Matìyò 24
24
Yesò gàʼ kùmə̀ nyʉ̀ a və lu mfʉ̀ ando mbi lu mboʼsə mè
(Mak 13.1-2; Luk 21.5-6)
1Yesò fʉ̀ fa ngə̀ŋ ntsentə Nyìngòŋ sə ndyʉ̀, ndzɨ̀mtə̀sə bàm wen sə boʼsə vì nə̀ wen, ə̀ gàʼ a wen la, gaʼa kò ghə̀ yen li jì a və bwomə kəbəŋ kə Nyìngòŋ fa tsu lo.? 2Ghə̀ gàʼ à vəwenə la,“Ghə̀ŋ yenə kəbəŋ kènkə alə̀, mà gàʼà a ghə̀ŋ nəmwèʼè la zhʉ boʼsə vì, a və ne bèytə̀ aloʼ aghenə, kènla no ngùʼ muʼ ne faŋ a kətʉ ghətsen.”
3Yesò ne kuʼ dyʉ̀ ə̀ ŋwʉʼʉ a kwi pfen Olìf, ndzɨ̀mtə̀sə bàm wen sə vì ə̀ ŋwʉʼʉ à wen a mbyɨ̀ mù nyoʼtə gàʼ à wen la, “Shə̀ʼtə̀ à yes la nyʉ̀ venə lu lyɨ̀ kəshi a tʉʼʉ kò lo, kəchwitə kə lu ndiʼ ghò ədiʼ la wù sə bwènə̀ vì a? Və lu kɨ fa gho la mbi sə mè a?”
4Yesò gàʼ à vəwenə la,“Ghə̀ŋ tuʼmə la kə wìʼ lù lobtə ghə̀ŋ. 5Viʼi lu Mvì no və ghoʼo lyɨ̀ zhiʼ ghomə gàʼà la, à diʼ mò yì a və ntsuʼ li ə̀ ghʉ lì ə lobtə nghoʼo viʼi a ji a ghèn.” 6Ghə̀ŋ lu zhʉ ando və temə ghoŋ a mboʼsə be nzhʉ nyʉ̀ byìʼì təghoŋ a kəghaf. Ghə̀ŋ zhʉ a lì kə tətyɨm təŋtə a lɨ̀mə̀ byìʼàndo nyʉ̀ avenə dìʼi lyɨ̀ kəshi mibu mbi lù sə mè. 7Təloʼ tə lu nsoynə tətsentə, təfòyn tə soynə tətsen tə, nse lu nə̀ʼə̀ ə jɨŋ be ku tò shì tsèm. 8Nyʉ̀ avenə lu nlyɨ̀ kəshi alə̀ a bò bu tò kənzìtə̀ kə ngəʼ ghoʼo a ghə̀ lu vì. 9Viʼi lu ghaʼtə ghə̀ŋ ə ku la və ku ngəʼ à ghə̀ŋ, be zhwilə ghə̀ŋ. Viʼi təloʼ tətsèm lu bàyn ghə̀ŋ tò byìʼì mò. 10Nghoʼo viʼi ko be lu nchoʼsə̀ à Nyìngòŋ a zhʉ a ghèn; ə bàynə̀ vəlemə və vəwenə be baʼlə̀ vəwenə. 11Nshə̀ʼtə̀sə kənlobtə lu tu fʉ̀ no sə ghoʼo ə lobtə nghoʼo viʼi. 12Nyʉ̀ byɨvə lu nlyɨ̀ kəshi tò a shi no ghoʼo əzaʼa a nsəʼ tsen a viʼi ko be lə ntùʼù kòŋə̀ vətsenvə. 13No ndò a ghə̀ sətsèn lù wensə nyʉ̀ avenə əzaʼa kəmwètə lu bwoŋ. 14Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.
