ಲೂಕ 5
5
ಯೇಸು ಆದ್ಯ ಶಿಷ್ಯಂಗಳ ಕಾಕ್‍ನದ್
(ಮತ್ತಾಯ 4.18–22; ಮಾರ್ಕ 1.16–20)
1ಒರ್ ದಿವಸ ಯೇಸು ಗೆನೆಜರೇತ್#5.1 ಇದ್ಂಗ್ ಗಲಿಲಾಯ ಕಡಲ್‍ೕಂದ್ ಎಣ್ಣ್‌ವ. ಕೆರೆರ ಪಕ್ಕತ್‍ಲ್ ನಿಂದಂಡಿಪ್ಪಕ, ದೇವಡ ವಾಕ್ಯ ಕ್‍ೕಪಕಾಯಿತ್ ದುಂಬ ಜನ ಯೇಸುರ ಪಕ್ಕ ನೂಕಿಯಂಡ್ ಬಾತ್. 2ಅಕ್ಕ ದಂಡ್ ದೋಣಿ ಕಡಕರೆಲ್ ನಿಂದಂಡಿಂಜಾನ ಕಂಡತ್. ಅಲ್ಲಿ ಬೆಸ್ತಂಗ ಅದ್‍ನ ಬುಟ್ಟಿತ್ ಬಲೆನ ಕತ್ತಿಯಂಡ್ ಇಂಜತ್. 3ಅಲ್ಲಿ ಇಂಜ ದಂಡ್ ದೋಣಿಲ್, ಒರ್ ದೋಣಿ ಸೀಮೋನಂಡದಾಯಿತ್ಂಜತ್. ಆ ದೋಣಿಲ್ ಯೇಸು ಪತ್ತಿತ್, ಅದ್‍ನ ಕರೆಯಿಂಜ ಚೆನ್ನ ದೂರ ಉಂದ್‍ೕಂದ್ ಎಣ್ಣ್‌ಚಿ. ಯೇಸು ದೋಣಿಲ್ ಅಳ್‌ಪಂಜಿ ಜನಕ್ ಬೋದನೆ ಮಾಡ್‍ಚಿ. 4ಜನಕ್ ಬೋದನೆ ಮಾಡ್‍ನ ಪಿಂಞ ಚೆನ್ನ ಆಳವಾಯಿತುಳ್ಳ ಜಾಗಕ್ ದೋಣಿನ ಉಂದಿತ್ ಬಲೆನ ಬೀಚ್‍ೕಂದ್ ಸೀಮೋನಂಗ್ ಎಣ್ಣ್‌ಚಿ.
5ಅದ್ಂಗ್ ಸೀಮೋನ: ಒಡೆಯನೇ, ನಂಗ ಬೈಟ್ ಪೂರ್ತಿ ಬಲೆನ ಬೀಚಿತ್ ನೋಟ್‌ಚಿ, ನಂಗಕ್ ಒಂದು ಕ್‍ಟ್ಟಿತ್‌ಲ್ಲೆ, ಆಚೇಂಗಿಯು, ಇಕ್ಕ ನೀನ್ ಎಣ್ಣ್‌ವಗುಂಡ್ ಬಲೆನ ಬೀಜುವೀಂದ್ ಎಣ್ಣ್‌ಚಿ. 6ಅನ್ನನೆ ಅಯಿಂಗ ಬಲೆನ ಬೀಜ್‌ವಕ ಬಲೆ ಕೀತಿಪೋಪಚ್ಚಕ್ ದುಂಬ ಮೀನ್ ಬಲೇಕ್ ಬುದ್ದತ್. 7ಅಕ್ಕ, ಪಕ್ಕತ್ ದೋಣಿಲ್ ಇಂಜ ಕೂಟಾಳಿಯಂಗಕ್ ಸನ್ನೆ ಮಾಡಿತ್ ಸಹಾಯ ಮಾಡ್‌ವಕ್ ಕಾಕ್‍ಚಿ. ಅಯಿಂಗ ಎಲ್ಲಾರು ಬಂತ್ ದಂಡ್ ದೋಣಿ ಮುಳ್‌ಗ್‌ವನೆಕೆ ದುಂಬ ಮೀನ್‌ನ ದುಂಬ್‍ಚಿಟ್ಟತ್. 8ಸೀಮೋನ ಪೇತ್ರ ಇದ್‍ನೆಲ್ಲಾ ನೋಟಿತ್, ಸ್ವಾಮೀ! ನಾನ್ ಬಲ್ಯ ಪಾಪ ಮಾಡ್‍ನಂವೊ, ನೀನ್ ಇಲ್ಲಿಂಜ ಪೋಯಿರ್‍ೕಂದ್, ಯೇಸುರ ಕಾಲ್‌ಕ್ ಬುದ್ದತ್. 9ದುಂಬ ಮೀನ್ ಪುಡ್‌ಚಗುಂಡ್, ಅಂವೊ ಪಿಂಞ ಅಂವೊಂಡ ಕೂಟ್‌ಕಾರಂಗ ಎಲ್ಲಾರ್‌ಕು ದುಂಬ ಆಶ್ಚರ್ಯ ಆಯಿತ್ ಅನ್ನನೆ ಎಣ್ಣ್‌ಚಿ. 10ಜೆಬೆದಾಯಂಡ ಕ್‌ಣ್ಣ ಮಕ್ಕಳಾನ ಸೀಮೋನಂಡ ಕೂಟ್‍ಕಾರ ಯೋಹಾನ ಪಿಂಞ ಯಾಕೋಬಂಗ್ ಸಹ ಇನ್ನನೆ ಆಶ್ಚರ್ಯ ಆಚಿ. ಅಕ್ಕ ಯೇಸು ಸೀಮೋನನ ನೋಟಿತ್, ಬೊತ್ತತೆ! ಇಂಞು ಮಿಂಞಕ್ ನೀನ್ ಮೀನ್ ಪುಡಿಪಕ್ ಬದ್‍ಲಾಯಿತ್ ಮನುಷ್ಯಂಗಳ ನಾಡ ಪಕ್ಕ ಕೊಂಡ್ ಬಪ್ಪಂವೊನಾಯಿತ್‌ಪ್ಪಿಯಾಂದ್ ಎಣ್ಣ್‌ಚಿ. 11ಅಯಿಂಗ ದೋಣಿಯಳ ಕಡಕರೆಲ್ ನಿಪ್ಪ್‌ಚಿಟ್ಟಿತ್, ಎಲ್ಲಾನ ಬುಟ್ಟಿತ್ ಯೇಸುರ ಕೂಡೆ ಪೋಚಿ.
