Luk 18
18
Luhaah bɛl ne nomoa waa bol waa dɛɛ pa bole sɛɡla
1Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ. 2O ŋɔ ba be ŋɔ, “Nomoa bɛlee fa lole dɛɛ bol waa dɛɛ pa bole kɔɔto, dɛ do bwɛɛ bɛl ta. Dɛ waa Korowii ɔmɛ, waa nɛn ɡe heeh. 3Dɛ bwɛɛ la tenten ta la, dɛ luhaah bɛl ɡe lɔ bela, o yon dɛɛ la nomoa la be dɛ kaa ŋɔ o be ŋɔ, ‘Cha mɛ ásɛ dɛ lɛɛ mɛ le n dɔm nɔn ta.’
4Dɛ kɔɔto nomoa la aa sie do o be, dɛ ɡel a biɡri. A habɔɔ la, o lii o nyu bini ŋɔ, ‘Maa Korowii ɔmɛ, maa nɛn ɡe heeh, 5kɛ luhaah nɔ mare nɔ waa dɛ ɛɛ mɛ nɔ nomanta, mɛɛ nyiŋuu, dɛ́ ɡel ó di bole, ásɛ o laa o melee waane kpɔ n nɛ.’ ”
6Yeesu ŋɔ o habɔteŋra la be ŋɔ, “He no ɡɛ kɔɔto nomonchɔɡe la aa bola aa? 7Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa? 8N dɛ ŋɔ he be ŋɔ, Korowii ɛɛ wonoo cha ba. Wɛɛ ɛa warane ɡee. Dɛ Men Nɛn Bie la balaa, mɛɛ ba pu nɛra baa dɔ yarada harɛ nɔ taa te naa?”
Farisii te bɛl ne toɔ lɛɛ bɛl sɛɡla
9Yeesu sɛɡle nɛra baa dɛ lii ba te kɛŋɔ ba ɛ nɛndɛɛɡa ɡwaa nɛra bwa la ŋɔ, 10“Awola bɛl, nɛra banɛ bane la Korowii Dea dɛ kaa soŋe Korowii. Dɛ bɛl ɛ Farisii te asɛ bɛl ɡe ɛ nɛnchɔɡa baa dɛ lɛ toɔ la bɛl. 11Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.#Sɛɡ 20:6 12N dɛ vɔwɛ nyoa tɔpera anɛ yawanyoa bɛlbwa ta, dɛɛ bɔne kwaa maa dɛ dɔ bwa bini bɔre fi dɛ kpɔ beŋkpoŋ dɛ baa tɛ hen Korowii.’
13Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”
14Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”
Yeesu swee bechale bane andɛɛɡa
(Mat 19:13-15; Mak 10:13-16)
15Dɛ nɛra bane kpɔ ba bii dɛɛ ba Yeesu be ŋɔ ó kpɔ o nɔn dawɛ ba nɛ. O habɔteŋra la aa na ba la, ba kɔɡre nɛra la ŋɔ bá kpɔ ba bii la le le. 16Belaa Yeesu yerɛ bechale la ba o be, asɛ dɛ ŋɔ, “He bɛ bechale la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la. 17Kasinteŋ, naate waa wola o te kpɔe tɛ Korowii dɛ yaradao kɛŋɔ bechale nɔ la, waa Korowii Kora la ta dɔe ba dɛ́ ja bwa.”
Baa bɛl waa ɛ dɔɔh wa
(Mat 19:16-30; Mak 10:17-31)
18Asɛ Juu tena nomoa bɛl bɔɔ Yeesu ŋɔ, “Nomondɛɛɡe, ɛrɛɛ chɛ kɛŋɔ ń ɛ dɛ́ dɔ Korowii mkpa aa wola jaɡa dɔe bwa nɔ?”
19Anee Yeesu bɔɔro ŋɔ, “Ɛrɛɛ he yer mɛ nɛndɛɛɡe nɔɔ? Nomɛlbwa toole dɛ ɛ nɛndɛɛɡe. Korowii ɡbosoo ɛ nɛndɛɛɡe. 20Kɛ he jemɛ Korowii Mmarare la aa dɛ baɡle kɛ, ‘Bɛ jwamane bɔ, bɛ nɛn kpo, bɛ ŋwɛ, bɛ nyosone teŋe dawɛ he dɔŋ nɛ, dɛɛ duu he nya ne he mɛɛ’ laɔ?”#Mma 5:16-20
21Anee baa la ŋɔ, “Gɛ saŋ maa ɛ bechala la bwaa n le dɛ teŋɛ anɔ bwa ta.”
22Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”
23Baa la aa no ɡɛ waa nɔ la, o tea bini chɔɡɔ, dɛkalkɛŋɔ dɛ o dɔ suuɡa taeh. 24Yeesu nyiŋu dɛ na kɛŋɔ o tea bini chɔɡɔ, asɛ o ŋɔ, “A kpeɡri kɛŋɔ dɔɔh dɔ bɔr ja Korowii Kora la ta. 25Aa do pwɛree tɛ nyoɡma kɛŋɔ ó won jo tɔɔɡe bɔɔ ta, ɡwaa kɛŋɔ dɔɔh naa wona ja Korowii Kora la ta.”
26Nɛra baa no waa nɔ la ŋɔ, “Amɔ te umee dɛɛ ba o nyu dɔe yɔ?”
27Anee Yeesu ŋɔ, “Waa aa kpeɡa tɛ nɛn, waa wola won ɛ la, aa kpeɡe Korowii te be. Wɛɛ wonoo ɛ.”
28Asɛ Pita ŋɔ, “Nyiŋi na, ya te, ya ɡel komɛlbwa yaa dɔa dɛ baa teŋɛ he nɛɛ la.”
29Anee Yeesu ŋɔ ba be ŋɔ, “Kasinteŋ, nomɛlbwa waa koh Korowii Kora nɔ waa dɛ ɡel o dem, kɛɛ o haah ne bii, kɛɛ o nya ne mɛɛ, kɛɛ o dɔɔranar ne o nimanar la, 30wɛɛ dɔ banee dɛ́ ɡwaa ɡɛ harɛ ta bonɔ. A bwa habɔɔ la, wɛɛ dɔ Korowii mkpa aa wola jaɡa dɔe nyundua laanee ja.”
Yeesu bol o seo waa toorotena
(Mat 20:17-19; Mak 10:32-34)
31Yeesu kpɔ o habɔteŋra fi dɛ banɛ la le bokɛre asɛ dɛ ŋɔ ba be ŋɔ, “Hé no! Ya dɛ kaa Jerusalam. Belaa Men Nɛn Bie wobɛlbwa Korowii keamere la aa chwera la ɛɛ ba kpela ɛɛ. 32Baa kpɔ mɛɛ do nɛra baa wola Juu tena ɛɛ la nɔn ta, ásɛ ba di n loro, dɛ́ chɛɡ mɛ, ásɛ dɛ ta nentane ta n nɛ. 33Baa lɔɔ mɛɛ, dɛ́ kpo mɛ, ásɛ a tɔpetooro wee la, ń ir seo ta.”
34Yeesu aa bol ɡɛ waa la ba be la, ba ta a bɛlbwa mun noɛ, dɛkalkɛŋɔ dɛ Korowii kpɔ a mun noe sɔɔh ba. Ba ta ɡɛ waa dɛ bol la mun noɛ.
Yeesu chah nyoŋe bɛl waa dɛ soŋe kwa
(Mat 20:29-34; Mak 10:46-52)
35Baa dɛ tel Jeriko la, dɛ baa bɛl waa nyoŋa soɡe ŋwɛnɛ nyoa dɛɛ soŋe kwa. 36Waa no nɛnlaa la ɡbɔɡa ba baa kaa la, o bɔɔ waa aa bala. 37Anee ba ŋɔ o be ŋɔ, “Yeesu waa le Nasarɛt laanee ba dɛ kaa.”
38Belaa o kpɔ takpeɡ ŋɔ, “Devid Naa Yeesu, na n sum dɛ́ cha mɛ!”
39Asɛ nɛra baa tɔ sie la kaoh ŋɔ ó tɔ nyoa. Dɛ name tenee o taa bola kohona kwara, dɛɛ ŋɔ, “Devid Naa, na n sum dɛ́ cha mɛ!”
40Anee Yeesu jaɡɛ che, dɛ ŋɔ bá lawɛ baa la waa nyoŋa la ba tɛo. Baa ba o ne o be la, Yeesu bɔɔro ŋɔ, 41“Bɔkwaa hɛɛ nyin kɛ ń ɛ tɛɛ nɔ?”
Asɛ baa la ŋɔ, “N Dɔɔ, n poori, ɡel ń berɛ dɛɛ na ja.”
42Belaa Yeesu ŋɔ o be ŋɔ, “He yarada lɛɛ. N chaeh. Na bɔr.” 43Ate, buɡ la ta, dɛ o dɛ na bɔr, dɛ teŋɛ Yeesu nɛ, dɛɛ jam Korowii. Asɛ nɛra la bwa aa naa la, ba kpɛɛ Korowii.