Yesò shə̀ʼtə̀ byìʼì ngəʼ ghoʼo a ghə̀ diʼi a mbì mibu Wàyn Wìʼ vi
(Mak 13.14-23; Luk 21.20-24)
15“Zhʉ a ghə̀ŋ a yen kəfo kə faynsə kì a kə fwàʼlə̀ a nshə̀ʼtə̀ Danye ngaʼà byìʼì kəwenkə, ti a kəshi kə laynə kə, (wìʼ a ghə̀ dzàŋə̀ diʼi kɨ). 16A zhʉ aghèn no məndò a Judiyà nyɨŋ kuʼ a pfensə. 17A zhʉ ayì, wìʼ ndiʼ tè a kətʉ kə ngə̀ŋ, kə ghə̀ bè a shiʼì əlyɨ̀ fo wen fa ngə̀ŋ. 18Wìʼ ndiʼ tè a sɨm, kə ghə̀ à bwènə̀ pfwo əlyɨ̀ ndisə wen fa ngə̀ŋ. 19Mətsi a mì lu mfàynsə̀ nəkwoŋ a ki və gufkəvə bènə̀ a ki a və lì vunə. 20Ghə̀ŋ njɨ̀mə̀ la kə kə lu sə ndiʼ la ghə̀ŋ nyɨŋ a ndiʼ a kəntìntìn byɨ̀ŋ kò a kətsi kəzhʉtəkə, 21byìʼàndo tʉʼ ayi lu vì ngəʼ yi mfàynsə̀ chò ngəʼsə no sətsèm; kèn la wìʼ ntəmə yen fa tʉʼ a mbi nzìtə əzaʼa fa tʉʼ a ghə̀ lu mè. 22Kə diʼ tò la Nyìngòŋ mfaftə̀ li mətsi mə ngəʼ a mèn a bwen alə̀ mu wìʼ ko zi ghə̀ lə̀ bwòŋ. Ghə̀ mfàftə mətsi a mì tò byìʼì viʼi wen vi a və ndiʼ mu ghə̀ tsuʼ li ə̀ ghʉ.”
23A ne sə ndiʼ a mətsì a mì, wìʼ gàʼ à ghə̀ŋ la ghə̀ŋ yen Wìʼ yì a Nyìngòŋ ntsuʼ li ə̀ ghʉ lì a shə̀ a, ko ghə̀ŋ yenə wen a fàʼà a! ke ghə̀ŋ à byɨmə, 24byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo. 25Ghə̀ŋ tùʼù zhʉtə! mà chò li mbì nshə̀ʼtə̀ nyʉ̀ avenə a ghə̀ŋ mibu və lu sə mfʉ̀.
26A lù sətsèn a gàʼ tè ndò à ghə̀ŋ la, “Ghə̀ yi a nse zɨm, kə wìʼ à fʉ̀ ədyʉ̀ tsu, ko wìʼ gàʼ la, ‘Ghə̀ ghèn a tì ngə̀ŋ a shə̀ kə wìʼ a byɨmə.’ 27Wàyn Wìʼ lu vì tò a ndayn ando ghʉ nə̀ mwànə̀ ghə̀ bàŋə a kàŋ no tsèm.”
28Wàyn Wìʼ lu sə mvì, no ndò kɨ ndə̀ŋndəŋ ando kəfo kə pfʉkə nə̀ ndiʼ tè fe, ŋoŋo kɨ ə̀ pfʉ̀tə tsu.
Yesò gàʼ kùmə̀ chwitə məvì Wàyn Wìʼ
(Mak 13.24-27; Luk 21.25-28)
29Ngəʼ mətsi ayì lu sə ə mè dyʉ̀, chʉzhʉ lu fen vì kènla sàŋ be a mbanə, mədzɨ̀ŋ mfəŋkə fa kàŋ. No fo tsèm a kàŋ nə̀ʼkə̀. 30Fa yi a bàm, chwitə məvì Wàyn Wìʼ fʉ a kàŋ. Viʼi təloʼ tə mbi no tətsèm nlyuŋlyuŋ dì. A zhʉ aghèn vəwenə mu yèn Wàyn Wìʼ shiʼi vì a tì mboʼsə kiʼ kədyòʼ nə̀ baynə ghoʼoghə. 31Və lu toŋə soŋ no nəmwèʼè-mwèʼè, ghə̀ mu tɨmə ntsɨŋsə wen a təshə tə mbi ghèn tə kàʼ, vəwenə pfʉtə viʼi vi a Nyìngòŋ tsuʼ li ə bwòŋsə̀ no vətsèm.