ಯೇಸು ಕುಷ್ಟರೋಗಿನ ವಾಸಿ ಮಾಡ್‍ನದ್
(ಮತ್ತಾಯ 8.1–4; ಮಾರ್ಕ 1.40–45)
12ಯೇಸು ಒರ್ ಪಟ್ಟಣತ್‍ಲ್ ಇಪ್ಪಕ, ಕುಷ್ಟರೋಗ ದುಂಬಿತ್ಂಜ ಒರ್ ಮನುಷ್ಯ ಯೇಸುನ ಕಂಡದು ನೆಲಕ್ ಬುದ್ದಿತ್: ಒಡೆಯನೇ, ನೀಕ್ ಕುಶಿ ಉಂಡೇಂಗಿ ನನ್ನ ಶುದ್ದ ಮಾಡ್‌ವಕ್ ನೀಕ್ ಕಯ್ಯೂಂದ್ ಬೋಡಿಯಂಡತ್.
13ಯೇಸು ಅಂವೊಂಡ ಕೈಯಿನ ನೀಟುವಂಜಿ: ಅಂವೊನ ಮುಟ್ಟಿತ್, ನಾಕ್ ಕುಶಿ ಉಂಡ್, ನೀಡ ಕುಷ್ಟರೋಗ ಶುದ್ದ ಆಡ್‍ೕಂದ್ ಎಣ್ಣ್‌ಚಿ. ಅಚ್ಚಕ್ ಬೆರಿಯ ಅಂವೊಂಡ ಕುಷ್ಟರೋಗ ಶುದ್ದ ಆಚಿ. 14ಈ ವಿಷಯತ್‍ನ ದಾರ್‌ಕು ಎಣ್ಣತೆ. ನೀನ್ ಯಾಜಕಂಡ ಪಕ್ಕ ಪೋಯಿತ್ ನಿನ್ನ ಕಾಂಬ್‍ಚಿಡ್; ನೀನ್ ವಾಸಿ ಆಯಿತುಳ್ಳಾಂಗ್ ಎಲ್ಲಾರ್‌ಕು ಸಾಕ್ಷಿಯಾಯಿತ್ ನ್ಯಾಯಪ್ರಮಾಣತ್‍ಲ್ ಎಣ್ಣಿತ್ತುಳ್ಳ ಕಾಣಿಕೆನ ಕೊಡ್‍ೕಂದ್ ಹುಕುಮ್ ಕೊಡ್‍ತತ್. 15ಆಚೇಂಗಿಯು ಯೇಸುರ ಕೀರ್ತಿ ಇಂಞು ದುಂಬ ಪ್ರಸಿದ್ಧಿಯಾಚಿ. ಆನಗುಂಡ್ ಜನಡ ಕೂಟ ಯೇಸುರ ಬೋದನೆನ ಕ್‍ೕಪಕು, ಅಯಿಂಗಡ ಕಾಯಿಲೆ ವಾಸಿ ಆಪಕು ಅಂವೊಂಡ ಪಕ್ಕ ಬಾತ್. 16ಆಚೇಂಗಿಯು, ಯೇಸು ಅಕ್ಕಕ್ಕ, ಜನ ದಾರೂ ಇಲ್ಲತ ಜಾಗಕ್ ಪೋಯಿತ್ ಪ್ರಾರ್ಥನೆ ಮಾಡ್‌ವಯಿಂಜತ್.
ಯೇಸು ಪಾರ್ಶ್ವವಾಯುಲ್ ನರಳಿಯಂಡಿಂಜ ಒಬ್ಬನ ವಾಸಿ ಮಾಡ್‍ನದ್
(ಮತ್ತಾಯ 9.1–8; ಮಾರ್ಕ 2.1–12)
17ಒರ್ ದಿವಸ ಯೇಸು ಬೋದನೆ ಮಾಡಿಯಂಡಿಪ್ಪಕ, ಗಲಿಲಾಯ, ಯೂದಾಯ ನಾಡ್‍ರ ಎಲ್ಲಾ ಗ್ರಾಮತ್ಂಜ ಪಿಂಞ ಯೆರೂಸಲೇಮ್ ಪಟ್ಟಣತ್ಂಜ ಬಂದ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಂಗ ಅಲ್ಲಿ ಅಳ್‌ತಡಿಂಜತ್. ಆ ಸಮಯತ್‍ಲ್ ಕಾಯಿಲೆಕಾರಳ ವಾಸಿ ಮಾಡ್‌ವಕ್ ದೇವಡ ಶಕ್ತಿ ಯೇಸುರ ಮೇಲೆ ಇಂಜತ್. 18ಅಕ್ಕಣೆಕೆ ಚೆನ್ನ ಜನ, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ ಕಟ್ಟ್‌ಲ್ ಇಟ್ಟಿತ್ ಯೇಸುರ ಪಕ್ಕ ಕೊಂಡ್‌ಬಂತ್, ಒಳ್‍ಕ್ ಪೋಪಕು, ಯೇಸುರ ಮಿಂಞ ಇಡ್‌ವಕು ನೋಟ್‌ಚಿ. 19ದುಂಬ ಜನ ಇಂಜಗುಂಡ್ ಆ ಮನುಷ್ಯನ ಯೇಸುರ ಪಕ್ಕ ಎಡ್‌ತ ಪೋಪಕ್ ಕಯ್ಯತೆಗುಂಡ್, ಅಯಿಂಗ ಮೋಂದಾಯತ್‌ನ ತೂತ ಮಾಡಿತ್, ಆ ಮನುಷ್ಯ ಬುದ್ದಡಿಂಜ ಮೆತ್ತೆನ ಅಡಿಕ್ ಇಳ್‌ಪಿತ್ ಯೇಸುರ ಮಿಂಞಕ್ ಇಟ್ಟತ್.
