SI VAVAGI APOSETOLO 1

1E Tiopilo! #Lk 1.1-4

Omitibogwa lagini pilatala buki pilabogwa;#Mapilana Bulogala Bwaina makawala Luka kala Ginigini. e mapilana lagini komwaidona avaka Yesu iuvagi deli iuvituloki, igau ivitouli la paisewa 2eima itobu yam makwaina ila walakaiwa. Igau gala bila walakaiwa, Yesu ililivala ola peula Baloma Tobumaboma e isisaiki kasi karaiwaga matausina einigibogwi paila la aposetolo.#Matausina isim kasi karaiwaga bililivalasi deli biuvagaisi metoya ola karaiwaga matauna kasi towitala. 3Eitokaia imovavau, e iyoumatila omitasi sivabidubadu makawala kweluwovasi yam. E gala gagabila bininayuwasi, ikatetasi mokwita goli leimovavau. Eibudobodasi deli, e ikikaiyakusi paila Karaiwogala Yaubada.#Yaubada la guyau odabala valu watanawa deli odubasi mina watanawa. 4Leisigugulasi e Yesu iluki matausina, kawala, “Taga kusilavaisi mapilana Yerusalem mitaga kutulotulasi, igau Tamagu bisakaimi avaka eikatotila,#Baisa Baloma Tobumaboma (kugisi VA 2.33). makwaina lalukibogwimi. #Lk 24.49 5Paila Yoni ibapitaisi metoya wa sopi, mitaga igau kwaivila yam bukubodasi kami bapitaiso metoya baisa Baloma Tobumaboma goli.” #Md 3.11; Mk 1.8; Lk 3.16; Yn 1.33

Yesu ila walakaiwa

6Tutala Yesu deli isigugulasi, aposetolo ikatupoiyaisi matauna, kawasi, “Ki, Guyau, kaina tuta baisa bukukwaimali kabokwaraiwaga baisa yakamaisi mina Isireli?”#Ki, Guyau…mina Isireli: Gagabila bitagini, “Ki, Guyau, kaina tuta baisa bukuguyoi yakamaisi mina Isireli?”

7Yesu ivitakauloki matausina, kawala, “Tamagu titoulela leikaraiwaga e leinagi avai kweluva kaina avai tuta biyoulapulasi vavagi makwaisina. Gala bibodaimi yokomi bukukwatetasi avai tuta bikaloubusisi. 8Mitaga Baloma Tobumaboma bikubolaimi e tuta matutona bikatupewolaimi; e mapaila bukusolasi paila yeigu mapilana Yerusalem, e tuvaila Yudia deli Sameria#Mapilasina katupoyu kala bobu mapilana Palesitaini. pilamwaidona, e bila okala kalitutila valu watanawa goli.” #Md 28.19; Mk 16.15; Lk 24.47-48 9Ililivala e ikapatu. E matausina igigisaisi iligalaguva ila walakaiwa wa labuma e lowalowa itabodi matauna. #Mk 16.19; Lk 24.50-51

10Isisilavi matausina ikounakailasi labuma, e ka, taiyu eisikamsi karekwa yapupwakau nani iyoumatilasi otalisi. 11Ikaibigasi, kawasi, “Tauwau! Yokomi mina Galili! Avaka uula kutotusi kukounakailasi labuma? Bogwa lokugisaisi ammakawala matauna Yesu leisilavaimi leila walakaiwa wa labuma. E makawala goli matauna bikaimilavau bima.”

Inagaisi taitala bikaimapu Yudasa

12E oluvi aposetolo isilavaisi Koya Umilela Olibe#Mapilana katitaikina Yerusalem opilibomatu. ikaimilavausi Yerusalem, baisa kala malola bila ovalu katupotala katupwaila keda (1 km). 13E matausina bogwa eiviloubusisi Yerusalem e imwenasi wa bwala matabudona mesisikaisi, Pita, Yoni, Yemesa deli Anideru, Pilipi deli Tomasi, Batolomiu deli Madiu, Alipio latula Yemesa, Saimoni idokaisi Toyubayoba, deli Yemesa latula Yudasa. #Md 10.2-4; Mk 3.16-19; Lk 6.14-16 14E komwaidosi matausina isigugulasi gulitinidesi paila bininigadasi; deli vivila isilomlasi osi sigugula, e minana Meri Yesu inala, toyo Yesu budala.

15E igau kwaivila yam leiwokuva isigugulasi todubumi kasi bawa kaina lakatutala tailuwoyu. E Pita itomalaula mwada bilivala. 16E ikawota, kawala, “Segwaia! Buki Pilabumaboma kala ginigini isisu ammakawala Baloma Tobumaboma eivitububoti baisa owodola Debida paila Yudasa, matauna ivakadi#Kugisi Lk 22.47. matausina paila biyosisi Yesu. E ibodi ginigini makwaina gala bisala. 17E Yudasa matauna taitala sodasi oda bodasi, paila matauna Yesu leinagi isim la koni paila da wotetilasi.”

18(Mapaila Yudasa bogwa leikau mani mapula la sula e ilau igimloki kubilatala kwabila. E makubilana ikapusi ikatubolu lopola e iduuyela sileula komwaidona e ikaliga matauna. #Md 27.3-8 19Komwaidosi mina Yerusalem leilagaisi baisa, mapaila obonasi#Baisa biga Aram. idokaisi makubilana Akelidama, baisa kala katumiki “Kubilela Buyavi”.)

20“Paila mapilana Sam kala ginigini isisu,

‘Ibodi la bwala bikwaiwokuva;

gala ibodi availa bisiki.’

Deli tuvaila kala ginigini isisu,

‘Ibodi availa bikaimapu la koni.’ #Sam 69.25; 109.8

21-22“Mapaila ibodi taitala bitokailaimasi e bakasolasi deli paila Guyau Yesu la movavau. Paila Yesu leititavina oluwalaidasi, igau ivitouula tutala Yoni ikamituli paila bapitaiso, leima meitobu tutala Yesu isilavaidasi ila walakaiwa. Ibodi bitanagaisi taitala metoya baisa availa availa deli lakabokulaisi tuta komwaidona.” #Md 3.16; Mk 1.9; 16.19; Lk 3.21; 24.51

23Mapaila idouwaisi taiyu tauwau; taitala Yosepa idokaisi Basaba e igitolula Yusito; e taiyuwela Mataiasi. 24E inigadasi kawasi, “Guyau, ka! Tomota komwaidosi ninasi kunikoli. Mapaila kuvitulokaimasi avai tau lokunagi, 25kidamwa bikaimapu Yudasa biyosi la koni bimila aposetolo. Baisa wotetila makwaina Yudasa leisilavi leimgwa ambaisa ibodi bilokaia.” 26Oluvi ikowobobutasi mwada binagaisi avai yegila. Inagaisi Mataiasi e mapaila isailisi matauna deli matausina aposetolo tailuwotala taitala.

Currently Selected:

SI VAVAGI APOSETOLO 1: PNGKIR

Highlight

Copy