Malak 4
4
LODope kadepate pulamalelona gi
1 LOD Kamalinapate lalelo, sosawe gi a:na:da:mida:na lumata: gwama na: awagana:na lumata: da:dima kadepa pulamalelo obaite kakapa ilate oloda:lona a:na:pi eda:madili. A:ma kadepala da: ila gobala binida:madelewa a:pite da:pe eta palate pa:pa dololamalelo. 2Ameta na: emona luma, sogolanapa kadepate da:dima obape a:ita gobala dololona kanika:wada pulamalelo. A:pite da: kaka pasala eda:te sa:kelada:da wama saoda:madelewa, ta gobala edelete wama saoda:madilina buluku kokowabi a:na:pi.
3Ne gi a:na:minamalowamena kadepala da: a:mai sosawe gi a:na:da:mida:na luma a:i pulu a:na:pi etoda:minamadelewa, LOD enoba gi lalelo.
4Da: na:dowali gisaolanapa dalagi Maosesepe itumina gilala ege kobele eda:madelewa, enoba ne Sainai sakala da: gima oba dima apuloyamana babala.
5Da: tila, LODope ga:o kadepa da:dima pa: pa:lelona tepala na: lope da:dima pa: eda:na gi lope ladolotanapa dalagi Ilai auwaminamalowa. 6Obate pa:te wawata: gwama segeta: opa:ya litata edilina gwama menagi da:minamalelo, na: a:ma gi pa:pa a:na:minamalowamena tepala ne auwaminamalowamena ga:o gite da: dapolamalelo.
Currently Selected:
Malak 4: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.