20ಯೇಸು ಅಯಿಂಗಡ ನಂಬಿಕೇನ ಕಂಡಿತ್, ಆ ಮನುಷ್ಯಂಗ್: ನಾಡ ಸ್ನೇಹಿತನೇ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.
21ಅಲ್ಲಿ ಇಂಜ ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ: ದೇವ ದೂಷಣೆ ಎಣ್ಣುವ ಈ ಮನುಷ್ಯ ದಾರ್? ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕ್ ಪಾಪತ್‍ನ ಮನ್ನಿಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ಗೇನ ಮಾಡಿಯಂಡಿಂಜತ್.
22ಅಕ್ಕಣೆಕೆ ಯೇಸುಕ್ ಈ ಮನುಷ್ಯಂಗ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ನಿಂಗಡ ಹೃದಯತ್‍ಲ್ ಎನ್ನಂಗ್ ಇಂತದೆಲ್ಲ ಗೇನ ಮಾಡ್‌ವಿರಾಂದ್ ಕ್‍ೕಟತ್. 23ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ವದ್ ಸುಲಬವ ಅಥವ ನೀಕ್ ವಾಸಿ ಆಚಿ, ಎದ್ದಿತ್ ನಡೇಂದ್ ಎಣ್ಣುವದ್ ಸುಲಬವ? 24ಮನುಷ್ಯಂಗಡ ಪಾಪತ್‍ನ ಮನ್ನಿಚಿಡ್‌ವಕ್ ಮನುಷ್ಯಕುಮಾರಂಗ್ ಈ ಬೂಮಿಲ್ ಅದಿಕಾರ ಉಂಡ್‍ೕಂದ್ ನಾನ್ ನಿಂಗಕ್ ಕಾಟಿತಪ್ಪೀಂದ್ ಎಣ್ಣಿತ್, ಯೇಸು ಕಾಯಿಲೆಲ್ ಇಂಜ ಮನುಷ್ಯನ ನೋಟಿತ್: ಏಳ್, ನೀಡ ಕಡ್‌ಕೆನ ಎಡ್‍ತಂಡ್, ನೀಡ ಮನೆಕ್ ಪೋಂದ್ ಎಣ್ಣ್‌ಚಿ. 25ಅಕ್ಕಣೆಕ್, ಆ ಮನುಷ್ಯ ಎದ್ದಿತ್, ತಾಂಡ ಕಡ್‌ಕೆನ ಸುತ್ತಿಯಂಡ್ ದೇವನ ತುದಿಚಂಡ್ ತಾಂಡ ಮನೆಕ್ ಪೋಚಿ. 26ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರ್‌ಕು ಆಶ್ಚರ್ಯವು ಆಯಿತ್, ಪೋಡಿಯು ಆಯಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.
ಯೇಸು ಲೇವಿನ ಕಾಕ್‍ನದ್
(ಮತ್ತಾಯ 9.9–13; ಮಾರ್ಕ 2.13–17)
27ಇದಾನ ಪಿಂಞ ಯೇಸು ಪೊರಮೆ ಪೋಯಂಡಿಪ್ಪಕ ಕಂದಾಯ ಎಡ್‌ಪ ಲೇವಿ ಎಣ್ಣ್‌ವಂವೊ ಅಂವೊಂಡ ಕಛೇರಿಲ್ ಅಳ್‌ತಂಡಿಪ್ಪದ್‍ನ ಕಂಡತ್. ಯೇಸು ಅಂವೊನ ಕಂಡದು: ನಾಡ ಬಯ್ಯ ಬಾಂದ್ ಎಣ್ಣ್‌ಚಿ. 28ಅಕ್ಕ ಅಂವೊ ಎದ್ದಿತ್ ಅಂವೊಂಡ ಬಯ್ಯಕ್ ಪೋಚಿ. 29ಬಯ್ಯಂಜಿ ಯೇಸುಕ್ ಲೇವಿರ ಮನೆಲ್ ಗದ್ದಾಳ ಇಂಜತ್. ಲೇವಿರ ಮನೆಲ್ ದುಂಬ ಕಂದಾಯ ಎಡ್‌ಪ ಜನ ಪಿಂಞ ಬೋರೆ ಜನ ಇಂಜತ್.
30ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಯೇಸುರ ಶಿಷ್ಯಂಗಡ ಪಕ್ಕ ಬಂತ್: ನಿಂಗ ಎನ್ನಂಗ್ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಡಂಡ್ ಕುಡಿಚಂಡ್ ಉಂಡ್‍ೕಂದ್ ಕ್‍ೕಟತ್.
