Matìyò 18
18
Yesò ziʼi kùmə̀ wìʼ yì a ghə̀ chò ghətsen
(Mak 9.33-37; Luk 9.46-48)
1Tò a zhʉ a yì ndzɨ̀mtə̀sə bàm Yesò sə vì bèm à wen la,“A chò ndò chò wutsen a soʼ Fòyn Nyìngòŋ a?”
2No a zhʉ̀ kò Yesò dzàŋ wàyn tyetə ə̀ gàʼ la ghə̀ vi tɨ̀mə à vəwenə a shɨ, 3mù gàʼ la “Mà gàʼà à ghə̀ŋ nəmwèʼè la ghə̀ŋ sətsèn fàŋ ke kwitə ə ndiʼ to nə̀ vunə və bwaʼvə mu ghə̀ŋ ko lə kwen a soʼ Fòyn Nyìngòŋ. 4Wìʼ a ghə̀ chò wutsen a soʼ Fòyn Nyìngòŋ dìʼ wìʼ a ghə̀ shiʼsə wenə wen to nə̀ wàyn ghèn. 5No ndò a ghə̀ shisə wàyndyə anə̀ ghèn byìʼì mò mu ghə̀ shisə li mò.”
6No ndò a ghə̀ sətsèn nè la wàyn muʼ fa ntìntìn vunə venə a və byɨmə li à mò ne mbyɨ mu kə bòŋ la və chuŋ ti à wen a ŋwì ədyʉ̀ mòʼ wen à mù mə nghoʼomə̀ ndi ghə̀ pfʉ. 7Ngəʼ ghoʼo diʼ a mbi byìʼì nyʉ̀ vyi a və nè la viʼi ə nè mbyɨ. Nyʉ̀ avenə diʼ ne nlyɨ̀ kəshi alì ngəʼ ghoʼo diʼ à wìʼ yì a ghə̀ nè la nyʉ̀ avenə nlyɨ̀ kəshi.
8Kəvu kə̀ ko kəghʉ kə̀ sətsèn nè la wù ne mbyɨ wu tin ə̀ màʼà. Kə bòŋ la wù kiʼi bwòŋ yi a ghə̀ ko lə mè kènə̀ kəvu kə mùʼ ko kəghʉ kə mùʼ əchò la wù kiʼi wen wu no tsèm və moʼ wù a zhìʼ a ghə̀ ko lə mè. 9A sətsèn shɨ wu ne la wù ne mbyɨ wu tòŋ shìsə̀ ə̀ màʼà. Kə bòŋ la wù kiʼi bwòŋ tò nə̀ shɨ mùʼ əchò la wù nkiʼ ashɨ wu no à tsèm və moʼ wù a zhìʼ byɨghə.
Yesò mò ngàyn kùmə̀ byi a ghə̀ nle
(Luk 5.3-7)
10Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom. 11[“Byèʼè Wàyn Wìʼ mvi ə bwòŋsə viʼi və levə”].
12Ghə̀ŋ kwòʼtə̀ la wìʼ sətsèn nkiʼ byisə vənjɨ̀ ghɨ ghə̀ muʼ mu lè, ghə̀ à nè ale? Kə sətsèn chò a lì, ghə̀ à ghʉ̀sə sətsensə shì njʉ̀sə̀ abʉ̀muʼ a məwum abʉ̀muʼ sə sə nzhɨ a kwi pfen ghə̀ njèʼè kəŋə ghətsen yì a ghə̀ le lì. 13Mà gàʼà à ghə̀ŋ nəmwèʼè la, ghə̀ sətsèn kəŋ ə̀ yen, ghə̀ sə saŋlə̀ no a nkàyn byìʼì byi ayì mùʼ chò ando ghə̀ saŋlə̀ byìʼì sətsèn shi njʉ̀sə̀ abʉ̀muʼ a məwum abʉ̀muʼ a sə ko lè lì. 14Kə diʼ tò ndə̀ŋndəŋ ando Tìʼ ghə̀ŋ a kàŋ ko kòŋ la wàyn muʼ fa ntìntìn vunə venə le.
