Matìyò 17
17
Kə̀ʼ ə Yesò kwitə a kwi pfen
(Mak 9.2-13; Luk 9.28-36)
1A sə ndiʼ a bàm mətsi ntʉfə, Yesò lyɨ̀ Bità nə̀ lèmə̀ wen ə Jems nə̀ Joyn wenə̀ vəwenə kuʼ a kwi pfen dyèfə a wìʼ ko ndiʼ tsu. 2Vəwenə nè kuʼ zaʼa tsu kə̀ʼ ə Yesò bvʉ̀tə̀ kwìtə sə̀ baynə to nə̀ chʉzhʉ. Ndisə wen sə kaʼsə sə̀ fəfə alə̀ ŋwàŋtə̀. 3Tò a zhʉ ayì Mosìs wenə̀ Elijà fʉ̀ à vəwenə a kə̀ʼ sə̀ gàʼà wenə və Yesò. 4Bità mù gàʼ à Yesò la, “Kə boŋə li a Bobo ando vəghəŋ dìʼ a shèn. A zhʉ a wu kòŋə, mà bwòm təto tə taʼ, wu nkiʼi mùʼ, Mosìs kiʼi mùʼ, Elijà be kiʼi tsenghə.”
5Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”
6Ndzɨ̀mtə̀sə bàm Yesò sə nè zhʉ̀ gɨ̀ a ghèn sə̀ fàynə̀ no nànto, fəŋkə a nse apfʉ̀ʼapfʉʼ. 7Yesò vì kùm vəwenə ə̀ gàʼ la, “Ghə̀ŋ lukə, kə ghə̀ŋ be fàyn.” 8Vəwenə tsòʼsə̀ ashɨ vəwenə sə ki mu Yesò sə diʼ to wen nyɨŋ.
9Vəwenə nè sə mbwènə̀ shiʼì fa kwi pfen yì Yesò tyɨftə vəwenə la, “Kə ghə̀ŋ à shə̀ʼtə̀ kənyʉ̀ kèn a ghə̀ŋ yenə lə̀ à wìʼ əzaʼa fa tʉʼ a Wàyn Wìʼ lə pfʉ və lusə wen fa pfʉ.”
10Ndzɨ̀mtə̀sə bàm wen sə bèm à wen la, “Byìʼì ghò a ndìʼsə̀sə təsoʼ sə gàʼà la à diʼ ne vì Elijà a mbì wìʼ yì a Nyìngòŋ ntsuʼ li ə̀ ghʉ lì a?”
11Yesò gàʼ à vəwenə la “A dìʼ nəmwèʼè la Elijà a vì a mbì ə shɨ̀tə no nyʉ̀ tsèm. 12Mà gàʼà à ghə̀ŋ nəmwèʼè la Elijà nsə̀ diʼ mu ghə̀ vi li, viʼi yen wen alì kò vəwenə lù kɨ. Vəwenə mù sə kwe no ghò və ne à wen. A dìʼ tò ndə̀ŋndəŋ ando Wàyn Wìʼ lə yenə ngəʼ fà vəwenə avu.”
13Ghə̀ gàʼ a lì ndzɨ̀mtə̀sə bàm wen sə mù kɨ̀ la ghə̀ yì ngàʼà byìʼì Joyn wù ku à mù.
Yesò chʉʼ wàyn wùlɨm tsen a ghə̀ nkiʼi kəzhwì kə byɨkə
(Mak 9.14-29; Luk 9.37-43a)
14Yesò nè bwènə̀ shiʼi fa kwi pfen wenə̀ ndzɨ̀mtə̀sə bàm wen shì sətaʼ vì kwʉ̀ʼ nòyn viʼi tsenghə. Wùlɨm tsen fʉ̀ fa tì nòyn a yì gwʉ̀ʼtə alwi wen a shɨ Yesò 15ə̀ gàʼ la, “Bobo kusə nshinsə à wàyn wùlɨm ghom ghèn. Ghə̀ nkwaʼa nə̀ kəmbvʉ̀ kə. Kə zhuŋsə̀ wen no nànto nè ghə̀ fəŋə nghoʼo məzhʉ̀ a zhìʼ ko à mù. 16Ma tə mvi nə̀ wen à ndzɨ̀mtə̀sə bàm wù ghə̀ ghoʼ vəwenə a məchʉʼ.”
