Mathiơ 24
24
Yêsu Laĭ Lui Hlâo Kơ Tơlơi Pơrai Sang Kơkuh Pơpŭ
(Mar 13:1-2; Luk 21:5-6)
1Tơ Yêsu tơbiă mơ̆ng sang kơkuh pơpŭ laih anŭn hlăk rơbat nao. Ƀing ding kơna rai pơ Ñu kơčrâo brơi Ñu lăng abih bang bruă pơdơ̆ng pơjing sang kơkuh pơpŭ. 2Ñu laĭ kơ gơñu: “Ƀing gih ƀuh mơ̆ abih bang sang anai? Sĭt biă mă Kâo laĭ kơ ƀing gih, ƀu či hmâo ôh sa boh pơtâo anai dŏ ƀơi ngŏ boh pơtâo pơkŏn, abih bang leng kơ glưh trŭn hĭ.”
Gru Pơthâo Kơ Hrơi Hnal Tuč
(Mar 13:3-13; Luk 21:7-19)
3Tơdang Yêsu dŏ ber ƀơi ngŏ čư̆ Ôliwơ, ƀing ding kơna rai pơ hơjăn Yêsu hăng laĭ: “Rơkâo kơ Ih laĭ brơi gơmơi hơbin tơlơi anŭn či truh, laih anŭn hơgĕt tơlơi gru kơnăl kơ tơlơi Ih rai dơ̆ng, laih anŭn kơ hrơi hnal tuč rơnŭk?”
4Yêsu laĭ glaĭ kơ gơñu: “Răng bĕ, anăm brơi arăng plư ƀing gih ôh. 5Yua kơ lu mơnuih či rai ƀlor hăng anăn Kâo, laĭ: ‘Kâo jing Krist’, laih anŭn gơñu či plư lu mơnuih. 6Ƀing gih či hmư̆ dơnai tơlơi pơblah pơ anih giăm laih anŭn hmư̆ hing kơ tơlơi pơblah mơ̆ng anih ataih. Anăm ƀing gih rŭng răng ôh, yua kơ abih tơlơi anŭn khŏm či truh, samơ̆ aka ƀu truh hnal tuč ôh. 7Yua kơ djuai mơnuih anai či tơgŭ pơkơdơ̆ng hăng djuai mơnuih pơkŏn, laih anŭn dêh čar pơtao anai či pơkơdơ̆ng hăng dêh čar pơtao pơkŏn, laih anŭn či hmâo tơlơi ư̆ rơpa hăng tơlơi pơpư̆ lŏn tơnah amăng lu anih. 8Abih bang khul tơlơi anŭn kơnơ̆ng jing čơdơ̆ng pơphŭn kơ tơlơi ruă tơkeng đôč.
9Hlăk anŭn arăng či jao ƀing gih kơ tơlơi arăng ngă sat pơtơnap, laih anŭn brơi arăng pơdjai hĭ ƀing gih; laih anŭn abih bang djuai mơnuih či bơrơmŭt kơ ƀing gih yua anăn Kâo.#Mat 10:22. 10Hlăk anŭn lu mơnuih či lui wir, pơblư̆ tơdruă, laih anŭn bơrơmŭt tơdruă. 11Či hmâo lu pô laĭ lui hlâo ƀlor truh laih anŭn plư lu mơnuih. 12Laih anŭn yua kơ tơlơi sat ƀai lar jai, tơlơi khăp amăng lu mơnuih či rơŏt hĭ. 13Samơ̆ hlơi pô gir tơl hnal tuč či klaih.#Mat 10:22. 14Laih anŭn arăng či pơtô Tơlơi Phrâo Hiam kơ dêh čar pơtao anai tar ƀar lŏn tơnah jing sa tơlơi ngă gơ̆ng jơlan kơ abih bang djuai mơnuih. Hlăk anŭn hrơi hnal tuč či truh.”
