Luk 17
17
Wechɔɡa wa
(Mat 18:6-7; 21—22; Mak 9:42)
1Yeesu ŋɔ o habɔteŋra la be ŋɔ, “A ɛ wobɛlbwa, waa aa dɛ ba ɡela nɛn ɛ wechɔɡa la ɛɛ bao. Kɛ naate aa che o nɛɛ dɛ́ ba la, bwɛɛlɛ. 2Dɛ ba vɔwɛ nambwe do naate baŋa dɛ kpɔɔ ka ta mpo vil ta kwara naa, a fe bɔ kɛŋɔ waa ɡela bechajeɡre nɔ dɔŋ bɛlbwa ɛ wechɔɡa. 3Anomanta, hé nyiŋi he te kɛrɛdɛ!
Dɛ he dɔŋ ɛɛ wechɔɡa aa, ŋɔ o be. Dɛ o no a mun dɛ charɛ o liire aa, kpɔ o wechɔɡa kɛo.#Mat 18:15 4Dɛ tɔpere bɛlbwa o ɛɛ wechɔɡa kera anuanɛ, asɛ dɛ ba he be dɛ ba ŋɔ waa waa ɛɛ la, o kon chɔɡaa, kpɔ kɛo.”
5Yeesu toroma la ŋɔ o be ŋɔ, “Ya Dɔɔ, cha yaa dɛ́ ɡel ya dɔ yarada kohona.”
6Asɛ Yeesu chaŋe ŋɔ, “Dɛ he yarada fe kan kɛŋɔ sipon ɡba aa, he fe ɛɛ wonoo ŋɔ dajen nɔ aa cheɡa nɔ be ŋɔ ó chuɡri ka che mpo ta, ásɛ o no dɛ́ ɛ ɡɛ.”
Bonɔɔ toma ɛɛ wa
7Yeesu berɔ bɔɔ ba ŋɔ, “He bini umee dɛ́ dɔ bonɔɔ wɛɛ parɛ he koo kɛɛ wɛɛ nyiŋi he peera ta, ásɛ waa le toma ta ba dem la, he den ŋɔ o be ó ba di kwa ɔ? 8Akai! Haa o be ɡɛɛ ŋɔ. Hɛɛ ŋɔ o bee ŋɔ, ‘Ɛ n kondikwaa ka cheɡ mɛ, ásɛ dɛ kpɔ he te ba che n be tiɡ ta, dɛ́ ɛ n wobɛlbwa tɛ mɛ ń di kwaa tonɛ mɔɔ he ɡe ka di he kwa.’ 9Bonɔɔ la ɛɛ dɔ jaamee waa o dɔɔ la aa doo a ta laanee yaa? Akai. 10Gɛ tentenee he waa do. Dɛ he ɛ waa Korowii aa do heyaa a ta ŋɔ hé ɛ aa, he bɛ he te kpɛɛ. Hé ŋɔ, ‘Ya ɛ bonɔɔna yaa wola tɔnɔ dɔe. Toma aa chɛ kɛŋɔ yá ɛ la ɡboo ya ɛ la.’ ”
Weetena fi bane Yeesu aa chaah ba weela
11Yeesu aa dɛ kaa Jerusalam la, o kpɔ Samaria harɛ ne Galilia harɛ jwɛh ta. 12Asɛ waa dɛ jo bwɛjeɡa bɛl ta la, baala fi bane bwadabii weechɔɡa ane aa lɔ ba nɛɛ pa sie o be dɛɛ ba dɛ́ ba chemo. Ba cheɡɛ bojaŋ, 13dɛ ha nyoa ŋɔ, “Ya Dɔɔ Yeesu, na ya sum!”
14Belaa Yeesu aa na ba la, o ŋɔ ba be ŋɔ, “Hé kpɔ he te ka baɡle sɔfore la ásɛ ba nyiŋi heyaa na.” Baa chiɡ ŋwɛnɛ ta dɛɛ kaa la, ba weela la kaalɔ, ba bwara kwaa.
15Ba bini beŋkpoŋ aa naa kɛŋɔ o weela la kaalɔ o bwara kwaa la, o laa berɛ dɛ baa jam Korowii takpeɡ ne, 16dɛ ba ɡuŋi Yeesu sie dɛ jaamo. Dɛ ɡɛ baa la ɛ Samaria te.
