Koula 6
6
1Ndè té ke ndjè kao go Jésus té an nya, dooudjé ke to Hellénistedjé maitar ke dooudjé ke to Hébreudjé, mbata tar dènè ndouba lodè ikidè tokou dèdè nkai né ke ndò ke ndò.
2Dèdè dòkou gérè djo mmar ndjè kao go Jésus té toï, dèdè mpana, To tar ke gaté gaté ang mbata lodjè ta kïya ta pa tar lo Allah ta da koula table.
3Tokou ban ngakömdjé, esangidjé dooudjé shiri horosè té ke dooudjé pa tar lodè madji, ke mèdè dousou ke Ndil ndja ke kemkarè tò, dèdè ke djèdjè djase bardè ke daka ta da koula nèn.
4Bana djèdjè ndja, dja ngem ta doudjou Allah ke ta da koula pa tar maketourou.
5Tar ke dèdè mpa nèl dooudjé ke baya baya toï. Dèdè mmar Etienne, doou ke dousou ke ko mè té ke Ndil ke madji toï, dèdè mmar Philippe, ke Prochore, ke Nicanor, ke Timon, ke Parménas, ke Nicolas, doou ke Antioche ke ao tourou rè Juif.
6Dèdè ntòdjoudè ndjè kouladjé, dèdè ndoudjou Allah ke dila djidè dodè té.
7Tar lo Allah bar nya ke ndjè kao go Jésus té an baya baya Jérusalem té, ke mare ndjè kòrdjé baya wo mèdè té tò.
8Etienne dousou ke mè madji ke singa, nda tòkou né ta kare mè dooudjé ounda dò biä nya, ke né tòdjou ke nè nda horo dooudjé té.
9Tokou ban mare dooudjé horodè té ke nto ndjè kei Allah ke ri keiè na Affranchis, ke maredjé ke Cyrénéen, ke maredjé ke Alexandrin, ke maredjé ke Cilicie ke Asie, dèdè dï mmaitar ke Etienne.
10A dèdè dase ta kouta kemkarè ke Ndil ke nè mpa kendé ang.
11Tokou ban dèdè mmar mare dooudjé goukou hoi bè ta pa, Djèdjè djoè nè mpa tar sä do Moïse té ke Allah.
12Dèdè ntourou mè dooudjé ke tòkou dooudjé ke ndjè da maketourou ndedjidjé, dèdè ndé dè té, dèdè dwèè dao sa rò ndjè gange sariadjé té.
13Dèdè mmar ndjè pa tar nadji ngem, ke mpana, Doou nèn ïya ang ta pa tar mbeté loou ke madji nèn ke tar ndedji.
14Mbata djèdjè djoè nè mpana Jésus ke Nazareth nèn a toudjou loou nèn, ke nè na tourou tar béh ke Moïse aredjè leo.
15Dèdè toï ke disi loou gange saria té, tokou dèdè dèè somomo, dèdè do kèmè to tokou kem ange.
Currently Selected:
Koula 6: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