Tơlơi Răm Rai Prŏng
(Mar 13:14-23; Luk 21:20-24)
15“Tui anŭn tơ ƀing gih ƀuh tơlơi hơƀak drak krip hmâo truh kơ anih rơgoh hiam tui hăng pô laĭ lui hlâo Đaniel hmâo laĭ laih (hlơi pô đŏk hră anai hluh bĕ),#Đaniel 9:27; 11:31; 12:11. 16hlăk anŭn ƀing dŏ amăng kwar Yuđa đuaĭ kơdŏp bĕ pơ čư̆. 17Hlơi dŏ ƀơi ngŏ bơbŭng sang anăm rơngiă mông trŭn mă dram gơnam ñu dơ̆ng ôh,#Luk 17:31. 18laih anŭn hlơi pô dŏ pơ hmua anăm glaĭ mă ao phyung ñu lơi. 19Amăng khul hrơi anŭn tơnap yơh kơ ƀing đah kơmơi pi kian laih anŭn ƀing hmâo ană dŏ mĕm. 20Iâu laĭ bĕ kiăng kơ hrơi ƀing gih đuaĭ kơdŏp ƀu djơ̆ hlăk bơyan puih ƀôdah amăng hrơi saƀat ôh. 21Yua kơ hlăk anŭn či hmâo tơlơi tơnap tap prŏng, tơl aka ƀuh djơ̆ ôh čơdơ̆ng mơ̆ng phŭn hrih lŏn tơnah truh pơ ră anai, laih anŭn mơ̆ng anŭn pơ anăp kŏn či hmâo dơ̆ng lơi kar hăng anŭn.#Đaniel 12:1; Bơrđ 7:14. 22Tơdah khul hrơi anŭn ƀu pơhrŏ trŭn hĭ ôh, ƀu hmâo ôh sa čô mơnuih dưi klaih. Samơ̆ yua kơ ƀing mơnuih Ơi Adai hmâo ruah mă laih, hnŭn yơh khul hrơi anŭn či pơhrŏ trŭn hĭ mơ̆n.
23Hlăk anŭn tơdah hmâo hlơi laĭ kơ ƀing gih: ‘Krist dŏ pơ anai,’ ƀôdah ‘Ñu pơ anŭn,’ anăm đaŏ tơlơi anŭn ôh. 24Yua kơ či hmâo lu Krist ƀlor laih anŭn lu pô laĭ lui hlâo ƀlor tơbiă rai, gơñu či ngă gru kơnăl prŏng laih anŭn tơlơi yom pơphan kiăng plư plač, tơdah dưi gơñu plư wơ̆t kơ ƀing mơnuih Ơi Adai hmâo ruah laih. 25Hmư̆ bĕ, Kâo hmâo laĭ pơthâo hlâo kơ ƀing gih laih.
26Tui anŭn tơdah arăng laĭ kơ ƀing gih: ‘Anai nê, Ñu dŏ amăng tơdrŏn tač,’ anăm nao ôh; ƀôdah: ‘Anai nê, Ñu dŏ amăng anih hơgơ̆m,’ kŏn đaŏ kơ tơlơi anŭn lơi. 27Yua kơ kar hăng kơmlă tơbiă mơ̆ng gah ngŏ pơčrang truh pơ gah yŭ, kar hăng tui anŭn mơ̆n tơlơi Ană Mơnuih či rai.#Luk 17:23,24.
28Pơpă anih hmâo drơi jan mơnuih djai, pơ anŭn klang grư̆ či pơtŭm glaĭ.”#Luk 17:37.
Tơlơi Ană Mơnuih Rai Dơ̆ng
(Mar 13:24-27; Luk 21:25-28)
29“Tañ mơtam laih giơ̆ng khul hrơi tơnap tap anŭn, yang hrơi či jing kơnăm hĭ, blan ƀu či pơčrang rơđah dơ̆ng ôh, khul pơtŭ mơ̆ng adai či lĕ trŭn laih anŭn abih tơlơi dưi kơtang amăng adai či pơpư̆ pơgơi.#Êsai 13:10; Yôel 2:10,31; 3:15; Bơrđ 6:12; Êsai 13:10; Êsê 32:7; Yôel 2:10; 3:15; Êsai 34:4; Bơrđ 6:13. 30Hlăk anŭn tơlơi gru kơnăl kơ Ană Mơnuih či pơrơđah amăng adai. Abih bang djuai mơnuih amăng lŏn tơnah či čŏk hia, laih anŭn gơñu či ƀuh Ană Mơnuih rai ƀơi kơthul hiăng amăng adai hăng tơlơi dưi mơyang laih anŭn tơlơi guh kơang prŏng.#Đaniel 7:13; Sak 12:10-14; Bơrđ 1:7. 31Ñu či pơkiaŏ ling jang hiam Ñu ayŭp tơdiăp hăng jua kraih kơtang pơƀŭt ƀing Ơi Adai hmâo ruah laih mơ̆ng pă akiăng lŏn tơnah, čơdơ̆ng mơ̆ng rơnuč adai anai truh pơ rơnuč adai adih.