31ಅದ್ಂಗ್ ಯೇಸು: ದಾರ್ ಸೌಕ್ಯತ್‌ಲ್ ಉಂಡೋ ಅಯಿಂಗಕ್ ವೈದ್ಯ ಬೋಂಡ, ದಾರ್‌ಕ್ ಸೌಕ್ಯ ಇಲ್ಲತೆ ಉಂಡೋ ಅಯಿಂಗಕ್ ಮಾತ್ರ ವೈದ್ಯ ಬೋಂಡಿಯೆ. 32ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಂಗ ಪಾಪತ್ಂಜ ಪಶ್ಚಾತಾಪ ಪಡ್‌ವಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.
ಉಪವಾಸತ್‍ರ ವಿಷಯತ್ ಬೋದನೆ
(ಮತ್ತಾಯ 9.14–17; ಮಾರ್ಕ 2.18–22)
33ಯೋಹಾನಂಡ ಶಿಷ್ಯಂಗ ಅಕ್ಕಕ್ಕ ಪಟ್ಟಣಿ ನಿಂದಂಡ್ ಪ್ರಾರ್ಥನೆ ಮಾಡಿಯಂಡುಂಡ್. ಅನ್ನನೆ ಫರಿಸಾಯಂಗಡ ಶಿಷ್ಯಂಗಳು ಪಟ್ಟಣಿ ನಿಪ್ಪಂಜಿ ಪ್ರಾರ್ಥನೆ ಮಾಡಿಯಂಡುಂಡ್. ಆಚೇಂಗಿ ನೀಡ ಶಿಷ್ಯಂಗ ಉಂಡಂಡ್ ಕುಡಿಚಂಡ್ ಉಂಡಲ್ಲಾಂದ್ ಅಯಿಂಗ ಅಂವೊನ ಕ್‍ೕಟತ್.
34ಅದ್ಂಗ್ ಅಂವೊ: ಮಂಗಲಕಾರ ಇಕ್ಕಣಕೆ ಮಂಗಲಕಾರಂಡ ಚಂಙಾದಿಯಳ ನಿಂಗ ಪಟ್ಟಣಿ ನಿಪ್ಪಕ್ ಮಾಡ್‍ಚಿಡ್‌ವಕ್ ಕಯ್ಯುವ? 35ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಉಪವಾಸ ಮಾಡ್‌ವಾಂದ್ ಎಣ್ಣ್‌ಚಿ. 36ಪಿಂಞ ಯೇಸು ಇಂಞೊರ್ ಕಥೇರ ರೂಪತ್‍ನ ಅಯಿಂಗಕ್ ಎಣ್ಣ್‌ಚಿ. ದಾರೂ ಪುದಿಯ ಕೋಟ್‍ನ ಕೀತಿತ್ ಪಳೆಯ ಕೋಟ್‌ಕ್ ಅಡ್ಡಬೆಚ್ಚಿತ್ ಪೊಲ್ಲ್‌ಚಿಡುಲೆ. ಅನ್ನೆನೆ ಮಾಡ್‍ಚೇಂಗಿ ಪುದಿಯ ಕೋಟ್‌ರ ಬಟ್ಟೆ ಪಳೆಯ ಕೋಟ್‌ಕ್ ಸರಿ ಬಬ್ಬ್‌ಲೆ, ಪುದಿಯದ್ ಪಳೆಯದ್‌ನ ಕೀತಿರ್‍ವ. 37ದಾರೂ ಪುದಿಯದಾಯಿತ್ ಮಾಡ್‍ನ ದ್ರಾಕ್ಷಿರಸತ್‍ನ ಪಳೆಯ ಚರ್ಮತ್‌ರ ಚೀಲಕ್ ಬೂಕ್‌ಲೆ, ಅನ್ನನೆ ಮಾಡ್‍ಚೇಂಗಿ ಚರ್ಮತ್‌ರ ಚೀಲ ಒಡಂದ್ ಪೋಪ. ಚೀಲ ಒಡಂದ್ ಪೋಯಿತ್ ದ್ರಾಕ್ಷಿರಸವು ಚೆಲ್ಲಿಪೋಪ. 38ಆಂಡ ಬದ್‍ಲ್ ಪುದಿಯ ದ್ರಾಕ್ಷಿರಸತ್‍ನ ಪುದಿಯ ಚೀಲಕ್ ಬೂಕಂಡು. ಅಕ್ಕ ದಂಡು ಚಾಯಿಪ್ಪ. 39ಪಳೆಯ ದ್ರಾಕ್ಷಿರಸತ್‍ನ ಕುಡ್‌ಚ ಪಿಂಞ ದಾರ್‌ಕು ಪುದಿಯ ದ್ರಾಕ್ಷಿರಸ ಬೋಂಡೂಂದ್ ಆಪುಲೆ. ಪಳೆಯದೇ ಚಾಯಿತೆ ಉಂಡ್‍ೕಂದ್ ಎಣ್ಣುವಾಂದ್ ಯೇಸು ಎಣ್ಣ್‌ಚಿ.
