Sekal 8
8
LODote Yelusalem sa:kelamina gi layana gi.
1 LOD Kamalinapape gilalatena: dima gwama pa:yana. 2Ma:ma enoba LOD Kamalinapate lalelona gilala. Na: kabigibegale Yelusalem gima nugu elelowa. Oba gima na: nugu eladele ilabega elelowa.
3Ma:ma enoba LODote lalelona gilala. Na: Sayon wama gwama isola:te pa:te Yelusalem baigala elamalowa. Enoba tepala lumate Yelusalem baiga gibalama gi baiga gagi omona:madili, obai LOD Kamalinapape saka#8:3: LOD Kamalinapape saka Sayon saka sayon gilala tilamalelo. awana saka gagi omona:madili.
4Ma:ma enoba LOD Kamalinapate lalelona gilala, a:ikoda wamidelamadilina ababayana dalata: gwama auwana atota: Yelusalem baigala nabidi ebatala gwama mitatelamadili, obai kakabeya bapima na:delamadili. 5Yelusalem baiga nabidi tepala sekowabita: susukaowabita: waelabeyagaite iyadelamadili.
6Ma:ma enoba LOD Kamalinapate lalelona gilala, gwama pa:da:madilina lumate ya:ma tepala ma:ma gima emosa:mida:madili, ameta na: ma:ma gima pa:pa emosa:minamalowa, LOD Kamalinapate lalelo.
7Ma:ma enoba LOD Kamalinapate lalelona gilala, na: kadepate pulelona palale dowatilina wata: gwama kadepate siliminanona palatale dowatilina wata:le edelina na:dowali lumumunu galabe pawamidamamalowa. 8Na: obai gwama alete pa:lamalowa Yelusalem baigala edelamada:le, obai na:dowali luma edelamadili, a:pite na: obaimunu God eladele obai dima gibalamanapata: sogolanapata: elamalowa.
9Ma:ma enoba LOD Kamalinapate lalelona gilala. Obai LOD Kamalinapape genama sokate miyana kadepala a:mala edeliyana lumate wala gilala lada:na dalimunu gilala enamadiyana, enobai luma da: kamalibega eda:la balelamina genama a:na:mina gima. 10Ya:ma tepa pa: saolanapa tepala, dalata: anekekeyapota:te oko wisa pa:pa aleletediliyana. Giwa:la emoda:dele lumate sa:lele obaimunu oko a:na:da:mina gima pa:pa awapa edeliyana, gi ase na: obaite obaimunu sopodala dima giwa:la edelamada:le gi midamayamana. 11Ameta na: ne lope ma:mai lumadima a:na:da:munoyamana gi amapula na: pa:pa gwama pa:diwina lumadima a:na:pi a:na:da:mina elamalowa, LOD Kamalinapate lalelo.
12De tolamadelewamena gulimiti sa:lele apeda:madili, ga:lip tokobe adami sa:lele alowada:madili, a:ile nana ulama sa:lele egelamadili, a:pite sawisakale mimida:bite pelolamalelo. Na: pa:diwina lumadima ma:mai gi waelabega dapulamalowa obaite alelamada:le.
13Yudata: Islaelata: da: waelabega baigabaiga a iwida:miwamena, ameta amapula na: da:pe galabe pawamidamamalowa a:pite da: obai sa:kelada:minamadelewa. Ege emodela, da: kamalibega eda:la.
14Ma:ma enoba LOD Kamalinapate lalelona gilala, da:dowali wawata:mite na:dowali ga:o gi pakamiyana tepala, na: galabe gi da:dima data gi iwaleladele da:dima pa:pa nagala eloyamana, LOD Kamalinapate lalelo, 15enoba a:na:pile na: gi a iwalewamena ne Yelusalemata: Yudata:dima sa:sa:lena gi dapulamalale. Ege emodela. 16#Epe 4:25Ma:mai enobai de a:na:da:minamadelewamena gi, da: ameta gibalama gilala etadima lata edela, a:pite gi babamina sabala da: gibapi gita: gwama sogola gita:le gi babamina. 17Da: ege sopodaladima sosawe gi a:na:da:mina nabidi uwadelela, da: ege sewatale gilala lada: gi iwida:mina. Ma:mai gi waelabega gima na: ga:olelowa, LODote lalelo.
18 LOD Kamalinapape gilalate gwamana: dima pa:yana. 19LOD Kamalinapate a:negelalelo, de samoso 4 ta:, 5 ta:, 7 ta:, gwama 10 ta:le baya awana eda:te edelewamena, Yuda ameta a:mai tetepala kabigibegale sa:keladele poko a:na:da:munamalelo. Enobala da: gibapi gita: gela gita: alela.
20Ma:ma enoba LOD Kamalinapate lalelona gilala. Luma waelabeyagaite pa:da:madili a:pite eta:mi baigabaigale pa:delamadili, 21a:pite eta baigana lumate eta baigama na:da:te ma:na:pi lala eda:madili, saga amapula na:da:te LOD Kamalinapa dima timo edelete LOD kamalinapa uwalelamadili, na: welelowa. 22Luma waelabega opa:pa:yanata: gwama kakamalina baigabaigata: LOD Kamalinapa uwalelamada:le Yelusalem baigama pa:da:madili, oba dima timo edelamada:le.
23Ma:ma enoba LOD Kamalinapate lalelona gilala. Enoba kadepala 10 dala gilala opa:pa:yana baigabaiga gobale menagi Yudanapa dalagipe kaliko ya:de gwalite oba anamadili, saga a:da na:da:, gi ase Godote a:da elelona gi sa: a enamada:mena.
