Osey 14
14
Sosawema gwanasaweda: gite sa:sa:lena gi alete pa:lamalelo
1O Islael, gwama isolada:te da:pe LOD dima pa:da:la
gi ase da:dowali sosawe gile da: a:ima koleyamana.
2Gilala egete na:da:la,
a:pite LOD dima gwama isolada:la,
oba dima lala,
sa:dowali sosawe waelabeyagai sawada:munote kobele eda:sama,
a:pite a: sa: sa:kela gida alesa:.
Se sa:dowali magatale ewama: gi nagala lopala a:na:pi a: dima apilamada:le.
3Asiliyate sa:pe galabe pawamisama gima pa: awapa.
Sa: giwa:la osoma pa:pa dida:madili.
Se maile a:na:da:minimana ididali dima sa: pa:pa gwama lalamadili, sa:dowali God,
gi ase wawata:mi binina lumate a: gobala awe iwalela gi egelamadili.
4Obaite nabidi elatete a: ka:neka:nele wamidilina gi gwama sa:leminamalowa,
a:pite obai awedolamalowa.
Gi ase na:dowali gwana mene gite obai a na:sa:da:miyana.
5Na: Islael dima mimida:bi a:na:pi elamalowa,#14:5 LODote Islael sa:kelaminamalelo mimida:bite i kala bauda:minola alowadilina gi a:na:pi
amale obate bodolo kala a:na:pi elamalelo.
Lebanon wanapa Seda i a:na:pi
obate obape sasa a:i a:gobama tolamalelo.
6Amale obape kanika:da:na popo saosolamadili,
oba Olib i a:na:pi sa:lepula bapi elamalelo.
Obape kekesowali Lebanon wanapa Seda i a:na:pi elalmalelo.
7Lumate gwama obape a:wale edeladili,
obate kon a:na:pi gwama alawamalelo,
obate tokobepe kala a:na:pi alawamalelo,
a:pite obape ipowa gi Lebanonpe waen a:na:pi elamalelo.
8O Ipala:im, na: ididali pa:pa iwida:minanowa,
ne a:pe gilala wisa ete a: sa:lele tilanapa elamalowa.
Na: enoba baga pa: bilitanapa i a:na:pi,
a:pe alawa gite na: dile pa:lelo.
9Awapa sa:kemanapa lumagite ma:mai gi itawa ela gima.
Gi iwalela kamalinapa lumagite awapa elelo ma:ma gi itawa ela gima.
LODope nabidi enoba sogola,
gi sogoda:na lumate a:mai sogola gi gobala wamidilila,
ameta obape gi asakamininina lumate a:ma sogola gi gobala a:i gagaminini.
Currently Selected:
Osey 14: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
