ಲೂಕ 4
4
ಯೇಸುಕ್ ಆನ ಸೋದನೆ
(ಮತ್ತಾಯ 4.1–11; ಮಾರ್ಕ 1.12,13)
1ಯೇಸು ಪವಿತ್ರಾತ್ಮತ್‍ಲ್ ದುಂಬ್‍ನಂವೊನಾಯಿತ್ ಯೊರ್ದನಿಂಜ ಬಯ್ಯಕ್ ಬಪ್ಪಕ ದೇವಡ ಆತ್ಮ ಮಣಬೂಮಿಕ್ ಅಂವೊನ ಅಯಿಚತ್. 2ನಾಪದ್ ದಿವಸ ಸೈತಾನ ಅಂವೊನ ಸೋದನೆ ಮಾಡ್‍ಚಿ. ಆ ದಿವಸತ್‍ಲ್ ಅಂವೊ ಒಂದು ತಿಂದಿತ್‌ಲ್ಲೆ. ಆ ದಿವಸವೆಲ್ಲ ಆನ ಪಿಂಞ ಅಂವೊಂಗ್ ಕೆಲ ಪಯಿಚತ್.
3ಅಕ್ಕ ಸೈತಾನ ಯೇಸುನ ನೋಟಿತ್: ನೀನ್ ನೇರಾಯಿತ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.
4ಅದ್ಂಗ್ ಅಂವೊ: ಮನುಷ್ಯ ಒಟ್ಟಿಯಿಂಜ ಮಾತ್ರ ಅಲ್ಲ, ದೇವ ಎಣ್ಣ್‌ನ ಓರೋರ್ ತಕ್ಕಿಂಜಲು ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.#4.4 ದರ್ಮಶಾಸ್ತ್ರ ಪುಸ್ತಕ 8.3
5ಆ ಸೈತಾನ ಯೇಸುನ ಒರ್ ಕುಂದ್‌ರ ಕೊಡಿಕ್ ಕಾಕಿಯಂಡ್ ಪೋಯಿತ್, ಬೂಲೋಕತ್‌ರ ಎಲ್ಲಾ ರಾಜ್ಯತ್‍ನ ಒರು ಕ್ಷಣತ್‍ಲ್ ಕಾ‌ಟಿಕೊಡ್‌ತಿತ್: ನಾನ್ ನೀಕ್ ಈ ರಾಜ್ಯತ್‍ರ ಎಲ್ಲಾ ಅದಿಕಾರ ಪಿಂಞ ಎಲ್ಲಾ ಮಹಿಮೆನ ತಪ್ಪಿ, ಎನ್ನಂಗೆಣ್ಣ್‌ಚೇಂಗಿ ಇದೆಲ್ಲಾ ನಾಕ್ ಕೊಡ್‌ತಿತುಂಡ್. ನಾಕ್ ದಾರ್‌ಕ್ ಕೊಡ್‍ಪಕ್ ಕುಶಿ ಉಂಡೋ ಅಯಿಂಗಕ್ ನಾನ್ ಕೊಡ್‍ಪಿ. 6-7ನೀನ್ ನನ್ನ ಆರಾದನೆ ಮಾಡ್‍ಚೇಂಗಿ ಇದೆಲ್ಲಾ ನೀಡದಪ್ಪಾಂದ್ ಎಣ್ಣ್‌ಚಿ.
8ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.#4.8 ದರ್ಮಶಾಸ್ತ್ರ ಪುಸ್ತಕ 6.13
9ಅಕ್ಕ ಸೈತಾನ ಯೇಸುನ ಯೆರೂಸಲೇಮ್ ಪಟ್ಟಣಕ್ ಕಾಕಿಯಂಡ್ ಪೋಯಿತ್ ಎತ್ತರವಾನ ಜಾಗತ್‍ಲ್ ನಿಪ್ಪ್‌ಚಿಟ್ಟಿತ್, ನೀನ್ ನೇರಾಯಿತು ದೇವಡ ಮೋಂವೊನಾಚೇಂಗಿ ಇಲ್ಲಿಂಜ ಅಡಿಕ್ ಪಾರ್, 10ಎನ್ನಂಗೆಣ್ಣ್‌ಚೇಂಗಿ
ನಿನ್ನ ಚಾಯಿತೆ ಕ‌ಪಾಡಂಡೂಂದ್ ನೀಕಾಯಿತ್
ದೇವದೂತಂಗಕ್ ದೇವ ಆಜ್ಞೆ ತಪ್ಪಾಂದೂ,
11ನೀಡ ಕಾಲ್‍ರ ಬೆರ ಕಲ್ಲ್‌ಲ್ ಮುಟ್ಟತನೆಕೆ,
ಅಯಿಂಗ ನಿನ್ನ ಕೈಯಿಲ್ ಪೋರ್ಪಾಂದ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.#4.11 ದೇವಡ ಪಾಟ್ 91. 1, 12
12ಅದ್ಂಗ್ ಯೇಸು: ನೀಡ ಒಡೆಯನಾನ ದೇವನ ಪರೀಕ್ಷೆಮಾಡತೇಂದ್ ಎಣ್ಣಿತುಂಡಲ್ಲಾಂದ್ ಜವಾಬ್ ಕೊಡ್‍ತತ್.#4.12 ದರ್ಮಶಾಸ್ತ್ರ ಪುಸ್ತಕ 6.16 13ಸೈತಾನ ಇನ್ನನೆ ಎಲ್ಲಾ ಪರಿಕ್ಷೆಯು ಮಾಡ್‍ನ ಪಿಂಞ ಯೇಸುನ ಚೆನ್ನ ಕಾಲ ಬುಟ್ಟಿತ್ ಪೋಚಿ.
