Matìyò 25
25
Yesò ziʼi la və diʼi əŋwʉʼ no məzhʉ̀ ntsèm kə̀ʼtə̀ wen
1Yesò bè mò ngàyn ə tsen gàʼà la, “Wàyn Wìʼ lu sə mbwènə̀ vì, soʼo Fòyn Nyìngòŋ ndiʼ tò nə̀ fətitì fə ngòynsə ki sətsensə ə̀ wum, a sə nlù dyʉ̀ sə kə̀ʼtə̀ wùlɨm lam a ghə̀ ndiʼi vì. Vəwenə sə ndyʉ̀ no ndò lyɨ̀ kənkàʼtə̀ kəwen. 2Vəwenə vətsenvə vətàyn ə̀ ntofə, vətàyn ə dzɨ̀ŋtə̀. 3Və dzɨ̀ŋtəvə vi sə nlyɨ̀ nkàʼtə̀ vəwenə kò vəwenə lə̀ lyɨ̀ mənzhiʼ məghoʼtə, 4və tofəvə vi lyɨ̀ vəsùʼ wè mənzhiʼ tsu əbwètə. 5Lɨm wùwì ayì tàŋ a məvì, ngòynsə ki shì zìtə̀ sə myə̀ʼə̀ nə̀ mbəynsə. 6Ghə̀ nè sə mvì mu à sə̀ diʼ ntìntìn nəntʉʼʉ, və mù sə dzàŋə gàʼà la, Lɨm wùwì sə vì, ghə̀ŋ vi shìsə wen! 7Ngòynsə ki shì lù no sətsèm kùʼsə nkàʼtə̀ vəwenə. 8Ngòynsə ki sə dzɨŋtə sə shì mù gàʼ à vətofəvə vi la, Ghə̀ŋ ku yes fà ghə̀ŋ mənzhiʼ yì byìʼè nkàʼtə̀ vyesə sə lɨmə̀ dyʉ̀. 9Vətofəvə vi tensə ə̀ gàʼ la, Jòʼ! mənzhiʼ a mì ko a kwʉ̀ʼ à vəghəŋ və tsèm, ghə̀ŋ boŋsə dyʉ̀ a kəshi kə baʼlə̀ fo ə̀ zèn ə̀ məŋə fa tsu. 10Vəwenə sə ndyʉ̀, lɨm wùwì ayì vì wenə viʼi a və ndiʼì dyʉ̀ kwèn a ngə̀ŋ yì a və ndiʼi ne zhɨ lam tsu və chiʼ chʉ ngə̀ŋ. 11Ngòynsə ki sətsèn shìsə nè dyʉ̀ zèn mənzhiʼ mì bwènə̀ vì mù sə̀ dzàŋə̀ gàʼà la, ‘Bobo, Bobo, bòʼò chʉ ngə̀ŋ à yès.’ 12Lɨm wùwì yì bwènsə̀ gàʼ la, Mà gàʼà à ghə̀ŋ nəmwèʼè la, mà ko kɨ̀ ghə̀ŋ. 13Yesò gàʼ a lì mù gàʼ la, Ghə̀ŋ sə ŋwʉʼ lì, ghə̀ŋ ntsi kə̀ʼə̀ byìʼàndo ghə̀ŋ ko kɨ̀ kətsi ko zhʉ yi a Wàyn Wìʼ lu bwènə̀ vì.”