17Yesò bwènsə̀ la, “Venə diʼ viʼi nki kəlyɨŋ kə kò a və chiʼi kətʉ ken la vəwenə ghʉ tətyɨm tə vəwenə à Nyìngòŋ a? Mà a ndiʼ vəghəŋ əzaʼa fa ze? Mà ghaʼa tyɨm ə ghom əzaʼa fa ze?” Ghə̀ gàʼ a lì mù gàʼ à wìʼ ayì la,“Vi nə̀ wàyn ayì a shèn à mò.” 18Ghə̀ vì nə̀ wen, Yesò kàyntə̀ nyʉ̀ à kəzhwì kə byɨkə akì kə fʉ̀ fa wèn wàyn ayì ghə̀ to tò a zhʉ ayì.
19Ndzɨ̀mtə̀sə bàm Yesò sə mù nyòʼtə vì bèm à wen la, “Byìʼì ghò a kə nto ghoʼo yès ə yès shisə kəzhwì kə byɨkə a kèn kə a?”
20Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [21Wìʼ zì ghə̀ dzɨ̀mə̀ shisə̀ nki kəzhwì kə byɨkə anə̀ kèn tò a zhʉ a ghə̀ jɨ̀mə̀ be bamə chʉ̀.”]
Yesò bè gàʼ byìʼì pfʉ wen
(Mak 9.30-32; Luk 9.43b-45)
22Yesò wenə̀ ndzɨ̀mtə̀sə bàm wen nè dyʉ̀ zaʼa a Galìlì ghə̀ bè gàʼ à ndzɨ̀mtə̀sə bàm wen la, “Və a ku Wàyn Wìʼ a avu viʼi, 23və zhwi wen a sə ndiʼ a mətsi ntaʼ Nyìngòŋ lusə wen fa pfʉ. Kənyʉ̀ akì sə̀ ku ngəʼ a ndzɨ̀mtə̀sə bàm wen no nànto.”
Yesò gàʼ kùmə̀ kənsè a və nlòʼò a ngə̀ŋ Nyìngòŋ ghoʼo
24Yesò wenə̀ ndzɨ̀mtə̀sə bàm wen nè jèʼ dyʉ̀ zaʼa a ntə̀ʼ Kabenùm viʼi vyi a və shi ko kənsè a ngə̀ŋ Nyìngòŋ vì bèm a Bità la, “Ndìʼsə̀ ghə̀ŋ mòʼò kənsè a ngə̀ŋ Nyìngòŋ?”
25Ghə̀ byɨmə ə̀ gàʼ la ghə̀ mòʼò. Bità nè kwèn a ngə̀ŋ, Yesò zìtə̀ ə gàʼ a mbì bèmə̀ à wen la, “Wù kwòʼtə̀ la ghò a Simon, la təfòyn tə mbi tə nshi ko kənsè fà viʼi vəwenə mu fà viʼi və vi və lo?”
26Ghə̀ gàʼ la, “Vəwenə shi fà viʼi və vi və.” Yesò mù gàʼ la, “Kə lì dìʼ la viʼi təloʼ a vyi ko diʼ lòʼ kənsè à təfòyn tə vəwenə atì. 27Kə diʼ tò no a lì, alì kə ko bòŋ la yowù ne vəwenə mfwisə̀ tin à yowù. Dyʉ̀ a benə̀ mo ə̀ mòʼ nsoʼ, no shʉ̀ ko a ghə̀ lyɨ tsu a mbì wu gùfə̀ shisə̀ ə̀ bòʼtə̀ chʉ̀ wen a wù a yen ko kəkas tsu. Shìsə̀ dyʉ̀ lòʼ ko kənsè yowù tsu à vəwenə.”
