Sekal 9
9
Islaelpe giwa:lana lumumunu gi babamunamalelona gi God dile pa:yana gi
1 LODope gilalate A:dalak baiga dima dololo
a:pite Damaskes baigama pa:te dololamalelo
gi ase lumata: Islael udaga waelabegata: obaimunu taole
LOD tilili,
2a:pite Damaskes ebatanapa baiga Amat,
a:pite gi a:na:da:mina sa:kemana baiga Tayata: Sidonota:.
3Taya baigate obape giwa:la genama kakalaminanapa a:na:miyana,
oba siliba lopala pulu a:na:pi a gaogoda:munoyana,
oba nabidi tepana kakapa a:na:pi gaolod a gaogoda:munoyana.
4Ameta LODote obape lopala alema:te welamalelo,
oba alete wete wasewa tepala obape kamali lapoma:malelo,
a:pite ilate oba ololamalelo.
5A:sakelon oba tilite emolamalelo,
Gasa baiga alikikiminada talapotata wamunamalelo,
Ekalon enoba a:na:pi elamalelo, a:pite obape gibapimina gi binilamalelo.
Gasa obape kanaba wama kaominamalelo
a:pite A:sakelon wala lumate pa:pa edelamadili.
6Atakabina lumate A:sadod egelamadili,
a:pite na: Pilisitiyana lumumunu na: awagana: gi dapodamamalowa.
7Obaimunu magata gobala na: dede wama egedamate,
obai tatalina baya ma:ta nanilila wama egedamamalowa.
Pa:pa kaokolamadilina lumate sa:dowali Godope luma eda:te
Yuda wa gobala wa tida:na luma edelamadili,
a:pite Ekalon baiganate enoba Yebusi baigana luma a:na:pi eda:madili.
8Na: na:dowali lumada eladele obai gwanamada:minamalowa,
giwa:lana lumate na:da:te pa:da:te edilina tepala.
Giwa:lana lumate na:dowali lumumunu wa pa:pa gwama egelamadili,
gi ase na: obai tida:lowa.
Sayonope kanabate palamalelona gi
9O Sayonope aminagi a: kabigibegale sa:kelo,.
Yelusalemape aminagi a: mamamido,
A: ti, a:dowali kanaba a: dima pa:lelo,
oba sogolanapa, oba dila galabe pawamina gi a:meta,
oba misa:minapa a:pite donkile manate pa:lelo,
enoba donki kowabile pa:lelo.
10 #
Sam 72:8
Na: Ipala:im wa gobala sakana giwa:la gawa wama alete welamalowa
gwama Yelusalem baiga gobala giwa:la oso wama alete welamalowa,
na: giwa:la gagi ka:ka:muamalowa.
Oba waelabega baiga baigama gela gilala ladolamalelo.
Obape kanabate tidolamalelona wa ya:dela wasewate dololo,
a:pite ya:dela eta wasewate dololo. A:pite Yupala:itis wasewa palala obape wa a:ibaiga a:yatama welamalelo.
11Da: gima, na: dedele bata gi kakalamite miyamana,
na: wi bininapa a:idobale da:dowali dibulana luma wama alete salamalowa.
12Da:dowali ta tolana baigama gwama na:da:la, da: taole papada:mida:na, wama saoda: gima enamadelewamena luma,
amapula na: da:dima lalelowa, na: saki tepama begasegela da:dima nagala elamalowa.
13Na: Yuda na:dowali gagi kota a:na:pi silimite,
a:pite Ipala:im soba a:na:pi ditilamalowa.
Sayon na: a:dowali sege mata pakada:minanamalowa,
Gulis wama giwa:la eda:mada:le,
a:pite a: giwa:la gili waiso a:na:pi minamalowa.
LODote saolamalelona gi
14Enoba tepala LODote sidile obai dima saolamalelo,
obape soba kadepate pa:ela gi a:na:pi elamalelo.
LOD Awananapate tutuli iwilamalelo,
oba siyale palana gogo laoda:le pa:lamalelo,
15a:pite LOD Kamalinapate obaimunu a:wa saba elamalelo.
Obaite ba:kele ditila lopalale luma dapolete
a:ima ba:ba:minamadili.
Obai sika nidiliyana luma a:na:pi mamamida:te midelamadili,
obai enobai tawanapa kabuwa a:na:pi eda:madili
lumate awana ba:kele genema sokotama wi pa:sa:pa:sa:da:minamadili.
16Ya:ma kadepala LOD Godote obaimunu galabe pawamidamamalelo
sip tida:napate obape sip gagasila sa:lele tidolamalelona gi a:na:pi.
Obaite obape wa gobala pa:kepa:ke bapina luma edelamadili,
ganabi waiya gobanapa ba:kele a:na:pi.
17Obai imimi sa:selesege eda:madili, gi dabalibapi edelamadili.
Konate dala apeda: kanika:da:na kamalida:minamalelo,
waen wi kanika:te amina iya:ta: enoba a:na:pi da:minamalelo.