Ngàyn byìʼì viʼi shyèʼ a və nlòʼò vəwenə ando vəwenə nshyèʼè
(Luk 19.11-27)
14Yesò bè mò ngàyn tsen gàʼà la, “Soʼo fòyn Nyìngòŋ lu ndiʼ to nə̀ fətitì fə wutsen a ghə̀ nlù sə ndyʉ̀ a jèʼ ə̀ dzàŋtə̀ viʼi shwèʼ wen kù fo wen ə̀ la vəwenə zhʉsə ntùʼmə̀ nə̀ wenəvə. 15Ghə̀ nku mbo ko ətàyn à wìʼ muʼ, kù mbo bò à kənkùmtə̀ bè kù kəmbò kə ko kə mùʼ à wutsen, Ghə̀ nkù a no mə ndò tò a ji a ghə̀ nyenə la ghə̀ zì ghə̀ tuʼmə nə̀ wen ghə̀. Ghə̀ ku a lì mù lù dyʉ̀ a jèʼ. 16No a zhʉ kò, wù shwèʼ yì a ghə̀ nku mbo ko tàyn à wen lì dyʉ̀ sə̀ nè mbaʼlə̀ ə̀ se mbo ko tàyn. 17Yì a və nku mbo ko bò à wen lì shwèʼ nə̀ wenə ghə̀ ə̀ se mbo ko bò à yì a kətʉ. 18Wù shwèʼ yì a və nku kəmbò kə ko à wen lì dyʉ̀ tyùŋə nkwòŋ lyòmtə̀ kəmbò kə ko tì shwèʼ wen kì tsu.”
19Tì shwèʼ ayì tsi no alə̀, lù bwènə̀ pfwo dzàŋtə̀ vəwenə ndi zhʉ la vəwenə tə zhʉsə shwèʼ nə̀ ko wen yi ale lo. 20Wìʼ yì a və nku mbo ko tàyn a wen, ando ghə̀ mvì ə bwènsə̀, ghə̀ boʼsə mbò ko tàyn vi a ghə̀ nse a kətʉ kə ko ayì ə̀ gàʼ la, Tìʼ, yen a! wù tə ku mbo ko tàyn à mò mà be nse mbo ko tàyn à yì a kətʉ. 21Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!
22Wù shwèʼè yì a və nku mbo ko bò à wen lì bè vì gàʼ la, Wù tə ku mbo ko bò à mò, yen a mà kiʼi li se à yì a kətʉ mbo ko bò. 23Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwèʼ jùŋə be tùʼmə̀ no a nkàyn. Wù tuʼmə̀ li no nkàyn nə̀ kəfo kətyətəkə. Luwen ma ghʉ wù, wu ntùʼmə̀ nə̀ fo ghoʼvə kwen vì yowù nsaŋlə̀ a muʼu.
24“Wìʼ yì a və nku kəmbò kə ko à wen lì vì gàʼ la, ‘Tì, mà kɨ la wù dìʼ alə̀ fànsə̀. Wù kɨ əzhɨ kènla wù tə shwèʼ be kɨ əkəŋ fo kò andiʼ la wù tə we.’ 25A diʼ kənyʉ̀ a kə tə nè mà fàyn wù ə̀ lyɨ̀ kəmbò kə ko wù kì ə tyùŋə kəshi lyòmtə tsu. Bwènsə̀ ghàʼa ko wu.”
26Tì shwèʼ wen yì gàʼ la, Wù dìʼ wù shwèʼ byɨ be diʼ no zhɨ kədyàŋ! Wù tə kɨ no a nkàyn la mà zhɨ kèn la mà ko shwèʼ be kəŋə fo fa kəshi a mà ko we, 27a tə ne ghò la kə wù ghʉ ko ghomə ghenə a ngə̀ŋ ko ndi mà nə̀ sə nlyɨ̀, lyɨ̀ boʼsə wenə̀ se yì a? 28Ghə̀ gàʼ alə̀ mù gàʼ à viʼi shwèʼ wen vətsenvə vi la, Ghə̀ŋ shi kəmbò kə ko kì fà wen ku kwʉ̀ʼsə̀ à wìʼ yì a ghə̀ kiʼ mbo ko wum lì. 29Ghə̀ŋ kɨ la no ndò a ghə̀ kiʼì kəfo və a ku kwʉ̀ʼsə̀ à wen ndi ghə̀ ntùʼtə̀ kiʼ alì no ndò a ghə̀ ko kiʼ kəfo və a shì tè kətyetə kì a ghə̀ kiʼì lì. 30Ghə̀ŋ shisə wù shwèʼ byɨ ghèn, tem a kəbəŋ kə fenəkə, a kəshi a ghə̀ a nlyuŋlyuŋ dì tsu be pfiʼi asoŋ wen.
