A:imo 7
7
Sa:sa:ta: ilata: a:pite awapamina taota: gi
1Ma:ma enoba Sidinapa LODote na: ituna:miayana gi. Nana ulama dapola tepala kanabape saki tepanapa nana ulama apiliyana wapiki palala a:pite saki tepanapa popo saote dilaleyala obate sa:sa: gagasila sa:leda:miyana. 2A:ma wa kabigibega a sa:sa:te sosawe bapi miyala na: Sidinapa LODdima layamana, Sidinapa LOD sa:pe sosawe gi kobele edasama. Ya:ikob a:ta:pi kanika:wa elamaleloya. Oba kowabi bapi.
3Enobala LOD gi iwalela opa:ya ete layana,
Ma:ma gi pa:pa elamalelo.
4Ma:ma enoba Sidinapa LODote na: ituna:miyana gi. Sidinapa LOD gi bamina gi ilale a:na:minamalale mamamidoloyana, a:ma ilale gaolanapa wasewa wi tuloyana a:pite sa:ila:napa wa pala tuloyana. 5Na: amale mamamida:yamana, Sidinapa LOD, na: a: dima timo elelowa, a: eke. Ya:ikob a:ta:pile kanika:wamaleloya oba lumagi kowabi.
6Enobala LOD obape gi iwalela opa:ya ete layana,
ma:ma gi iya:ta pa:pa elamalelo Sidinapa LODote lalelo.
7Ma:ma enoba obate na: ituna:miyana gi. LOD gibapile awapamina taole awapamina gima a:na:miyana bilima etapamite lelaloyana a:pite obape maile obate awapamina tao egete lelaloyana. 8Amale LOD na: nanate tiliyana. A:imos, a: powa lopala tileloya.
Na: amale layamana, na: awapamina tao tilelowa.
LOD amale a:negelayana, A: ti na: awapamina tao milelowa na:dowali Islael lumadima. Na: da:pe sosawe gima da: pa:pa a: na:sa:da:munamalowa.
9Aesekepe sidina balelamina sasaba na: gagamunamalowa
a:pite Islaelepe awana sasaba na: sosaweda:munamalowa,
na: Yelebowamape genamana dima na:dowali giwa:la gilile giwa:laminamalowa.
A:mosota: Amasayata:
10Amale Betolonapa guwali dalagi A:masayate Islaelanapa kanaba dalagi Yelebowam dima gilala auwamiyana, oba a:negelayana. A:imosote bata elelo luma pakakamina gima a: dima giwa:la eda:mada:le Islael wa gobala. A:imosipe gilala waelabeyagai luma dila menemenebeyagai ediliyana. 11Ma:ma enoba A:imosote lalelona gilala.
Yelobowamate giwa:la gilile kaolamalelo,
a:pite Islael lumate gibalamale eta:mi wama dibulama na:da:madili,
obaimunu wa bapi elatete wa amatana opa:yana wama na:da:madili.
12Amale A:masayate A:imos dima a:negelayana, Godope Wala gilala lada:napa a: wama sao. A: Yuda wama gwama we. Wete a:mala a:pe baya naonamalelo a:pite a:mala Godope gilala ladolamalelo. 13Betol wala pa:pa gwama Godope gilala ladolamalelo, gi ase ma:ma kanabape balelamina saba a:pite kanabape kamali gobanapa wa.
14A:imos amale A:masayape gilala wisa eyana, na: pa: Godope wala gilala lada:napa lumagi, gwama na: pa: Godope wala gilala lada:napa dalagipe pulagi, na: enoba sipi tida:napa lumagi gwama na: pigi adami i tida:napa eloyamana. 15Ameta LODote sip tida:napa eloyamana gi gobala na: awana:mitena: dima a:negelayana, A: wete na:dowali Islaelana lumadima wala gilala lado. 16A:pite amapula a: LODote lalelona gilala enama. A:e lalelo,
Isalalel lumadima wala gilala ege lado,
a:pite a: Aesekepe noneya dima wala gilala ege lado.
17Enobala ma:ma enoba LODote lalelona gilala.
A:dowali susa:gite kabinapa baiga gobala kipale gosa gima obape obe ewada:na:napa susa:gi elamalelo,
a:pite a:dowali segeta: susukowabita: giwa:la gilile kaokolamadili.
A:dowali a:i lumate babaminete opa:ya alela eda:madili,
a:pite a:niya:ta: wete God gi pa: itawanapa a:i baigala kaolamalelo.
A:pite Islael wa gibapile dibula gima welamalelo,
obaite obaimunu ya:bi gwalila wa elatete wabeganapa wama dibula gima na:da:madili.