32“Ghə̀ŋ ziʼi kənyʉ̀ fa fəkòʼ fə kəbvèm. Ghə̀ŋ nyenə no a zhʉ̀ kò a fə sə zhʉ̀ vì, ghə̀ŋ kɨ̀ la byɨ̀ŋ sə boʼsə chʉ̀. 33Kə diʼ tò ndə̀ŋndəŋ ando ghə̀ŋ sətsèn yènə nyʉ̀ venə no ntsèm və mfʉ̀, ghə̀ŋ kɨ̀ la zhʉ məvì Wàyn Wìʼ boʼsə li. 34Ma gàʼà à ghə̀ŋ nəmwèʼè la viʼi mbyi venə luwèn zì kò və lu pfʉkə mè kènla nyʉ̀ avenə lyɨ̀ li kəshi no tsèm. 35Kàŋ wenə̀ nse lu chò alì kènla no kənyʉ̀ kə mùʼ fa tì nyʉ̀ venə a ma gàʼà lə̀ lu kwitə.”
Wìʼ ko kɨ kətsi bènə̀ zhʉ a Wàyn Wìʼ lu vì
(Mak 13.32-37; Luk 17.26-30, 34-36)
36No wìʼ muʼ ko kɨ̀ kətsi ko zhʉ a nyʉ̀ avenə lu fʉ̀, no tè ntsɨ̀ŋsə ngə̀ŋ Nyìngòŋ a kàŋ ko kɨ kò andìʼ la wàyn kɨ li, əchò tò Tìʼ. 37Wàyn Wìʼ lu sə mvì, nyʉ̀ mfʉ̀ ando və mfʉ̀ a tʉʼʉ Nuwà. 38A ndiʼ a mətsi mibu kənkuŋ kə nsə vì a mbi, viʼi nzhɨ, nyʉ, lamə be ku vunə a və lɨmə, əkuʼ zaʼa a kətsi a Nuwà nkwen a kəbaŋ. 39Vəwenə ənè a lì kènla vəwenə kɨ kənyʉ̀ kì a kə diʼ ne fʉ̀ əzaʼa fa kətsi yì a kənkuŋ kə nkì vì ə̀ zhwi vəwenə no vətsèm. A lu ndiʼ a tʉʼ a Wàyn Wìʼ vì, nyʉ̀ be nlyɨ̀ kəshi tò ndə̀ŋndəŋ. 40A lu ndiʼ a tʉʼ ayì, lʉmə nshyèʼè a sɨm vəbò, və vi ə̀ lyɨ̀ ghə̀ muʼ ə̀ mòʼtə̀ ghə̀ muʼ. 41Ki lu mbvù kəbayn a ti vəbò, və vi ə̀ lyɨ̀ ghə̀ muʼ ə̀ mòʼtə̀ ghə̀ tsen.
42Ando kə diʼì a lì, ghə̀ŋ ŋwʉʼ bvʉ̀tə̀ byìʼàndo ghə̀ŋ ko kɨ̀ kətsi kì a Bobo ghə̀ŋ ə lu vì. 43A tu ndiʼ la tì ngə̀ŋ kɨ zhʉ a tsòŋ diʼi vì a wen a ngə̀ŋ, mu ghə̀ ko zì ghə̀ mbʉnə̀, ghə̀ a ŋwʉʼʉ ə mbvʉ̀tə̀ kò ghə̀ à ghʉsə la və kwaʼ ngə̀ŋ wen. 44Kə lì diʼ la nkàyntə̀ ghə̀ŋ diʼi ŋwʉʼ bvʉ̀tə̀ byìʼàndo Wàyn Wìʼ ne vì a zhʉ a ghə̀ŋ ko kwòʼtə̀ la ghə̀ zì ghə̀ vi.