Kənyʉ̀ a wù diʼi nè a zhʉ a lèmə̀ wù ne kənyʉ̀ kə byɨkə à wù
15Yesò bè gàʼ la “Lèmə̀ wù sətsèn nè mbyɨ à wù, wu dyʉ̀ yenə wen ə̀ shə̀ʼtə̀ kənyʉ̀ akì à wen a ghə̀ byɨsə̀. Wù nè sə ngàʼà andìʼ tò wenə̀ wen və bò. A sətsèn ghə̀ zhʉtə, mu kə diʼ la wù bwensə̀ li nkiʼi wen. 16Wù dyʉ̀ gàʼ ghə̀ diʼ ke zhʉ, wu bwènə̀ dyʉ̀ lyɨ̀ wutsen ko viʼi vəbò wen vəwenə dyʉ̀ gàʼ à wen ndi a kənyʉ̀ ayì, viʼi və yenəvə ndiʼ vəbò ko vətaʼ ndə̀ŋndəŋ ando ŋwàʼlə̀ Nyìngòŋ gàʼà. 17Ghə̀ŋ sətsèn dyʉ̀ tsèntə̀ gàʼ à wen, ghə̀ be tyèn tò tyenə la ghə̀ ko a zhʉtə, wu lyɨ kənyʉ̀ akì dyʉ̀ nə̀ kəwenkə a ntsèntə̀ viʼi vəbyɨməvə. Ghə̀ sətsèn bè tyen tò tyenə la ghə̀ ko a zhʉtə kənyʉ̀ a ntsèntə̀ gàʼà, wu ghʉ̀ la ghə̀ sə diʼ à wù to nə̀ wù kətɨm ko wù tinə kənsè.”
18Mà mù sə gàʼà à ghə̀ŋ nəmwèʼè la, “No ghò a ghə̀ŋ byɨmə a nse mu Nyìngòŋ a byɨmə a kàŋ. Ghə̀ŋ be tensə no ghò a nse mu Nyìngòŋ be a tensə a kàŋ.”
19Ma be sə gàʼà kwʉ̀ʼsə̀ à ghə̀ŋ la, “No a zhʉ̀ kò a ghə̀ŋ diʼì a nse a shèn ghə̀ŋ və bò, njɨ̀mə̀ bèmə̀ no ghò a chʉ̀ mùʼ, Tìʼ ghom a kàŋ ne nè à ghə̀ŋ. 20Byìʼàndo viʼi sətsèn ŋwʉʼʉ tè fe əzaʼa vəbò ko vətaʼ à mò à zhiʼ mu mà dìʼ yo vəwenə.”
Yesò ziʼi la viʼi diʼi ə màʼà mbyɨsə viʼi vətsenvə no məzhʉ̀ ntsèm
21Bità mù fʉ̀tə̀ vì ə̀ bèm a Yesò la “Bobo, lèmə̀ ghom lè mù sətsèn ə nè mbyɨ à mò tò ne, mà màʼà mbyɨsə wen aghayn à shə̀ʼ? Mà màʼà nyʉ̀ byɨvə wen ədyʉ̀ zaʼa aghayn sòmbo mu?”
22Yesò bwènsə̀ gàʼ à wen la, “Jòʼ! à ko diʼ tò aghayn sòmbo. Wù diʼi màʼà nyʉ̀ byɨvə wen aghayn njʉ̀sə̀ sòmbo a məwum sòmbo. 23Mà gàʼà alə̀ byìʼàndo soʼ Fòyn Nyìngòŋ diʼ tò nə̀ fòyn tsen a ghə̀ nkəŋə əyen la viʼi shwèʼ wen ghʉ ko wen ale lo. 24Andìʼ ando ghə̀ nzìtə̀, və vì nə̀ wù shwèʼ wen tsen ghə̀ kiʼ ko əlòʼ à wen a vəmalàn. 25Fòyn ayì gàʼ la və baʼlə wen nə̀ wì wen bènə̀ vunə wen a kòs boʼsə nə̀ ghò no tsèm a ghə̀ nkiʼi ə̀ lyɨ̀ ko yi lòʼ. 26Wù shwèʼ ayì shiʼi à wen alwi ashɨ tìʼ shwèʼ wen mù sə̀ sensə̀ wen gàʼà la, Ghə̀ ghaʼa tyɨm wen tò fəshitə̀ alə̀ a yì bwènsə̀ lòʼ ko wen no tsèm.” 27Fòyn ayì kusə nshinsə à wen ə̀ gàʼ la, kə ghə̀ be à bwènsə̀ lòʼ ko ayi mù ghʉsə wen ghə̀ lù.