Currently Selected:
Sekal 8: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Sekal 8
8
LODote Yelusalem sa:kelamina gi layana gi.
1 LOD Kamalinapape gilalatena: dima gwama pa:yana. 2Ma:ma enoba LOD Kamalinapate lalelona gilala. Na: kabigibegale Yelusalem gima nugu elelowa. Oba gima na: nugu eladele ilabega elelowa.
3Ma:ma enoba LODote lalelona gilala. Na: Sayon wama gwama isola:te pa:te Yelusalem baigala elamalowa. Enoba tepala lumate Yelusalem baiga gibalama gi baiga gagi omona:madili, obai LOD Kamalinapape saka#8:3: LOD Kamalinapape saka Sayon saka sayon gilala tilamalelo. awana saka gagi omona:madili.
4Ma:ma enoba LOD Kamalinapate lalelona gilala, a:ikoda wamidelamadilina ababayana dalata: gwama auwana atota: Yelusalem baigala nabidi ebatala gwama mitatelamadili, obai kakabeya bapima na:delamadili. 5Yelusalem baiga nabidi tepala sekowabita: susukaowabita: waelabeyagaite iyadelamadili.
6Ma:ma enoba LOD Kamalinapate lalelona gilala, gwama pa:da:madilina lumate ya:ma tepala ma:ma gima emosa:mida:madili, ameta na: ma:ma gima pa:pa emosa:minamalowa, LOD Kamalinapate lalelo.
7Ma:ma enoba LOD Kamalinapate lalelona gilala, na: kadepate pulelona palale dowatilina wata: gwama kadepate siliminanona palatale dowatilina wata:le edelina na:dowali lumumunu galabe pawamidamamalowa. 8Na: obai gwama alete pa:lamalowa Yelusalem baigala edelamada:le, obai na:dowali luma edelamadili, a:pite na: obaimunu God eladele obai dima gibalamanapata: sogolanapata: elamalowa.
9Ma:ma enoba LOD Kamalinapate lalelona gilala. Obai LOD Kamalinapape genama sokate miyana kadepala a:mala edeliyana lumate wala gilala lada:na dalimunu gilala enamadiyana, enobai luma da: kamalibega eda:la balelamina genama a:na:mina gima. 10Ya:ma tepa pa: saolanapa tepala, dalata: anekekeyapota:te oko wisa pa:pa aleletediliyana. Giwa:la emoda:dele lumate sa:lele obaimunu oko a:na:da:mina gima pa:pa awapa edeliyana, gi ase na: obaite obaimunu sopodala dima giwa:la edelamada:le gi midamayamana. 11Ameta na: ne lope ma:mai lumadima a:na:da:munoyamana gi amapula na: pa:pa gwama pa:diwina lumadima a:na:pi a:na:da:mina elamalowa, LOD Kamalinapate lalelo.
12De tolamadelewamena gulimiti sa:lele apeda:madili, ga:lip tokobe adami sa:lele alowada:madili, a:ile nana ulama sa:lele egelamadili, a:pite sawisakale mimida:bite pelolamalelo. Na: pa:diwina lumadima ma:mai gi waelabega dapulamalowa obaite alelamada:le.
13Yudata: Islaelata: da: waelabega baigabaiga a iwida:miwamena, ameta amapula na: da:pe galabe pawamidamamalowa a:pite da: obai sa:kelada:minamadelewa. Ege emodela, da: kamalibega eda:la.
14Ma:ma enoba LOD Kamalinapate lalelona gilala, da:dowali wawata:mite na:dowali ga:o gi pakamiyana tepala, na: galabe gi da:dima data gi iwaleladele da:dima pa:pa nagala eloyamana, LOD Kamalinapate lalelo, 15enoba a:na:pile na: gi a iwalewamena ne Yelusalemata: Yudata:dima sa:sa:lena gi dapulamalale. Ege emodela. 16#Epe 4:25Ma:mai enobai de a:na:da:minamadelewamena gi, da: ameta gibalama gilala etadima lata edela, a:pite gi babamina sabala da: gibapi gita: gwama sogola gita:le gi babamina. 17Da: ege sopodaladima sosawe gi a:na:da:mina nabidi uwadelela, da: ege sewatale gilala lada: gi iwida:mina. Ma:mai gi waelabega gima na: ga:olelowa, LODote lalelo.
18 LOD Kamalinapape gilalate gwamana: dima pa:yana. 19LOD Kamalinapate a:negelalelo, de samoso 4 ta:, 5 ta:, 7 ta:, gwama 10 ta:le baya awana eda:te edelewamena, Yuda ameta a:mai tetepala kabigibegale sa:keladele poko a:na:da:munamalelo. Enobala da: gibapi gita: gela gita: alela.
20Ma:ma enoba LOD Kamalinapate lalelona gilala. Luma waelabeyagaite pa:da:madili a:pite eta:mi baigabaigale pa:delamadili, 21a:pite eta baigana lumate eta baigama na:da:te ma:na:pi lala eda:madili, saga amapula na:da:te LOD Kamalinapa dima timo edelete LOD kamalinapa uwalelamadili, na: welelowa. 22Luma waelabega opa:pa:yanata: gwama kakamalina baigabaigata: LOD Kamalinapa uwalelamada:le Yelusalem baigama pa:da:madili, oba dima timo edelamada:le.
23Ma:ma enoba LOD Kamalinapate lalelona gilala. Enoba kadepala 10 dala gilala opa:pa:yana baigabaiga gobale menagi Yudanapa dalagipe kaliko ya:de gwalite oba anamadili, saga a:da na:da:, gi ase Godote a:da elelona gi sa: a enamada:mena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.