Yesò gàʼ kùmə̀ tʉʼ nsoʼ
31“A lu ndiʼ a tʉʼ a Wàyn Wìʼ vì nə̀ ghoʼo fòyn wen wenə̀ ntɨŋsə ngə̀ŋ Nyìngòŋ no sətsèm ghə̀ lu ŋwʉʼʉ à wen a kəfwoyn nə̀ adɨŋə ghoʼ ghə̀ wen. 32Viʼi təloʼ tə mbi vi tsèntə̀ à wen a shɨ no vətsèm, ghə̀ gə̀sə̀ vəwenə a tənòyn təbò ando ntsɨ̀ŋ byisə lə nè ghə̀ gə̀sə̀ byisə vənjɨ̀ fa byisə vəndoŋ. 33Ghə̀ lu ghʉ viʼi vəjùŋvə à wen a shyə kwoŋ toghə ə ghʉ viʼi nyʉ̀ byɨvə à wen a shyə kwoŋ nànkwè. 34A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi, 35byìʼàndo jɨ̀ŋ nzafə mò ghə̀ŋ ku fo zhɨvə à mò, toŋ à mù nzhɨmə mò ghə̀ŋ ku mu mà nyʉ. Mà ndìʼ wu fi a kəshi ghə̀ŋ shisə mo à ghə̀ŋ a aloʼ, 36ndìʼ kənàʼ kə à ntsuʼ, ghə̀ŋ ku ndisə mà mòʼ. Mà nkwaʼa ghə̀ŋ tùʼmə̀ nə̀ mò və shwin mò a mfɨŋ ghə̀ŋ vì ghayntə mò.’ 37A diʼ a zhʉ a yì a viʼi kənyʉ̀ kətɨməkə vi nè mbèmə̀ la, ‘Bobo, yès nyèn wù fe jɨ̀ŋ zafə wù yès kù fozhɨvə la wù zhɨ a, be yèn wù fe toŋ à mù zɨmə wù yès ku mu la wù nyʉ a?’ 38Wù ndìʼ wu fi fe yès shisə wù à yès a aloʼ a, ko sə diʼ nə̀ kənàʼ ntsuʼ fe yès ku ndisə la wù moʼ a? 39Wù nkwaʼa fe yès vì sə tùʼmə̀ nə̀ wù a ko wù ndìʼ a ngə̀ŋ mfɨŋ fe yès vì ghayntə wù a? 40Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”
41“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen. 42A ndìʼ a zhʉ a jɨ̀ŋ nzafə mò ghə̀ŋ tyen la ghə̀ŋ ko a ku kəfo mà zhɨ, toŋ à mù zɨmə mò ghə̀ŋ tyen la ghə̀ŋ ko ku mu mà nyʉ. 43Mà ə̀ ndìʼ wu fi alì ghə̀ŋ tyen la ghə̀ŋ ko shisə mo à ghə̀ŋ a aloʼ, diʼ kənàʼ ntsuʼ ghə̀ŋ tyen la ghə̀ŋ ko a ku ndisə mà moʼ. Mà nkwaʼa, ghə̀ŋ tyen la ghə̀ŋ ko tùʼmə̀ nə̀ mò, və shwinə̀ mò a mfɨŋ ghə̀ŋ tyen la ghə̀ŋ ko vi əghayntə mo.’”
44Viʼi nyʉ̀ byɨvə a vyi mu mbèmə̀ a zhʉ ayì la, Bobo, yès nyèn wù fe jɨ̀ŋ zafə wù, toŋ à mù zɨmə wù, wù diʼ wu fi, diʼ nə̀ kənàʼ ntsuʼ, kwaʼà, diʼ a ngə̀ŋ mfɨŋ, kènla yès gyamtə li wù a? 45Fòn mu gàʼ à vəwenə la, Mà gàʼà à ghə̀ŋ nəmwèʼè la no ghò a ghə̀ŋ ntyenə ənè a wìʼ muʼ a ghə̀ ndiʼ a bàm fa ntìntìn vəlèmə̀ vwomə venə dìʼ mu ghə̀ŋ ntyen la ghə̀ŋ ko a nè à mò. 46Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.