28“Wìʼ ayì lù sə ndyʉ̀ yen wìʼ tsen a wenə̀ wen nshwèʼè, ghə̀ kiʼ tò fəkotə̀ alə̀ əlòʼ à wen. Wìʼ ayì ghàʼ wen fà wen a kəndòŋ tò a zhʉ ayì ə̀ gàʼ la ghə̀ loʼ ko yi. 29Wìʼ ayì shiʼi à wen a nchiʼsə alwi a nse mù sə sensə̀ wen la, Ghaʼa tyɨm wu tò fəshitə̀ alə̀ a ma lòʼ ko wù. 30Ghə̀ tyen bòŋsə̀ nè və ghaʼ wen shwìn gàʼà la, ghə̀ a faŋ tò tsu əzaʼa fa zhʉ a ghə̀ a lòʼ ko ayi. 31Viʼi shwèʼ vətsenvə vi nè yèn kənyʉ̀ akì kò kə lù bòŋ à vəwenə no a mpfen. Vəwenə bwènə̀ dyʉ̀ shə̀ʼtə̀ à fòyn yì a vəwenə nshwèʼè à wen lì. 32Fòyn dzàŋ wù shwèʼ ayì a tì ngə̀ŋ ə̀ gàʼ à wen la, Wù dìʼ no wù shwèʼ byɨ! Wù tə sènsə mò mà ghʉsə wù, wù dyʉ̀ nə̀ ko yi a wù tə nkiʼ əlòʼ à mò, 33a tə ne ghò la kə nkàntə̀ wù à kusə nshinsə à wìʼ ghèn a wenə̀ vəwenə shwèʼè a muʼu ndə̀ŋndəŋ ando mà tə kusə nshinsə à wù a? 34Tin fòyn ayì fwi ghə̀ lyɨ̀ wen kù à viʼi vyi a və shwìnə̀ viʼi la və shwìn ə wen bè nyàblə̀ nə̀ wen əzaʼa fa zhʉ a ghə̀ lu lòʼ ko wen yi no tsèm. 35Yesò mò ngàyn ayì mwètə̀ mù gàʼ la, A lè ando Tìʼ ghom a kàŋ lu nè no tè à ndo à ghə̀ŋ a ntìntìn a zhʉ a ghə̀ fàŋ ke lyèsə̀ ə ku lèmə̀ wen fà wen a tyɨm.”
Currently Selected:
Matìyò 18: bbkDBLnt
Highlight
Share
Copy
Want to have your highlights saved across all your devices? Sign up or sign in
Matìyò 18
18
Yesò ziʼi kùmə̀ wìʼ yì a ghə̀ chò ghətsen
(Mak 9.33-37; Luk 9.46-48)
1Tò a zhʉ a yì ndzɨ̀mtə̀sə bàm Yesò sə vì bèm à wen la,“A chò ndò chò wutsen a soʼ Fòyn Nyìngòŋ a?”
2No a zhʉ̀ kò Yesò dzàŋ wàyn tyetə ə̀ gàʼ la ghə̀ vi tɨ̀mə à vəwenə a shɨ, 3mù gàʼ la “Mà gàʼà à ghə̀ŋ nəmwèʼè la ghə̀ŋ sətsèn fàŋ ke kwitə ə ndiʼ to nə̀ vunə və bwaʼvə mu ghə̀ŋ ko lə kwen a soʼ Fòyn Nyìngòŋ. 4Wìʼ a ghə̀ chò wutsen a soʼ Fòyn Nyìngòŋ dìʼ wìʼ a ghə̀ shiʼsə wenə wen to nə̀ wàyn ghèn. 5No ndò a ghə̀ shisə wàyndyə anə̀ ghèn byìʼì mò mu ghə̀ shisə li mò.”
6No ndò a ghə̀ sətsèn nè la wàyn muʼ fa ntìntìn vunə venə a və byɨmə li à mò ne mbyɨ mu kə bòŋ la və chuŋ ti à wen a ŋwì ədyʉ̀ mòʼ wen à mù mə nghoʼomə̀ ndi ghə̀ pfʉ. 7Ngəʼ ghoʼo diʼ a mbi byìʼì nyʉ̀ vyi a və nè la viʼi ə nè mbyɨ. Nyʉ̀ avenə diʼ ne nlyɨ̀ kəshi alì ngəʼ ghoʼo diʼ à wìʼ yì a ghə̀ nè la nyʉ̀ avenə nlyɨ̀ kəshi.