Currently Selected:
ಲೂಕ 5: ಕೊಡವ
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)
ಲೂಕ 5
5
ಯೇಸು ಆದ್ಯ ಶಿಷ್ಯಂಗಳ ಕಾಕ್‍ನದ್
(ಮತ್ತಾಯ 4.18–22; ಮಾರ್ಕ 1.16–20)
1ಒರ್ ದಿವಸ ಯೇಸು ಗೆನೆಜರೇತ್#5.1 ಇದ್ಂಗ್ ಗಲಿಲಾಯ ಕಡಲ್‍ೕಂದ್ ಎಣ್ಣ್‌ವ. ಕೆರೆರ ಪಕ್ಕತ್‍ಲ್ ನಿಂದಂಡಿಪ್ಪಕ, ದೇವಡ ವಾಕ್ಯ ಕ್‍ೕಪಕಾಯಿತ್ ದುಂಬ ಜನ ಯೇಸುರ ಪಕ್ಕ ನೂಕಿಯಂಡ್ ಬಾತ್. 2ಅಕ್ಕ ದಂಡ್ ದೋಣಿ ಕಡಕರೆಲ್ ನಿಂದಂಡಿಂಜಾನ ಕಂಡತ್. ಅಲ್ಲಿ ಬೆಸ್ತಂಗ ಅದ್‍ನ ಬುಟ್ಟಿತ್ ಬಲೆನ ಕತ್ತಿಯಂಡ್ ಇಂಜತ್. 3ಅಲ್ಲಿ ಇಂಜ ದಂಡ್ ದೋಣಿಲ್, ಒರ್ ದೋಣಿ ಸೀಮೋನಂಡದಾಯಿತ್ಂಜತ್. ಆ ದೋಣಿಲ್ ಯೇಸು ಪತ್ತಿತ್, ಅದ್‍ನ ಕರೆಯಿಂಜ ಚೆನ್ನ ದೂರ ಉಂದ್‍ೕಂದ್ ಎಣ್ಣ್‌ಚಿ. ಯೇಸು ದೋಣಿಲ್ ಅಳ್‌ಪಂಜಿ ಜನಕ್ ಬೋದನೆ ಮಾಡ್‍ಚಿ. 4ಜನಕ್ ಬೋದನೆ ಮಾಡ್‍ನ ಪಿಂಞ ಚೆನ್ನ ಆಳವಾಯಿತುಳ್ಳ ಜಾಗಕ್ ದೋಣಿನ ಉಂದಿತ್ ಬಲೆನ ಬೀಚ್‍ೕಂದ್ ಸೀಮೋನಂಗ್ ಎಣ್ಣ್‌ಚಿ.
5ಅದ್ಂಗ್ ಸೀಮೋನ: ಒಡೆಯನೇ, ನಂಗ ಬೈಟ್ ಪೂರ್ತಿ ಬಲೆನ ಬೀಚಿತ್ ನೋಟ್‌ಚಿ, ನಂಗಕ್ ಒಂದು ಕ್‍ಟ್ಟಿತ್‌ಲ್ಲೆ, ಆಚೇಂಗಿಯು, ಇಕ್ಕ ನೀನ್ ಎಣ್ಣ್‌ವಗುಂಡ್ ಬಲೆನ ಬೀಜುವೀಂದ್ ಎಣ್ಣ್‌ಚಿ. 6ಅನ್ನನೆ ಅಯಿಂಗ ಬಲೆನ ಬೀಜ್‌ವಕ ಬಲೆ ಕೀತಿಪೋಪಚ್ಚಕ್ ದುಂಬ ಮೀನ್ ಬಲೇಕ್ ಬುದ್ದತ್. 7ಅಕ್ಕ, ಪಕ್ಕತ್ ದೋಣಿಲ್ ಇಂಜ ಕೂಟಾಳಿಯಂಗಕ್ ಸನ್ನೆ ಮಾಡಿತ್ ಸಹಾಯ ಮಾಡ್‌ವಕ್ ಕಾಕ್‍ಚಿ. ಅಯಿಂಗ ಎಲ್ಲಾರು ಬಂತ್ ದಂಡ್ ದೋಣಿ ಮುಳ್‌ಗ್‌ವನೆಕೆ ದುಂಬ ಮೀನ್‌ನ ದುಂಬ್‍ಚಿಟ್ಟತ್. 8ಸೀಮೋನ ಪೇತ್ರ ಇದ್‍ನೆಲ್ಲಾ ನೋಟಿತ್, ಸ್ವಾಮೀ! ನಾನ್ ಬಲ್ಯ ಪಾಪ ಮಾಡ್‍ನಂವೊ, ನೀನ್ ಇಲ್ಲಿಂಜ ಪೋಯಿರ್‍ೕಂದ್, ಯೇಸುರ ಕಾಲ್‌ಕ್ ಬುದ್ದತ್. 9ದುಂಬ ಮೀನ್ ಪುಡ್‌ಚಗುಂಡ್, ಅಂವೊ ಪಿಂಞ ಅಂವೊಂಡ ಕೂಟ್‌ಕಾರಂಗ ಎಲ್ಲಾರ್‌ಕು ದುಂಬ ಆಶ್ಚರ್ಯ ಆಯಿತ್ ಅನ್ನನೆ ಎಣ್ಣ್‌ಚಿ. 10ಜೆಬೆದಾಯಂಡ ಕ್‌ಣ್ಣ ಮಕ್ಕಳಾನ ಸೀಮೋನಂಡ ಕೂಟ್‍ಕಾರ ಯೋಹಾನ ಪಿಂಞ ಯಾಕೋಬಂಗ್ ಸಹ ಇನ್ನನೆ ಆಶ್ಚರ್ಯ ಆಚಿ. ಅಕ್ಕ ಯೇಸು ಸೀಮೋನನ ನೋಟಿತ್, ಬೊತ್ತತೆ! ಇಂಞು ಮಿಂಞಕ್ ನೀನ್ ಮೀನ್ ಪುಡಿಪಕ್ ಬದ್‍ಲಾಯಿತ್ ಮನುಷ್ಯಂಗಳ ನಾಡ ಪಕ್ಕ ಕೊಂಡ್ ಬಪ್ಪಂವೊನಾಯಿತ್‌ಪ್ಪಿಯಾಂದ್ ಎಣ್ಣ್‌ಚಿ. 11ಅಯಿಂಗ ದೋಣಿಯಳ ಕಡಕರೆಲ್ ನಿಪ್ಪ್‌ಚಿಟ್ಟಿತ್, ಎಲ್ಲಾನ ಬುಟ್ಟಿತ್ ಯೇಸುರ ಕೂಡೆ ಪೋಚಿ.