ಯೇಸು ಗಲಿಲಾಯತ್‍ಲ್ ಸೇವೆ ಸುರು ಮಾಡ್‍ನದ್
(ಮತ್ತಾಯ 4.12–17; ಮಾರ್ಕ 1.14,15)
14ಪಿಂಞ ಯೇಸು ಪವಿತ್ರಾತ್ಮತ್‍ರ ಶಕ್ತಿಲ್ ಗಲಿಲಾಯಕ್ ಪುನಃ ಪೋಚಿ. ಅಂವೊಂಡ ಸುದ್ದಿ ಸುತ್ತ್‌ಲ್ ಉಳ್ಳ ಎಲ್ಲಾ ಜಾಗಕು ಹರಡ್‍ಚಿ. 15ಯೇಸು ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡಿಂಜತ್. ಎಲ್ಲಾರು ಅಂವೊನ ಹೊಗಳ್‍ಚಿ.
ಯೇಸು ನಜರೇತ್‍ಲ್ ಸೇವೆ ಮಾಡ್‍ನದ್
(ಮತ್ತಾಯ 13.53–58; ಮಾರ್ಕ 6.1–6)
16ಯೇಸು ಅಂವೊ ಬೊಳ್ಂದ ನಜರೇತ್ ಊರ್‌ಕ್ ಪೋಯಿತ್, ಸಬ್ಬತ್#4.16 ಸಬ್ಬತ್ ಎಣ್ಣ್‌ಚೇಂಗಿ ಸಂಖ್ಯೆ ಏಳ್ಂದ್ ಅರ್ಥ. ಆ ದಿನತ್‌ಲ್ ಯೆಹೂದ್ಯಂಗ ಆರಾಮ್ ಮಾಡ್‌ವ ಪಿಂಞ ದೇವನ ತುದಿಪ ದಿನ. ನ್ಯಾಯಪ್ರಮಾಣತ್‍ರ ಪ್ರಕಾರ ದಾರೂ ಒರ್ ಕೆಲಸವು ಮಾಡ್‌ವಕ್ಕಾಗ ದಿನ ಬಪ್ಪಕ ಪದ್ದತಿರ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಅಂವೊ ಓದ್‍ವಕ್ ಎದ್ದ್ ನಿಂದತ್. 17ಅಕ್ಕ ದೇವಡ ವಾಕ್ಯತ್‍ನ ಓದ್‍ವಕ್ ಯೆಶಾಯ ಪ್ರವಾದಿರ ಪುಸ್ತಕತ್‍ನ ಅಂವೊಂಗ್ ಕೊಡ್‍ತತ್. 18-19ಅಂವೊ ಅದ್‍ನ ತೊರ್‌ಪಕ:
ದೇವಡ ಆತ್ಮ ನಾಡ ಮೇಲೆ ಉಂಡ್;
ಗರೀಬಂಗಕ್ ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವಕು ನನ್ನ ಗೊತ್ತ್ ಮಾಡಿಯತ್.
ದೇವ, ಕೈದಿಯಂಗಕ್ ಬುಡುಗಡೆ ಎಣ್ಣುವಕು,
ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‌ವಕು,
ಅಡಿಯಾಳಂಗಳ ಅಯಿಂಗಡ ಕಷ್ಟತ್ಂಜ ಬುಡುಗಡೆ ಮಾಡ್‌ವಕು,#4.18–19 ಯೆಶಾಯ 61.1,2
ದೇವಡ ದಯೇರ ಕಾಲತ್‍ನ ಪ್ರಚಾರ ಮಾಡ್‌ವಕು ನನ್ನ ಅಯಿಚತ್‍ೕಂದ್
ಪುಸ್ತಕತ್‍ಲ್ ಒಳ್‍ದಿತುಳ್ಳ ಜಾಗತ್‍ನ ಕಂಡ್ ಅದ್‍ನ ಓದ್‌ಚಿ. 20ಯೇಸು ಆ ಪುಸ್ತಕತ್‍ನ ಸುತ್ತಿತ್, ಅಲ್ಲಿ ಸೇವೆ ಮಾಡ್‌ವಂವೊಂಡ ಪಕ್ಕ ಕೊಡ್‍ತ ಪಿಂಞ ಅಳ್‌ತತ್. ಸಬಾಮಂದಿರತ್‍ಲ್ ಉಳ್ಳಯಿಂಗ ಎಲ್ಲಾರು ಅಂವೊನ ನೋಟಿಯಂಡೇ ಇಂಜತ್. 21ಅಕ್ಕ, ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ; ನಿಂಗ ಕ್‍ೕಟ ಈ ದೇವಡ ವಾಕ್ಯ ಇಂದ್ ಪೂರ್ತಿ ಆಚೀಂದ್ ಎಣ್ಣ್‌ಚಿ.
22ಅಲ್ಲಿ ಉಳ್ಳ ಜನಯೆಲ್ಲ ಅಂವೊಂಗ್ ನಲ್ಲ ಪೆದ ಕೊಡ್‌ತಿತ್, ಅಂವೊಂಡ ಕರುಣೆಯುಳ್ಳ ತಕ್ಕ್‌ನ ಕ್‍ೕಟಿತ್ ಆಶ್ಚರ್ಯ ಆಯಿತ್: ಇಂವೊ ಯೋಸೇಫಂಡ ಮೋಂವೊನಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.