Tơlơi Hrăm Mơ̆ng Phŭn Hra
(Mar 13:28-31; Luk 21:29-33)
32Hrăm bĕ hăng tơlơi bơhmutu mơ̆ng phŭn hra: tơ than ñu mơda laih anŭn čơdơ̆ng čơnăt hla, ƀing gih thâo kơ bơyan phang jĕ truh yơh. 33Kar hăng tui anŭn mơ̆n, tơ ƀing gih ƀuh abih bang tơlơi anŭn, ƀing gih thâo kơ Ană Mơnuih jĕ truh laih, Ñu hlăk dŏ ƀơi bah amăng.#24:33 Ană Mơnuih giăm truh laih, Ñu dŏ laih ƀơi anăp bah amăng; ƀôdah mông giăm laih, či čơdơ̆ng yơh. 34Sĭt biă mă Kâo laĭ kơ ƀing gih, ƀing rơnŭk anai ƀu či rơgao hĭ ôh tơl abih bang tơlơi anŭn či truh. 35Adai laih anŭn lŏn tơnah či rơgao hĭ, samơ̆ boh pơhiăp Kâo ƀu či rơgao hĭ ôh.”
Ƀu Hmâo Hlơi Thâo Hrơi Ñu Rai Dơ̆ng
(Mar 13:32-37; Luk 17:26-30,34-36)
36“Samơ̆ kơ hrơi hăng mông anŭn, ƀu hmâo sa čô hlơi thâo ôh, ƀing ling jang amăng adai ƀôdah Ană Mơnuih kŏn thâo lơi,#24:36 Đơđa Hră Ơi Adai Pơhiăp so đưm ƀu hmâo: Ană kŏn thâo lơi, kơnơ̆ng hơjăn Ama đôč thâo. 37Kar hăng tơlơi truh laih amăng rơnŭk Nôê, či truh kar kaĭ mơ̆n amăng hrơi Ană Mơnuih rai.#Čơd 6:5-8. 38Yua kơ kar hăng amăng rơnŭk hlâo kơ ia lip arăng ƀơ̆ng mơñum, pơdŏ rơkơi bơnai, laih anŭn brơi ƀing ană gơñu pơdŏ rơkơi bơnai hlŏng truh pơ hrơi Nôê mŭt amăng kompăn, 39laih anŭn gơñu ƀu thâo hơgĕt ôh tơl ia lip truh pơđung abih bang gơñu. Hrơi Ană Mơnuih rai či truh kar kaĭ mơ̆n.#Čơd 7:6-24. 40Hlăk anŭn, hmâo dua čô đah rơkơi dŏ amăng hmua; sa čô Ơi Adai mă pơđuaĭ hĭ, sa čô dŏ glaĭ. 41Hmâo dua čô đah kơmơi tơ̆p pơdai hrŏm hơbĭt; sa čô Ơi Adai mă pơđuaĭ hĭ, sa čô dŏ glaĭ. 42Tui anŭn răng bĕ, yua kơ ƀing gih ƀu thâo ôh hơbin hrơi Khua Yang gih či rai. 43Samơ̆ brơi ƀing gih thâo tơlơi anai: tơdah pô sang thâo laih mông pă mơnuih klĕ či rai, ñu či răng ƀu brơi mơnuih klĕ ƀoh pơnăng mŭt amăng sang ñu ôh. 44Tui anŭn kar kaĭ mơ̆n ƀing gih khŏm dŏ prăp pre bĕ; yua kơ Ană Mơnuih či rai amăng mông ƀing gih ƀu ăng rơmăng ôh.”#Luk 12:39,40.