Yesò ziʼi kùmə̀ wù shyèʼ a ghə̀ zhʉ tì shyèʼ wen nə̀ wù shyèʼ a ghə̀ ko zhʉ
(Luk 12.41-48)
45Yesò bè mù bèm la, “Wù shyèʼ yì a ghə̀ zhʉ ti shyèʼ wen be tofə li diʼ ghə̀ ko lo? A diʼi yì a ti shyèʼ wen bʉʼsə ndyʉ̀ a jèʼ ghə̀ ghʉ wen a mbì be kù kədyòʼ a wen la ghə̀ ə ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsenvə vi a zhʉ a vəwenə kəŋə. 46Nyʉ̀ nə̀ bòŋə̀ à wù shyèʼ ayì a zhʉ a tì shyèʼ wen sə bwènə̀ pfwo ə̀ yènə wen ghə̀ nè nyʉ̀ a vyi a ghə̀ yì gàʼ. 47Mà gàʼà a ghə̀ŋ nəmwèʼè la, kə yì diʼ a lì tì shyèʼ ayì à ghʉ wen la ghə̀ ntùʼmə̀ nə̀ fo wen no tsèm. 48Mu wù shyèʼ ayì sətsèn ndiʼ ghə̀ byɨ, ghə̀ à kwòʼtə̀ tò fa wen ngə̀ŋ la tì shyèʼ ko a zàŋsə pfwo, 49mù zìtə̀ nyàblə̀ nə̀ viʼi shyèʼ vətsenvə vi tò nyàblə̀, zhɨ be nyʉ məlyʉ̀ʼ wenə̀ viʼi məlyʉ̀ʼʉ. 50Tì shyèʼ wen nè bwènə̀ vì a kətsi kətsenkə a zhʉ a ghə̀ ko yì nkwòʼtə̀ la ghə̀ zì ghə̀ bwènə̀ vì, 51ə̀ lyomsə wen no a ji byɨ ə̀ we wen a nòyn viʼi vyi a və bɨ̀lə̀ ashɨ viʼi nə̀ nè nyʉ̀, wenə̀ vəwenə nlyuŋlyuŋ dì be pfiʼi asoŋ.”
Currently Selected:
Matìyò 24: bbkDBLnt
Highlight
Share
Copy
Want to have your highlights saved across all your devices? Sign up or sign in
Matìyò 24
24
Yesò gàʼ kùmə̀ nyʉ̀ a və lu mfʉ̀ ando mbi lu mboʼsə mè
(Mak 13.1-2; Luk 21.5-6)
1Yesò fʉ̀ fa ngə̀ŋ ntsentə Nyìngòŋ sə ndyʉ̀, ndzɨ̀mtə̀sə bàm wen sə boʼsə vì nə̀ wen, ə̀ gàʼ a wen la, gaʼa kò ghə̀ yen li jì a və bwomə kəbəŋ kə Nyìngòŋ fa tsu lo.? 2Ghə̀ gàʼ à vəwenə la,“Ghə̀ŋ yenə kəbəŋ kènkə alə̀, mà gàʼà a ghə̀ŋ nəmwèʼè la zhʉ boʼsə vì, a və ne bèytə̀ aloʼ aghenə, kènla no ngùʼ muʼ ne faŋ a kətʉ ghətsen.”
3Yesò ne kuʼ dyʉ̀ ə̀ ŋwʉʼʉ a kwi pfen Olìf, ndzɨ̀mtə̀sə bàm wen sə vì ə̀ ŋwʉʼʉ à wen a mbyɨ̀ mù nyoʼtə gàʼ à wen la, “Shə̀ʼtə̀ à yes la nyʉ̀ venə lu lyɨ̀ kəshi a tʉʼʉ kò lo, kəchwitə kə lu ndiʼ ghò ədiʼ la wù sə bwènə̀ vì a? Və lu kɨ fa gho la mbi sə mè a?”
