Sekal 5
5
Puwite weloyana pepa golominanapa gi
1Na: tao gwama lotobada:te sidi palala puwite weloyana pepa golomina tiliyamana.
2Obate na: nanate tiliyana, a: powa lopala tileloya.
Na: ameta gilala wisa eyamana, na: puwite welelona pepa golominanapa tilelowa. Lewa awapamina 9 mita a:pite lupita awapamina 5 mita.
3Obatena: dima layana, ma:ma enoba iwada:mina gite wa kabigibegama welelo, gi ase ma:ma pepa ya:dela dololona gilala enoba ilina luma waelabega wama auwada:mina gilalate dololo, ya:dela dololona gilala enoba sewatale gilala ladilina luma waelabega wama auda: mina gite dololo. 4LOD Kamalinapate lalelo, na: ma:ma pepa papamina wama auwamimela obate ilina lumumunu gegenamata: sewatale na:dowali gagile gilala ladilina lumumunu gegenamata: waelabega gobama sa:elamalelo. Ya:ma pepa golomina genama gobala dolate genama ita: ba:keleta: sosaweda:munamalelo.
Eleka:isa gobala mananoyana susa:gi
5A:pite na:da gwalemonoyana pa:li lumagite pa:tena: dima a:negelayana, a: tao lotobada:te ya:ma saolelona lopala ti.
6Na: amale a:nege layamana, ya:ma powa lopalaya.
Oba amale wisa eyana. Ya:ma mene awapamina ka:isa. A:pite oba gwama a:negelayana, ma:ma enoba wa gobala edelina lumumunu sosawe#5:6: Eta:mi amata igilana gilala gobala sosawe, Ibulu gilala gobala tao. gi.
7Amale ya:ma auli ka:isa ede pakeyana a:pite susa:gi a:ma gobala mananoyana.
8Oba amale layana, ma:ma enoba sosawe gi. A:pite oba a:ma susa:gi gwama ka:isa gobama usumite auli ede gwama kamiyana. 9A:pite na: tao lotobada:te ato saki wama saoliyana tida:yamana, ibowate obaimunu a:ita gobale laodoloyana. Obaimunu a:ita enoba kowa:go puwida:pe a:ita a:na:pi. Obaite ya:ma ele ka:isa a:ile egete sidima pakamiyana.
10Na:da gwalemonoyana pa:li lumagi anate tiliyamana, obai saki ya:ma ele ka:isa miya wama egete na:niliya.
11Oba amale a:negelayana, Obai ya:ma ele ka:isa Ba:bilon wama egete na:nili, amale obape genama a:na:minamalale. A:ma genama gi guwila obai a:ma ele ka:isape saba bapima a:ma ele ka:isa milamadili.
Currently Selected:
Sekal 5: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.