Ding Kơna Tŏng Ten Hăng Ding Kơna Ƀu Tŏng Ten
(Luk 12:41-48)
45“Hlơi pô jing ding kơna tŏng ten laih anŭn kơhnâo, pô khua hmâo jao brơi wai lăng abih bang mơnuih amăng sang ñu, kiăng brơi mơnơ̆ng ƀơ̆ng huă kơ ƀing gơ̆ djơ̆ mông? 46Mơyun hiam yơh kơ ding kơna anŭn, tơ khua ñu truh laih anŭn ƀuh ñu dŏ ngă tui anŭn! 47Sĭt biă mă Kâo laĭ kơ ƀing gih, khua ñu či jao brơi kơ ding kơna anŭn wai lăng abih bang kong ngăn gơ̆ hmâo. 48Samơ̆ tơdah ding kơna sat anŭn pơmĭn amăng pran jua ñu tui anai: ‘Khua kâo či truh kaih,’ 49ñu čơdơ̆ng taih tơdruă ƀing ding kơna gơ̆p mă bruă hrŏm hơbĭt hăng ñu, laih anŭn ƀơ̆ng mơñum hrŏm hơbĭt hăng ƀing măt tơpai, 50khua ding kơna anŭn či truh amăng hrơi ñu ƀu ăng rơmăng, laih anŭn amăng mông ñu ƀu thâo ôh, 51laih anŭn khua ñu či taih pơrai hĭ ñu#24:51 taih pơrai hĭ ñu; ƀôdah čơ̆ng pơphač ñu. hăng yap ñu hrŏm hơbĭt hăng ƀing plơ̆m ƀlor. Ƀơi anŭn či hmâo tơlơi čŏk hia hăng kĕ tơgơi.”
Currently Selected:
Mathiơ 24: JRA2016
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.
Mathiơ 24
24
Yêsu Laĭ Lui Hlâo Kơ Tơlơi Pơrai Sang Kơkuh Pơpŭ
(Mar 13:1-2; Luk 21:5-6)
1Tơ Yêsu tơbiă mơ̆ng sang kơkuh pơpŭ laih anŭn hlăk rơbat nao. Ƀing ding kơna rai pơ Ñu kơčrâo brơi Ñu lăng abih bang bruă pơdơ̆ng pơjing sang kơkuh pơpŭ. 2Ñu laĭ kơ gơñu: “Ƀing gih ƀuh mơ̆ abih bang sang anai? Sĭt biă mă Kâo laĭ kơ ƀing gih, ƀu či hmâo ôh sa boh pơtâo anai dŏ ƀơi ngŏ boh pơtâo pơkŏn, abih bang leng kơ glưh trŭn hĭ.”
Gru Pơthâo Kơ Hrơi Hnal Tuč
(Mar 13:3-13; Luk 21:7-19)
3Tơdang Yêsu dŏ ber ƀơi ngŏ čư̆ Ôliwơ, ƀing ding kơna rai pơ hơjăn Yêsu hăng laĭ: “Rơkâo kơ Ih laĭ brơi gơmơi hơbin tơlơi anŭn či truh, laih anŭn hơgĕt tơlơi gru kơnăl kơ tơlơi Ih rai dơ̆ng, laih anŭn kơ hrơi hnal tuč rơnŭk?”