4Yesò gàʼ à vəwenə la,“Ghə̀ŋ tuʼmə la kə wìʼ lù lobtə ghə̀ŋ. 5Viʼi lu Mvì no və ghoʼo lyɨ̀ zhiʼ ghomə gàʼà la, à diʼ mò yì a və ntsuʼ li ə̀ ghʉ lì ə lobtə nghoʼo viʼi a ji a ghèn.” 6Ghə̀ŋ lu zhʉ ando və temə ghoŋ a mboʼsə be nzhʉ nyʉ̀ byìʼì təghoŋ a kəghaf. Ghə̀ŋ zhʉ a lì kə tətyɨm təŋtə a lɨ̀mə̀ byìʼàndo nyʉ̀ avenə dìʼi lyɨ̀ kəshi mibu mbi lù sə mè. 7Təloʼ tə lu nsoynə tətsentə, təfòyn tə soynə tətsen tə, nse lu nə̀ʼə̀ ə jɨŋ be ku tò shì tsèm. 8Nyʉ̀ avenə lu nlyɨ̀ kəshi alə̀ a bò bu tò kənzìtə̀ kə ngəʼ ghoʼo a ghə̀ lu vì. 9Viʼi lu ghaʼtə ghə̀ŋ ə ku la və ku ngəʼ à ghə̀ŋ, be zhwilə ghə̀ŋ. Viʼi təloʼ tətsèm lu bàyn ghə̀ŋ tò byìʼì mò. 10Nghoʼo viʼi ko be lu nchoʼsə̀ à Nyìngòŋ a zhʉ a ghèn; ə bàynə̀ vəlemə və vəwenə be baʼlə̀ vəwenə. 11Nshə̀ʼtə̀sə kənlobtə lu tu fʉ̀ no sə ghoʼo ə lobtə nghoʼo viʼi. 12Nyʉ̀ byɨvə lu nlyɨ̀ kəshi tò a shi no ghoʼo əzaʼa a nsəʼ tsen a viʼi ko be lə ntùʼù kòŋə̀ vətsenvə. 13No ndò a ghə̀ sətsèn lù wensə nyʉ̀ avenə əzaʼa kəmwètə lu bwoŋ. 14Və lu shə̀ʼtə̀ ntɨm jùŋə byìʼì soʼ Fòyn Nyìngòŋ a mbi ghèn no tsèm ndi viʼi təloʼ no tətsèm kɨ nəmwèʼè fa yi a bàm zhʉ mu kwʉ̀ʼ ə mbi me.
Yesò shə̀ʼtə̀ byìʼì ngəʼ ghoʼo a ghə̀ diʼi a mbì mibu Wàyn Wìʼ vi
(Mak 13.14-23; Luk 21.20-24)
15“Zhʉ a ghə̀ŋ a yen kəfo kə faynsə kì a kə fwàʼlə̀ a nshə̀ʼtə̀ Danye ngaʼà byìʼì kəwenkə, ti a kəshi kə laynə kə, (wìʼ a ghə̀ dzàŋə̀ diʼi kɨ). 16A zhʉ aghèn no məndò a Judiyà nyɨŋ kuʼ a pfensə. 17A zhʉ ayì, wìʼ ndiʼ tè a kətʉ kə ngə̀ŋ, kə ghə̀ bè a shiʼì əlyɨ̀ fo wen fa ngə̀ŋ. 18Wìʼ ndiʼ tè a sɨm, kə ghə̀ à bwènə̀ pfwo əlyɨ̀ ndisə wen fa ngə̀ŋ. 19Mətsi a mì lu mfàynsə̀ nəkwoŋ a ki və gufkəvə bènə̀ a ki a və lì vunə. 20Ghə̀ŋ njɨ̀mə̀ la kə kə lu sə ndiʼ la ghə̀ŋ nyɨŋ a ndiʼ a kəntìntìn byɨ̀ŋ kò a kətsi kəzhʉtəkə, 21byìʼàndo tʉʼ ayi lu vì ngəʼ yi mfàynsə̀ chò ngəʼsə no sətsèm; kèn la wìʼ ntəmə yen fa tʉʼ a mbi nzìtə əzaʼa fa tʉʼ a ghə̀ lu mè. 22Kə diʼ tò la Nyìngòŋ mfaftə̀ li mətsi mə ngəʼ a mèn a bwen alə̀ mu wìʼ ko zi ghə̀ lə̀ bwòŋ. Ghə̀ mfàftə mətsi a mì tò byìʼì viʼi wen vi a və ndiʼ mu ghə̀ tsuʼ li ə̀ ghʉ.”