ಯೇಸು ಕುಷ್ಟರೋಗಿನ ವಾಸಿ ಮಾಡ್‍ನದ್
(ಮತ್ತಾಯ 8.1–4; ಮಾರ್ಕ 1.40–45)
12ಯೇಸು ಒರ್ ಪಟ್ಟಣತ್‍ಲ್ ಇಪ್ಪಕ, ಕುಷ್ಟರೋಗ ದುಂಬಿತ್ಂಜ ಒರ್ ಮನುಷ್ಯ ಯೇಸುನ ಕಂಡದು ನೆಲಕ್ ಬುದ್ದಿತ್: ಒಡೆಯನೇ, ನೀಕ್ ಕುಶಿ ಉಂಡೇಂಗಿ ನನ್ನ ಶುದ್ದ ಮಾಡ್‌ವಕ್ ನೀಕ್ ಕಯ್ಯೂಂದ್ ಬೋಡಿಯಂಡತ್.
13ಯೇಸು ಅಂವೊಂಡ ಕೈಯಿನ ನೀಟುವಂಜಿ: ಅಂವೊನ ಮುಟ್ಟಿತ್, ನಾಕ್ ಕುಶಿ ಉಂಡ್, ನೀಡ ಕುಷ್ಟರೋಗ ಶುದ್ದ ಆಡ್‍ೕಂದ್ ಎಣ್ಣ್‌ಚಿ. ಅಚ್ಚಕ್ ಬೆರಿಯ ಅಂವೊಂಡ ಕುಷ್ಟರೋಗ ಶುದ್ದ ಆಚಿ. 14ಈ ವಿಷಯತ್‍ನ ದಾರ್‌ಕು ಎಣ್ಣತೆ. ನೀನ್ ಯಾಜಕಂಡ ಪಕ್ಕ ಪೋಯಿತ್ ನಿನ್ನ ಕಾಂಬ್‍ಚಿಡ್; ನೀನ್ ವಾಸಿ ಆಯಿತುಳ್ಳಾಂಗ್ ಎಲ್ಲಾರ್‌ಕು ಸಾಕ್ಷಿಯಾಯಿತ್ ನ್ಯಾಯಪ್ರಮಾಣತ್‍ಲ್ ಎಣ್ಣಿತ್ತುಳ್ಳ ಕಾಣಿಕೆನ ಕೊಡ್‍ೕಂದ್ ಹುಕುಮ್ ಕೊಡ್‍ತತ್. 15ಆಚೇಂಗಿಯು ಯೇಸುರ ಕೀರ್ತಿ ಇಂಞು ದುಂಬ ಪ್ರಸಿದ್ಧಿಯಾಚಿ. ಆನಗುಂಡ್ ಜನಡ ಕೂಟ ಯೇಸುರ ಬೋದನೆನ ಕ್‍ೕಪಕು, ಅಯಿಂಗಡ ಕಾಯಿಲೆ ವಾಸಿ ಆಪಕು ಅಂವೊಂಡ ಪಕ್ಕ ಬಾತ್. 16ಆಚೇಂಗಿಯು, ಯೇಸು ಅಕ್ಕಕ್ಕ, ಜನ ದಾರೂ ಇಲ್ಲತ ಜಾಗಕ್ ಪೋಯಿತ್ ಪ್ರಾರ್ಥನೆ ಮಾಡ್‌ವಯಿಂಜತ್.
ಯೇಸು ಪಾರ್ಶ್ವವಾಯುಲ್ ನರಳಿಯಂಡಿಂಜ ಒಬ್ಬನ ವಾಸಿ ಮಾಡ್‍ನದ್
(ಮತ್ತಾಯ 9.1–8; ಮಾರ್ಕ 2.1–12)
17ಒರ್ ದಿವಸ ಯೇಸು ಬೋದನೆ ಮಾಡಿಯಂಡಿಪ್ಪಕ, ಗಲಿಲಾಯ, ಯೂದಾಯ ನಾಡ್‍ರ ಎಲ್ಲಾ ಗ್ರಾಮತ್ಂಜ ಪಿಂಞ ಯೆರೂಸಲೇಮ್ ಪಟ್ಟಣತ್ಂಜ ಬಂದ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಂಗ ಅಲ್ಲಿ ಅಳ್‌ತಡಿಂಜತ್. ಆ ಸಮಯತ್‍ಲ್ ಕಾಯಿಲೆಕಾರಳ ವಾಸಿ ಮಾಡ್‌ವಕ್ ದೇವಡ ಶಕ್ತಿ ಯೇಸುರ ಮೇಲೆ ಇಂಜತ್. 18ಅಕ್ಕಣೆಕೆ ಚೆನ್ನ ಜನ, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ ಕಟ್ಟ್‌ಲ್ ಇಟ್ಟಿತ್ ಯೇಸುರ ಪಕ್ಕ ಕೊಂಡ್‌ಬಂತ್, ಒಳ್‍ಕ್ ಪೋಪಕು, ಯೇಸುರ ಮಿಂಞ ಇಡ್‌ವಕು ನೋಟ್‌ಚಿ. 19ದುಂಬ ಜನ ಇಂಜಗುಂಡ್ ಆ ಮನುಷ್ಯನ ಯೇಸುರ ಪಕ್ಕ ಎಡ್‌ತ ಪೋಪಕ್ ಕಯ್ಯತೆಗುಂಡ್, ಅಯಿಂಗ ಮೋಂದಾಯತ್‌ನ ತೂತ ಮಾಡಿತ್, ಆ ಮನುಷ್ಯ ಬುದ್ದಡಿಂಜ ಮೆತ್ತೆನ ಅಡಿಕ್ ಇಳ್‌ಪಿತ್ ಯೇಸುರ ಮಿಂಞಕ್ ಇಟ್ಟತ್.