4Yêsu laĭ glaĭ kơ gơñu: “Răng bĕ, anăm brơi arăng plư ƀing gih ôh. 5Yua kơ lu mơnuih či rai ƀlor hăng anăn Kâo, laĭ: ‘Kâo jing Krist’, laih anŭn gơñu či plư lu mơnuih. 6Ƀing gih či hmư̆ dơnai tơlơi pơblah pơ anih giăm laih anŭn hmư̆ hing kơ tơlơi pơblah mơ̆ng anih ataih. Anăm ƀing gih rŭng răng ôh, yua kơ abih tơlơi anŭn khŏm či truh, samơ̆ aka ƀu truh hnal tuč ôh. 7Yua kơ djuai mơnuih anai či tơgŭ pơkơdơ̆ng hăng djuai mơnuih pơkŏn, laih anŭn dêh čar pơtao anai či pơkơdơ̆ng hăng dêh čar pơtao pơkŏn, laih anŭn či hmâo tơlơi ư̆ rơpa hăng tơlơi pơpư̆ lŏn tơnah amăng lu anih. 8Abih bang khul tơlơi anŭn kơnơ̆ng jing čơdơ̆ng pơphŭn kơ tơlơi ruă tơkeng đôč.
9Hlăk anŭn arăng či jao ƀing gih kơ tơlơi arăng ngă sat pơtơnap, laih anŭn brơi arăng pơdjai hĭ ƀing gih; laih anŭn abih bang djuai mơnuih či bơrơmŭt kơ ƀing gih yua anăn Kâo.#Mat 10:22. 10Hlăk anŭn lu mơnuih či lui wir, pơblư̆ tơdruă, laih anŭn bơrơmŭt tơdruă. 11Či hmâo lu pô laĭ lui hlâo ƀlor truh laih anŭn plư lu mơnuih. 12Laih anŭn yua kơ tơlơi sat ƀai lar jai, tơlơi khăp amăng lu mơnuih či rơŏt hĭ. 13Samơ̆ hlơi pô gir tơl hnal tuč či klaih.#Mat 10:22. 14Laih anŭn arăng či pơtô Tơlơi Phrâo Hiam kơ dêh čar pơtao anai tar ƀar lŏn tơnah jing sa tơlơi ngă gơ̆ng jơlan kơ abih bang djuai mơnuih. Hlăk anŭn hrơi hnal tuč či truh.”
Tơlơi Răm Rai Prŏng
(Mar 13:14-23; Luk 21:20-24)
15“Tui anŭn tơ ƀing gih ƀuh tơlơi hơƀak drak krip hmâo truh kơ anih rơgoh hiam tui hăng pô laĭ lui hlâo Đaniel hmâo laĭ laih (hlơi pô đŏk hră anai hluh bĕ),#Đaniel 9:27; 11:31; 12:11. 16hlăk anŭn ƀing dŏ amăng kwar Yuđa đuaĭ kơdŏp bĕ pơ čư̆. 17Hlơi dŏ ƀơi ngŏ bơbŭng sang anăm rơngiă mông trŭn mă dram gơnam ñu dơ̆ng ôh,#Luk 17:31. 18laih anŭn hlơi pô dŏ pơ hmua anăm glaĭ mă ao phyung ñu lơi. 19Amăng khul hrơi anŭn tơnap yơh kơ ƀing đah kơmơi pi kian laih anŭn ƀing hmâo ană dŏ mĕm. 20Iâu laĭ bĕ kiăng kơ hrơi ƀing gih đuaĭ kơdŏp ƀu djơ̆ hlăk bơyan puih ƀôdah amăng hrơi saƀat ôh. 21Yua kơ hlăk anŭn či hmâo tơlơi tơnap tap prŏng, tơl aka ƀuh djơ̆ ôh čơdơ̆ng mơ̆ng phŭn hrih lŏn tơnah truh pơ ră anai, laih anŭn mơ̆ng anŭn pơ anăp kŏn či hmâo dơ̆ng lơi kar hăng anŭn.#Đaniel 12:1; Bơrđ 7:14. 22Tơdah khul hrơi anŭn ƀu pơhrŏ trŭn hĭ ôh, ƀu hmâo ôh sa čô mơnuih dưi klaih. Samơ̆ yua kơ ƀing mơnuih Ơi Adai hmâo ruah mă laih, hnŭn yơh khul hrơi anŭn či pơhrŏ trŭn hĭ mơ̆n.