8Kəvu kə̀ ko kəghʉ kə̀ sətsèn nè la wù ne mbyɨ wu tin ə̀ màʼà. Kə bòŋ la wù kiʼi bwòŋ yi a ghə̀ ko lə mè kènə̀ kəvu kə mùʼ ko kəghʉ kə mùʼ əchò la wù kiʼi wen wu no tsèm və moʼ wù a zhìʼ a ghə̀ ko lə mè. 9A sətsèn shɨ wu ne la wù ne mbyɨ wu tòŋ shìsə̀ ə̀ màʼà. Kə bòŋ la wù kiʼi bwòŋ tò nə̀ shɨ mùʼ əchò la wù nkiʼ ashɨ wu no à tsèm və moʼ wù a zhìʼ byɨghə.
Yesò mò ngàyn kùmə̀ byi a ghə̀ nle
(Luk 5.3-7)
10Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom. 11[“Byèʼè Wàyn Wìʼ mvi ə bwòŋsə viʼi və levə”].
12Ghə̀ŋ kwòʼtə̀ la wìʼ sətsèn nkiʼ byisə vənjɨ̀ ghɨ ghə̀ muʼ mu lè, ghə̀ à nè ale? Kə sətsèn chò a lì, ghə̀ à ghʉ̀sə sətsensə shì njʉ̀sə̀ abʉ̀muʼ a məwum abʉ̀muʼ sə sə nzhɨ a kwi pfen ghə̀ njèʼè kəŋə ghətsen yì a ghə̀ le lì. 13Mà gàʼà à ghə̀ŋ nəmwèʼè la, ghə̀ sətsèn kəŋ ə̀ yen, ghə̀ sə saŋlə̀ no a nkàyn byìʼì byi ayì mùʼ chò ando ghə̀ saŋlə̀ byìʼì sətsèn shi njʉ̀sə̀ abʉ̀muʼ a məwum abʉ̀muʼ a sə ko lè lì. 14Kə diʼ tò ndə̀ŋndəŋ ando Tìʼ ghə̀ŋ a kàŋ ko kòŋ la wàyn muʼ fa ntìntìn vunə venə le.
Kənyʉ̀ a wù diʼi nè a zhʉ a lèmə̀ wù ne kənyʉ̀ kə byɨkə à wù
15Yesò bè gàʼ la “Lèmə̀ wù sətsèn nè mbyɨ à wù, wu dyʉ̀ yenə wen ə̀ shə̀ʼtə̀ kənyʉ̀ akì à wen a ghə̀ byɨsə̀. Wù nè sə ngàʼà andìʼ tò wenə̀ wen və bò. A sətsèn ghə̀ zhʉtə, mu kə diʼ la wù bwensə̀ li nkiʼi wen. 16Wù dyʉ̀ gàʼ ghə̀ diʼ ke zhʉ, wu bwènə̀ dyʉ̀ lyɨ̀ wutsen ko viʼi vəbò wen vəwenə dyʉ̀ gàʼ à wen ndi a kənyʉ̀ ayì, viʼi və yenəvə ndiʼ vəbò ko vətaʼ ndə̀ŋndəŋ ando ŋwàʼlə̀ Nyìngòŋ gàʼà. 17Ghə̀ŋ sətsèn dyʉ̀ tsèntə̀ gàʼ à wen, ghə̀ be tyèn tò tyenə la ghə̀ ko a zhʉtə, wu lyɨ kənyʉ̀ akì dyʉ̀ nə̀ kəwenkə a ntsèntə̀ viʼi vəbyɨməvə. Ghə̀ sətsèn bè tyen tò tyenə la ghə̀ ko a zhʉtə kənyʉ̀ a ntsèntə̀ gàʼà, wu ghʉ̀ la ghə̀ sə diʼ à wù to nə̀ wù kətɨm ko wù tinə kənsè.”
18Mà mù sə gàʼà à ghə̀ŋ nəmwèʼè la, “No ghò a ghə̀ŋ byɨmə a nse mu Nyìngòŋ a byɨmə a kàŋ. Ghə̀ŋ be tensə no ghò a nse mu Nyìngòŋ be a tensə a kàŋ.”
19Ma be sə gàʼà kwʉ̀ʼsə̀ à ghə̀ŋ la, “No a zhʉ̀ kò a ghə̀ŋ diʼì a nse a shèn ghə̀ŋ və bò, njɨ̀mə̀ bèmə̀ no ghò a chʉ̀ mùʼ, Tìʼ ghom a kàŋ ne nè à ghə̀ŋ. 20Byìʼàndo viʼi sətsèn ŋwʉʼʉ tè fe əzaʼa vəbò ko vətaʼ à mò à zhiʼ mu mà dìʼ yo vəwenə.”