23ಯೇಸು ಅಲ್ಲಿ ಉಳ್ಳ ಜನಕ್: ವೈದ್ಯ! ನೀಡ ಕಾಯಿಲೆನ ನೀನೇ ವಾಸಿ ಮಾಡಿಯ ಎಣ್ಣುವ ಈ ಗಾದೆನ ನಾಕ್ ನಿಂಗ ಎಣ್ಣಿತ್, ನಾನ್ ಕಪೆರ್ನೌಮ್‌ಲ್ ಮಾಡ್‌ನಾನ ನಿಂಗ ಕ್‍ೕಟದ್‍ನ ನೀಡ ಸ್ವಂತ ಊರ್‌ಲ್ ಸಹ ಮಾಡ್‍ೕಂದ್ ನಿಂಗ ನಾಕ್ ನೇರಾಯಿತ್ ಎಣ್ಣುವಿರ. 24ಒರ್ ಪ್ರವಾದಿನ ದಾರೂ ಅಂವೊಂಡ ಊರ್‌ಲ್ ಸತ್ಕಾರ ಮಾಡುಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ. 25ಇದ್‍ಲ್ಲತೆ ಎಲೀಯಂಡ ಕಾಲತ್‍ಲ್ ಮೂಂದರೆ ಕಾಲ ಮಳೆ ಬರತೆ, ದೇಶತ್‍ಲ್ ಬರಗಾಲ ಇಪ್ಪಕ, ಇಸ್ರಾಯೇಲ್‌ಲ್ ಎಚ್ಚಕೋ ವಿದವೆಯಿಂಗ ಇಂಜದ್ ನೇರ್. 26ಆಚೇಂಗಿಯು, ಸೀದೋನ್ ದೇಶತ್‍ಲ್ ಸರೆಪ್ತ ಊರ್‌ಯಿಂಜ ಒರ್ ವಿದವೆಯಡ ಪಕ್ಕ ಎಲೀಯನ ಅಯಿಚದಲ್ಲತೆ ಬೋರೆ ದಾಡ ಪಕ್ಕವು ಅಯಿಚಿತ್‌ಲ್ಲೆ. 27ಇದ್‍ಲ್ಲತೆ ಎಲೀಷ ಎಣ್ಣುವ ಪ್ರವಾದಿರ ಕಾಲತ್‍ಲ್ ಇಸ್ರಾಯೇಲ್‌ಲ್ ಎಚ್ಚಕೋ ಕುಷ್ಟರೋಗಿಯ ಇಂಜತ್. ಆಚೇಂಗಿ ಸಿರಿಯ ದೇಶಕಾರನಾನ ನಾಮಾನ್ ಅಲ್ಲತೆ ಬೋರೆ ದಾರ್‌ಕು ವಾಸಿಯಾಪಕ್ ಕಯಿಂಜತಿಲ್ಲೆಲ್ಲಾಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ. 28ಸಬಾಮಂದಿರತ್‍ಲ್ ಇಂಜ ಎಲ್ಲಾ ಜನಕ್ ಇದ್‍ನ ಕ್‍ೕಪಕ ದುಂಬ ಚೆಡಿ ಬಾತ್. 29ಯೇಸುನ ಬಲಿಪಂಜಿ ಕುಂದ್‌ರ ಕೊಡಿಲ್ ಕೆಟ್ಟಿತ್ಂಜ ಊರ್‌ಕ್ ಎಡ್‌ತ ಪೋಯಿತ್ ಅಂವೊನ ಚಾಡ್‌ವಕ್ ನೋಟಿಯಂಡ್ ಇಂಜತ್. 30ಆಚೇಂಗಿ ಜನಕ್ ಅಂವೊನ ಒಂದು ಮಾಡಕಯ್ಯತೆ ಯೇಸು ಅಯಿಂಗಡ ಮದ್ಯತ್ಂಜ ನಡ್ಂದ್ ಪೋಯಿರ್‌ತ್.
ಕೂಳಿ ಪುಡ್‍ಚಿತ್ಂಜ ಒರ್ ಮನುಷ್ಯ
(ಮಾರ್ಕ 1.21–28)
31ಪಿಂಞ ಯೇಸು ಕಪೆರ್ನೌಮ್ ಎಣ್ಣುವ ಒರ್ ಪಟ್ಟಣಕ್ ಪೋಯಿತ್, ಅಲ್ಲಿ ಅಂವೊ ಸಬ್ಬತ್ ದಿವಸವೆಲ್ಲಾ, ಜನಕ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. 32ಅಂವೊಂಡ ಬೋದನೆ ಅದಿಕಾರ ಉಳ್ಳದಾಯಿತ್ಂಜಗುಂಡ್ ಅಲ್ಲಿಯತ್‍ರ ಜನಯೆಲ್ಲ ಆಶ್ಚರ್ಯ ಪಟ್ಟತ್.
33ಒಮ್ಮ ಸಬಾಮಂದಿರತ್‍ಲ್ ಒರ್ ಕೂಳಿ ಪುಡ್‌ಚ ಮನುಷ್ಯ ಇಂಜತ್.
34ಆ ಮನುಷ್ಯ ಯೇಸುನ ಕಾಂಬಕ: ಅಯ್ಯೋ! ನಜರೇತ್‌ರ ಯೇಸುವೇ, ನೀಕ್ ನಂಗಡಗುಂಡ್ ಎಂತ ಆಂಡು? ನಂಗಳ ಪಾಳ್ ಮಾಡ್‌ವಕಾಯಿತ್ ಬಂದಿತುಳ್ಳಿಯ? ನೀನ್ ದಾರ್‍ೕಂದ್ ನಾಕ್ ಗೊತ್ತುಂಡ್. ನೀನ್ ದೇವಡ ಪವಿತ್ರವಾನಂವೋಂದ್ ಜೋರಾಯಿತ್ ಕೂತ್ ಕೊಡ್‍ತತ್.
35ಅದ್ಂಗ್ ಯೇಸು: ನೀನ್ ಮುಂಡತೆ ಇರ್! ಈ ಮನುಷ್ಯನ ಬುಟ್ಟಿತ್ ಪೋಂದ್ ಜೋರ್ ಮಾಡ್‍ಚಿ. ಅಕ್ಕ, ಆ ಕೂಳಿ ಆ ಮನಷ್ಯನ ಎಲ್ಲಾಡ ಮಿಂಞತ್‍ಲ್ ಅಡಿಕ್ ಚಾಡ್‍ವಂಜಿ ಅಂವೊಂಗ್ ಒಂದು ತೊಂದರೆ ಆಕತನೆಕೆ ಆ ಮನುಷ್ಯನ ಬುಟ್ಟಿತ್ ಪೋಯಿರ್‌ತ್. 36ಅಲ್ಲಿ ಇಂಜ ಎಲ್ಲಾ ಜನಳು ಆಶ್ಚರ್ಯಪಟ್ಟಿತ್, ಇದ್ ಏದ್ ತರತ್‍ರ ತಕ್ಕ್! ಅದಿಕಾರತ್‍ಲ್ ಪಿಂಞ ಶಕ್ತಿಲ್ ಕೂಳಿಯಳ ಪೊರಮೆ ಪೋಪಕ್ ಆಜ್ಞೆ ಮಾಡ್‌ವ, ಕೂಳಿಯಳು ಪೊರಮೆ ಪೋಪಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದಂಡ್ ಇಂಜತ್. 37ಈ ಕ್‍ೕಳಿ ಸುತ್ತ್‌ಮುತ್ತ್‌ಲ್ ಉಳ್ಳ ಎಲ್ಲಾ ಜಾಗಕು ಪ್ರಸಿದ್ಧಿ ಆಚಿ.