Currently Selected:
Sekal 9: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Sekal 9
9
Islaelpe giwa:lana lumumunu gi babamunamalelona gi God dile pa:yana gi
1 LODope gilalate A:dalak baiga dima dololo
a:pite Damaskes baigama pa:te dololamalelo
gi ase lumata: Islael udaga waelabegata: obaimunu taole
LOD tilili,
2a:pite Damaskes ebatanapa baiga Amat,
a:pite gi a:na:da:mina sa:kemana baiga Tayata: Sidonota:.
3Taya baigate obape giwa:la genama kakalaminanapa a:na:miyana,
oba siliba lopala pulu a:na:pi a gaogoda:munoyana,
oba nabidi tepana kakapa a:na:pi gaolod a gaogoda:munoyana.
4Ameta LODote obape lopala alema:te welamalelo,
oba alete wete wasewa tepala obape kamali lapoma:malelo,
a:pite ilate oba ololamalelo.
5A:sakelon oba tilite emolamalelo,
Gasa baiga alikikiminada talapotata wamunamalelo,
Ekalon enoba a:na:pi elamalelo, a:pite obape gibapimina gi binilamalelo.
Gasa obape kanaba wama kaominamalelo
a:pite A:sakelon wala lumate pa:pa edelamadili.
6Atakabina lumate A:sadod egelamadili,
a:pite na: Pilisitiyana lumumunu na: awagana: gi dapodamamalowa.
7Obaimunu magata gobala na: dede wama egedamate,
obai tatalina baya ma:ta nanilila wama egedamamalowa.
Pa:pa kaokolamadilina lumate sa:dowali Godope luma eda:te
Yuda wa gobala wa tida:na luma edelamadili,
a:pite Ekalon baiganate enoba Yebusi baigana luma a:na:pi eda:madili.
8Na: na:dowali lumada eladele obai gwanamada:minamalowa,
giwa:lana lumate na:da:te pa:da:te edilina tepala.
Giwa:lana lumate na:dowali lumumunu wa pa:pa gwama egelamadili,
gi ase na: obai tida:lowa.
Sayonope kanabate palamalelona gi
9O Sayonope aminagi a: kabigibegale sa:kelo,.
Yelusalemape aminagi a: mamamido,
A: ti, a:dowali kanaba a: dima pa:lelo,
oba sogolanapa, oba dila galabe pawamina gi a:meta,
oba misa:minapa a:pite donkile manate pa:lelo,
enoba donki kowabile pa:lelo.
10 #
Sam 72:8
Na: Ipala:im wa gobala sakana giwa:la gawa wama alete welamalowa
gwama Yelusalem baiga gobala giwa:la oso wama alete welamalowa,
na: giwa:la gagi ka:ka:muamalowa.
Oba waelabega baiga baigama gela gilala ladolamalelo.
Obape kanabate tidolamalelona wa ya:dela wasewate dololo,
a:pite ya:dela eta wasewate dololo. A:pite Yupala:itis wasewa palala obape wa a:ibaiga a:yatama welamalelo.
11Da: gima, na: dedele bata gi kakalamite miyamana,
na: wi bininapa a:idobale da:dowali dibulana luma wama alete salamalowa.
12Da:dowali ta tolana baigama gwama na:da:la, da: taole papada:mida:na, wama saoda: gima enamadelewamena luma,
amapula na: da:dima lalelowa, na: saki tepama begasegela da:dima nagala elamalowa.
13Na: Yuda na:dowali gagi kota a:na:pi silimite,
a:pite Ipala:im soba a:na:pi ditilamalowa.
Sayon na: a:dowali sege mata pakada:minanamalowa,
Gulis wama giwa:la eda:mada:le,
a:pite a: giwa:la gili waiso a:na:pi minamalowa.
LODote saolamalelona gi
14Enoba tepala LODote sidile obai dima saolamalelo,
obape soba kadepate pa:ela gi a:na:pi elamalelo.
LOD Awananapate tutuli iwilamalelo,
oba siyale palana gogo laoda:le pa:lamalelo,
15a:pite LOD Kamalinapate obaimunu a:wa saba elamalelo.
Obaite ba:kele ditila lopalale luma dapolete
a:ima ba:ba:minamadili.
Obai sika nidiliyana luma a:na:pi mamamida:te midelamadili,
obai enobai tawanapa kabuwa a:na:pi eda:madili
lumate awana ba:kele genema sokotama wi pa:sa:pa:sa:da:minamadili.
16Ya:ma kadepala LOD Godote obaimunu galabe pawamidamamalelo
sip tida:napate obape sip gagasila sa:lele tidolamalelona gi a:na:pi.
Obaite obape wa gobala pa:kepa:ke bapina luma edelamadili,
ganabi waiya gobanapa ba:kele a:na:pi.
17Obai imimi sa:selesege eda:madili, gi dabalibapi edelamadili.
Konate dala apeda: kanika:da:na kamalida:minamalelo,
waen wi kanika:te amina iya:ta: enoba a:na:pi da:minamalelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.