơnơ̆ng pơyơr ƀôdah kơƀang ngă yang ngă kơ mơnơ̆ng pơyơr anŭn jing rơgoh hiam? 20Tui anŭn hlơi ƀuăn rơ̆ng hăng kơƀang ngă yang jing ñu ƀuăn rơ̆ng hăng kơƀang ngă yang laih anŭn hăng abih mơnơ̆ng dŏ ƀơi kơƀang anŭn; 21laih anŭn hlơi pô ƀuăn rơ̆ng hăng sang kơkuh pơpŭ jing ñu ƀuăn rơ̆ng hăng sang kơkuh pơpŭ wơ̆t hăng Pô dŏ amăng sang kơkuh pơpŭ anŭn mơ̆n. 22Laih anŭn hlơi ƀuăn rơ̆ng hăng adai jing ñu ƀuăn rơ̆ng hăng gre pơtao Ơi Adai laih anŭn hăng Pô dŏ ƀơi gre anŭn mơ̆n.#Êsai 66:1; Mat 5:34.
23Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih pơyơr sa črăn amăng pluh nua eč, rơya, añăm tăm, samơ̆ ƀing gih ƀu bơngơ̆t ôh kơ tơlơi yom hloh amăng tơlơi juăt, jing tơlơi tơpă, tơlơi pap drap, laih anŭn tơlơi đaŏ. Ƀing gih khŏm ngă abih tơlơi anai, samơ̆ ăt kŏn dưi wơr lơi khul tơlơi anŭn.#Lêwi 27:30. 24Ơ ƀing ba jơlan bum mơta, tơdang ƀing gih rưng mă hĭ mơroi samơ̆ lun ƀơ̆ng aseh samô!
25Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih pơrơgoh kơčok laih anŭn jam gah rơngiao đôč, samơ̆ amăng lăm bă hăng tơlơi hưp ham laih anŭn hrah hrong. 26Ơ ƀing Pharisi bum mơta! Blŭng hlâo, pơrơgoh bĕ amăng lăm kơčok hăng jam anŭn, tui anŭn kah gah rơngiao ăt dưi jing rơgoh kar kaĭ mơ̆n.
27Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih jing kar hăng pơsat arăng pik čur kŏ, gah rơngiao lăng rŏ dah hiam, samơ̆ amăng lăm bă hăng klang mơnuih djai laih anŭn djŏp mơta mơnơ̆ng grĭ grañ.#Bruă 23:3. 28Kar kaĭ mơ̆n gah rơngiao arăng lăng kơ ƀing gih kar hăng mơnuih tơpă, samơ̆ amăng lăm pran jua ƀing gih bă hăng plơ̆m ƀlor laih anŭn sat ƀai.”
Yêsu Laĭ Hlâo Kơ Tơlơi Phat Kơđi Gơñu
(Luk 11:47-51)
29“Răm ƀăm yơh kơ ƀing gih, Ơ ƀing nai pơtô tơlơi juăt hăng ƀing Pharisi, jing ƀing plơ̆m ƀlor! Yua kơ ƀing gih man pơsat ƀing pô laĭ lui hlâo hăng rơmet pơhrôp hiam pơsat ƀing mơnuih tơpă, 30laih anŭn ƀing gih laĭ: ‘Tơdah ƀing gơmơi dŏ hơdip amăng rơnŭk ƀing ơi gơmơi, gơmơi ƀu ngă hrŏm hơbĭt hăng gơñu ôh amăng bruă tuh drah ƀing pô laĭ lui hlâo.’ 31Tui anŭn, ƀing gih pơhaih pơsĭt ƀing gih pô jing ană tơčo ƀing mơnuih hmâo pơdjai laih ƀing pô laĭ lui hlâo. 32Tui anŭn, brơi ƀing gih pơbă tum hĭ bĕ tơlơi soh ƀing ơi ƀing gih hmâo ngă laih. 33Ơ ƀing djuai ala, kơnŭng djuai ala apui, hyư̆m ƀing gih dưi klaih hĭ mơ̆ng tơlơi pơkơhmal amăng war apui?#Mat 3:7; 12:34; Luk 3:7. 34Yua kơ anŭn Kâo pơkiaŏ nao ƀing pô laĭ lui hlâo kơ ƀing gih, ƀing kơhnâo, laih anŭn ƀing nai pơtô tơlơi juăt. Đơđa amăng ƀing anŭn ƀing gih či pơdjai laih anŭn pơ̆ng ƀơi kơyâo bơrơkal, đơđa ƀing gih či taih hăng gai amăng sang bơjơnum, laih anŭn kiaŏ mă ngă sat mơ̆ng plei anai truh pơ plei pơkŏn. 35Tui anŭn abih bang drah ƀing tơpă arăng tuh laih ƀơi lŏn tơnah či lĕ kơ ƀing gih, čơdơ̆ng mơ̆ng drah Abel pô tơpă hơnơ̆ng truh pơ drah Sakari ană đah rơkơi Baraki, pô ƀing gih pơdjai ƀơi plah wah anih rơgoh hiam hăng kơƀang ngă yang.#Čơd 4:8; II Čih 24:20,21. 36Sĭt biă mă Kâo laĭ kơ ƀing gih, tơlơi pơkơhmal kơ abih bang ƀing pơdjai mơnuih či truh kơ djuai mơnuih rơnŭk anai.”
Yêsu Hia Kơ Plei Yêrusalem
(Luk 13:34-35)
37“Ơ Yêrusalem, Yêrusalem, ih pơdjai ƀing pô laĭ lui hlâo laih anŭn glŏm boh pơtâo ƀing Ơi Adai hmâo pơkiaŏ nao pơ ih! Lu wơ̆t Kâo kiăng pơƀŭt glaĭ ƀing ană ih kar hăng sa drơi mơnŭ ania kruk pơƀŭt glaĭ ană ñu ƀơi gah yŭ čăng ñu, samơ̆ ih ƀu kiăng ôh! 38Lăng bĕ, sang ƀing gih Ơi Adai lui laih jing hĭ rơngol.#Yêr 22:5. 39Yua kơ Kâo laĭ kơ ƀing gih, ƀing gih ƀu či ƀuh Kâo dơ̆ng ôh, tơl ƀing gih laĭ: ‘Mơyun hiam yơh kơ Pô rai amăng anăn Khua Yang.’”#Adoh 118:26.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.