Currently Selected:
Matìyò 17: bbkDBLnt
Highlight
Share
Copy
Want to have your highlights saved across all your devices? Sign up or sign in
Matìyò 17
17
Kə̀ʼ ə Yesò kwitə a kwi pfen
(Mak 9.2-13; Luk 9.28-36)
1A sə ndiʼ a bàm mətsi ntʉfə, Yesò lyɨ̀ Bità nə̀ lèmə̀ wen ə Jems nə̀ Joyn wenə̀ vəwenə kuʼ a kwi pfen dyèfə a wìʼ ko ndiʼ tsu. 2Vəwenə nè kuʼ zaʼa tsu kə̀ʼ ə Yesò bvʉ̀tə̀ kwìtə sə̀ baynə to nə̀ chʉzhʉ. Ndisə wen sə kaʼsə sə̀ fəfə alə̀ ŋwàŋtə̀. 3Tò a zhʉ ayì Mosìs wenə̀ Elijà fʉ̀ à vəwenə a kə̀ʼ sə̀ gàʼà wenə və Yesò. 4Bità mù gàʼ à Yesò la, “Kə boŋə li a Bobo ando vəghəŋ dìʼ a shèn. A zhʉ a wu kòŋə, mà bwòm təto tə taʼ, wu nkiʼi mùʼ, Mosìs kiʼi mùʼ, Elijà be kiʼi tsenghə.”
5Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”
6Ndzɨ̀mtə̀sə bàm Yesò sə nè zhʉ̀ gɨ̀ a ghèn sə̀ fàynə̀ no nànto, fəŋkə a nse apfʉ̀ʼapfʉʼ. 7Yesò vì kùm vəwenə ə̀ gàʼ la, “Ghə̀ŋ lukə, kə ghə̀ŋ be fàyn.” 8Vəwenə tsòʼsə̀ ashɨ vəwenə sə ki mu Yesò sə diʼ to wen nyɨŋ.
9Vəwenə nè sə mbwènə̀ shiʼì fa kwi pfen yì Yesò tyɨftə vəwenə la, “Kə ghə̀ŋ à shə̀ʼtə̀ kənyʉ̀ kèn a ghə̀ŋ yenə lə̀ à wìʼ əzaʼa fa tʉʼ a Wàyn Wìʼ lə pfʉ və lusə wen fa pfʉ.”
10Ndzɨ̀mtə̀sə bàm wen sə bèm à wen la, “Byìʼì ghò a ndìʼsə̀sə təsoʼ sə gàʼà la à diʼ ne vì Elijà a mbì wìʼ yì a Nyìngòŋ ntsuʼ li ə̀ ghʉ lì a?”
11Yesò gàʼ à vəwenə la “A dìʼ nəmwèʼè la Elijà a vì a mbì ə shɨ̀tə no nyʉ̀ tsèm. 12Mà gàʼà à ghə̀ŋ nəmwèʼè la Elijà nsə̀ diʼ mu ghə̀ vi li, viʼi yen wen alì kò vəwenə lù kɨ. Vəwenə mù sə kwe no ghò və ne à wen. A dìʼ tò ndə̀ŋndəŋ ando Wàyn Wìʼ lə yenə ngəʼ fà vəwenə avu.”
13Ghə̀ gàʼ a lì ndzɨ̀mtə̀sə bàm wen sə mù kɨ̀ la ghə̀ yì ngàʼà byìʼì Joyn wù ku à mù.
Yesò chʉʼ wàyn wùlɨm tsen a ghə̀ nkiʼi kəzhwì kə byɨkə
(Mak 9.14-29; Luk 9.37-43a)
14Yesò nè bwènə̀ shiʼi fa kwi pfen wenə̀ ndzɨ̀mtə̀sə bàm wen shì sətaʼ vì kwʉ̀ʼ nòyn viʼi tsenghə. Wùlɨm tsen fʉ̀ fa tì nòyn a yì gwʉ̀ʼtə alwi wen a shɨ Yesò 15ə̀ gàʼ la, “Bobo kusə nshinsə à wàyn wùlɨm ghom ghèn. Ghə̀ nkwaʼa nə̀ kəmbvʉ̀ kə. Kə zhuŋsə̀ wen no nànto nè ghə̀ fəŋə nghoʼo məzhʉ̀ a zhìʼ ko à mù. 16Ma tə mvi nə̀ wen à ndzɨ̀mtə̀sə bàm wù ghə̀ ghoʼ vəwenə a məchʉʼ.”