17Anee Yeesu bɔɔro ŋɔ, “He lɔ nɛra fi n chah heya, leperaa banuanaarɛ la te dɔɔ? 18Ɛrɛɛ baa nɔ waa wola Juu te ɛɛ nɔ ɡbo won kpɔ jam ba tɛ Korowii nɔɔ?” 19Yeesu ŋɔ o be ŋɔ, “Ir kaa, yarada haa yarada mɛ nɔɔ ɡela he dɔ he te.”
Korowii Kora bala wa
(Mat 24:23-28, 37-41)
20Awola bɛl, Farisii tena bane bɔɔ Yeesu ŋɔ, “Bɛweeree Korowii Kora la ɛɛ ba bala ɔ?” Anee o ŋɔ, “Korowii Kora la ta komɛl haa dɛ ba o nae ɛɛ. 21O ta komɛl yaa dɛ ba ŋɔe ŋɔ, ‘Onee nɔ, kɛɛ onee ka lɔ le nɔ’ ɛɛ. Bambile binii o do.”
22Asɛ Yeesu ŋɔ o habɔteŋra la be ŋɔ, “Aa ba tel saŋ bɛlee ásɛ hɛɛ nyin dɛ fe dɔ Men Nɛn Bie la kɛŋɔ n ne haa soɡa tɔpebeŋkpoŋ ɡbo ɡba, kɛ haa ɡɛɛ dɔ. 23Nɛra bane ɛɛ ba ŋɔ he bee ŋɔ n lɔ bonɔ kɛɛ le nɔ. He bɛ ka nyiŋi. 24Gɛ bwaala yon nyɛɡle nyundua bwa chaah la, ɡɛɛ Men Nɛn Bie la bala ɛɛ ba doe, nomɛlbwa na mɛ. 25Kɛ a chɛ kɛŋɔ ń na wahala kohona ásɛ fini nɔ nɛra vɛɛh mɛ, mɔɔ anɔ bɛlbwa ba ɛ.
26Gɛ aa ɛa Nowa bere saŋ la, ɡɛɛ Men Nɛn Bie la ɡe bala saŋ ɛɛ ba ɛɛ.#Mum 7:23 27Nowa bere saŋ la, dɛ ba dɛ di kwa, dɛɛ nyɔ sene, dɛɛ mo haahna, dɛ lawɛ haahna tɛ baala baa mo, dɛ ka tel kɛŋɔ awola Nowa aa jo o daka la bini, asɛ bwaala nɛ aaa, mpo ne neerare bwa su tɔ harɛ bwa, asɛ ba bwa serewe kwaraa.
28Gɛ tenten aa ɛ Lɔt bere saŋ ɡe asɛ Sodom tena ɛɛ di kwa, dɛɛ nyɔ sene, dɛɛ di bona, dɛɛ parɛ, dɛɛ ma deene la, ɡɛɛ aa ba ɛɛ. 29Awola Lɔt aa le Sodom dɛɛ kaa la, Korowii ɡelɔ nii ne jebɔrɔwe aa dɛ fuh le nyundua dɛ ba fuh Sodom tena bwa kwaraa.#Mum 19:24
30Gɛ tentenee aa ba ɛɛ awola Men Nɛn Bie la aa ba ja la. 31Awola tɔpere la, nomɛlbwa waa soɡe saldoa o laala do dea la, o bɛ tu ba kpɔ kpa. Gɛ tentenee nomɛlbwa ɡe waa do koo ta la, o ɡe bɛ dem ba dɛ́ ba kpɔ komɛlbwa kpa. 32Hé lii waa aa pu Lɔt haah la.#Mum 19:26 33Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu. 34Kasinteŋ, awola jwaana la, nɛra banɛ ɛɛ pɛo dɛ́ chɔ kalaŋ beŋkpoŋ ta, ásɛ Korowii ba kpɔ beŋkpoŋ kaa dɛ́ ɡel bɛl. 35Haahna banɛ ɛɛ pɛo dɛɛ tuɡe kwa, ásɛ Korowii ba kpɔ bɛl kaa, dɛ́ ɡel bɛl. 36Baala banɛ ɛɛ do koo taa, ásɛ o ba kpɔ bɛl kaa dɛ́ ɡel bɛl.”
37Anee o habɔteŋra la bɔɔro ŋɔ, “Ya Dɔɔ, leperaa aa ba chiɡa ɔ?”
Asɛ o ŋɔ ba be ŋɔ, “Bela konlale aa lole la, belaa kokosakire ɛɛ cheme.”
