Yaun 4
4
Yaunate LODope awe gima ga:oloyana gi
1Ameta Yaunate sa:kela gi bini eladele kabigibegale ga:oloyana. 2Obate LOD dima timo eladele layana, O LOD na: na:pe wala eloyamana tepala na: ma:ma gite saola gima a layamana. Na: ya:ma asele na: sela patate Tasis wama emote welamalale a:na:piloyamana. Gi ase na: itawa, a: awe nagala gi tawanapa God elelo, a: pa: sela ga:otanapa, a: awe iwalelate a: gwanama mite dololo, A: enoba God, gi iwalela gwama opa:yamite a:pite lumadima a:pe ga:o gi pa: auwamitanapa. 3#1Kn 19:4Enobala LOD, a: amapula na:dowali kanika:wa egenama, gi awapa na: kaolamalowa, na: pa: awapa ela gima.
4Ameta LODote obape gilala wisa eyana, a:dila kamali bini e ga:o gima.
5Amale Yaunate a:ma kabiginapa baiga elatete wete kadepate saolotoloyana palama wete a:mama manayana. Amale obate bikiwa a:na:iyana. Oba a:ma bikiwa gobama sa:ete manate amale powa gite Niniba kabiginapa baiga dima saolamalelona gi tilamalale enamadoloyana. 6Amale LOD Godote eta tokobe apemiyana Yaunate mananoyana sabale apete dite oba a:wamiyala oba awapayana. Yauna a:ma tokobe gima sa:kelaloyana. 7Ameta eta ibasegela kadepate puloyana tepala Godote a:i bosele anayala pa:te a:ma tokobe nanoyala amale seseyana. 8Kadepa a saote dilaleyala Godote kadepate saolotoloyana palala ilanapa laoda: auwamiyana. Amale kadepa ilate Yaunape ganabi tulalelyala Yauna kaola auwapula eyana. Oba kaolale kaola gi iwimunoyana a:pite oba a:negelayana, gi awapa na: kaolamalowa, na: pa: awapa ela gima.
9Ameta Godote Yauna dima a:negelayana, a: pa: awapa ma:ma tokobe gima ga:olamalale. Yauna ameta a:negelayana, na: ga:ola gima awapa, pa: awapa na: elamalale.
Na: awapa kaola gima.
10Ameta LOD a:negelayana, a: ma:ma tokobe kabigi begale iwalelalo, a: ti, a: ma:ma tokobe dima eta oko pa:pa a:na:minowena obate apela gima. Obate isala apete dite a:pite eta isala kaowena. 11Ameta Niniba kabiginapa baiga naba 120,000 giwitilanapa lumate edeli a:mala, sosawe gita: sogola gita: pa: itawada:na luma, gwama anekekeyapo waelabeyagai iya:ta: edeli. Obai iya:ta: na:pe awe iwalela gi awapa itawa eda:madili.
Currently Selected:
Yaun 4: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