Currently Selected:
A:imo 7: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
A:imo 7
7
Sa:sa:ta: ilata: a:pite awapamina taota: gi
1Ma:ma enoba Sidinapa LODote na: ituna:miayana gi. Nana ulama dapola tepala kanabape saki tepanapa nana ulama apiliyana wapiki palala a:pite saki tepanapa popo saote dilaleyala obate sa:sa: gagasila sa:leda:miyana. 2A:ma wa kabigibega a sa:sa:te sosawe bapi miyala na: Sidinapa LODdima layamana, Sidinapa LOD sa:pe sosawe gi kobele edasama. Ya:ikob a:ta:pi kanika:wa elamaleloya. Oba kowabi bapi.
3Enobala LOD gi iwalela opa:ya ete layana,
Ma:ma gi pa:pa elamalelo.
4Ma:ma enoba Sidinapa LODote na: ituna:miyana gi. Sidinapa LOD gi bamina gi ilale a:na:minamalale mamamidoloyana, a:ma ilale gaolanapa wasewa wi tuloyana a:pite sa:ila:napa wa pala tuloyana. 5Na: amale mamamida:yamana, Sidinapa LOD, na: a: dima timo elelowa, a: eke. Ya:ikob a:ta:pile kanika:wamaleloya oba lumagi kowabi.
6Enobala LOD obape gi iwalela opa:ya ete layana,
ma:ma gi iya:ta pa:pa elamalelo Sidinapa LODote lalelo.
7Ma:ma enoba obate na: ituna:miyana gi. LOD gibapile awapamina taole awapamina gima a:na:miyana bilima etapamite lelaloyana a:pite obape maile obate awapamina tao egete lelaloyana. 8Amale LOD na: nanate tiliyana. A:imos, a: powa lopala tileloya.
Na: amale layamana, na: awapamina tao tilelowa.
LOD amale a:negelayana, A: ti na: awapamina tao milelowa na:dowali Islael lumadima. Na: da:pe sosawe gima da: pa:pa a: na:sa:da:munamalowa.
9Aesekepe sidina balelamina sasaba na: gagamunamalowa
a:pite Islaelepe awana sasaba na: sosaweda:munamalowa,
na: Yelebowamape genamana dima na:dowali giwa:la gilile giwa:laminamalowa.
A:mosota: Amasayata:
10Amale Betolonapa guwali dalagi A:masayate Islaelanapa kanaba dalagi Yelebowam dima gilala auwamiyana, oba a:negelayana. A:imosote bata elelo luma pakakamina gima a: dima giwa:la eda:mada:le Islael wa gobala. A:imosipe gilala waelabeyagai luma dila menemenebeyagai ediliyana. 11Ma:ma enoba A:imosote lalelona gilala.
Yelobowamate giwa:la gilile kaolamalelo,
a:pite Islael lumate gibalamale eta:mi wama dibulama na:da:madili,
obaimunu wa bapi elatete wa amatana opa:yana wama na:da:madili.
12Amale A:masayate A:imos dima a:negelayana, Godope Wala gilala lada:napa a: wama sao. A: Yuda wama gwama we. Wete a:mala a:pe baya naonamalelo a:pite a:mala Godope gilala ladolamalelo. 13Betol wala pa:pa gwama Godope gilala ladolamalelo, gi ase ma:ma kanabape balelamina saba a:pite kanabape kamali gobanapa wa.
14A:imos amale A:masayape gilala wisa eyana, na: pa: Godope wala gilala lada:napa lumagi, gwama na: pa: Godope wala gilala lada:napa dalagipe pulagi, na: enoba sipi tida:napa lumagi gwama na: pigi adami i tida:napa eloyamana. 15Ameta LODote sip tida:napa eloyamana gi gobala na: awana:mitena: dima a:negelayana, A: wete na:dowali Islaelana lumadima wala gilala lado. 16A:pite amapula a: LODote lalelona gilala enama. A:e lalelo,
Isalalel lumadima wala gilala ege lado,
a:pite a: Aesekepe noneya dima wala gilala ege lado.
17Enobala ma:ma enoba LODote lalelona gilala.
A:dowali susa:gite kabinapa baiga gobala kipale gosa gima obape obe ewada:na:napa susa:gi elamalelo,
a:pite a:dowali segeta: susukowabita: giwa:la gilile kaokolamadili.
A:dowali a:i lumate babaminete opa:ya alela eda:madili,
a:pite a:niya:ta: wete God gi pa: itawanapa a:i baigala kaolamalelo.
A:pite Islael wa gibapile dibula gima welamalelo,
obaite obaimunu ya:bi gwalila wa elatete wabeganapa wama dibula gima na:da:madili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.