Currently Selected:
Luk 17: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Luk 17
17
Wechɔɡa wa
(Mat 18:6-7; 21—22; Mak 9:42)
1Yeesu ŋɔ o habɔteŋra la be ŋɔ, “A ɛ wobɛlbwa, waa aa dɛ ba ɡela nɛn ɛ wechɔɡa la ɛɛ bao. Kɛ naate aa che o nɛɛ dɛ́ ba la, bwɛɛlɛ. 2Dɛ ba vɔwɛ nambwe do naate baŋa dɛ kpɔɔ ka ta mpo vil ta kwara naa, a fe bɔ kɛŋɔ waa ɡela bechajeɡre nɔ dɔŋ bɛlbwa ɛ wechɔɡa. 3Anomanta, hé nyiŋi he te kɛrɛdɛ!
Dɛ he dɔŋ ɛɛ wechɔɡa aa, ŋɔ o be. Dɛ o no a mun dɛ charɛ o liire aa, kpɔ o wechɔɡa kɛo.#Mat 18:15 4Dɛ tɔpere bɛlbwa o ɛɛ wechɔɡa kera anuanɛ, asɛ dɛ ba he be dɛ ba ŋɔ waa waa ɛɛ la, o kon chɔɡaa, kpɔ kɛo.”
5Yeesu toroma la ŋɔ o be ŋɔ, “Ya Dɔɔ, cha yaa dɛ́ ɡel ya dɔ yarada kohona.”
6Asɛ Yeesu chaŋe ŋɔ, “Dɛ he yarada fe kan kɛŋɔ sipon ɡba aa, he fe ɛɛ wonoo ŋɔ dajen nɔ aa cheɡa nɔ be ŋɔ ó chuɡri ka che mpo ta, ásɛ o no dɛ́ ɛ ɡɛ.”
Bonɔɔ toma ɛɛ wa
7Yeesu berɔ bɔɔ ba ŋɔ, “He bini umee dɛ́ dɔ bonɔɔ wɛɛ parɛ he koo kɛɛ wɛɛ nyiŋi he peera ta, ásɛ waa le toma ta ba dem la, he den ŋɔ o be ó ba di kwa ɔ? 8Akai! Haa o be ɡɛɛ ŋɔ. Hɛɛ ŋɔ o bee ŋɔ, ‘Ɛ n kondikwaa ka cheɡ mɛ, ásɛ dɛ kpɔ he te ba che n be tiɡ ta, dɛ́ ɛ n wobɛlbwa tɛ mɛ ń di kwaa tonɛ mɔɔ he ɡe ka di he kwa.’ 9Bonɔɔ la ɛɛ dɔ jaamee waa o dɔɔ la aa doo a ta laanee yaa? Akai. 10Gɛ tentenee he waa do. Dɛ he ɛ waa Korowii aa do heyaa a ta ŋɔ hé ɛ aa, he bɛ he te kpɛɛ. Hé ŋɔ, ‘Ya ɛ bonɔɔna yaa wola tɔnɔ dɔe. Toma aa chɛ kɛŋɔ yá ɛ la ɡboo ya ɛ la.’ ”
Weetena fi bane Yeesu aa chaah ba weela
11Yeesu aa dɛ kaa Jerusalam la, o kpɔ Samaria harɛ ne Galilia harɛ jwɛh ta. 12Asɛ waa dɛ jo bwɛjeɡa bɛl ta la, baala fi bane bwadabii weechɔɡa ane aa lɔ ba nɛɛ pa sie o be dɛɛ ba dɛ́ ba chemo. Ba cheɡɛ bojaŋ, 13dɛ ha nyoa ŋɔ, “Ya Dɔɔ Yeesu, na ya sum!”
14Belaa Yeesu aa na ba la, o ŋɔ ba be ŋɔ, “Hé kpɔ he te ka baɡle sɔfore la ásɛ ba nyiŋi heyaa na.” Baa chiɡ ŋwɛnɛ ta dɛɛ kaa la, ba weela la kaalɔ, ba bwara kwaa.
15Ba bini beŋkpoŋ aa naa kɛŋɔ o weela la kaalɔ o bwara kwaa la, o laa berɛ dɛ baa jam Korowii takpeɡ ne, 16dɛ ba ɡuŋi Yeesu sie dɛ jaamo. Dɛ ɡɛ baa la ɛ Samaria te.