Currently Selected:
Matìyò 25: bbkDBLnt
Highlight
Share
Copy
Want to have your highlights saved across all your devices? Sign up or sign in
Matìyò 25
25
Yesò ziʼi la və diʼi əŋwʉʼ no məzhʉ̀ ntsèm kə̀ʼtə̀ wen
1Yesò bè mò ngàyn ə tsen gàʼà la, “Wàyn Wìʼ lu sə mbwènə̀ vì, soʼo Fòyn Nyìngòŋ ndiʼ tò nə̀ fətitì fə ngòynsə ki sətsensə ə̀ wum, a sə nlù dyʉ̀ sə kə̀ʼtə̀ wùlɨm lam a ghə̀ ndiʼi vì. Vəwenə sə ndyʉ̀ no ndò lyɨ̀ kənkàʼtə̀ kəwen. 2Vəwenə vətsenvə vətàyn ə̀ ntofə, vətàyn ə dzɨ̀ŋtə̀. 3Və dzɨ̀ŋtəvə vi sə nlyɨ̀ nkàʼtə̀ vəwenə kò vəwenə lə̀ lyɨ̀ mənzhiʼ məghoʼtə, 4və tofəvə vi lyɨ̀ vəsùʼ wè mənzhiʼ tsu əbwètə. 5Lɨm wùwì ayì tàŋ a məvì, ngòynsə ki shì zìtə̀ sə myə̀ʼə̀ nə̀ mbəynsə. 6Ghə̀ nè sə mvì mu à sə̀ diʼ ntìntìn nəntʉʼʉ, və mù sə dzàŋə gàʼà la, Lɨm wùwì sə vì, ghə̀ŋ vi shìsə wen! 7Ngòynsə ki shì lù no sətsèm kùʼsə nkàʼtə̀ vəwenə. 8Ngòynsə ki sə dzɨŋtə sə shì mù gàʼ à vətofəvə vi la, Ghə̀ŋ ku yes fà ghə̀ŋ mənzhiʼ yì byìʼè nkàʼtə̀ vyesə sə lɨmə̀ dyʉ̀. 9Vətofəvə vi tensə ə̀ gàʼ la, Jòʼ! mənzhiʼ a mì ko a kwʉ̀ʼ à vəghəŋ və tsèm, ghə̀ŋ boŋsə dyʉ̀ a kəshi kə baʼlə̀ fo ə̀ zèn ə̀ məŋə fa tsu. 10Vəwenə sə ndyʉ̀, lɨm wùwì ayì vì wenə viʼi a və ndiʼì dyʉ̀ kwèn a ngə̀ŋ yì a və ndiʼi ne zhɨ lam tsu və chiʼ chʉ ngə̀ŋ. 11Ngòynsə ki sətsèn shìsə nè dyʉ̀ zèn mənzhiʼ mì bwènə̀ vì mù sə̀ dzàŋə̀ gàʼà la, ‘Bobo, Bobo, bòʼò chʉ ngə̀ŋ à yès.’ 12Lɨm wùwì yì bwènsə̀ gàʼ la, Mà gàʼà à ghə̀ŋ nəmwèʼè la, mà ko kɨ̀ ghə̀ŋ. 13Yesò gàʼ a lì mù gàʼ la, Ghə̀ŋ sə ŋwʉʼ lì, ghə̀ŋ ntsi kə̀ʼə̀ byìʼàndo ghə̀ŋ ko kɨ̀ kətsi ko zhʉ yi a Wàyn Wìʼ lu bwènə̀ vì.”
