A:imo 6
6
Islael luma dapolamalelona gi
1Sayonola awapale edelage latedilina luma da: kakabeya,
a:pite Samaliya podola galabe bini a: edelina luma da: kakabeya,
da: eta:mi wana kabigida:na dala,
da: enobai luma Islaelana lumate da:dima pa:da:tedelamadili.
2Da: Kanelema wama na:da:te a:ma wa tilamadelewa,
amale gwama Amat kabiginapa wama na:da:madelewa,
a:pite amale gwama Pilisitiyanapa wa Gatama kola:madelewa.
Obaimunu baiga sa:lesegeyagita ameta da:dowali baiga sosawe beyagaita.
Obaimunu a:i kabigida:beyagaita ameta da:dowali a:i pa: kabgida:beyagaita.
3Da: ya:ma sosawenapa kadepa wama mila
a:pite sosawenapa kanaba auwama gwalite pa:da:la.
4Da: sa:sa:lena tene sabala tenedelewa
a:pite da:dowali tene sabala sa:lele dowatelewa.
Da: a domoda:na sip kokowabi nanelewa
a:pite sa:sa:lena ka:o nanalewa.
5Da: Da:ibid a:na:pi da:pe ap lopalale siya a:na:minenewa
a:pite eta:mi siya lopalale siya pakamitedelewa.
6Da: kabuwa waen tawatawana nideletedelewa
a:pite sa:sa:le bapina ipowada:na lopala kakama suguda:mitedelewa,
ameta da: Yosepete sosawe elelona gima pa:pa gwanasaweda: edelewa.
7Enobala da: eta a:ibaigama lope dibulama alete na:da:madilina luma gagasila edelewa,
da: da:dowali poko gita: a:me eda: gita: binida:madili.
LODote Islaelana lumumunu na: awagana: gima ga:oloyana gi
8Sidinapa LOD obaya obape gaigile a lawena, LOD God Kamalinapate lalelo.
Na: Ya:ikobipe na: awagana: gima ga:olelowa
a:pite na: obape tadana baiga tatalada:munamalowa.
Na: obape kabinapa baigata:
obape lopala waelabegata: eta:mi lumadima dapulamalowa.
9Powa tepala 10 dala genama gobama na:seda:minamadilina tepala obai iya:ta: kaokolamadili. 10A:pite obape eta lumagi obaimunu obebe ilama alila gima pa:te a:ma genama gobala obaimunu obebe wama alete saola gima eta a:wate manonamalelona lumagi anamalelo, eta lumagi a:da elelota.
A:pite obate lalamalelo, awa, amale obate a:nege lalamalelo, nugunale, sa: LODope gagi pa:pa omona:madili.
11 LODote kamalinapa gilala a lawena,
a:pite obate kabiginapa genama titiminamalelo,
a:pite kokowabina gegenama alisasi bapida:minamalelo.
12Os ba:keledana sakale gugula:tedilita.
Amale menagite a:i pasaminanapa lopalale a:i pasamunamalelota.
Ameta da: sogolale gi bamina gi a sokamanapa wi a:na:pi miwamena
a:pite da: sogola gipe adami a kamalinapa ya:ti wi a:na:pi miwamena,
13da: Lao Deba baiga giwa:lale sa:keladelewamena luma
a:pite latedelewa, Kanaim baiga sa: sa:dowali kamalile egelimana.
14Enobala LOD God Kamalinapate lalelo,
Na: eta a:ibaiga pakaminamalowa a: dima giwa:la elamalale, o Islael,
obate da: ilapalada:munamalelo
Lebo Amat wale asemite wete A:la:b goloma saolamalelo.
Currently Selected:
A:imo 6: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
A:imo 6
6
Islael luma dapolamalelona gi
1Sayonola awapale edelage latedilina luma da: kakabeya,
a:pite Samaliya podola galabe bini a: edelina luma da: kakabeya,
da: eta:mi wana kabigida:na dala,
da: enobai luma Islaelana lumate da:dima pa:da:tedelamadili.
2Da: Kanelema wama na:da:te a:ma wa tilamadelewa,
amale gwama Amat kabiginapa wama na:da:madelewa,
a:pite amale gwama Pilisitiyanapa wa Gatama kola:madelewa.
Obaimunu baiga sa:lesegeyagita ameta da:dowali baiga sosawe beyagaita.
Obaimunu a:i kabigida:beyagaita ameta da:dowali a:i pa: kabgida:beyagaita.
3Da: ya:ma sosawenapa kadepa wama mila
a:pite sosawenapa kanaba auwama gwalite pa:da:la.
4Da: sa:sa:lena tene sabala tenedelewa
a:pite da:dowali tene sabala sa:lele dowatelewa.
Da: a domoda:na sip kokowabi nanelewa
a:pite sa:sa:lena ka:o nanalewa.
5Da: Da:ibid a:na:pi da:pe ap lopalale siya a:na:minenewa
a:pite eta:mi siya lopalale siya pakamitedelewa.
6Da: kabuwa waen tawatawana nideletedelewa
a:pite sa:sa:le bapina ipowada:na lopala kakama suguda:mitedelewa,
ameta da: Yosepete sosawe elelona gima pa:pa gwanasaweda: edelewa.
7Enobala da: eta a:ibaigama lope dibulama alete na:da:madilina luma gagasila edelewa,
da: da:dowali poko gita: a:me eda: gita: binida:madili.
LODote Islaelana lumumunu na: awagana: gima ga:oloyana gi
8Sidinapa LOD obaya obape gaigile a lawena, LOD God Kamalinapate lalelo.
Na: Ya:ikobipe na: awagana: gima ga:olelowa
a:pite na: obape tadana baiga tatalada:munamalowa.
Na: obape kabinapa baigata:
obape lopala waelabegata: eta:mi lumadima dapulamalowa.
9Powa tepala 10 dala genama gobama na:seda:minamadilina tepala obai iya:ta: kaokolamadili. 10A:pite obape eta lumagi obaimunu obebe ilama alila gima pa:te a:ma genama gobala obaimunu obebe wama alete saola gima eta a:wate manonamalelona lumagi anamalelo, eta lumagi a:da elelota.
A:pite obate lalamalelo, awa, amale obate a:nege lalamalelo, nugunale, sa: LODope gagi pa:pa omona:madili.
11 LODote kamalinapa gilala a lawena,
a:pite obate kabiginapa genama titiminamalelo,
a:pite kokowabina gegenama alisasi bapida:minamalelo.
12Os ba:keledana sakale gugula:tedilita.
Amale menagite a:i pasaminanapa lopalale a:i pasamunamalelota.
Ameta da: sogolale gi bamina gi a sokamanapa wi a:na:pi miwamena
a:pite da: sogola gipe adami a kamalinapa ya:ti wi a:na:pi miwamena,
13da: Lao Deba baiga giwa:lale sa:keladelewamena luma
a:pite latedelewa, Kanaim baiga sa: sa:dowali kamalile egelimana.
14Enobala LOD God Kamalinapate lalelo,
Na: eta a:ibaiga pakaminamalowa a: dima giwa:la elamalale, o Islael,
obate da: ilapalada:munamalelo
Lebo Amat wale asemite wete A:la:b goloma saolamalelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.