ಯೇಸು ದುಂಬ ಜನಳ ವಾಸಿ ಮಾಡ್‍ವದ್
(ಮತ್ತಾಯ 8.14–17; ಮಾರ್ಕ 1.29–34)
38ಪಿಂಞ ಯೇಸು ಸಬಾಮಂದಿರತ್‌ನ ಬುಟ್ಟಿತ್ ಸೀಮೋನಂಡ ಮನೆಕ್ ಪೋಚಿ. ಸೀಮೋನಂಡ ಮಾಂವಿಕ್ ಜೋರ್ ಪನಿ ಬಂದಿತ್ಂಜತ್. ಇವಡ ವಿಷಯತ್‍ನ ಅಯಿಂಗ ಯೇಸುಕ್ ಎಣ್ಣ್‌ಚಿ. 39ಯೇಸು ಅವ ಬುದ್ದಂಡ್ ಉಳ್ಳಲ್ಲಿಕ್ ಪೋಯಿತ್ ಅವಡ ಮೇಲ್‌ಲ್ ಉಳ್ಳ ಪನಿನ ಬುಟ್ಟಿತ್ ಪೋಪಕ್ ಆಜ್ಞೆ ಮಾಡ್‍ಚಿ. ಪನಿ ಅವಳ ಬುಟ್ಟಿತ್ ಪೋಚಿ, ಅಕ್ಕಣೆ ಅವ ಎದ್ದಿತ್ ಅಯಿಂಗಕ್ ಸೇವೆ ಮಾಡ್‍ಚಿ. 40ಸೂರ್ಯ ಮುಳ್‌ಗ್‌ನ ಪಿಂಞ ಜನಯೆಲ್ಲ ನಾನಾತರ ಕಾಯಿಲೆ ಉಳ್ಳ ಜನಳ ಕಾಕಿಯಂಡ್ ಬಾತ್. ಯೇಸು ಎಲ್ಲಾಡ ಮೇಲೆ ಕೈ ಬೆಚ್ಚಿತ್ ಅಯಿಂಗಳ ವಾಸಿ ಮಾಡ್‍ಚಿ. 41ಕೂಳಿಯಂಗ ನೀನ್ ನೇರಾಯಿತು ದೇವಡ ಮೋಂವೋಂದ್ ಕೂತ್ ಕೊಡ್‌ತಂಡ್ ದುಂಬ ಜನಳ ಬುಟ್ಟಿತ್ ಪೋಚಿ. ಆ ಕೂಳಿಯಂಗಕೆಲ್ಲ ಅಂವೊ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್#4.41 ನೋಟಿ 2.11 ಗೊತ್ತ್ಂಜಗುಂಡ್ ಅಂವೊ ಅಯಿಂಗಳ ಒರ್ ತಕ್ಕು ಪರಿವಕ್ಕಾಗಾಂದ್ ಆಜ್ಞೆ ಮಾಡ್‍ಚಿ.
ಯೇಸು ಸಬಾಮಂದಿರತ್‍ಲ್ ಬೋದನೆ ಮಾಡ್‍ನದ್
(ಮಾರ್ಕ 1.35–39)
42ಬೊಪ್ಪ್ ಇಪ್ಪಕಾಪಕಲೇ ಆ ಊರ್‌ನ ಬುಟ್ಟಿತ್ ದಾರೂ ಇಲ್ಲತ ಮಣಬೂಮಿಕ್ ಪೋಚಿ. ಜನ ಎಲ್ಲಾರು ಯೇಸುನ ತ್‍ೕಡಿಯಂಡ್ ಅಂವೊಂಡ ಪಕ್ಕ ಬಂತ್ ಅಯಿಂಗಳ ಬುಟ್ಟಿತ್ ಎಲ್ಲಿಕು ಪೋಪಕ್ಕಾಗಾಂದ್ ನಿಪ್ಪ್‌ಚಿಟ್ಟತ್. 43ಆಚೇಂಗಿ ಯೇಸು; ನಾನ್ ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಬೋರೆ ಎಲ್ಲಾ ಊರ್‌ಕು ಪೋಯಿತ್ ಪ್ರಚಾರ ಮಾಡಂಡು, ಇದ್ಂಗಾಯಿತೇ ದೇವ ನನ್ನ ಅಯಿಚತ್‍ೕಂದ್ ಎಣ್ಣ್‌ಚಿ. 44ಅನ್ನನೆ ಗಲಿಲಾಯ ನಾಡ್‍ಲೆಲ್ಲಾ ಉಳ್ಳ ಸಬಾಮಂದಿರಂಗಕ್ ಪೋಯಿತ್ ಬೋದನೆ ಮಾಡಿಯಂಡಿಂಜತ್.