17Yesò bwènsə̀ la, “Venə diʼ viʼi nki kəlyɨŋ kə kò a və chiʼi kətʉ ken la vəwenə ghʉ tətyɨm tə vəwenə à Nyìngòŋ a? Mà a ndiʼ vəghəŋ əzaʼa fa ze? Mà ghaʼa tyɨm ə ghom əzaʼa fa ze?” Ghə̀ gàʼ a lì mù gàʼ à wìʼ ayì la,“Vi nə̀ wàyn ayì a shèn à mò.” 18Ghə̀ vì nə̀ wen, Yesò kàyntə̀ nyʉ̀ à kəzhwì kə byɨkə akì kə fʉ̀ fa wèn wàyn ayì ghə̀ to tò a zhʉ ayì.
19Ndzɨ̀mtə̀sə bàm Yesò sə mù nyòʼtə vì bèm à wen la, “Byìʼì ghò a kə nto ghoʼo yès ə yès shisə kəzhwì kə byɨkə a kèn kə a?”
20Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [21Wìʼ zì ghə̀ dzɨ̀mə̀ shisə̀ nki kəzhwì kə byɨkə anə̀ kèn tò a zhʉ a ghə̀ jɨ̀mə̀ be bamə chʉ̀.”]
Yesò bè gàʼ byìʼì pfʉ wen
(Mak 9.30-32; Luk 9.43b-45)
22Yesò wenə̀ ndzɨ̀mtə̀sə bàm wen nè dyʉ̀ zaʼa a Galìlì ghə̀ bè gàʼ à ndzɨ̀mtə̀sə bàm wen la, “Və a ku Wàyn Wìʼ a avu viʼi, 23və zhwi wen a sə ndiʼ a mətsi ntaʼ Nyìngòŋ lusə wen fa pfʉ. Kənyʉ̀ akì sə̀ ku ngəʼ a ndzɨ̀mtə̀sə bàm wen no nànto.”
Yesò gàʼ kùmə̀ kənsè a və nlòʼò a ngə̀ŋ Nyìngòŋ ghoʼo
24Yesò wenə̀ ndzɨ̀mtə̀sə bàm wen nè jèʼ dyʉ̀ zaʼa a ntə̀ʼ Kabenùm viʼi vyi a və shi ko kənsè a ngə̀ŋ Nyìngòŋ vì bèm a Bità la, “Ndìʼsə̀ ghə̀ŋ mòʼò kənsè a ngə̀ŋ Nyìngòŋ?”
25Ghə̀ byɨmə ə̀ gàʼ la ghə̀ mòʼò. Bità nè kwèn a ngə̀ŋ, Yesò zìtə̀ ə gàʼ a mbì bèmə̀ à wen la, “Wù kwòʼtə̀ la ghò a Simon, la təfòyn tə mbi tə nshi ko kənsè fà viʼi vəwenə mu fà viʼi və vi və lo?”
26Ghə̀ gàʼ la, “Vəwenə shi fà viʼi və vi və.” Yesò mù gàʼ la, “Kə lì dìʼ la viʼi təloʼ a vyi ko diʼ lòʼ kənsè à təfòyn tə vəwenə atì. 27Kə diʼ tò no a lì, alì kə ko bòŋ la yowù ne vəwenə mfwisə̀ tin à yowù. Dyʉ̀ a benə̀ mo ə̀ mòʼ nsoʼ, no shʉ̀ ko a ghə̀ lyɨ tsu a mbì wu gùfə̀ shisə̀ ə̀ bòʼtə̀ chʉ̀ wen a wù a yen ko kəkas tsu. Shìsə̀ dyʉ̀ lòʼ ko kənsè yowù tsu à vəwenə.”
Currently Selected:
:
Highlight
Share
Copy
Want to have your highlights saved across all your devices? Sign up or sign in