Ngàyn byìʼì viʼi shyèʼ a və nlòʼò vəwenə ando vəwenə nshyèʼè
(Luk 19.11-27)
14Yesò bè mò ngàyn tsen gàʼà la, “Soʼo fòyn Nyìngòŋ lu ndiʼ to nə̀ fətitì fə wutsen a ghə̀ nlù sə ndyʉ̀ a jèʼ ə̀ dzàŋtə̀ viʼi shwèʼ wen kù fo wen ə̀ la vəwenə zhʉsə ntùʼmə̀ nə̀ wenəvə. 15Ghə̀ nku mbo ko ətàyn à wìʼ muʼ, kù mbo bò à kənkùmtə̀ bè kù kəmbò kə ko kə mùʼ à wutsen, Ghə̀ nkù a no mə ndò tò a ji a ghə̀ nyenə la ghə̀ zì ghə̀ tuʼmə nə̀ wen ghə̀. Ghə̀ ku a lì mù lù dyʉ̀ a jèʼ. 16No a zhʉ kò, wù shwèʼ yì a ghə̀ nku mbo ko tàyn à wen lì dyʉ̀ sə̀ nè mbaʼlə̀ ə̀ se mbo ko tàyn. 17Yì a və nku mbo ko bò à wen lì shwèʼ nə̀ wenə ghə̀ ə̀ se mbo ko bò à yì a kətʉ. 18Wù shwèʼ yì a və nku kəmbò kə ko à wen lì dyʉ̀ tyùŋə nkwòŋ lyòmtə̀ kəmbò kə ko tì shwèʼ wen kì tsu.”
19Tì shwèʼ ayì tsi no alə̀, lù bwènə̀ pfwo dzàŋtə̀ vəwenə ndi zhʉ la vəwenə tə zhʉsə shwèʼ nə̀ ko wen yi ale lo. 20Wìʼ yì a və nku mbo ko tàyn a wen, ando ghə̀ mvì ə bwènsə̀, ghə̀ boʼsə mbò ko tàyn vi a ghə̀ nse a kətʉ kə ko ayì ə̀ gàʼ la, Tìʼ, yen a! wù tə ku mbo ko tàyn à mò mà be nse mbo ko tàyn à yì a kətʉ. 21Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!
22Wù shwèʼè yì a və nku mbo ko bò à wen lì bè vì gàʼ la, Wù tə ku mbo ko bò à mò, yen a mà kiʼi li se à yì a kətʉ mbo ko bò. 23Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwèʼ jùŋə be tùʼmə̀ no a nkàyn. Wù tuʼmə̀ li no nkàyn nə̀ kəfo kətyətəkə. Luwen ma ghʉ wù, wu ntùʼmə̀ nə̀ fo ghoʼvə kwen vì yowù nsaŋlə̀ a muʼu.
24“Wìʼ yì a və nku kəmbò kə ko à wen lì vì gàʼ la, ‘Tì, mà kɨ la wù dìʼ alə̀ fànsə̀. Wù kɨ əzhɨ kènla wù tə shwèʼ be kɨ əkəŋ fo kò andiʼ la wù tə we.’ 25A diʼ kənyʉ̀ a kə tə nè mà fàyn wù ə̀ lyɨ̀ kəmbò kə ko wù kì ə tyùŋə kəshi lyòmtə tsu. Bwènsə̀ ghàʼa ko wu.”
26Tì shwèʼ wen yì gàʼ la, Wù dìʼ wù shwèʼ byɨ be diʼ no zhɨ kədyàŋ! Wù tə kɨ no a nkàyn la mà zhɨ kèn la mà ko shwèʼ be kəŋə fo fa kəshi a mà ko we, 27a tə ne ghò la kə wù ghʉ ko ghomə ghenə a ngə̀ŋ ko ndi mà nə̀ sə nlyɨ̀, lyɨ̀ boʼsə wenə̀ se yì a? 28Ghə̀ gàʼ alə̀ mù gàʼ à viʼi shwèʼ wen vətsenvə vi la, Ghə̀ŋ shi kəmbò kə ko kì fà wen ku kwʉ̀ʼsə̀ à wìʼ yì a ghə̀ kiʼ mbo ko wum lì. 29Ghə̀ŋ kɨ la no ndò a ghə̀ kiʼì kəfo və a ku kwʉ̀ʼsə̀ à wen ndi ghə̀ ntùʼtə̀ kiʼ alì no ndò a ghə̀ ko kiʼ kəfo və a shì tè kətyetə kì a ghə̀ kiʼì lì. 30Ghə̀ŋ shisə wù shwèʼ byɨ ghèn, tem a kəbəŋ kə fenəkə, a kəshi a ghə̀ a nlyuŋlyuŋ dì tsu be pfiʼi asoŋ wen.