Currently Selected:
ಲೂಕ 4: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಲೂಕ 4
4
ಯೇಸುಕ್ ಆನ ಸೋದನೆ
(ಮತ್ತಾಯ 4.1–11; ಮಾರ್ಕ 1.12,13)
1ಯೇಸು ಪವಿತ್ರಾತ್ಮತ್‍ಲ್ ದುಂಬ್‍ನಂವೊನಾಯಿತ್ ಯೊರ್ದನಿಂಜ ಬಯ್ಯಕ್ ಬಪ್ಪಕ ದೇವಡ ಆತ್ಮ ಮಣಬೂಮಿಕ್ ಅಂವೊನ ಅಯಿಚತ್. 2ನಾಪದ್ ದಿವಸ ಸೈತಾನ ಅಂವೊನ ಸೋದನೆ ಮಾಡ್‍ಚಿ. ಆ ದಿವಸತ್‍ಲ್ ಅಂವೊ ಒಂದು ತಿಂದಿತ್‌ಲ್ಲೆ. ಆ ದಿವಸವೆಲ್ಲ ಆನ ಪಿಂಞ ಅಂವೊಂಗ್ ಕೆಲ ಪಯಿಚತ್.
3ಅಕ್ಕ ಸೈತಾನ ಯೇಸುನ ನೋಟಿತ್: ನೀನ್ ನೇರಾಯಿತ್ ದೇವಡ ಮೋಂವೊನಾಚೇಂಗಿ ಈ ಕಲ್ಲ್‌ನ ಒಟ್ಟಿ ಆಪಕ್ ಅಪ್ಪಣೆ ಕೊಡ್‍ೕಂದ್ ಎಣ್ಣ್‌ಚಿ.
4ಅದ್ಂಗ್ ಅಂವೊ: ಮನುಷ್ಯ ಒಟ್ಟಿಯಿಂಜ ಮಾತ್ರ ಅಲ್ಲ, ದೇವ ಎಣ್ಣ್‌ನ ಓರೋರ್ ತಕ್ಕಿಂಜಲು ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.#4.4 ದರ್ಮಶಾಸ್ತ್ರ ಪುಸ್ತಕ 8.3
5ಆ ಸೈತಾನ ಯೇಸುನ ಒರ್ ಕುಂದ್‌ರ ಕೊಡಿಕ್ ಕಾಕಿಯಂಡ್ ಪೋಯಿತ್, ಬೂಲೋಕತ್‌ರ ಎಲ್ಲಾ ರಾಜ್ಯತ್‍ನ ಒರು ಕ್ಷಣತ್‍ಲ್ ಕಾ‌ಟಿಕೊಡ್‌ತಿತ್: ನಾನ್ ನೀಕ್ ಈ ರಾಜ್ಯತ್‍ರ ಎಲ್ಲಾ ಅದಿಕಾರ ಪಿಂಞ ಎಲ್ಲಾ ಮಹಿಮೆನ ತಪ್ಪಿ, ಎನ್ನಂಗೆಣ್ಣ್‌ಚೇಂಗಿ ಇದೆಲ್ಲಾ ನಾಕ್ ಕೊಡ್‌ತಿತುಂಡ್. ನಾಕ್ ದಾರ್‌ಕ್ ಕೊಡ್‍ಪಕ್ ಕುಶಿ ಉಂಡೋ ಅಯಿಂಗಕ್ ನಾನ್ ಕೊಡ್‍ಪಿ. 6-7ನೀನ್ ನನ್ನ ಆರಾದನೆ ಮಾಡ್‍ಚೇಂಗಿ ಇದೆಲ್ಲಾ ನೀಡದಪ್ಪಾಂದ್ ಎಣ್ಣ್‌ಚಿ.
8ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.#4.8 ದರ್ಮಶಾಸ್ತ್ರ ಪುಸ್ತಕ 6.13
9ಅಕ್ಕ ಸೈತಾನ ಯೇಸುನ ಯೆರೂಸಲೇಮ್ ಪಟ್ಟಣಕ್ ಕಾಕಿಯಂಡ್ ಪೋಯಿತ್ ಎತ್ತರವಾನ ಜಾಗತ್‍ಲ್ ನಿಪ್ಪ್‌ಚಿಟ್ಟಿತ್, ನೀನ್ ನೇರಾಯಿತು ದೇವಡ ಮೋಂವೊನಾಚೇಂಗಿ ಇಲ್ಲಿಂಜ ಅಡಿಕ್ ಪಾರ್, 10ಎನ್ನಂಗೆಣ್ಣ್‌ಚೇಂಗಿ
ನಿನ್ನ ಚಾಯಿತೆ ಕ‌ಪಾಡಂಡೂಂದ್ ನೀಕಾಯಿತ್
ದೇವದೂತಂಗಕ್ ದೇವ ಆಜ್ಞೆ ತಪ್ಪಾಂದೂ,
11ನೀಡ ಕಾಲ್‍ರ ಬೆರ ಕಲ್ಲ್‌ಲ್ ಮುಟ್ಟತನೆಕೆ,
ಅಯಿಂಗ ನಿನ್ನ ಕೈಯಿಲ್ ಪೋರ್ಪಾಂದ್ ಒಳ್‌ದಿತುಂಡಲ್ಲಾಂದ್ ಎಣ್ಣ್‌ಚಿ.#4.11 ದೇವಡ ಪಾಟ್ 91. 1, 12
12ಅದ್ಂಗ್ ಯೇಸು: ನೀಡ ಒಡೆಯನಾನ ದೇವನ ಪರೀಕ್ಷೆಮಾಡತೇಂದ್ ಎಣ್ಣಿತುಂಡಲ್ಲಾಂದ್ ಜವಾಬ್ ಕೊಡ್‍ತತ್.#4.12 ದರ್ಮಶಾಸ್ತ್ರ ಪುಸ್ತಕ 6.16 13ಸೈತಾನ ಇನ್ನನೆ ಎಲ್ಲಾ ಪರಿಕ್ಷೆಯು ಮಾಡ್‍ನ ಪಿಂಞ ಯೇಸುನ ಚೆನ್ನ ಕಾಲ ಬುಟ್ಟಿತ್ ಪೋಚಿ.