20ಯೇಸು ಅಯಿಂಗಡ ನಂಬಿಕೇನ ಕಂಡಿತ್, ಆ ಮನುಷ್ಯಂಗ್: ನಾಡ ಸ್ನೇಹಿತನೇ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.
21ಅಲ್ಲಿ ಇಂಜ ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ: ದೇವ ದೂಷಣೆ ಎಣ್ಣುವ ಈ ಮನುಷ್ಯ ದಾರ್? ದೇವ ಒಬ್ಬನ ಬುಟ್ಟಿತ್ ಬೋರೆ ದಾರ್‌ಕ್ ಪಾಪತ್‍ನ ಮನ್ನಿಪ್ಪಕ್ ಕಯ್ಯೂಂದ್ ಅಯಿಂಗಯಿಂಗಳೇ ಗೇನ ಮಾಡಿಯಂಡಿಂಜತ್.
22ಅಕ್ಕಣೆಕೆ ಯೇಸುಕ್ ಈ ಮನುಷ್ಯಂಗ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಗೊತ್ತಾಯಿತ್, ಅಯಿಂಗಳ ನೋಟಿತ್: ನಿಂಗಡ ಹೃದಯತ್‍ಲ್ ಎನ್ನಂಗ್ ಇಂತದೆಲ್ಲ ಗೇನ ಮಾಡ್‌ವಿರಾಂದ್ ಕ್‍ೕಟತ್. 23ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ವದ್ ಸುಲಬವ ಅಥವ ನೀಕ್ ವಾಸಿ ಆಚಿ, ಎದ್ದಿತ್ ನಡೇಂದ್ ಎಣ್ಣುವದ್ ಸುಲಬವ? 24ಮನುಷ್ಯಂಗಡ ಪಾಪತ್‍ನ ಮನ್ನಿಚಿಡ್‌ವಕ್ ಮನುಷ್ಯಕುಮಾರಂಗ್ ಈ ಬೂಮಿಲ್ ಅದಿಕಾರ ಉಂಡ್‍ೕಂದ್ ನಾನ್ ನಿಂಗಕ್ ಕಾಟಿತಪ್ಪೀಂದ್ ಎಣ್ಣಿತ್, ಯೇಸು ಕಾಯಿಲೆಲ್ ಇಂಜ ಮನುಷ್ಯನ ನೋಟಿತ್: ಏಳ್, ನೀಡ ಕಡ್‌ಕೆನ ಎಡ್‍ತಂಡ್, ನೀಡ ಮನೆಕ್ ಪೋಂದ್ ಎಣ್ಣ್‌ಚಿ. 25ಅಕ್ಕಣೆಕ್, ಆ ಮನುಷ್ಯ ಎದ್ದಿತ್, ತಾಂಡ ಕಡ್‌ಕೆನ ಸುತ್ತಿಯಂಡ್ ದೇವನ ತುದಿಚಂಡ್ ತಾಂಡ ಮನೆಕ್ ಪೋಚಿ. 26ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರ್‌ಕು ಆಶ್ಚರ್ಯವು ಆಯಿತ್, ಪೋಡಿಯು ಆಯಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.
ಯೇಸು ಲೇವಿನ ಕಾಕ್‍ನದ್
(ಮತ್ತಾಯ 9.9–13; ಮಾರ್ಕ 2.13–17)
27ಇದಾನ ಪಿಂಞ ಯೇಸು ಪೊರಮೆ ಪೋಯಂಡಿಪ್ಪಕ ಕಂದಾಯ ಎಡ್‌ಪ ಲೇವಿ ಎಣ್ಣ್‌ವಂವೊ ಅಂವೊಂಡ ಕಛೇರಿಲ್ ಅಳ್‌ತಂಡಿಪ್ಪದ್‍ನ ಕಂಡತ್. ಯೇಸು ಅಂವೊನ ಕಂಡದು: ನಾಡ ಬಯ್ಯ ಬಾಂದ್ ಎಣ್ಣ್‌ಚಿ. 28ಅಕ್ಕ ಅಂವೊ ಎದ್ದಿತ್ ಅಂವೊಂಡ ಬಯ್ಯಕ್ ಪೋಚಿ. 29ಬಯ್ಯಂಜಿ ಯೇಸುಕ್ ಲೇವಿರ ಮನೆಲ್ ಗದ್ದಾಳ ಇಂಜತ್. ಲೇವಿರ ಮನೆಲ್ ದುಂಬ ಕಂದಾಯ ಎಡ್‌ಪ ಜನ ಪಿಂಞ ಬೋರೆ ಜನ ಇಂಜತ್.
30ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಯೇಸುರ ಶಿಷ್ಯಂಗಡ ಪಕ್ಕ ಬಂತ್: ನಿಂಗ ಎನ್ನಂಗ್ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಡಂಡ್ ಕುಡಿಚಂಡ್ ಉಂಡ್‍ೕಂದ್ ಕ್‍ೕಟತ್.
