Job 23
23
23
Job sê hy weet nie waar hy vir God kan kry nie
Job sê hy weet nie waar hy vir God kan kry nie
1Job het weer gepraat. Hy het gesê:
1Job het weer gepraat. Hy het gesê:
2“Ek is nog hardkoppig, ek wil aanhou kla,
2“Ek is nog hardkoppig, ek wil aanhou kla,
ek sal nie ophou nie.
ek sal nie ophou nie.
3As ek weet waar ek vir God kan kry,
dan sal ek na Hom toe gaan waar Hy is.
4Ek sal vir Hom vra om te luister
na wat ek sê,
ek sal aanhou praat.
5Ek sal luister na wat Hy vir my sê
wanneer Hy my antwoord.
6Hy sal nie met al sy krag téén my
wees nie,
ek is seker dat Hy sal luister na my.
7Ek is 'n eerlike mens,
ek sal met God praat en alles
vir Hom vertel.
God is my Regter
en Hy sal my vir altyd vrymaak.
8Maar Hy is nie daar waar ek Hom soek nie,
Hy is nie in die ooste of in die weste nie.
9As Hy in die noorde werk, dan kry ek Hom nie,
as Hy na die suide gaan, dan sien ek Hom nie.
10Maar Hy weet watter pad ék loop,
as Hy my toets, dan sal Hy sien dat ek
so skoon soos goud is.
11Ek het gelewe soos Hy wil hê,
ek het aangehou om te loop op sy pad,
ek het nie op 'n ander pad geloop nie.
12Ek het gehoorsaam gebly aan alles
wat Hy gesê het,
ek het altyd onthou dat Hy besluit
wat met my sal gebeur.”
Job sê God sal doen wat Hy oor Job besluit het
13“En Hy?
Hy alleen besluit,
en niemand kan Hom keer nie.
Hy doen wat Hy besluit.
14Ja, Hy sal doen wat Hy oor my besluit het,
en Hy het baie dinge besluit.
15Dit is hoekom ek so bang is vir Hom,
ek is bang wanneer ek aan Hom dink.
16God het my moedeloos gemaak,
die Almagtige het my bang laat word,
17want dit is nie die donker wat my laat stilbly nie,
dit is Gód wat die donker oor my gebring het
sodat ek nie weet wat om te doen nie.”
Currently Selected:
Job 23: ABA
Highlight
Share
Copy
Want to have your highlights saved across all your devices? Sign up or sign in
© Bybelgenootskap van Suid-Afrika 2007. Gebruik met toestemming. Alle regte voorbehou.