ಯೇಸು ಗಲಿಲಾಯತ್‍ಲ್ ಸೇವೆ ಸುರು ಮಾಡ್‍ನದ್
(ಮತ್ತಾಯ 4.12–17; ಮಾರ್ಕ 1.14,15)
14ಪಿಂಞ ಯೇಸು ಪವಿತ್ರಾತ್ಮತ್‍ರ ಶಕ್ತಿಲ್ ಗಲಿಲಾಯಕ್ ಪುನಃ ಪೋಚಿ. ಅಂವೊಂಡ ಸುದ್ದಿ ಸುತ್ತ್‌ಲ್ ಉಳ್ಳ ಎಲ್ಲಾ ಜಾಗಕು ಹರಡ್‍ಚಿ. 15ಯೇಸು ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡಿಂಜತ್. ಎಲ್ಲಾರು ಅಂವೊನ ಹೊಗಳ್‍ಚಿ.
ಯೇಸು ನಜರೇತ್‍ಲ್ ಸೇವೆ ಮಾಡ್‍ನದ್
(ಮತ್ತಾಯ 13.53–58; ಮಾರ್ಕ 6.1–6)
16ಯೇಸು ಅಂವೊ ಬೊಳ್ಂದ ನಜರೇತ್ ಊರ್‌ಕ್ ಪೋಯಿತ್, ಸಬ್ಬತ್#4.16 ಸಬ್ಬತ್ ಎಣ್ಣ್‌ಚೇಂಗಿ ಸಂಖ್ಯೆ ಏಳ್ಂದ್ ಅರ್ಥ. ಆ ದಿನತ್‌ಲ್ ಯೆಹೂದ್ಯಂಗ ಆರಾಮ್ ಮಾಡ್‌ವ ಪಿಂಞ ದೇವನ ತುದಿಪ ದಿನ. ನ್ಯಾಯಪ್ರಮಾಣತ್‍ರ ಪ್ರಕಾರ ದಾರೂ ಒರ್ ಕೆಲಸವು ಮಾಡ್‌ವಕ್ಕಾಗ ದಿನ ಬಪ್ಪಕ ಪದ್ದತಿರ ಪ್ರಕಾರ ಸಬಾಮಂದಿರಕ್ ಪೋಚಿ. ಅಲ್ಲಿ ಅಂವೊ ಓದ್‍ವಕ್ ಎದ್ದ್ ನಿಂದತ್. 17ಅಕ್ಕ ದೇವಡ ವಾಕ್ಯತ್‍ನ ಓದ್‍ವಕ್ ಯೆಶಾಯ ಪ್ರವಾದಿರ ಪುಸ್ತಕತ್‍ನ ಅಂವೊಂಗ್ ಕೊಡ್‍ತತ್. 18-19ಅಂವೊ ಅದ್‍ನ ತೊರ್‌ಪಕ:
ದೇವಡ ಆತ್ಮ ನಾಡ ಮೇಲೆ ಉಂಡ್;
ಗರೀಬಂಗಕ್ ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವಕು ನನ್ನ ಗೊತ್ತ್ ಮಾಡಿಯತ್.
ದೇವ, ಕೈದಿಯಂಗಕ್ ಬುಡುಗಡೆ ಎಣ್ಣುವಕು,
ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‌ವಕು,
ಅಡಿಯಾಳಂಗಳ ಅಯಿಂಗಡ ಕಷ್ಟತ್ಂಜ ಬುಡುಗಡೆ ಮಾಡ್‌ವಕು,#4.18–19 ಯೆಶಾಯ 61.1,2
ದೇವಡ ದಯೇರ ಕಾಲತ್‍ನ ಪ್ರಚಾರ ಮಾಡ್‌ವಕು ನನ್ನ ಅಯಿಚತ್‍ೕಂದ್
ಪುಸ್ತಕತ್‍ಲ್ ಒಳ್‍ದಿತುಳ್ಳ ಜಾಗತ್‍ನ ಕಂಡ್ ಅದ್‍ನ ಓದ್‌ಚಿ. 20ಯೇಸು ಆ ಪುಸ್ತಕತ್‍ನ ಸುತ್ತಿತ್, ಅಲ್ಲಿ ಸೇವೆ ಮಾಡ್‌ವಂವೊಂಡ ಪಕ್ಕ ಕೊಡ್‍ತ ಪಿಂಞ ಅಳ್‌ತತ್. ಸಬಾಮಂದಿರತ್‍ಲ್ ಉಳ್ಳಯಿಂಗ ಎಲ್ಲಾರು ಅಂವೊನ ನೋಟಿಯಂಡೇ ಇಂಜತ್. 21ಅಕ್ಕ, ಯೇಸು ಅಯಿಂಗಡ ಕೂಡೆ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ; ನಿಂಗ ಕ್‍ೕಟ ಈ ದೇವಡ ವಾಕ್ಯ ಇಂದ್ ಪೂರ್ತಿ ಆಚೀಂದ್ ಎಣ್ಣ್‌ಚಿ.
22ಅಲ್ಲಿ ಉಳ್ಳ ಜನಯೆಲ್ಲ ಅಂವೊಂಗ್ ನಲ್ಲ ಪೆದ ಕೊಡ್‌ತಿತ್, ಅಂವೊಂಡ ಕರುಣೆಯುಳ್ಳ ತಕ್ಕ್‌ನ ಕ್‍ೕಟಿತ್ ಆಶ್ಚರ್ಯ ಆಯಿತ್: ಇಂವೊ ಯೋಸೇಫಂಡ ಮೋಂವೊನಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.