23A ne sə ndiʼ a mətsì a mì, wìʼ gàʼ à ghə̀ŋ la ghə̀ŋ yen Wìʼ yì a Nyìngòŋ ntsuʼ li ə̀ ghʉ lì a shə̀ a, ko ghə̀ŋ yenə wen a fàʼà a! ke ghə̀ŋ à byɨmə, 24byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo. 25Ghə̀ŋ tùʼù zhʉtə! mà chò li mbì nshə̀ʼtə̀ nyʉ̀ avenə a ghə̀ŋ mibu və lu sə mfʉ̀.
26A lù sətsèn a gàʼ tè ndò à ghə̀ŋ la, “Ghə̀ yi a nse zɨm, kə wìʼ à fʉ̀ ədyʉ̀ tsu, ko wìʼ gàʼ la, ‘Ghə̀ ghèn a tì ngə̀ŋ a shə̀ kə wìʼ a byɨmə.’ 27Wàyn Wìʼ lu vì tò a ndayn ando ghʉ nə̀ mwànə̀ ghə̀ bàŋə a kàŋ no tsèm.”
28Wàyn Wìʼ lu sə mvì, no ndò kɨ ndə̀ŋndəŋ ando kəfo kə pfʉkə nə̀ ndiʼ tè fe, ŋoŋo kɨ ə̀ pfʉ̀tə tsu.
Yesò gàʼ kùmə̀ chwitə məvì Wàyn Wìʼ
(Mak 13.24-27; Luk 21.25-28)
29Ngəʼ mətsi ayì lu sə ə mè dyʉ̀, chʉzhʉ lu fen vì kènla sàŋ be a mbanə, mədzɨ̀ŋ mfəŋkə fa kàŋ. No fo tsèm a kàŋ nə̀ʼkə̀. 30Fa yi a bàm, chwitə məvì Wàyn Wìʼ fʉ a kàŋ. Viʼi təloʼ tə mbi no tətsèm nlyuŋlyuŋ dì. A zhʉ aghèn vəwenə mu yèn Wàyn Wìʼ shiʼi vì a tì mboʼsə kiʼ kədyòʼ nə̀ baynə ghoʼoghə. 31Və lu toŋə soŋ no nəmwèʼè-mwèʼè, ghə̀ mu tɨmə ntsɨŋsə wen a təshə tə mbi ghèn tə kàʼ, vəwenə pfʉtə viʼi vi a Nyìngòŋ tsuʼ li ə bwòŋsə̀ no vətsèm.
32“Ghə̀ŋ ziʼi kənyʉ̀ fa fəkòʼ fə kəbvèm. Ghə̀ŋ nyenə no a zhʉ̀ kò a fə sə zhʉ̀ vì, ghə̀ŋ kɨ̀ la byɨ̀ŋ sə boʼsə chʉ̀. 33Kə diʼ tò ndə̀ŋndəŋ ando ghə̀ŋ sətsèn yènə nyʉ̀ venə no ntsèm və mfʉ̀, ghə̀ŋ kɨ̀ la zhʉ məvì Wàyn Wìʼ boʼsə li. 34Ma gàʼà à ghə̀ŋ nəmwèʼè la viʼi mbyi venə luwèn zì kò və lu pfʉkə mè kènla nyʉ̀ avenə lyɨ̀ li kəshi no tsèm. 35Kàŋ wenə̀ nse lu chò alì kènla no kənyʉ̀ kə mùʼ fa tì nyʉ̀ venə a ma gàʼà lə̀ lu kwitə.”