Yesò ziʼi la viʼi diʼi ə màʼà mbyɨsə viʼi vətsenvə no məzhʉ̀ ntsèm
21Bità mù fʉ̀tə̀ vì ə̀ bèm a Yesò la “Bobo, lèmə̀ ghom lè mù sətsèn ə nè mbyɨ à mò tò ne, mà màʼà mbyɨsə wen aghayn à shə̀ʼ? Mà màʼà nyʉ̀ byɨvə wen ədyʉ̀ zaʼa aghayn sòmbo mu?”
22Yesò bwènsə̀ gàʼ à wen la, “Jòʼ! à ko diʼ tò aghayn sòmbo. Wù diʼi màʼà nyʉ̀ byɨvə wen aghayn njʉ̀sə̀ sòmbo a məwum sòmbo. 23Mà gàʼà alə̀ byìʼàndo soʼ Fòyn Nyìngòŋ diʼ tò nə̀ fòyn tsen a ghə̀ nkəŋə əyen la viʼi shwèʼ wen ghʉ ko wen ale lo. 24Andìʼ ando ghə̀ nzìtə̀, və vì nə̀ wù shwèʼ wen tsen ghə̀ kiʼ ko əlòʼ à wen a vəmalàn. 25Fòyn ayì gàʼ la və baʼlə wen nə̀ wì wen bènə̀ vunə wen a kòs boʼsə nə̀ ghò no tsèm a ghə̀ nkiʼi ə̀ lyɨ̀ ko yi lòʼ. 26Wù shwèʼ ayì shiʼi à wen alwi ashɨ tìʼ shwèʼ wen mù sə̀ sensə̀ wen gàʼà la, Ghə̀ ghaʼa tyɨm wen tò fəshitə̀ alə̀ a yì bwènsə̀ lòʼ ko wen no tsèm.” 27Fòyn ayì kusə nshinsə à wen ə̀ gàʼ la, kə ghə̀ be à bwènsə̀ lòʼ ko ayi mù ghʉsə wen ghə̀ lù.
28“Wìʼ ayì lù sə ndyʉ̀ yen wìʼ tsen a wenə̀ wen nshwèʼè, ghə̀ kiʼ tò fəkotə̀ alə̀ əlòʼ à wen. Wìʼ ayì ghàʼ wen fà wen a kəndòŋ tò a zhʉ ayì ə̀ gàʼ la ghə̀ loʼ ko yi. 29Wìʼ ayì shiʼi à wen a nchiʼsə alwi a nse mù sə sensə̀ wen la, Ghaʼa tyɨm wu tò fəshitə̀ alə̀ a ma lòʼ ko wù. 30Ghə̀ tyen bòŋsə̀ nè və ghaʼ wen shwìn gàʼà la, ghə̀ a faŋ tò tsu əzaʼa fa zhʉ a ghə̀ a lòʼ ko ayi. 31Viʼi shwèʼ vətsenvə vi nè yèn kənyʉ̀ akì kò kə lù bòŋ à vəwenə no a mpfen. Vəwenə bwènə̀ dyʉ̀ shə̀ʼtə̀ à fòyn yì a vəwenə nshwèʼè à wen lì. 32Fòyn dzàŋ wù shwèʼ ayì a tì ngə̀ŋ ə̀ gàʼ à wen la, Wù dìʼ no wù shwèʼ byɨ! Wù tə sènsə mò mà ghʉsə wù, wù dyʉ̀ nə̀ ko yi a wù tə nkiʼ əlòʼ à mò, 33a tə ne ghò la kə nkàntə̀ wù à kusə nshinsə à wìʼ ghèn a wenə̀ vəwenə shwèʼè a muʼu ndə̀ŋndəŋ ando mà tə kusə nshinsə à wù a? 34Tin fòyn ayì fwi ghə̀ lyɨ̀ wen kù à viʼi vyi a və shwìnə̀ viʼi la və shwìn ə wen bè nyàblə̀ nə̀ wen əzaʼa fa zhʉ a ghə̀ lu lòʼ ko wen yi no tsèm. 35Yesò mò ngàyn ayì mwètə̀ mù gàʼ la, A lè ando Tìʼ ghom a kàŋ lu nè no tè à ndo à ghə̀ŋ a ntìntìn a zhʉ a ghə̀ fàŋ ke lyèsə̀ ə ku lèmə̀ wen fà wen a tyɨm.”
Currently Selected:
:
Highlight
Share
Copy
Want to have your highlights saved across all your devices? Sign up or sign in