23ಯೇಸು ಅಲ್ಲಿ ಉಳ್ಳ ಜನಕ್: ವೈದ್ಯ! ನೀಡ ಕಾಯಿಲೆನ ನೀನೇ ವಾಸಿ ಮಾಡಿಯ ಎಣ್ಣುವ ಈ ಗಾದೆನ ನಾಕ್ ನಿಂಗ ಎಣ್ಣಿತ್, ನಾನ್ ಕಪೆರ್ನೌಮ್‌ಲ್ ಮಾಡ್‌ನಾನ ನಿಂಗ ಕ್‍ೕಟದ್‍ನ ನೀಡ ಸ್ವಂತ ಊರ್‌ಲ್ ಸಹ ಮಾಡ್‍ೕಂದ್ ನಿಂಗ ನಾಕ್ ನೇರಾಯಿತ್ ಎಣ್ಣುವಿರ. 24ಒರ್ ಪ್ರವಾದಿನ ದಾರೂ ಅಂವೊಂಡ ಊರ್‌ಲ್ ಸತ್ಕಾರ ಮಾಡುಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ. 25ಇದ್‍ಲ್ಲತೆ ಎಲೀಯಂಡ ಕಾಲತ್‍ಲ್ ಮೂಂದರೆ ಕಾಲ ಮಳೆ ಬರತೆ, ದೇಶತ್‍ಲ್ ಬರಗಾಲ ಇಪ್ಪಕ, ಇಸ್ರಾಯೇಲ್‌ಲ್ ಎಚ್ಚಕೋ ವಿದವೆಯಿಂಗ ಇಂಜದ್ ನೇರ್. 26ಆಚೇಂಗಿಯು, ಸೀದೋನ್ ದೇಶತ್‍ಲ್ ಸರೆಪ್ತ ಊರ್‌ಯಿಂಜ ಒರ್ ವಿದವೆಯಡ ಪಕ್ಕ ಎಲೀಯನ ಅಯಿಚದಲ್ಲತೆ ಬೋರೆ ದಾಡ ಪಕ್ಕವು ಅಯಿಚಿತ್‌ಲ್ಲೆ. 27ಇದ್‍ಲ್ಲತೆ ಎಲೀಷ ಎಣ್ಣುವ ಪ್ರವಾದಿರ ಕಾಲತ್‍ಲ್ ಇಸ್ರಾಯೇಲ್‌ಲ್ ಎಚ್ಚಕೋ ಕುಷ್ಟರೋಗಿಯ ಇಂಜತ್. ಆಚೇಂಗಿ ಸಿರಿಯ ದೇಶಕಾರನಾನ ನಾಮಾನ್ ಅಲ್ಲತೆ ಬೋರೆ ದಾರ್‌ಕು ವಾಸಿಯಾಪಕ್ ಕಯಿಂಜತಿಲ್ಲೆಲ್ಲಾಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ. 28ಸಬಾಮಂದಿರತ್‍ಲ್ ಇಂಜ ಎಲ್ಲಾ ಜನಕ್ ಇದ್‍ನ ಕ್‍ೕಪಕ ದುಂಬ ಚೆಡಿ ಬಾತ್. 29ಯೇಸುನ ಬಲಿಪಂಜಿ ಕುಂದ್‌ರ ಕೊಡಿಲ್ ಕೆಟ್ಟಿತ್ಂಜ ಊರ್‌ಕ್ ಎಡ್‌ತ ಪೋಯಿತ್ ಅಂವೊನ ಚಾಡ್‌ವಕ್ ನೋಟಿಯಂಡ್ ಇಂಜತ್. 30ಆಚೇಂಗಿ ಜನಕ್ ಅಂವೊನ ಒಂದು ಮಾಡಕಯ್ಯತೆ ಯೇಸು ಅಯಿಂಗಡ ಮದ್ಯತ್ಂಜ ನಡ್ಂದ್ ಪೋಯಿರ್‌ತ್.
ಕೂಳಿ ಪುಡ್‍ಚಿತ್ಂಜ ಒರ್ ಮನುಷ್ಯ
(ಮಾರ್ಕ 1.21–28)
31ಪಿಂಞ ಯೇಸು ಕಪೆರ್ನೌಮ್ ಎಣ್ಣುವ ಒರ್ ಪಟ್ಟಣಕ್ ಪೋಯಿತ್, ಅಲ್ಲಿ ಅಂವೊ ಸಬ್ಬತ್ ದಿವಸವೆಲ್ಲಾ, ಜನಕ್ ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. 32ಅಂವೊಂಡ ಬೋದನೆ ಅದಿಕಾರ ಉಳ್ಳದಾಯಿತ್ಂಜಗುಂಡ್ ಅಲ್ಲಿಯತ್‍ರ ಜನಯೆಲ್ಲ ಆಶ್ಚರ್ಯ ಪಟ್ಟತ್.
33ಒಮ್ಮ ಸಬಾಮಂದಿರತ್‍ಲ್ ಒರ್ ಕೂಳಿ ಪುಡ್‌ಚ ಮನುಷ್ಯ ಇಂಜತ್.
34ಆ ಮನುಷ್ಯ ಯೇಸುನ ಕಾಂಬಕ: ಅಯ್ಯೋ! ನಜರೇತ್‌ರ ಯೇಸುವೇ, ನೀಕ್ ನಂಗಡಗುಂಡ್ ಎಂತ ಆಂಡು? ನಂಗಳ ಪಾಳ್ ಮಾಡ್‌ವಕಾಯಿತ್ ಬಂದಿತುಳ್ಳಿಯ? ನೀನ್ ದಾರ್‍ೕಂದ್ ನಾಕ್ ಗೊತ್ತುಂಡ್. ನೀನ್ ದೇವಡ ಪವಿತ್ರವಾನಂವೋಂದ್ ಜೋರಾಯಿತ್ ಕೂತ್ ಕೊಡ್‍ತತ್.