17Anee Yeesu bɔɔro ŋɔ, “He lɔ nɛra fi n chah heya, leperaa banuanaarɛ la te dɔɔ? 18Ɛrɛɛ baa nɔ waa wola Juu te ɛɛ nɔ ɡbo won kpɔ jam ba tɛ Korowii nɔɔ?” 19Yeesu ŋɔ o be ŋɔ, “Ir kaa, yarada haa yarada mɛ nɔɔ ɡela he dɔ he te.”
Korowii Kora bala wa
(Mat 24:23-28, 37-41)
20Awola bɛl, Farisii tena bane bɔɔ Yeesu ŋɔ, “Bɛweeree Korowii Kora la ɛɛ ba bala ɔ?” Anee o ŋɔ, “Korowii Kora la ta komɛl haa dɛ ba o nae ɛɛ. 21O ta komɛl yaa dɛ ba ŋɔe ŋɔ, ‘Onee nɔ, kɛɛ onee ka lɔ le nɔ’ ɛɛ. Bambile binii o do.”
22Asɛ Yeesu ŋɔ o habɔteŋra la be ŋɔ, “Aa ba tel saŋ bɛlee ásɛ hɛɛ nyin dɛ fe dɔ Men Nɛn Bie la kɛŋɔ n ne haa soɡa tɔpebeŋkpoŋ ɡbo ɡba, kɛ haa ɡɛɛ dɔ. 23Nɛra bane ɛɛ ba ŋɔ he bee ŋɔ n lɔ bonɔ kɛɛ le nɔ. He bɛ ka nyiŋi. 24Gɛ bwaala yon nyɛɡle nyundua bwa chaah la, ɡɛɛ Men Nɛn Bie la bala ɛɛ ba doe, nomɛlbwa na mɛ. 25Kɛ a chɛ kɛŋɔ ń na wahala kohona ásɛ fini nɔ nɛra vɛɛh mɛ, mɔɔ anɔ bɛlbwa ba ɛ.
26Gɛ aa ɛa Nowa bere saŋ la, ɡɛɛ Men Nɛn Bie la ɡe bala saŋ ɛɛ ba ɛɛ.#Mum 7:23 27Nowa bere saŋ la, dɛ ba dɛ di kwa, dɛɛ nyɔ sene, dɛɛ mo haahna, dɛ lawɛ haahna tɛ baala baa mo, dɛ ka tel kɛŋɔ awola Nowa aa jo o daka la bini, asɛ bwaala nɛ aaa, mpo ne neerare bwa su tɔ harɛ bwa, asɛ ba bwa serewe kwaraa.
28Gɛ tenten aa ɛ Lɔt bere saŋ ɡe asɛ Sodom tena ɛɛ di kwa, dɛɛ nyɔ sene, dɛɛ di bona, dɛɛ parɛ, dɛɛ ma deene la, ɡɛɛ aa ba ɛɛ. 29Awola Lɔt aa le Sodom dɛɛ kaa la, Korowii ɡelɔ nii ne jebɔrɔwe aa dɛ fuh le nyundua dɛ ba fuh Sodom tena bwa kwaraa.#Mum 19:24
30Gɛ tentenee aa ba ɛɛ awola Men Nɛn Bie la aa ba ja la. 31Awola tɔpere la, nomɛlbwa waa soɡe saldoa o laala do dea la, o bɛ tu ba kpɔ kpa. Gɛ tentenee nomɛlbwa ɡe waa do koo ta la, o ɡe bɛ dem ba dɛ́ ba kpɔ komɛlbwa kpa. 32Hé lii waa aa pu Lɔt haah la.#Mum 19:26 33Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu. 34Kasinteŋ, awola jwaana la, nɛra banɛ ɛɛ pɛo dɛ́ chɔ kalaŋ beŋkpoŋ ta, ásɛ Korowii ba kpɔ beŋkpoŋ kaa dɛ́ ɡel bɛl. 35Haahna banɛ ɛɛ pɛo dɛɛ tuɡe kwa, ásɛ Korowii ba kpɔ bɛl kaa, dɛ́ ɡel bɛl. 36Baala banɛ ɛɛ do koo taa, ásɛ o ba kpɔ bɛl kaa dɛ́ ɡel bɛl.”
37Anee o habɔteŋra la bɔɔro ŋɔ, “Ya Dɔɔ, leperaa aa ba chiɡa ɔ?”
Asɛ o ŋɔ ba be ŋɔ, “Bela konlale aa lole la, belaa kokosakire ɛɛ cheme.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.