Currently Selected:
Luk 18: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Luk 18
18
Luhaah bɛl ne nomoa waa bol waa dɛɛ pa bole sɛɡla
1Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ. 2O ŋɔ ba be ŋɔ, “Nomoa bɛlee fa lole dɛɛ bol waa dɛɛ pa bole kɔɔto, dɛ do bwɛɛ bɛl ta. Dɛ waa Korowii ɔmɛ, waa nɛn ɡe heeh. 3Dɛ bwɛɛ la tenten ta la, dɛ luhaah bɛl ɡe lɔ bela, o yon dɛɛ la nomoa la be dɛ kaa ŋɔ o be ŋɔ, ‘Cha mɛ ásɛ dɛ lɛɛ mɛ le n dɔm nɔn ta.’
4Dɛ kɔɔto nomoa la aa sie do o be, dɛ ɡel a biɡri. A habɔɔ la, o lii o nyu bini ŋɔ, ‘Maa Korowii ɔmɛ, maa nɛn ɡe heeh, 5kɛ luhaah nɔ mare nɔ waa dɛ ɛɛ mɛ nɔ nomanta, mɛɛ nyiŋuu, dɛ́ ɡel ó di bole, ásɛ o laa o melee waane kpɔ n nɛ.’ ”
6Yeesu ŋɔ o habɔteŋra la be ŋɔ, “He no ɡɛ kɔɔto nomonchɔɡe la aa bola aa? 7Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa? 8N dɛ ŋɔ he be ŋɔ, Korowii ɛɛ wonoo cha ba. Wɛɛ ɛa warane ɡee. Dɛ Men Nɛn Bie la balaa, mɛɛ ba pu nɛra baa dɔ yarada harɛ nɔ taa te naa?”
Farisii te bɛl ne toɔ lɛɛ bɛl sɛɡla
9Yeesu sɛɡle nɛra baa dɛ lii ba te kɛŋɔ ba ɛ nɛndɛɛɡa ɡwaa nɛra bwa la ŋɔ, 10“Awola bɛl, nɛra banɛ bane la Korowii Dea dɛ kaa soŋe Korowii. Dɛ bɛl ɛ Farisii te asɛ bɛl ɡe ɛ nɛnchɔɡa baa dɛ lɛ toɔ la bɛl. 11Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.#Sɛɡ 20:6 12N dɛ vɔwɛ nyoa tɔpera anɛ yawanyoa bɛlbwa ta, dɛɛ bɔne kwaa maa dɛ dɔ bwa bini bɔre fi dɛ kpɔ beŋkpoŋ dɛ baa tɛ hen Korowii.’
13Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”
14Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”
Yeesu swee bechale bane andɛɛɡa
(Mat 19:13-15; Mak 10:13-16)
15Dɛ nɛra bane kpɔ ba bii dɛɛ ba Yeesu be ŋɔ ó kpɔ o nɔn dawɛ ba nɛ. O habɔteŋra la aa na ba la, ba kɔɡre nɛra la ŋɔ bá kpɔ ba bii la le le. 16Belaa Yeesu yerɛ bechale la ba o be, asɛ dɛ ŋɔ, “He bɛ bechale la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la. 17Kasinteŋ, naate waa wola o te kpɔe tɛ Korowii dɛ yaradao kɛŋɔ bechale nɔ la, waa Korowii Kora la ta dɔe ba dɛ́ ja bwa.”
Baa bɛl waa ɛ dɔɔh wa
(Mat 19:16-30; Mak 10:17-31)
18Asɛ Juu tena nomoa bɛl bɔɔ Yeesu ŋɔ, “Nomondɛɛɡe, ɛrɛɛ chɛ kɛŋɔ ń ɛ dɛ́ dɔ Korowii mkpa aa wola jaɡa dɔe bwa nɔ?”
19Anee Yeesu bɔɔro ŋɔ, “Ɛrɛɛ he yer mɛ nɛndɛɛɡe nɔɔ? Nomɛlbwa toole dɛ ɛ nɛndɛɛɡe. Korowii ɡbosoo ɛ nɛndɛɛɡe. 20Kɛ he jemɛ Korowii Mmarare la aa dɛ baɡle kɛ, ‘Bɛ jwamane bɔ, bɛ nɛn kpo, bɛ ŋwɛ, bɛ nyosone teŋe dawɛ he dɔŋ nɛ, dɛɛ duu he nya ne he mɛɛ’ laɔ?”#Mma 5:16-20
21Anee baa la ŋɔ, “Gɛ saŋ maa ɛ bechala la bwaa n le dɛ teŋɛ anɔ bwa ta.”
22Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”
23Baa la aa no ɡɛ waa nɔ la, o tea bini chɔɡɔ, dɛkalkɛŋɔ dɛ o dɔ suuɡa taeh. 24Yeesu nyiŋu dɛ na kɛŋɔ o tea bini chɔɡɔ, asɛ o ŋɔ, “A kpeɡri kɛŋɔ dɔɔh dɔ bɔr ja Korowii Kora la ta. 25Aa do pwɛree tɛ nyoɡma kɛŋɔ ó won jo tɔɔɡe bɔɔ ta, ɡwaa kɛŋɔ dɔɔh naa wona ja Korowii Kora la ta.”
26Nɛra baa no waa nɔ la ŋɔ, “Amɔ te umee dɛɛ ba o nyu dɔe yɔ?”
27Anee Yeesu ŋɔ, “Waa aa kpeɡa tɛ nɛn, waa wola won ɛ la, aa kpeɡe Korowii te be. Wɛɛ wonoo ɛ.”
28Asɛ Pita ŋɔ, “Nyiŋi na, ya te, ya ɡel komɛlbwa yaa dɔa dɛ baa teŋɛ he nɛɛ la.”
29Anee Yeesu ŋɔ ba be ŋɔ, “Kasinteŋ, nomɛlbwa waa koh Korowii Kora nɔ waa dɛ ɡel o dem, kɛɛ o haah ne bii, kɛɛ o nya ne mɛɛ, kɛɛ o dɔɔranar ne o nimanar la, 30wɛɛ dɔ banee dɛ́ ɡwaa ɡɛ harɛ ta bonɔ. A bwa habɔɔ la, wɛɛ dɔ Korowii mkpa aa wola jaɡa dɔe nyundua laanee ja.”
Yeesu bol o seo waa toorotena
(Mat 20:17-19; Mak 10:32-34)
31Yeesu kpɔ o habɔteŋra fi dɛ banɛ la le bokɛre asɛ dɛ ŋɔ ba be ŋɔ, “Hé no! Ya dɛ kaa Jerusalam. Belaa Men Nɛn Bie wobɛlbwa Korowii keamere la aa chwera la ɛɛ ba kpela ɛɛ. 32Baa kpɔ mɛɛ do nɛra baa wola Juu tena ɛɛ la nɔn ta, ásɛ ba di n loro, dɛ́ chɛɡ mɛ, ásɛ dɛ ta nentane ta n nɛ. 33Baa lɔɔ mɛɛ, dɛ́ kpo mɛ, ásɛ a tɔpetooro wee la, ń ir seo ta.”
34Yeesu aa bol ɡɛ waa la ba be la, ba ta a bɛlbwa mun noɛ, dɛkalkɛŋɔ dɛ Korowii kpɔ a mun noe sɔɔh ba. Ba ta ɡɛ waa dɛ bol la mun noɛ.
Yeesu chah nyoŋe bɛl waa dɛ soŋe kwa
(Mat 20:29-34; Mak 10:46-52)
35Baa dɛ tel Jeriko la, dɛ baa bɛl waa nyoŋa soɡe ŋwɛnɛ nyoa dɛɛ soŋe kwa. 36Waa no nɛnlaa la ɡbɔɡa ba baa kaa la, o bɔɔ waa aa bala. 37Anee ba ŋɔ o be ŋɔ, “Yeesu waa le Nasarɛt laanee ba dɛ kaa.”
38Belaa o kpɔ takpeɡ ŋɔ, “Devid Naa Yeesu, na n sum dɛ́ cha mɛ!”
39Asɛ nɛra baa tɔ sie la kaoh ŋɔ ó tɔ nyoa. Dɛ name tenee o taa bola kohona kwara, dɛɛ ŋɔ, “Devid Naa, na n sum dɛ́ cha mɛ!”
40Anee Yeesu jaɡɛ che, dɛ ŋɔ bá lawɛ baa la waa nyoŋa la ba tɛo. Baa ba o ne o be la, Yeesu bɔɔro ŋɔ, 41“Bɔkwaa hɛɛ nyin kɛ ń ɛ tɛɛ nɔ?”
Asɛ baa la ŋɔ, “N Dɔɔ, n poori, ɡel ń berɛ dɛɛ na ja.”
42Belaa Yeesu ŋɔ o be ŋɔ, “He yarada lɛɛ. N chaeh. Na bɔr.” 43Ate, buɡ la ta, dɛ o dɛ na bɔr, dɛ teŋɛ Yeesu nɛ, dɛɛ jam Korowii. Asɛ nɛra la bwa aa naa la, ba kpɛɛ Korowii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.