Yesò gàʼ kùmə̀ tʉʼ nsoʼ
31“A lu ndiʼ a tʉʼ a Wàyn Wìʼ vì nə̀ ghoʼo fòyn wen wenə̀ ntɨŋsə ngə̀ŋ Nyìngòŋ no sətsèm ghə̀ lu ŋwʉʼʉ à wen a kəfwoyn nə̀ adɨŋə ghoʼ ghə̀ wen. 32Viʼi təloʼ tə mbi vi tsèntə̀ à wen a shɨ no vətsèm, ghə̀ gə̀sə̀ vəwenə a tənòyn təbò ando ntsɨ̀ŋ byisə lə nè ghə̀ gə̀sə̀ byisə vənjɨ̀ fa byisə vəndoŋ. 33Ghə̀ lu ghʉ viʼi vəjùŋvə à wen a shyə kwoŋ toghə ə ghʉ viʼi nyʉ̀ byɨvə à wen a shyə kwoŋ nànkwè. 34A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi, 35byìʼàndo jɨ̀ŋ nzafə mò ghə̀ŋ ku fo zhɨvə à mò, toŋ à mù nzhɨmə mò ghə̀ŋ ku mu mà nyʉ. Mà ndìʼ wu fi a kəshi ghə̀ŋ shisə mo à ghə̀ŋ a aloʼ, 36ndìʼ kənàʼ kə à ntsuʼ, ghə̀ŋ ku ndisə mà mòʼ. Mà nkwaʼa ghə̀ŋ tùʼmə̀ nə̀ mò və shwin mò a mfɨŋ ghə̀ŋ vì ghayntə mò.’ 37A diʼ a zhʉ a yì a viʼi kənyʉ̀ kətɨməkə vi nè mbèmə̀ la, ‘Bobo, yès nyèn wù fe jɨ̀ŋ zafə wù yès kù fozhɨvə la wù zhɨ a, be yèn wù fe toŋ à mù zɨmə wù yès ku mu la wù nyʉ a?’ 38Wù ndìʼ wu fi fe yès shisə wù à yès a aloʼ a, ko sə diʼ nə̀ kənàʼ ntsuʼ fe yès ku ndisə la wù moʼ a? 39Wù nkwaʼa fe yès vì sə tùʼmə̀ nə̀ wù a ko wù ndìʼ a ngə̀ŋ mfɨŋ fe yès vì ghayntə wù a? 40Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”
41“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen. 42A ndìʼ a zhʉ a jɨ̀ŋ nzafə mò ghə̀ŋ tyen la ghə̀ŋ ko a ku kəfo mà zhɨ, toŋ à mù zɨmə mò ghə̀ŋ tyen la ghə̀ŋ ko ku mu mà nyʉ. 43Mà ə̀ ndìʼ wu fi alì ghə̀ŋ tyen la ghə̀ŋ ko shisə mo à ghə̀ŋ a aloʼ, diʼ kənàʼ ntsuʼ ghə̀ŋ tyen la ghə̀ŋ ko a ku ndisə mà moʼ. Mà nkwaʼa, ghə̀ŋ tyen la ghə̀ŋ ko tùʼmə̀ nə̀ mò, və shwinə̀ mò a mfɨŋ ghə̀ŋ tyen la ghə̀ŋ ko vi əghayntə mo.’”
44Viʼi nyʉ̀ byɨvə a vyi mu mbèmə̀ a zhʉ ayì la, Bobo, yès nyèn wù fe jɨ̀ŋ zafə wù, toŋ à mù zɨmə wù, wù diʼ wu fi, diʼ nə̀ kənàʼ ntsuʼ, kwaʼà, diʼ a ngə̀ŋ mfɨŋ, kènla yès gyamtə li wù a? 45Fòn mu gàʼ à vəwenə la, Mà gàʼà à ghə̀ŋ nəmwèʼè la no ghò a ghə̀ŋ ntyenə ənè a wìʼ muʼ a ghə̀ ndiʼ a bàm fa ntìntìn vəlèmə̀ vwomə venə dìʼ mu ghə̀ŋ ntyen la ghə̀ŋ ko a nè à mò. 46Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.
Currently Selected:
:
Highlight
Share
Copy
Want to have your highlights saved across all your devices? Sign up or sign in