31ಅದ್ಂಗ್ ಯೇಸು: ದಾರ್ ಸೌಕ್ಯತ್‌ಲ್ ಉಂಡೋ ಅಯಿಂಗಕ್ ವೈದ್ಯ ಬೋಂಡ, ದಾರ್‌ಕ್ ಸೌಕ್ಯ ಇಲ್ಲತೆ ಉಂಡೋ ಅಯಿಂಗಕ್ ಮಾತ್ರ ವೈದ್ಯ ಬೋಂಡಿಯೆ. 32ನೀತಿವಂತಯಿಂಗಳ ಅಲ್ಲ, ಆಚೇಂಗಿ ಪಾಪಿಯಂಗ ಪಾಪತ್ಂಜ ಪಶ್ಚಾತಾಪ ಪಡ್‌ವಕಾಯಿತೇ ನಾನ್ ಬಂದಿಯೇಂದ್ ಎಣ್ಣ್‌ಚಿ.
ಉಪವಾಸತ್‍ರ ವಿಷಯತ್ ಬೋದನೆ
(ಮತ್ತಾಯ 9.14–17; ಮಾರ್ಕ 2.18–22)
33ಯೋಹಾನಂಡ ಶಿಷ್ಯಂಗ ಅಕ್ಕಕ್ಕ ಪಟ್ಟಣಿ ನಿಂದಂಡ್ ಪ್ರಾರ್ಥನೆ ಮಾಡಿಯಂಡುಂಡ್. ಅನ್ನನೆ ಫರಿಸಾಯಂಗಡ ಶಿಷ್ಯಂಗಳು ಪಟ್ಟಣಿ ನಿಪ್ಪಂಜಿ ಪ್ರಾರ್ಥನೆ ಮಾಡಿಯಂಡುಂಡ್. ಆಚೇಂಗಿ ನೀಡ ಶಿಷ್ಯಂಗ ಉಂಡಂಡ್ ಕುಡಿಚಂಡ್ ಉಂಡಲ್ಲಾಂದ್ ಅಯಿಂಗ ಅಂವೊನ ಕ್‍ೕಟತ್.
34ಅದ್ಂಗ್ ಅಂವೊ: ಮಂಗಲಕಾರ ಇಕ್ಕಣಕೆ ಮಂಗಲಕಾರಂಡ ಚಂಙಾದಿಯಳ ನಿಂಗ ಪಟ್ಟಣಿ ನಿಪ್ಪಕ್ ಮಾಡ್‍ಚಿಡ್‌ವಕ್ ಕಯ್ಯುವ? 35ಮಂಗಲಕಾರನ ಅಯಿಂಗಡ ಕೂಟ್‌ಂಜ ಕಾಕಿಯಂಡ್ ಪೋಪ ಸಮಯ ಬಪ್ಪ, ಅಕ್ಕ ಅಯಿಂಗ ಉಪವಾಸ ಮಾಡ್‌ವಾಂದ್ ಎಣ್ಣ್‌ಚಿ. 36ಪಿಂಞ ಯೇಸು ಇಂಞೊರ್ ಕಥೇರ ರೂಪತ್‍ನ ಅಯಿಂಗಕ್ ಎಣ್ಣ್‌ಚಿ. ದಾರೂ ಪುದಿಯ ಕೋಟ್‍ನ ಕೀತಿತ್ ಪಳೆಯ ಕೋಟ್‌ಕ್ ಅಡ್ಡಬೆಚ್ಚಿತ್ ಪೊಲ್ಲ್‌ಚಿಡುಲೆ. ಅನ್ನೆನೆ ಮಾಡ್‍ಚೇಂಗಿ ಪುದಿಯ ಕೋಟ್‌ರ ಬಟ್ಟೆ ಪಳೆಯ ಕೋಟ್‌ಕ್ ಸರಿ ಬಬ್ಬ್‌ಲೆ, ಪುದಿಯದ್ ಪಳೆಯದ್‌ನ ಕೀತಿರ್‍ವ. 37ದಾರೂ ಪುದಿಯದಾಯಿತ್ ಮಾಡ್‍ನ ದ್ರಾಕ್ಷಿರಸತ್‍ನ ಪಳೆಯ ಚರ್ಮತ್‌ರ ಚೀಲಕ್ ಬೂಕ್‌ಲೆ, ಅನ್ನನೆ ಮಾಡ್‍ಚೇಂಗಿ ಚರ್ಮತ್‌ರ ಚೀಲ ಒಡಂದ್ ಪೋಪ. ಚೀಲ ಒಡಂದ್ ಪೋಯಿತ್ ದ್ರಾಕ್ಷಿರಸವು ಚೆಲ್ಲಿಪೋಪ. 38ಆಂಡ ಬದ್‍ಲ್ ಪುದಿಯ ದ್ರಾಕ್ಷಿರಸತ್‍ನ ಪುದಿಯ ಚೀಲಕ್ ಬೂಕಂಡು. ಅಕ್ಕ ದಂಡು ಚಾಯಿಪ್ಪ. 39ಪಳೆಯ ದ್ರಾಕ್ಷಿರಸತ್‍ನ ಕುಡ್‌ಚ ಪಿಂಞ ದಾರ್‌ಕು ಪುದಿಯ ದ್ರಾಕ್ಷಿರಸ ಬೋಂಡೂಂದ್ ಆಪುಲೆ. ಪಳೆಯದೇ ಚಾಯಿತೆ ಉಂಡ್‍ೕಂದ್ ಎಣ್ಣುವಾಂದ್ ಯೇಸು ಎಣ್ಣ್‌ಚಿ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, New Life Literature (NLL)