Wìʼ ko kɨ kətsi bènə̀ zhʉ a Wàyn Wìʼ lu vì
(Mak 13.32-37; Luk 17.26-30, 34-36)
36No wìʼ muʼ ko kɨ̀ kətsi ko zhʉ a nyʉ̀ avenə lu fʉ̀, no tè ntsɨ̀ŋsə ngə̀ŋ Nyìngòŋ a kàŋ ko kɨ kò andìʼ la wàyn kɨ li, əchò tò Tìʼ. 37Wàyn Wìʼ lu sə mvì, nyʉ̀ mfʉ̀ ando və mfʉ̀ a tʉʼʉ Nuwà. 38A ndiʼ a mətsi mibu kənkuŋ kə nsə vì a mbi, viʼi nzhɨ, nyʉ, lamə be ku vunə a və lɨmə, əkuʼ zaʼa a kətsi a Nuwà nkwen a kəbaŋ. 39Vəwenə ənè a lì kènla vəwenə kɨ kənyʉ̀ kì a kə diʼ ne fʉ̀ əzaʼa fa kətsi yì a kənkuŋ kə nkì vì ə̀ zhwi vəwenə no vətsèm. A lu ndiʼ a tʉʼ a Wàyn Wìʼ vì, nyʉ̀ be nlyɨ̀ kəshi tò ndə̀ŋndəŋ. 40A lu ndiʼ a tʉʼ ayì, lʉmə nshyèʼè a sɨm vəbò, və vi ə̀ lyɨ̀ ghə̀ muʼ ə̀ mòʼtə̀ ghə̀ muʼ. 41Ki lu mbvù kəbayn a ti vəbò, və vi ə̀ lyɨ̀ ghə̀ muʼ ə̀ mòʼtə̀ ghə̀ tsen.
42Ando kə diʼì a lì, ghə̀ŋ ŋwʉʼ bvʉ̀tə̀ byìʼàndo ghə̀ŋ ko kɨ̀ kətsi kì a Bobo ghə̀ŋ ə lu vì. 43A tu ndiʼ la tì ngə̀ŋ kɨ zhʉ a tsòŋ diʼi vì a wen a ngə̀ŋ, mu ghə̀ ko zì ghə̀ mbʉnə̀, ghə̀ a ŋwʉʼʉ ə mbvʉ̀tə̀ kò ghə̀ à ghʉsə la və kwaʼ ngə̀ŋ wen. 44Kə lì diʼ la nkàyntə̀ ghə̀ŋ diʼi ŋwʉʼ bvʉ̀tə̀ byìʼàndo Wàyn Wìʼ ne vì a zhʉ a ghə̀ŋ ko kwòʼtə̀ la ghə̀ zì ghə̀ vi.
Yesò ziʼi kùmə̀ wù shyèʼ a ghə̀ zhʉ tì shyèʼ wen nə̀ wù shyèʼ a ghə̀ ko zhʉ
(Luk 12.41-48)
45Yesò bè mù bèm la, “Wù shyèʼ yì a ghə̀ zhʉ ti shyèʼ wen be tofə li diʼ ghə̀ ko lo? A diʼi yì a ti shyèʼ wen bʉʼsə ndyʉ̀ a jèʼ ghə̀ ghʉ wen a mbì be kù kədyòʼ a wen la ghə̀ ə ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsenvə vi a zhʉ a vəwenə kəŋə. 46Nyʉ̀ nə̀ bòŋə̀ à wù shyèʼ ayì a zhʉ a tì shyèʼ wen sə bwènə̀ pfwo ə̀ yènə wen ghə̀ nè nyʉ̀ a vyi a ghə̀ yì gàʼ. 47Mà gàʼà a ghə̀ŋ nəmwèʼè la, kə yì diʼ a lì tì shyèʼ ayì à ghʉ wen la ghə̀ ntùʼmə̀ nə̀ fo wen no tsèm. 48Mu wù shyèʼ ayì sətsèn ndiʼ ghə̀ byɨ, ghə̀ à kwòʼtə̀ tò fa wen ngə̀ŋ la tì shyèʼ ko a zàŋsə pfwo, 49mù zìtə̀ nyàblə̀ nə̀ viʼi shyèʼ vətsenvə vi tò nyàblə̀, zhɨ be nyʉ məlyʉ̀ʼ wenə̀ viʼi məlyʉ̀ʼʉ. 50Tì shyèʼ wen nè bwènə̀ vì a kətsi kətsenkə a zhʉ a ghə̀ ko yì nkwòʼtə̀ la ghə̀ zì ghə̀ bwènə̀ vì, 51ə̀ lyomsə wen no a ji byɨ ə̀ we wen a nòyn viʼi vyi a və bɨ̀lə̀ ashɨ viʼi nə̀ nè nyʉ̀, wenə̀ vəwenə nlyuŋlyuŋ dì be pfiʼi asoŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in