23Hlăk anŭn tơdah hmâo hlơi laĭ kơ ƀing gih: ‘Krist dŏ pơ anai,’ ƀôdah ‘Ñu pơ anŭn,’ anăm đaŏ tơlơi anŭn ôh. 24Yua kơ či hmâo lu Krist ƀlor laih anŭn lu pô laĭ lui hlâo ƀlor tơbiă rai, gơñu či ngă gru kơnăl prŏng laih anŭn tơlơi yom pơphan kiăng plư plač, tơdah dưi gơñu plư wơ̆t kơ ƀing mơnuih Ơi Adai hmâo ruah laih. 25Hmư̆ bĕ, Kâo hmâo laĭ pơthâo hlâo kơ ƀing gih laih.
26Tui anŭn tơdah arăng laĭ kơ ƀing gih: ‘Anai nê, Ñu dŏ amăng tơdrŏn tač,’ anăm nao ôh; ƀôdah: ‘Anai nê, Ñu dŏ amăng anih hơgơ̆m,’ kŏn đaŏ kơ tơlơi anŭn lơi. 27Yua kơ kar hăng kơmlă tơbiă mơ̆ng gah ngŏ pơčrang truh pơ gah yŭ, kar hăng tui anŭn mơ̆n tơlơi Ană Mơnuih či rai.#Luk 17:23,24.
28Pơpă anih hmâo drơi jan mơnuih djai, pơ anŭn klang grư̆ či pơtŭm glaĭ.”#Luk 17:37.
Tơlơi Ană Mơnuih Rai Dơ̆ng
(Mar 13:24-27; Luk 21:25-28)
29“Tañ mơtam laih giơ̆ng khul hrơi tơnap tap anŭn, yang hrơi či jing kơnăm hĭ, blan ƀu či pơčrang rơđah dơ̆ng ôh, khul pơtŭ mơ̆ng adai či lĕ trŭn laih anŭn abih tơlơi dưi kơtang amăng adai či pơpư̆ pơgơi.#Êsai 13:10; Yôel 2:10,31; 3:15; Bơrđ 6:12; Êsai 13:10; Êsê 32:7; Yôel 2:10; 3:15; Êsai 34:4; Bơrđ 6:13. 30Hlăk anŭn tơlơi gru kơnăl kơ Ană Mơnuih či pơrơđah amăng adai. Abih bang djuai mơnuih amăng lŏn tơnah či čŏk hia, laih anŭn gơñu či ƀuh Ană Mơnuih rai ƀơi kơthul hiăng amăng adai hăng tơlơi dưi mơyang laih anŭn tơlơi guh kơang prŏng.#Đaniel 7:13; Sak 12:10-14; Bơrđ 1:7. 31Ñu či pơkiaŏ ling jang hiam Ñu ayŭp tơdiăp hăng jua kraih kơtang pơƀŭt ƀing Ơi Adai hmâo ruah laih mơ̆ng pă akiăng lŏn tơnah, čơdơ̆ng mơ̆ng rơnuč adai anai truh pơ rơnuč adai adih.
Tơlơi Hrăm Mơ̆ng Phŭn Hra
(Mar 13:28-31; Luk 21:29-33)
32Hrăm bĕ hăng tơlơi bơhmutu mơ̆ng phŭn hra: tơ than ñu mơda laih anŭn čơdơ̆ng čơnăt hla, ƀing gih thâo kơ bơyan phang jĕ truh yơh. 33Kar hăng tui anŭn mơ̆n, tơ ƀing gih ƀuh abih bang tơlơi anŭn, ƀing gih thâo kơ Ană Mơnuih jĕ truh laih, Ñu hlăk dŏ ƀơi bah amăng.#24:33 Ană Mơnuih giăm truh laih, Ñu dŏ laih ƀơi anăp bah amăng; ƀôdah mông giăm laih, či čơdơ̆ng yơh. 34Sĭt biă mă Kâo laĭ kơ ƀing gih, ƀing rơnŭk anai ƀu či rơgao hĭ ôh tơl abih bang tơlơi anŭn či truh. 35Adai laih anŭn lŏn tơnah či rơgao hĭ, samơ̆ boh pơhiăp Kâo ƀu či rơgao hĭ ôh.”