35ಅದ್ಂಗ್ ಯೇಸು: ನೀನ್ ಮುಂಡತೆ ಇರ್! ಈ ಮನುಷ್ಯನ ಬುಟ್ಟಿತ್ ಪೋಂದ್ ಜೋರ್ ಮಾಡ್‍ಚಿ. ಅಕ್ಕ, ಆ ಕೂಳಿ ಆ ಮನಷ್ಯನ ಎಲ್ಲಾಡ ಮಿಂಞತ್‍ಲ್ ಅಡಿಕ್ ಚಾಡ್‍ವಂಜಿ ಅಂವೊಂಗ್ ಒಂದು ತೊಂದರೆ ಆಕತನೆಕೆ ಆ ಮನುಷ್ಯನ ಬುಟ್ಟಿತ್ ಪೋಯಿರ್‌ತ್. 36ಅಲ್ಲಿ ಇಂಜ ಎಲ್ಲಾ ಜನಳು ಆಶ್ಚರ್ಯಪಟ್ಟಿತ್, ಇದ್ ಏದ್ ತರತ್‍ರ ತಕ್ಕ್! ಅದಿಕಾರತ್‍ಲ್ ಪಿಂಞ ಶಕ್ತಿಲ್ ಕೂಳಿಯಳ ಪೊರಮೆ ಪೋಪಕ್ ಆಜ್ಞೆ ಮಾಡ್‌ವ, ಕೂಳಿಯಳು ಪೊರಮೆ ಪೋಪಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದಂಡ್ ಇಂಜತ್. 37ಈ ಕ್‍ೕಳಿ ಸುತ್ತ್‌ಮುತ್ತ್‌ಲ್ ಉಳ್ಳ ಎಲ್ಲಾ ಜಾಗಕು ಪ್ರಸಿದ್ಧಿ ಆಚಿ.
ಯೇಸು ದುಂಬ ಜನಳ ವಾಸಿ ಮಾಡ್‍ವದ್
(ಮತ್ತಾಯ 8.14–17; ಮಾರ್ಕ 1.29–34)
38ಪಿಂಞ ಯೇಸು ಸಬಾಮಂದಿರತ್‌ನ ಬುಟ್ಟಿತ್ ಸೀಮೋನಂಡ ಮನೆಕ್ ಪೋಚಿ. ಸೀಮೋನಂಡ ಮಾಂವಿಕ್ ಜೋರ್ ಪನಿ ಬಂದಿತ್ಂಜತ್. ಇವಡ ವಿಷಯತ್‍ನ ಅಯಿಂಗ ಯೇಸುಕ್ ಎಣ್ಣ್‌ಚಿ. 39ಯೇಸು ಅವ ಬುದ್ದಂಡ್ ಉಳ್ಳಲ್ಲಿಕ್ ಪೋಯಿತ್ ಅವಡ ಮೇಲ್‌ಲ್ ಉಳ್ಳ ಪನಿನ ಬುಟ್ಟಿತ್ ಪೋಪಕ್ ಆಜ್ಞೆ ಮಾಡ್‍ಚಿ. ಪನಿ ಅವಳ ಬುಟ್ಟಿತ್ ಪೋಚಿ, ಅಕ್ಕಣೆ ಅವ ಎದ್ದಿತ್ ಅಯಿಂಗಕ್ ಸೇವೆ ಮಾಡ್‍ಚಿ. 40ಸೂರ್ಯ ಮುಳ್‌ಗ್‌ನ ಪಿಂಞ ಜನಯೆಲ್ಲ ನಾನಾತರ ಕಾಯಿಲೆ ಉಳ್ಳ ಜನಳ ಕಾಕಿಯಂಡ್ ಬಾತ್. ಯೇಸು ಎಲ್ಲಾಡ ಮೇಲೆ ಕೈ ಬೆಚ್ಚಿತ್ ಅಯಿಂಗಳ ವಾಸಿ ಮಾಡ್‍ಚಿ. 41ಕೂಳಿಯಂಗ ನೀನ್ ನೇರಾಯಿತು ದೇವಡ ಮೋಂವೋಂದ್ ಕೂತ್ ಕೊಡ್‌ತಂಡ್ ದುಂಬ ಜನಳ ಬುಟ್ಟಿತ್ ಪೋಚಿ. ಆ ಕೂಳಿಯಂಗಕೆಲ್ಲ ಅಂವೊ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್#4.41 ನೋಟಿ 2.11 ಗೊತ್ತ್ಂಜಗುಂಡ್ ಅಂವೊ ಅಯಿಂಗಳ ಒರ್ ತಕ್ಕು ಪರಿವಕ್ಕಾಗಾಂದ್ ಆಜ್ಞೆ ಮಾಡ್‍ಚಿ.
ಯೇಸು ಸಬಾಮಂದಿರತ್‍ಲ್ ಬೋದನೆ ಮಾಡ್‍ನದ್
(ಮಾರ್ಕ 1.35–39)
42ಬೊಪ್ಪ್ ಇಪ್ಪಕಾಪಕಲೇ ಆ ಊರ್‌ನ ಬುಟ್ಟಿತ್ ದಾರೂ ಇಲ್ಲತ ಮಣಬೂಮಿಕ್ ಪೋಚಿ. ಜನ ಎಲ್ಲಾರು ಯೇಸುನ ತ್‍ೕಡಿಯಂಡ್ ಅಂವೊಂಡ ಪಕ್ಕ ಬಂತ್ ಅಯಿಂಗಳ ಬುಟ್ಟಿತ್ ಎಲ್ಲಿಕು ಪೋಪಕ್ಕಾಗಾಂದ್ ನಿಪ್ಪ್‌ಚಿಟ್ಟತ್. 43ಆಚೇಂಗಿ ಯೇಸು; ನಾನ್ ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಬೋರೆ ಎಲ್ಲಾ ಊರ್‌ಕು ಪೋಯಿತ್ ಪ್ರಚಾರ ಮಾಡಂಡು, ಇದ್ಂಗಾಯಿತೇ ದೇವ ನನ್ನ ಅಯಿಚತ್‍ೕಂದ್ ಎಣ್ಣ್‌ಚಿ. 44ಅನ್ನನೆ ಗಲಿಲಾಯ ನಾಡ್‍ಲೆಲ್ಲಾ ಉಳ್ಳ ಸಬಾಮಂದಿರಂಗಕ್ ಪೋಯಿತ್ ಬೋದನೆ ಮಾಡಿಯಂಡಿಂಜತ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)