Sekal 10
10
LODote Yuda wa sa:lele iwa:lanapa elamalelona gi
1Gogo pa: pa:lelona tepala da: gwi gima LOD anate tila,
gi ase LODote gogo tepana iti a:na:da:munotelelo.
Obate lumadima gwi auda:munotelelo,
obate egada gobana lopala waelabega lumadima dapulotelelo.
2De alete edelewamena idadalite sewatana gilala da:dima ladili,
wasiwa gidana dalate inigwile sewata gi tida:tedili,
obaite inigwile tida:tedilina gi enoba sewata gi,
obaite sewatale balela gilala ladeletedili.
Enobala luma wama kaokoda:na sip a:na:pi pa: sogolale a: wamidili,
obai tida:napa bini gobala wamidili.
3Na:dowali ga:o gite sip tida:na daladima ilabega elelo,
a:pite na: obaimunu ganabina daladima wisa elamalowa,
LOD Kamalinapate sa:lele tidolamalelo
enoba obape sip gagasila Yuda luma,
a:pite giwa:la gobala ganabi lapila egete sa:kelalona oso a:na:pida:minamalelo.
4Yuda wa gobale sokatenapa ba:kele saolamalelo,
oba gobala bikiwa genama gwalila ola saolamalelo,
oba gobala giwa:la gagi saolamalelo,
oba gobala gaganabina dala waelabeyagai saoda:madili.
5Obai daligile kakamalina dala a:na:pi eda:dele
bodadana nabidile giwa:la edelamadili.
Gi ase LOD obaida elelo,
obai giwa:la eda:te osole wamidilina dala a:ima ba:ba:minamadili.
6Na: Yudape luma kamalida:mite
a:pite Yausepepe lumumunu galabe pawamidamamalowa.
Na: obai gwama sa:leda:minamalowa
gi ase na: obai aweda:lowa.
Obai ne lope pa:pa na:sa:da:miyamana
luma a:na:pi eda:madili,
gi ase na: enoba LOD obaimunu God,
na: obai dima gilala wisa ladolamalowa.
7Ipala:im wana dala kakamalina dala a:na:pi edelamadili,
obai adami wi kanika: nidiliwina dala a:na:pi edelamadili.
Obaimunu sekowabi obai tida:te sa:keladelamadili,
obai gwana gobale LOD dima sa:keladelamadili.
8Na: obai dima susuwada:malowa
a:pite obai a:gobama gaogoda:munamalowa.
Gibalama, na: wisale obai alolamalowa,
obai gwama waeda:madili lope waediyana gi a:na:pi.
9Na: opa:pa:yana luma gobama obai ba:ba:munamalowamena tepala,
obai wa amatana baiga gobale eda:dele na: gi iwalelamadili.
Obaita: obaimunu sekowabita: a:mala edelete
gwama pa:da:madili.
10Na: Isipt wala obai gwama alete pa:lamalowa
Asiliya wale na: obai gwama gaogoda:minamalowa.
Na: Giliyad wata: Lebanon wata:ma obai alete pa:wamela,
obaite eda: gima eda: saba pa:pa awapa elamalelo.
11Obai mene gidanapa wasewa gobale pa:da:madili,
wasewa wite patimada:madilina tepala na: obai gelada:minamalowa,
a:pite gaolanapa Nael wasewanapa wite apamalelo.
Asiliya wape na: awagana: gi na: a:ima miditilamalowa.
A:pite Isipt wanapa kanabape gagi wama kaolamalelo.
12Na: LOD gobala obai kamalida:minamalowa,
a:pite obaite obape gagile wamidelamadili,
LODote lalelo.
Currently Selected:
Sekal 10: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Sekal 10
10
LODote Yuda wa sa:lele iwa:lanapa elamalelona gi
1Gogo pa: pa:lelona tepala da: gwi gima LOD anate tila,
gi ase LODote gogo tepana iti a:na:da:munotelelo.
Obate lumadima gwi auda:munotelelo,
obate egada gobana lopala waelabega lumadima dapulotelelo.
2De alete edelewamena idadalite sewatana gilala da:dima ladili,
wasiwa gidana dalate inigwile sewata gi tida:tedili,
obaite inigwile tida:tedilina gi enoba sewata gi,
obaite sewatale balela gilala ladeletedili.
Enobala luma wama kaokoda:na sip a:na:pi pa: sogolale a: wamidili,
obai tida:napa bini gobala wamidili.
3Na:dowali ga:o gite sip tida:na daladima ilabega elelo,
a:pite na: obaimunu ganabina daladima wisa elamalowa,
LOD Kamalinapate sa:lele tidolamalelo
enoba obape sip gagasila Yuda luma,
a:pite giwa:la gobala ganabi lapila egete sa:kelalona oso a:na:pida:minamalelo.
4Yuda wa gobale sokatenapa ba:kele saolamalelo,
oba gobala bikiwa genama gwalila ola saolamalelo,
oba gobala giwa:la gagi saolamalelo,
oba gobala gaganabina dala waelabeyagai saoda:madili.
5Obai daligile kakamalina dala a:na:pi eda:dele
bodadana nabidile giwa:la edelamadili.
Gi ase LOD obaida elelo,
obai giwa:la eda:te osole wamidilina dala a:ima ba:ba:minamadili.
6Na: Yudape luma kamalida:mite
a:pite Yausepepe lumumunu galabe pawamidamamalowa.
Na: obai gwama sa:leda:minamalowa
gi ase na: obai aweda:lowa.
Obai ne lope pa:pa na:sa:da:miyamana
luma a:na:pi eda:madili,
gi ase na: enoba LOD obaimunu God,
na: obai dima gilala wisa ladolamalowa.
7Ipala:im wana dala kakamalina dala a:na:pi edelamadili,
obai adami wi kanika: nidiliwina dala a:na:pi edelamadili.
Obaimunu sekowabi obai tida:te sa:keladelamadili,
obai gwana gobale LOD dima sa:keladelamadili.
8Na: obai dima susuwada:malowa
a:pite obai a:gobama gaogoda:munamalowa.
Gibalama, na: wisale obai alolamalowa,
obai gwama waeda:madili lope waediyana gi a:na:pi.
9Na: opa:pa:yana luma gobama obai ba:ba:munamalowamena tepala,
obai wa amatana baiga gobale eda:dele na: gi iwalelamadili.
Obaita: obaimunu sekowabita: a:mala edelete
gwama pa:da:madili.
10Na: Isipt wala obai gwama alete pa:lamalowa
Asiliya wale na: obai gwama gaogoda:minamalowa.
Na: Giliyad wata: Lebanon wata:ma obai alete pa:wamela,
obaite eda: gima eda: saba pa:pa awapa elamalelo.
11Obai mene gidanapa wasewa gobale pa:da:madili,
wasewa wite patimada:madilina tepala na: obai gelada:minamalowa,
a:pite gaolanapa Nael wasewanapa wite apamalelo.
Asiliya wape na: awagana: gi na: a:ima miditilamalowa.
A:pite Isipt wanapa kanabape gagi wama kaolamalelo.
12Na: LOD gobala obai kamalida:minamalowa,
a:pite obaite obape gagile wamidelamadili,
LODote lalelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.