Ƀu Hmâo Hlơi Thâo Hrơi Ñu Rai Dơ̆ng
(Mar 13:32-37; Luk 17:26-30,34-36)
36“Samơ̆ kơ hrơi hăng mông anŭn, ƀu hmâo sa čô hlơi thâo ôh, ƀing ling jang amăng adai ƀôdah Ană Mơnuih kŏn thâo lơi,#24:36 Đơđa Hră Ơi Adai Pơhiăp so đưm ƀu hmâo: Ană kŏn thâo lơi, kơnơ̆ng hơjăn Ama đôč thâo. 37Kar hăng tơlơi truh laih amăng rơnŭk Nôê, či truh kar kaĭ mơ̆n amăng hrơi Ană Mơnuih rai.#Čơd 6:5-8. 38Yua kơ kar hăng amăng rơnŭk hlâo kơ ia lip arăng ƀơ̆ng mơñum, pơdŏ rơkơi bơnai, laih anŭn brơi ƀing ană gơñu pơdŏ rơkơi bơnai hlŏng truh pơ hrơi Nôê mŭt amăng kompăn, 39laih anŭn gơñu ƀu thâo hơgĕt ôh tơl ia lip truh pơđung abih bang gơñu. Hrơi Ană Mơnuih rai či truh kar kaĭ mơ̆n.#Čơd 7:6-24. 40Hlăk anŭn, hmâo dua čô đah rơkơi dŏ amăng hmua; sa čô Ơi Adai mă pơđuaĭ hĭ, sa čô dŏ glaĭ. 41Hmâo dua čô đah kơmơi tơ̆p pơdai hrŏm hơbĭt; sa čô Ơi Adai mă pơđuaĭ hĭ, sa čô dŏ glaĭ. 42Tui anŭn răng bĕ, yua kơ ƀing gih ƀu thâo ôh hơbin hrơi Khua Yang gih či rai. 43Samơ̆ brơi ƀing gih thâo tơlơi anai: tơdah pô sang thâo laih mông pă mơnuih klĕ či rai, ñu či răng ƀu brơi mơnuih klĕ ƀoh pơnăng mŭt amăng sang ñu ôh. 44Tui anŭn kar kaĭ mơ̆n ƀing gih khŏm dŏ prăp pre bĕ; yua kơ Ană Mơnuih či rai amăng mông ƀing gih ƀu ăng rơmăng ôh.”#Luk 12:39,40.
Ding Kơna Tŏng Ten Hăng Ding Kơna Ƀu Tŏng Ten
(Luk 12:41-48)
45“Hlơi pô jing ding kơna tŏng ten laih anŭn kơhnâo, pô khua hmâo jao brơi wai lăng abih bang mơnuih amăng sang ñu, kiăng brơi mơnơ̆ng ƀơ̆ng huă kơ ƀing gơ̆ djơ̆ mông? 46Mơyun hiam yơh kơ ding kơna anŭn, tơ khua ñu truh laih anŭn ƀuh ñu dŏ ngă tui anŭn! 47Sĭt biă mă Kâo laĭ kơ ƀing gih, khua ñu či jao brơi kơ ding kơna anŭn wai lăng abih bang kong ngăn gơ̆ hmâo. 48Samơ̆ tơdah ding kơna sat anŭn pơmĭn amăng pran jua ñu tui anai: ‘Khua kâo či truh kaih,’ 49ñu čơdơ̆ng taih tơdruă ƀing ding kơna gơ̆p mă bruă hrŏm hơbĭt hăng ñu, laih anŭn ƀơ̆ng mơñum hrŏm hơbĭt hăng ƀing măt tơpai, 50khua ding kơna anŭn či truh amăng hrơi ñu ƀu ăng rơmăng, laih anŭn amăng mông ñu ƀu thâo ôh, 51laih anŭn khua ñu či taih pơrai hĭ ñu#24:51 taih pơrai hĭ ñu; ƀôdah čơ̆ng pơphač ñu. hăng yap ñu hrŏm hơbĭt hăng ƀing plơ̆m ƀlor. Ƀơi anŭn či hmâo tơlơi čŏk hia hăng kĕ tơgơi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2016 United Bible Societies. All rights reserved.